Proverbs 11
11
1Atanġum umigigaich iñuich saglutaġuuruat uqumaisilaaġutinik.
Quviasuuttaġigaich iłuaqtuat uqumaisilaaġutit.
2Iñuich arguaŋaruat kanŋunaqtuamun tikiññiaqtut.
Isumatulhaaqtuq piunialaŋitchuni.
3Nakuuguvich, igliġutigaatin iluaqtuam.
Iñuich ukpiġnaitchuat maqutausuurut ilimik saglutautimignun.
4Umialgutit ikayuutauniaŋitchut uvluani tuqqutikpich,
aglaan saglutautaiññiġum annautiniaġaa iñuggutin.
5Nalaunŋasipkaqtauniġum ikayuġniaġaa patchisaitchuam iñuusiŋa,
aglaan pigiitchualiqiruaq maqutauniaqtuq pigiitchualiqiniġmiġun.
6Nalaunŋasiñiġum annautiniaġai ukpiġnaqtuat,
aglaan ukpiġnaitchuat tigurausuurut ilimik kaviuqqutimigniñ.
7Pigiiḷiqirauruaq tuqumman, niġiukkutaat tuquqatausuuruq.
Nalupqisuutairrun inillaŋamman umialgutinun sunnautausuitchuq.
8Nalaunŋaruat annaummisuurut iłuitchuamiñ;
pigiitchuanuksiññaġuuruq.
9Suksraunġiqsauyumiñaqtutin uqaluatigun god-aitchuat iñuich,
aglaan isumattutaata nalaunŋaruakuaqtuat annautiyumiñaġaatin.
10Iniqpak quviasuguurut ukpiġnaqtuat piḷḷuataġmata,
suli quviasukhutik nipaalasuurut pigiitchuaq tuqumman.
11Iniqpak qutchiksiḷiġuuruq nalaunŋaruat ikayuġmarruŋ;
aglaan iniqpak maqutausuuruq uqaluŋiññun pigiitchualiqiruam.
12Iluaŋitchuq uqautikłiqsuni kipagivlugi allat.
Kaŋiqsisiqaġuvich, nipaisaaġniaqtutin.
13Uqautikłiġuuruaq uqautisuġnaitchuq allanun iḷisimatquŋitchaġnik,
aglaan uqautiyumiñaġiñ sunigliqaa ukpiġnaqtuaq iñuk.
14Nunaqpauruaq suksraunġiġñiaqtuq aullarraitkumi.
Natqiksruirit ikayuutausuurut payaŋaiññiġmun.
15Unniqsuqłiiguvich akiḷiġñiaġniḷugu naluraqpich akiiḷaŋa,
nunuuraġniaqtutin. Iluałhaaġniaqtuq iḷaksruutauŋitkuvich.
16Aŋalatchiḷḷuataġuuruaq aġnaq qiksigisuugaat,
aglaan nakłikkutaiḷat aŋutit umiallagniaqtut.
17Iliŋnun ikayuutauruq aŋalatchisuukavich.
Aŋalatchimaqłukkavich, iliŋnun anniaġutausiññaqtuq.
18Pigiiḷḷiqirauruat iñuich sunnayuitchut,
aglaan iluaqtuakuaġavich, nalunaitchuq akiññagniaqtutin.
19Kiñaliqaa iluaqtuakuaġumaruaq iñuuniaqtuq,
aglaan kiñaliqaa killukun iñuuruaq tuquniaqtuq.
20Atanġum naġġugipiallakkai pigiiḷḷiqirauruat iñuich,
aglaan nakuaġigaich iluaqtuakuaqtuat.
21Iḷisiminaqtuq piḷuktuat iñuich tatavsaqtauniaqtut,
aglaan nalaunŋaruakuaqtuaq tatavsaqtauniaŋitchut.
22Aġnaġigñiŋa aġnam iluaqtuakuaŋiḷḷaġmi
qiññaqaqtuq qitiqłiaġutiliktun maniktun kaviqsuamik tuttuqłuum sigguatun.
23Kipiġniuġutiŋi nalaunŋarualiqiruam nakuusuurut;
pigiiḷḷiqirauruat pisuutaat nalaunman, tatavsautausuuruq.
24Iñuum aitchuqtuutigiraġigaich atanġiḷaaqługu maniñi, aasii piññavsaaqłuni.
Allaliasii anniqsrauturuaq, piiḷḷiulivsaaġhuni.
25Sigñataitchin, aasii sunnavsaaġniaqtutin.
Ikayukkich allat, aasii ikayuusiaqaġniaqtutin.
26Iñuich pimaqłuktitchuugaat tutquqtuisuuruaq palauvaksranik akisusitchiaqługich,
aglaan nanġaġuugaat tuniuqqaiyummatiqaqtuaq piqaqtuksraummata.
27Iłuaqtuakun savakkuvich iviġaumaginiaġaatin,
aglaan pigiitchuamik ivaqłiġuvich, paqinniaġiñ.
28Iliŋich umialgutimignun katagaaġniaqtut akutuqpaktun ukiami,
aglaan nalaunŋaruat nauniaqtut akutuqpaŋisun upinġaam.
29Iliŋich iluiḷḷiuqtitchiruat aimaaġviqatiimignik sunnagniaŋitchut.
Asiḷiqiruat iñuich kivgausaġataqtut isumaturuanun.
30Nalaunŋasiñiq iñuggutauruq,
aglaan pimaqłuktaġniġum piiġñiaġaa.
31 #
1 P 4.18. Iliŋich nalaunŋaruat akiññaguurut maani nunami,
tavraasii iḷisimanatuq pigiitchuallu piḷuktuallu iñuich tatavsaqtauniaqtilaaŋiññik.
Currently Selected:
Proverbs 11: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 11
11
1Atanġum umigigaich iñuich saglutaġuuruat uqumaisilaaġutinik.
Quviasuuttaġigaich iłuaqtuat uqumaisilaaġutit.
2Iñuich arguaŋaruat kanŋunaqtuamun tikiññiaqtut.
Isumatulhaaqtuq piunialaŋitchuni.
3Nakuuguvich, igliġutigaatin iluaqtuam.
Iñuich ukpiġnaitchuat maqutausuurut ilimik saglutautimignun.
4Umialgutit ikayuutauniaŋitchut uvluani tuqqutikpich,
aglaan saglutautaiññiġum annautiniaġaa iñuggutin.
5Nalaunŋasipkaqtauniġum ikayuġniaġaa patchisaitchuam iñuusiŋa,
aglaan pigiitchualiqiruaq maqutauniaqtuq pigiitchualiqiniġmiġun.
6Nalaunŋasiñiġum annautiniaġai ukpiġnaqtuat,
aglaan ukpiġnaitchuat tigurausuurut ilimik kaviuqqutimigniñ.
7Pigiiḷiqirauruaq tuqumman, niġiukkutaat tuquqatausuuruq.
Nalupqisuutairrun inillaŋamman umialgutinun sunnautausuitchuq.
8Nalaunŋaruat annaummisuurut iłuitchuamiñ;
pigiitchuanuksiññaġuuruq.
9Suksraunġiqsauyumiñaqtutin uqaluatigun god-aitchuat iñuich,
aglaan isumattutaata nalaunŋaruakuaqtuat annautiyumiñaġaatin.
10Iniqpak quviasuguurut ukpiġnaqtuat piḷḷuataġmata,
suli quviasukhutik nipaalasuurut pigiitchuaq tuqumman.
11Iniqpak qutchiksiḷiġuuruq nalaunŋaruat ikayuġmarruŋ;
aglaan iniqpak maqutausuuruq uqaluŋiññun pigiitchualiqiruam.
12Iluaŋitchuq uqautikłiqsuni kipagivlugi allat.
Kaŋiqsisiqaġuvich, nipaisaaġniaqtutin.
13Uqautikłiġuuruaq uqautisuġnaitchuq allanun iḷisimatquŋitchaġnik,
aglaan uqautiyumiñaġiñ sunigliqaa ukpiġnaqtuaq iñuk.
14Nunaqpauruaq suksraunġiġñiaqtuq aullarraitkumi.
Natqiksruirit ikayuutausuurut payaŋaiññiġmun.
15Unniqsuqłiiguvich akiḷiġñiaġniḷugu naluraqpich akiiḷaŋa,
nunuuraġniaqtutin. Iluałhaaġniaqtuq iḷaksruutauŋitkuvich.
16Aŋalatchiḷḷuataġuuruaq aġnaq qiksigisuugaat,
aglaan nakłikkutaiḷat aŋutit umiallagniaqtut.
17Iliŋnun ikayuutauruq aŋalatchisuukavich.
Aŋalatchimaqłukkavich, iliŋnun anniaġutausiññaqtuq.
18Pigiiḷḷiqirauruat iñuich sunnayuitchut,
aglaan iluaqtuakuaġavich, nalunaitchuq akiññagniaqtutin.
19Kiñaliqaa iluaqtuakuaġumaruaq iñuuniaqtuq,
aglaan kiñaliqaa killukun iñuuruaq tuquniaqtuq.
20Atanġum naġġugipiallakkai pigiiḷḷiqirauruat iñuich,
aglaan nakuaġigaich iluaqtuakuaqtuat.
21Iḷisiminaqtuq piḷuktuat iñuich tatavsaqtauniaqtut,
aglaan nalaunŋaruakuaqtuaq tatavsaqtauniaŋitchut.
22Aġnaġigñiŋa aġnam iluaqtuakuaŋiḷḷaġmi
qiññaqaqtuq qitiqłiaġutiliktun maniktun kaviqsuamik tuttuqłuum sigguatun.
23Kipiġniuġutiŋi nalaunŋarualiqiruam nakuusuurut;
pigiiḷḷiqirauruat pisuutaat nalaunman, tatavsautausuuruq.
24Iñuum aitchuqtuutigiraġigaich atanġiḷaaqługu maniñi, aasii piññavsaaqłuni.
Allaliasii anniqsrauturuaq, piiḷḷiulivsaaġhuni.
25Sigñataitchin, aasii sunnavsaaġniaqtutin.
Ikayukkich allat, aasii ikayuusiaqaġniaqtutin.
26Iñuich pimaqłuktitchuugaat tutquqtuisuuruaq palauvaksranik akisusitchiaqługich,
aglaan nanġaġuugaat tuniuqqaiyummatiqaqtuaq piqaqtuksraummata.
27Iłuaqtuakun savakkuvich iviġaumaginiaġaatin,
aglaan pigiitchuamik ivaqłiġuvich, paqinniaġiñ.
28Iliŋich umialgutimignun katagaaġniaqtut akutuqpaktun ukiami,
aglaan nalaunŋaruat nauniaqtut akutuqpaŋisun upinġaam.
29Iliŋich iluiḷḷiuqtitchiruat aimaaġviqatiimignik sunnagniaŋitchut.
Asiḷiqiruat iñuich kivgausaġataqtut isumaturuanun.
30Nalaunŋasiñiq iñuggutauruq,
aglaan pimaqłuktaġniġum piiġñiaġaa.
31 #
1 P 4.18. Iliŋich nalaunŋaruat akiññaguurut maani nunami,
tavraasii iḷisimanatuq pigiitchuallu piḷuktuallu iñuich tatavsaqtauniaqtilaaŋiññik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)