Numbers 4
4
Savaaksrautiŋich Kohath-gum Kiŋuvaaŋisa
1Atanġum uqallautigaik Moses-lu Aaron-lu 2kisitchitquvlugik Levi-m kiŋuvaaŋiññiñ Kohath-gum kiŋuvaaŋiññik, iḷagiiksuatigullu, aŋayuqaaġiiksuatigullu, 3suli agliutilugich iluqaisa aŋutit ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani.
4Uvva savaaŋat Kohath-gum kiŋuvaaŋisa Tupiġmi Atanġum nayuqtauviani: savaaqaġniaqtut salumapiaġataqtuanik. 5Aullaġnaqsiraġikpata, Aaron iġñiniḷu isiġniaqtut Tupiġmun, talukiyaaq piiġḷugu sivuġaaniittuaq Sivunniuġutim Kiguunniŋata, aasii matulugu Kiguunniq taaptumiŋa. 6Qitummaaġiksuamik qisisamik matulugu, suŋauraaqtaamiglu ukił̣haamik matulugu, aasii iviqtillugik akigautik.
7Suŋauraaqtaamik ukił̣haamik taluniaġaat niġġivik punniġum aitchuutauruam Ataniġmun irvianun aasii tavruŋaġlugich puggutaurat, qallutit, iḷuturuanik puggutauranik aitchuutiqaġviksranik, wine-qaġvigniglu. Inniaqtuq punniq iñiġlugu niġġivigmi. 8Kaviqsuamik ukił̣haamik taapkua iluqaisa matulugich, qitummaaġiksuamik qisisamik matulugu aasii iviqtillugik akigautik.
9Suŋauraaqtaamik ukił̣haamik taluniaġaat naparuaq naniqaġvik, naniŋiḷḷu, tiguullautiŋiḷḷu, aġraliqullu, iluqaisalu nannich uqsruksraŋisa puuŋich. 10Nimmaaġniaġaich taputilugich suġauttapayauraŋich qitummaaġiksuamun qisisamun aasii iḷiḷugich akigaunmun.
11Isivinniaġaat suŋauraaqtaaq ukił̣haaq qaaŋanun ikipkaivium savaaguruam kaviqsuamik manigmik, aasii matulugu qitummaaġiksuamik qisisamik, iviqtillugik aasii akigautik.
12Iluqaisa niġiñiutit atuġuuraŋich Salumaruami Inimi piruksraġigaich, nimmaaġutilugich suŋauraaqtuamun ukił̣haamun, qitummaaġiksuamik qisisamik matulugich, aasii iḷiḷugich usiaġvium avaluanun. 13Aġraiyaġlugu patukpagmiñ ikipkaiviḷiaq aasii matulugu tigluuraaqtaamik ukił̣haamik. 14Tavruŋaġlugich iluqaisa atuġuuraŋich ikipkaivigmi: aġraliqutit, kakiurat, piksrugaurat, iḷuturuallu puggutaurat. Qitummaaġiksuamik qisisamik matulugich aasii iviqtillugik akigaunnaŋik. 15Aaron-guvlu iġñiŋiksalu matuuganikpatigich salumaruat suġauttapayaurat, aullaġnaqsikpata kisian, Kohath-gum kiŋuvaaŋisa tigumiaġiaġniaġaich. Aglaan aksiktuksraġiŋitkaich salumaruat suġauttaŋich, atakkii tainna pituaġumiŋ tuquniaqtut. Kohath-gum kiŋuvaaŋisa tigumiaġniaġaich tamatkua iḷuaniittuat Tupqum Atanġum nayuqtauviata.
16Eleazar-m iġñiŋata Aaron-gum, aŋaiyyuliqsiqpauruam, aŋalanniaġaa iluqaan Tupiq suli uqsruŋat nannich, tivraġiksautit, palauvaksrat aitchuutiksrat, uqsruqtaaġun, suli supayaat Tupiġmiittuat ilaaguaqtauŋaruat Ataniġmun.
17Atanġum uqallautigaik Moses-lu Aaron-lu, 18“Iḷaŋich Kohath-gum 19tuqutaupkaġnasigik qallipkaġlugich ukunuŋa salumaruanun suġauttanun. Tainnaquŋiḷḷugich, inna savautiniaġisi: Aaron-lu iġñiŋiglu isiġniaqtut aasii iñullaa piraksriqsuġlugu sunik tigumiaġniaqtilaaŋa. 20Uvvakii Kohath-gum kiŋuvaaŋich isiqtuksrauŋitchut aasii tautuglugich salumaruat suġauttat, qanukkii tuquniaqtut.”
Piraksrautiŋich Gershon-gum Kiŋuvaaŋisa
21Atanġum uqautigaa Moses 22kisitchitquvlugu kiŋuvaaŋiññik Gershon-gum iḷagiiksuatigullu, aŋayuqaaġiiksuatigullu, 23suli agliutilugich aŋutipayaat ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani. 24Savaaġiniagaich tigumiaġlugiḷḷu ukua: 25Tupiq, iḷulliq taluŋa, qitiqłiq taluŋa, qisigiksaaq qalliq taluŋa, talukiyaaŋa paaŋata, 26talukiyaallu akłunaallu siḷalliata avataaniittuat Tupqum, talukiyaaŋich paaŋata siḷallium, suġauttaŋiḷḷu nappaisaġmata taapkuniŋa. Savaaġiniaġaat sunapayaaq savaaksrauruaq taapkuniŋa savakpata. 27Moses-guvlu Aaron-guvlu qaunaginiaġaich Gershon-gum kiŋuvaaŋich savagniaqtilaaŋiñik savaaksrautipayaamignik piraksriusiamiktitun Aaron-miḷḷu iġñiŋiññiḷḷu. 28Uvva ukuniŋa piraksriusiaqaqtut iḷagiraŋich Gershon Tupiġmi; savaaġiniaġaich aullarriqaġlutiŋ Ithamar-mik aŋaiyyuliqsiqpaum Aaron-gum iġñiŋanik.
Savaaksrautiŋich Merari-m Kiŋuvaaŋisa
29Atanġum uqallautigaa Moses kisitchitquvlugu kiŋuvaaŋiññik Merari-m iḷagiiksuatigullu, aŋayuqaaġiiksuatigullu, 30agliutilugiḷḷu aŋutipayaurat ukiuqaqtuat iñuiññaq quliniñ (30) malġukipiaq qulinun aglaan (50) savakkumiñaqtuat savaamik Tupqani Atanġum nayuqtauviata. 31Savaaqaġniaqtut tigumiaġlugich avaluuŋich, ayaŋich, akigaunnat, suli alliġaŋich Tupqum, 32suli akigaunnat, alliġaŋich, paugat, suli akłunaaŋich siḷallium avataata Tupqum, savaunnaŋiḷḷu tamatkuniŋa nappaisaqamiŋ. Iñullaa tigumiallaaniaqtuq nalunaiqsallaanik. 33Uvva ukua savaaġiniaqtaŋich iḷagiraŋisa Merari-m savaaġigumirruŋ Tupiq; savaaġiniaġaich aullarriqaġlutiŋ Ithamar-mik aŋaiyyuliqsiqpaum Aaron-gum iġñiŋanik.
Kisitchimmata Levi-m Kiŋuvaaŋiññik
34-48Ataniq piraksriiganigman, Moses-lu, Aaron-lu, aullarrigiraŋiḷḷu nunaaqqim kisitchiñagutiŋarut piŋayuiguruanik iḷagiiksuanik Levi-m kiŋuvaaŋiññik, Kohath, Gershon, suli Merari-m iḷaŋiñik. Kisiłługich iḷagiiguruatigun suli qitunġaġiiksuatigun aasii agliutivlugich aŋutipayaat ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani, ukunatun:
| Iḷaŋich | Iñugiaktilaaŋich |
|---|---|
| Kohath | 2,750 |
| Gershon | 2,630 |
| Merari | 3,200 |
| Katiłługich Iñugiaktilaaŋat: | 8,580 |
49Aŋutillaa agliutiŋagaat Atanġum piraksriutaatun Moses-mun; suli piraksriutaatun Atanġum Moses-kun, iñullaa savaaksriñŋagaat savaquvlugu naakka tigumiaqtautquvlugu.
Currently Selected:
Numbers 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Numbers 4
4
Savaaksrautiŋich Kohath-gum Kiŋuvaaŋisa
1Atanġum uqallautigaik Moses-lu Aaron-lu 2kisitchitquvlugik Levi-m kiŋuvaaŋiññiñ Kohath-gum kiŋuvaaŋiññik, iḷagiiksuatigullu, aŋayuqaaġiiksuatigullu, 3suli agliutilugich iluqaisa aŋutit ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani.
4Uvva savaaŋat Kohath-gum kiŋuvaaŋisa Tupiġmi Atanġum nayuqtauviani: savaaqaġniaqtut salumapiaġataqtuanik. 5Aullaġnaqsiraġikpata, Aaron iġñiniḷu isiġniaqtut Tupiġmun, talukiyaaq piiġḷugu sivuġaaniittuaq Sivunniuġutim Kiguunniŋata, aasii matulugu Kiguunniq taaptumiŋa. 6Qitummaaġiksuamik qisisamik matulugu, suŋauraaqtaamiglu ukił̣haamik matulugu, aasii iviqtillugik akigautik.
7Suŋauraaqtaamik ukił̣haamik taluniaġaat niġġivik punniġum aitchuutauruam Ataniġmun irvianun aasii tavruŋaġlugich puggutaurat, qallutit, iḷuturuanik puggutauranik aitchuutiqaġviksranik, wine-qaġvigniglu. Inniaqtuq punniq iñiġlugu niġġivigmi. 8Kaviqsuamik ukił̣haamik taapkua iluqaisa matulugich, qitummaaġiksuamik qisisamik matulugu aasii iviqtillugik akigautik.
9Suŋauraaqtaamik ukił̣haamik taluniaġaat naparuaq naniqaġvik, naniŋiḷḷu, tiguullautiŋiḷḷu, aġraliqullu, iluqaisalu nannich uqsruksraŋisa puuŋich. 10Nimmaaġniaġaich taputilugich suġauttapayauraŋich qitummaaġiksuamun qisisamun aasii iḷiḷugich akigaunmun.
11Isivinniaġaat suŋauraaqtaaq ukił̣haaq qaaŋanun ikipkaivium savaaguruam kaviqsuamik manigmik, aasii matulugu qitummaaġiksuamik qisisamik, iviqtillugik aasii akigautik.
12Iluqaisa niġiñiutit atuġuuraŋich Salumaruami Inimi piruksraġigaich, nimmaaġutilugich suŋauraaqtuamun ukił̣haamun, qitummaaġiksuamik qisisamik matulugich, aasii iḷiḷugich usiaġvium avaluanun. 13Aġraiyaġlugu patukpagmiñ ikipkaiviḷiaq aasii matulugu tigluuraaqtaamik ukił̣haamik. 14Tavruŋaġlugich iluqaisa atuġuuraŋich ikipkaivigmi: aġraliqutit, kakiurat, piksrugaurat, iḷuturuallu puggutaurat. Qitummaaġiksuamik qisisamik matulugich aasii iviqtillugik akigaunnaŋik. 15Aaron-guvlu iġñiŋiksalu matuuganikpatigich salumaruat suġauttapayaurat, aullaġnaqsikpata kisian, Kohath-gum kiŋuvaaŋisa tigumiaġiaġniaġaich. Aglaan aksiktuksraġiŋitkaich salumaruat suġauttaŋich, atakkii tainna pituaġumiŋ tuquniaqtut. Kohath-gum kiŋuvaaŋisa tigumiaġniaġaich tamatkua iḷuaniittuat Tupqum Atanġum nayuqtauviata.
16Eleazar-m iġñiŋata Aaron-gum, aŋaiyyuliqsiqpauruam, aŋalanniaġaa iluqaan Tupiq suli uqsruŋat nannich, tivraġiksautit, palauvaksrat aitchuutiksrat, uqsruqtaaġun, suli supayaat Tupiġmiittuat ilaaguaqtauŋaruat Ataniġmun.
17Atanġum uqallautigaik Moses-lu Aaron-lu, 18“Iḷaŋich Kohath-gum 19tuqutaupkaġnasigik qallipkaġlugich ukunuŋa salumaruanun suġauttanun. Tainnaquŋiḷḷugich, inna savautiniaġisi: Aaron-lu iġñiŋiglu isiġniaqtut aasii iñullaa piraksriqsuġlugu sunik tigumiaġniaqtilaaŋa. 20Uvvakii Kohath-gum kiŋuvaaŋich isiqtuksrauŋitchut aasii tautuglugich salumaruat suġauttat, qanukkii tuquniaqtut.”
Piraksrautiŋich Gershon-gum Kiŋuvaaŋisa
21Atanġum uqautigaa Moses 22kisitchitquvlugu kiŋuvaaŋiññik Gershon-gum iḷagiiksuatigullu, aŋayuqaaġiiksuatigullu, 23suli agliutilugich aŋutipayaat ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani. 24Savaaġiniagaich tigumiaġlugiḷḷu ukua: 25Tupiq, iḷulliq taluŋa, qitiqłiq taluŋa, qisigiksaaq qalliq taluŋa, talukiyaaŋa paaŋata, 26talukiyaallu akłunaallu siḷalliata avataaniittuat Tupqum, talukiyaaŋich paaŋata siḷallium, suġauttaŋiḷḷu nappaisaġmata taapkuniŋa. Savaaġiniaġaat sunapayaaq savaaksrauruaq taapkuniŋa savakpata. 27Moses-guvlu Aaron-guvlu qaunaginiaġaich Gershon-gum kiŋuvaaŋich savagniaqtilaaŋiñik savaaksrautipayaamignik piraksriusiamiktitun Aaron-miḷḷu iġñiŋiññiḷḷu. 28Uvva ukuniŋa piraksriusiaqaqtut iḷagiraŋich Gershon Tupiġmi; savaaġiniaġaich aullarriqaġlutiŋ Ithamar-mik aŋaiyyuliqsiqpaum Aaron-gum iġñiŋanik.
Savaaksrautiŋich Merari-m Kiŋuvaaŋisa
29Atanġum uqallautigaa Moses kisitchitquvlugu kiŋuvaaŋiññik Merari-m iḷagiiksuatigullu, aŋayuqaaġiiksuatigullu, 30agliutilugiḷḷu aŋutipayaurat ukiuqaqtuat iñuiññaq quliniñ (30) malġukipiaq qulinun aglaan (50) savakkumiñaqtuat savaamik Tupqani Atanġum nayuqtauviata. 31Savaaqaġniaqtut tigumiaġlugich avaluuŋich, ayaŋich, akigaunnat, suli alliġaŋich Tupqum, 32suli akigaunnat, alliġaŋich, paugat, suli akłunaaŋich siḷallium avataata Tupqum, savaunnaŋiḷḷu tamatkuniŋa nappaisaqamiŋ. Iñullaa tigumiallaaniaqtuq nalunaiqsallaanik. 33Uvva ukua savaaġiniaqtaŋich iḷagiraŋisa Merari-m savaaġigumirruŋ Tupiq; savaaġiniaġaich aullarriqaġlutiŋ Ithamar-mik aŋaiyyuliqsiqpaum Aaron-gum iġñiŋanik.
Kisitchimmata Levi-m Kiŋuvaaŋiññik
34-48Ataniq piraksriiganigman, Moses-lu, Aaron-lu, aullarrigiraŋiḷḷu nunaaqqim kisitchiñagutiŋarut piŋayuiguruanik iḷagiiksuanik Levi-m kiŋuvaaŋiññik, Kohath, Gershon, suli Merari-m iḷaŋiñik. Kisiłługich iḷagiiguruatigun suli qitunġaġiiksuatigun aasii agliutivlugich aŋutipayaat ukiuqaqtuat iñuiññaq quliniñ (30) malġukipiaq qulinun aglaan (50) piksraqtaaguvlutiŋ savallaruat Tupiġmi Atanġum nayuqtauviani, ukunatun:
| Iḷaŋich | Iñugiaktilaaŋich |
|---|---|
| Kohath | 2,750 |
| Gershon | 2,630 |
| Merari | 3,200 |
| Katiłługich Iñugiaktilaaŋat: | 8,580 |
49Aŋutillaa agliutiŋagaat Atanġum piraksriutaatun Moses-mun; suli piraksriutaatun Atanġum Moses-kun, iñullaa savaaksriñŋagaat savaquvlugu naakka tigumiaqtautquvlugu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)