Proverbs 10
10
Solomon-gum Alġaqsruutiŋich
1Ukua Solomon-gum alġaqsruutiŋich:
Isumaturuat miqłiqtut quviasuktitchuugaich aapatiŋ;
isumatupiaŋitchuat isumaaluktitchuugaich aakatiŋ.
2Suġallagnik pitqiksiġaġuni ikayuutauniaŋitchuq iliŋnun,
aglaan pitqiksiġautaiññiġum annautiniaġaatin tuqqunmiñ.
3Atanġum kaaksiupkaġniaŋitkaich iñuich nakuuruat,
aglaan pigiitchuat piññaktinniaŋitkaich pigisuktaŋiññik.
4Iqiasuuguvich suiḷḷiuġniaqtutin,
aglaan savvaqtuguvich suġalliñiaqtutin.
5Isumaturuam katitchuugaich nauruat itqanaiġmata;
kanŋunaqtuq siñiktuaqtuni kivluiñaqsipkaqługu.
6Ikayuusiat niaquġusiġuugaich nalaunŋarualiqiruat;
aglaan piaqłuktautim payarisuugaa qaniŋa pigiiḷḷiqirauruam.
7Nakuuruat iñuich itqaumaniaġaich ikayuutiŋisigun,
aglaan pigiḷḷiqirauruat atiŋi auniaqtut.
8Isumaturuat iñuich akuqtuumasuurut iluaqtuanik siḷġiqsuutinik.
Iñuich asiḷiqiruat suksraunġiqsauniaqtut.
9Saglutuitchuat iñuich anayanaitchuamiittut suli payaŋaitchuami,
aglaan sagluturuat aŋurauniaqtut.
10Iñuk iḷumutuuŋitchuaq iluiḷḷiuqtitchiñiaqtuq,
aglaan natqiksruiruaq tutqiutiqaqtitchiñiaqtuq.
11Nakuuruam uqaluŋich iñuggutitun maqiruatun ittut,
aglaan pigiiḷḷiqiruam uqaluŋich iriqtuġaat qinnayuŋniŋa.
12 #
Jas 5.20; 1 P 4.8. Uumisuutim aŋalatchuugaa pimakłuktaun,
aglaan nakuaqqutim suliqutigiŋaiġuugaich killukuaqtautit.
13Puqiksuat iñuich kaŋiqsiñaqtut uqaluŋich,
aglaan isumatuitchuat tatavsaqtuksraurut.
14Isumaturuat iḷitchuġiniaġuurut pisuqtilaamiktun,
aglaan isumalluaġiitchuat uqaġmata, pimakłuktaun tikiyaruq.
15Suġalliqaġniġum suaŋapkaġuugaa umialguruaq iñuk;
suiḷḷiuġniġum suksraunġiġuugaa piiḷḷiuqtuaq.
16Akiḷiusiaksraŋa iluatun iñuuniġum iñuggun,
aglaan piḷuusiqiniq tikitchuuruq piḷuusiqinivsaamun.
17Iñuich naalaġniruat natqiksruġmatiŋ iñuusiqaġniaqtut,
aglaan iliŋich killukuaġniḷutik uqallaŋitchuat anayanaqtuamiittut.
18Kiñaliqaa iriqtuiruaq uumisuutimiñik sagluturuq.
Kiñaliqaa siamitchiruaq saŋurrutinik isumalluaġiitchuq.
19Uqqaqtuguvich, uŋasiŋitchutin piḷuusiqiniġmiñ.
Isumatuguvich nipaisaaġniaqtutin.
20Nakuuruam iñuum uqaluŋich ittut salumapiaġataqtuatun qatiqtuatun maniktun;
pigiiḷḷiqiruam iñuum isumaŋich suksrauŋitchut.
21Nakuuruam iñuum uqaluŋisa ikayuġniaġaich iñugiaktuat iñuich,
aglaan tuqutauyumiñaqtutin isumatuiḷuktaġniġnun.
22Atanġum ikayuutaata umiallaktitchuugaatin.
Aasii suli Atanġum iḷasuitkaa umialgutin isumaaluutinik.
23Asiḷiqqutauruq quviagiruni killukuaqtaġniq.
Puqiksuat iñuich quviagigaat isumatuniq.
24Nalaunŋarualiqiruat piññaguurut pigisuktamiŋnik,
aglaan pigiiḷḷiqirauruat piññaguurut iqsigiłhaaqtamiŋnik.
25Anuġiqłuk tikiñman, pigiiḷḷiqiruat tiŋitausuurut,
aglaan pitqiksiġautaitchuat anayanniusuitchut.
26Iqiasuuruamun savautipkaġnak;
anniqsuutauŋitchuq vinegar-tun kigutignun naaggaunnii avyuqtun irragnun.
27Qiksiksrautiqaġniq Ataniġmun sivitchuqtaaġuugaa iñuggun.
Pigiiḷḷiqirauruat tuqunaġiaġuurut.
28Niġiukkutiŋisa nakuuruat iñuich tikiutisuugaich quviasuunmun,
aglaan pigiiḷḷiqirauruat iñuich sumik tikiññiaqtuamik niġiugaksraitchut.
29Atanġum anayanniuqtitchuitkaich iluaqtuakuaqtuat iñuich,
aglaan suksraunġiġuugaich pigiiḷḷiqirauruat.
30Nalaunŋaruat iñuich anayanaitchuamiisuŋaiññaġniaqtut,
aglaan pigiiḷḷiqirauruat nunamiitchumiñaitchut.
31Nalaunŋaruat iñuich isumaturuakun uqaqtut,
aglaan uqaqtuaq killukuaqtautikun nutqaqtitauniaqtuq.
32Nalaunŋaruat iñuich iḷisimarut nakuuruamik uqaluksramiŋnik,
aglaan pigiiḷḷiqirauruat uqaluŋich killukuaġutausuurut.
Currently Selected:
Proverbs 10: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 10
10
Solomon-gum Alġaqsruutiŋich
1Ukua Solomon-gum alġaqsruutiŋich:
Isumaturuat miqłiqtut quviasuktitchuugaich aapatiŋ;
isumatupiaŋitchuat isumaaluktitchuugaich aakatiŋ.
2Suġallagnik pitqiksiġaġuni ikayuutauniaŋitchuq iliŋnun,
aglaan pitqiksiġautaiññiġum annautiniaġaatin tuqqunmiñ.
3Atanġum kaaksiupkaġniaŋitkaich iñuich nakuuruat,
aglaan pigiitchuat piññaktinniaŋitkaich pigisuktaŋiññik.
4Iqiasuuguvich suiḷḷiuġniaqtutin,
aglaan savvaqtuguvich suġalliñiaqtutin.
5Isumaturuam katitchuugaich nauruat itqanaiġmata;
kanŋunaqtuq siñiktuaqtuni kivluiñaqsipkaqługu.
6Ikayuusiat niaquġusiġuugaich nalaunŋarualiqiruat;
aglaan piaqłuktautim payarisuugaa qaniŋa pigiiḷḷiqirauruam.
7Nakuuruat iñuich itqaumaniaġaich ikayuutiŋisigun,
aglaan pigiḷḷiqirauruat atiŋi auniaqtut.
8Isumaturuat iñuich akuqtuumasuurut iluaqtuanik siḷġiqsuutinik.
Iñuich asiḷiqiruat suksraunġiqsauniaqtut.
9Saglutuitchuat iñuich anayanaitchuamiittut suli payaŋaitchuami,
aglaan sagluturuat aŋurauniaqtut.
10Iñuk iḷumutuuŋitchuaq iluiḷḷiuqtitchiñiaqtuq,
aglaan natqiksruiruaq tutqiutiqaqtitchiñiaqtuq.
11Nakuuruam uqaluŋich iñuggutitun maqiruatun ittut,
aglaan pigiiḷḷiqiruam uqaluŋich iriqtuġaat qinnayuŋniŋa.
12 #
Jas 5.20; 1 P 4.8. Uumisuutim aŋalatchuugaa pimakłuktaun,
aglaan nakuaqqutim suliqutigiŋaiġuugaich killukuaqtautit.
13Puqiksuat iñuich kaŋiqsiñaqtut uqaluŋich,
aglaan isumatuitchuat tatavsaqtuksraurut.
14Isumaturuat iḷitchuġiniaġuurut pisuqtilaamiktun,
aglaan isumalluaġiitchuat uqaġmata, pimakłuktaun tikiyaruq.
15Suġalliqaġniġum suaŋapkaġuugaa umialguruaq iñuk;
suiḷḷiuġniġum suksraunġiġuugaa piiḷḷiuqtuaq.
16Akiḷiusiaksraŋa iluatun iñuuniġum iñuggun,
aglaan piḷuusiqiniq tikitchuuruq piḷuusiqinivsaamun.
17Iñuich naalaġniruat natqiksruġmatiŋ iñuusiqaġniaqtut,
aglaan iliŋich killukuaġniḷutik uqallaŋitchuat anayanaqtuamiittut.
18Kiñaliqaa iriqtuiruaq uumisuutimiñik sagluturuq.
Kiñaliqaa siamitchiruaq saŋurrutinik isumalluaġiitchuq.
19Uqqaqtuguvich, uŋasiŋitchutin piḷuusiqiniġmiñ.
Isumatuguvich nipaisaaġniaqtutin.
20Nakuuruam iñuum uqaluŋich ittut salumapiaġataqtuatun qatiqtuatun maniktun;
pigiiḷḷiqiruam iñuum isumaŋich suksrauŋitchut.
21Nakuuruam iñuum uqaluŋisa ikayuġniaġaich iñugiaktuat iñuich,
aglaan tuqutauyumiñaqtutin isumatuiḷuktaġniġnun.
22Atanġum ikayuutaata umiallaktitchuugaatin.
Aasii suli Atanġum iḷasuitkaa umialgutin isumaaluutinik.
23Asiḷiqqutauruq quviagiruni killukuaqtaġniq.
Puqiksuat iñuich quviagigaat isumatuniq.
24Nalaunŋarualiqiruat piññaguurut pigisuktamiŋnik,
aglaan pigiiḷḷiqirauruat piññaguurut iqsigiłhaaqtamiŋnik.
25Anuġiqłuk tikiñman, pigiiḷḷiqiruat tiŋitausuurut,
aglaan pitqiksiġautaitchuat anayanniusuitchut.
26Iqiasuuruamun savautipkaġnak;
anniqsuutauŋitchuq vinegar-tun kigutignun naaggaunnii avyuqtun irragnun.
27Qiksiksrautiqaġniq Ataniġmun sivitchuqtaaġuugaa iñuggun.
Pigiiḷḷiqirauruat tuqunaġiaġuurut.
28Niġiukkutiŋisa nakuuruat iñuich tikiutisuugaich quviasuunmun,
aglaan pigiiḷḷiqirauruat iñuich sumik tikiññiaqtuamik niġiugaksraitchut.
29Atanġum anayanniuqtitchuitkaich iluaqtuakuaqtuat iñuich,
aglaan suksraunġiġuugaich pigiiḷḷiqirauruat.
30Nalaunŋaruat iñuich anayanaitchuamiisuŋaiññaġniaqtut,
aglaan pigiiḷḷiqirauruat nunamiitchumiñaitchut.
31Nalaunŋaruat iñuich isumaturuakun uqaqtut,
aglaan uqaqtuaq killukuaqtautikun nutqaqtitauniaqtuq.
32Nalaunŋaruat iñuich iḷisimarut nakuuruamik uqaluksramiŋnik,
aglaan pigiiḷḷiqirauruat uqaluŋich killukuaġutausuurut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)