Numbers 3
3
Aaron Iġñiŋich
1Ukua qitunġaġiŋagaich Aaron-guvlu Moses-guvlu taimani Atanġum uqautimmauŋ Moses Mount Sinai-mi. 2#Nu 26.60.Aaron iġñiqaŋaruq sisamanik: Nadab, aŋayukłiq, Abihu, Eleazar, suli Ithamar. 3Nalunaiqsauŋarullu ilaaguaqtauŋarullu aŋaiyyuliqsiqpauniġmun, 4#Lv 10.1, 2; Nu 26.61.aglaan Nadab-lu Abihu-lu tuqutauŋaruk aitchuutiqaqamiŋ salumaitchuamik igniġmik Ataniġmun Sinai-m Nunagluktuaŋani. Miqłiqtuqaŋaitchuk, tavraasii Eleazar-lu Ithamar-lu aŋaiyyuliqsiqpauŋaruk Aaron-gum iñuuniqtutilaaŋani.
5Atanġum uqallautigaa Moses, 6“Sarvaqtillugich maŋŋuuruat Levi-mun aasii kivgaksraqtaaġilugich Aaron-mun, aŋaiyyuliqsiqpagmun. 7Savaaġiniaġaich savaaguruksrauruat Tupqani nayuqtauvigma savautilugiḷḷu Aaron-lu nunaaqqipayaallu. 8Qaunaksrauniaqtut iluqaiññun suġautaŋiññun Tupiqpaum nayuqtauvimñun aasii piraksrauruat savaaġilugich Israel-gum kiŋuvaaŋiññun. 9Piraksratualuginiaġaat tavra Levi-m kiŋuvaaŋich savautilugu Aaron iġñiŋiḷḷu. 10Nalunaiġñiaġiñ piksraqtaaġilugu Aaron iġñiŋiḷḷu savaaġitqulugich savaaŋich aŋaiyyuliqsiqpauniġum; kiña alla tainna pisaaruaq tuqutauniaqtuq.”
11Atanġum uqallautigaa Moses, 12-13#Ex 13.2.“Piginiaġitka Levi-m kiŋuvaaŋich. Tuqunnapkich aŋayukłiupayaaqtuat Egypt-miut, ilaaguaqtaġiŋagitka aŋayukłipayaat iġñiŋich qitunġaġiiguruani Israel kiŋuvaaŋiññi suli aŋayukłipayaaŋich niġrutit. Aasiuvva, uvaŋa simmausiutiginiaġitka Levi-m kiŋuvaaŋich aŋayukłipayaaŋiññun Israel-gum kiŋuvaaksraŋisa; iliŋich uvaŋa pigigitka. Uvaŋa Atanġuruŋa.”
Kisitaummata Levi-m Kiŋuvaaŋich
14Sinai Desert-mi Atanġum uqallautigaa Moses 15agliutitquvlugich Levi-m kiŋuvaaŋich iḷagiiksuatigullu, qitunġaġiiksuatigullu, iġñipayauraŋiḷḷu iñuuganiktuat tatqiq naałługu sippiqł̣ugulu, 16tavraasii Moses tainna piŋaruq. 17-20Levi piŋasunik iġñiqaqtuaq: Gershon, Kohath, suli Merari, kiŋuniiguruat iḷagiiñun atimignik atiqaqtuanun. Gershon iġñiqaqtuaq malġugnik: Libni-ḷu Shimei-ḷu; Kohath iġñiqaqtuaq sisamanik: Amram-lu, Izhar-lu, Hebron-lu, suli Uzziel; Merari iġñiqaqtuaq malġugnik: Mahli-ḷu Mushi-ḷu. Kiŋunġuruak#3.17-20 Kiŋunġuruaq una uqalugmiñ kiŋuniġmiñ qitunġaġiiñun atiqaqtuanun taapkuak atiŋigñik.
21Iḷagiraŋich Gershon-gum qitunġaġiŋagaich Libni-vḷu Shimei-vḷu. 22Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 7,500-tun. 23Taapkua iḷagiich nullaqtuksrauŋarut ualiñaaŋanun Tupqum tunuani, 24Eliasaph iġñiŋa Lael-gum qaukłiġivlugu iḷagiiksuat. 25Qaunagiŋagaalli Tupiq, iḷulliq taluŋa, siḷalliġḷu taluŋa, talukiyaaŋalu paaŋata, 26talukiyaaŋich siḷataata avataaniittuat Tupquvlu ikipkaiviuvlu, talukiyaaŋa paaŋata siḷalliġuam, qiluŋiḷḷu. Savaaġiniaġaich savaaksrauruat taapkunaŋŋa.
27Iḷaŋich Kohath-gum qitunġaġiŋagaich Amram-gum, Izhar-m, Hebron-gum, suli Uzziel. 28Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 8,600-tun. 29Taapkuali iḷagiich nullaqtuksrauŋarut kiluani Tupqum, 30Elizaphan iġñiŋa Uzziel-gum qaukłiġivlugu iḷagiiksuat. 31Savaaksriusiaġiŋagaat Sivunniuġutim Kiguunniŋa, niġġivigḷu, naparuaġlu naniqaġvik, ikipkaiviich, suġauttat aŋaiyyuliqsiqpaich atuġuuraŋich Salumaruami Inimi, talukiyaaġlu paaŋaniittuaq Salumaniqtauruam Inim. Savaaġiniaġaich savaaksrauruat taapkunaŋŋa.
32Qaukłiġiŋagaat Levi-m kiŋuvaaŋich Eleazar iġñiŋa Aaron-gum aŋŋaiyyuliqsiqpaum. Qaukłiuŋaruq savaaqaqtuanun savaaksranik Salumaruami Inimi.
33Iḷagiraŋich Merari-m qitunġaŋich Mahli-vḷu Mushi-vḷu. 34Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 6,200-tun. 35Taapkua iḷagiich nullaqtuksrauŋarut salliñaaŋanun Tupqum, Zuriel iġñiŋa Abihail-gum qaukłiġivlugu iḷagiiksuat. 36Savaaksriusiaqaŋarulli avaluŋiññik Tupqum, sanniġutaŋiññik, napaqsraŋiññik, tunŋaviŋiññik, iluqaiññiglu savalġutiŋiññik, Savaaġiniaġaich savaaksrauruat taapkunaŋŋa. 37Savaaġiŋammigaich napaqsraŋich, tunŋaviŋich, paugaŋich, qiluŋiḷḷu siḷalliata.
38Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq. 39Katiłługich iñugiaktilaaŋat Levi-m kiŋuvaaŋich iġñiŋich tatqimi iñuuganiktuat sippiqł̣ugulu, Moses-gum agliutiŋaraŋich iḷagiiksuatigun piraksriutaagun Atanġum iñugiaktigiŋarut 22,000-tun.
Levi-m Kiŋuvaaŋich Inaŋiutaurut Iġñiqqaaguruanun
40-41Atanġum uqallautigaa Moses, “Iluqaisa Israel-gum kiŋuvaaŋich iġñiqqaaguruat uvaŋa pigigitka. Tavraasii agliutikkich atiŋisigun iġñiqqaaguruat Israel-gum kiŋuvaaŋich, iñuuŋaruat tatqimi naaggaunnii sippiqł̣ugu. Aglaan inaŋiutivlugich piksraqtaaġigitka Levi-m kiŋuvaaŋich uvamnun! Uvaŋa Atanġuruŋa! Piksraqtaaġimmigitka iluqaisa pamiqsaaŋich Levi-m kiŋuvaaŋisa inaŋiutivlugich aniqqaaŋaruanun pamiqsaaŋiññun Israel-gum kiŋuvaaŋisa.” 42Moses kamaksrivḷuni, agliutiŋagaich iluqaisa iġñiqqaaguruat 43iñuuŋaruat tatqiq naałługu naaggaunnii sippiqł̣ugu; katinmagich iñugiaktilaaqaŋarut 22,273-tun.
44Atanġum uqallautigaa Moses, 45“Ilaaguaqtaġilugich Levi-m kiŋuvaaŋich piksratka, inaŋiutilugich iluqaiññun iġñiqqaaguruanun Israel-gum kiŋuvaaŋiññun, suli ilaaguaqtaġilugich pamiqsaaŋich Levi-m kiŋuvaaŋisa inaŋiutilugich aniqqaaŋaruanun pamiqsaaŋiññun Israel-gum kiŋuvaaŋisa. Levi-m kiŋuvaaŋich uvaŋa piginiaġitka. Uvaŋa Atanġuruŋa. 46Israel-gum kiŋuvaaŋich iġñiqqaaŋich iñugiałhaaniġmata Levi-m kiŋuvaaŋiññiñ 273-tun iñugiałhaaqtigivlutiŋ, tauqsiqtuksrauniaqtutin atisisaġlugik. 47Atausiḷḷaa tallimanik qatiqtuanik manigñik tauqsiḷḷaalugu, maliġilugu inillaŋaruaq, 48aasii qaiḷḷugu manik taamna Aaron-mullu iġñiŋiñullu.” 49Moses kamaksriŋaruq tigusivḷuni 501,365-tun iñugiaktigiruanik qatiqtuanik manigñik 51aasiiñ qaił̣ł̣ugich Aaron-mullu iġñiŋiñullu Atanġum piraksriutaatullu uqaluatullu.
Currently Selected:
Numbers 3: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Numbers 3
3
Aaron Iġñiŋich
1Ukua qitunġaġiŋagaich Aaron-guvlu Moses-guvlu taimani Atanġum uqautimmauŋ Moses Mount Sinai-mi. 2#Nu 26.60.Aaron iġñiqaŋaruq sisamanik: Nadab, aŋayukłiq, Abihu, Eleazar, suli Ithamar. 3Nalunaiqsauŋarullu ilaaguaqtauŋarullu aŋaiyyuliqsiqpauniġmun, 4#Lv 10.1, 2; Nu 26.61.aglaan Nadab-lu Abihu-lu tuqutauŋaruk aitchuutiqaqamiŋ salumaitchuamik igniġmik Ataniġmun Sinai-m Nunagluktuaŋani. Miqłiqtuqaŋaitchuk, tavraasii Eleazar-lu Ithamar-lu aŋaiyyuliqsiqpauŋaruk Aaron-gum iñuuniqtutilaaŋani.
5Atanġum uqallautigaa Moses, 6“Sarvaqtillugich maŋŋuuruat Levi-mun aasii kivgaksraqtaaġilugich Aaron-mun, aŋaiyyuliqsiqpagmun. 7Savaaġiniaġaich savaaguruksrauruat Tupqani nayuqtauvigma savautilugiḷḷu Aaron-lu nunaaqqipayaallu. 8Qaunaksrauniaqtut iluqaiññun suġautaŋiññun Tupiqpaum nayuqtauvimñun aasii piraksrauruat savaaġilugich Israel-gum kiŋuvaaŋiññun. 9Piraksratualuginiaġaat tavra Levi-m kiŋuvaaŋich savautilugu Aaron iġñiŋiḷḷu. 10Nalunaiġñiaġiñ piksraqtaaġilugu Aaron iġñiŋiḷḷu savaaġitqulugich savaaŋich aŋaiyyuliqsiqpauniġum; kiña alla tainna pisaaruaq tuqutauniaqtuq.”
11Atanġum uqallautigaa Moses, 12-13#Ex 13.2.“Piginiaġitka Levi-m kiŋuvaaŋich. Tuqunnapkich aŋayukłiupayaaqtuat Egypt-miut, ilaaguaqtaġiŋagitka aŋayukłipayaat iġñiŋich qitunġaġiiguruani Israel kiŋuvaaŋiññi suli aŋayukłipayaaŋich niġrutit. Aasiuvva, uvaŋa simmausiutiginiaġitka Levi-m kiŋuvaaŋich aŋayukłipayaaŋiññun Israel-gum kiŋuvaaksraŋisa; iliŋich uvaŋa pigigitka. Uvaŋa Atanġuruŋa.”
Kisitaummata Levi-m Kiŋuvaaŋich
14Sinai Desert-mi Atanġum uqallautigaa Moses 15agliutitquvlugich Levi-m kiŋuvaaŋich iḷagiiksuatigullu, qitunġaġiiksuatigullu, iġñipayauraŋiḷḷu iñuuganiktuat tatqiq naałługu sippiqł̣ugulu, 16tavraasii Moses tainna piŋaruq. 17-20Levi piŋasunik iġñiqaqtuaq: Gershon, Kohath, suli Merari, kiŋuniiguruat iḷagiiñun atimignik atiqaqtuanun. Gershon iġñiqaqtuaq malġugnik: Libni-ḷu Shimei-ḷu; Kohath iġñiqaqtuaq sisamanik: Amram-lu, Izhar-lu, Hebron-lu, suli Uzziel; Merari iġñiqaqtuaq malġugnik: Mahli-ḷu Mushi-ḷu. Kiŋunġuruak#3.17-20 Kiŋunġuruaq una uqalugmiñ kiŋuniġmiñ qitunġaġiiñun atiqaqtuanun taapkuak atiŋigñik.
21Iḷagiraŋich Gershon-gum qitunġaġiŋagaich Libni-vḷu Shimei-vḷu. 22Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 7,500-tun. 23Taapkua iḷagiich nullaqtuksrauŋarut ualiñaaŋanun Tupqum tunuani, 24Eliasaph iġñiŋa Lael-gum qaukłiġivlugu iḷagiiksuat. 25Qaunagiŋagaalli Tupiq, iḷulliq taluŋa, siḷalliġḷu taluŋa, talukiyaaŋalu paaŋata, 26talukiyaaŋich siḷataata avataaniittuat Tupquvlu ikipkaiviuvlu, talukiyaaŋa paaŋata siḷalliġuam, qiluŋiḷḷu. Savaaġiniaġaich savaaksrauruat taapkunaŋŋa.
27Iḷaŋich Kohath-gum qitunġaġiŋagaich Amram-gum, Izhar-m, Hebron-gum, suli Uzziel. 28Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 8,600-tun. 29Taapkuali iḷagiich nullaqtuksrauŋarut kiluani Tupqum, 30Elizaphan iġñiŋa Uzziel-gum qaukłiġivlugu iḷagiiksuat. 31Savaaksriusiaġiŋagaat Sivunniuġutim Kiguunniŋa, niġġivigḷu, naparuaġlu naniqaġvik, ikipkaiviich, suġauttat aŋaiyyuliqsiqpaich atuġuuraŋich Salumaruami Inimi, talukiyaaġlu paaŋaniittuaq Salumaniqtauruam Inim. Savaaġiniaġaich savaaksrauruat taapkunaŋŋa.
32Qaukłiġiŋagaat Levi-m kiŋuvaaŋich Eleazar iġñiŋa Aaron-gum aŋŋaiyyuliqsiqpaum. Qaukłiuŋaruq savaaqaqtuanun savaaksranik Salumaruami Inimi.
33Iḷagiraŋich Merari-m qitunġaŋich Mahli-vḷu Mushi-vḷu. 34Iġñiġuruat, tatqimi iñuuganiktuat sippiqł̣ugulu agliutiŋaruat iñugiaktilaaqaŋarut 6,200-tun. 35Taapkua iḷagiich nullaqtuksrauŋarut salliñaaŋanun Tupqum, Zuriel iġñiŋa Abihail-gum qaukłiġivlugu iḷagiiksuat. 36Savaaksriusiaqaŋarulli avaluŋiññik Tupqum, sanniġutaŋiññik, napaqsraŋiññik, tunŋaviŋiññik, iluqaiññiglu savalġutiŋiññik, Savaaġiniaġaich savaaksrauruat taapkunaŋŋa. 37Savaaġiŋammigaich napaqsraŋich, tunŋaviŋich, paugaŋich, qiluŋiḷḷu siḷalliata.
38Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq. 39Katiłługich iñugiaktilaaŋat Levi-m kiŋuvaaŋich iġñiŋich tatqimi iñuuganiktuat sippiqł̣ugulu, Moses-gum agliutiŋaraŋich iḷagiiksuatigun piraksriutaagun Atanġum iñugiaktigiŋarut 22,000-tun.
Levi-m Kiŋuvaaŋich Inaŋiutaurut Iġñiqqaaguruanun
40-41Atanġum uqallautigaa Moses, “Iluqaisa Israel-gum kiŋuvaaŋich iġñiqqaaguruat uvaŋa pigigitka. Tavraasii agliutikkich atiŋisigun iġñiqqaaguruat Israel-gum kiŋuvaaŋich, iñuuŋaruat tatqimi naaggaunnii sippiqł̣ugu. Aglaan inaŋiutivlugich piksraqtaaġigitka Levi-m kiŋuvaaŋich uvamnun! Uvaŋa Atanġuruŋa! Piksraqtaaġimmigitka iluqaisa pamiqsaaŋich Levi-m kiŋuvaaŋisa inaŋiutivlugich aniqqaaŋaruanun pamiqsaaŋiññun Israel-gum kiŋuvaaŋisa.” 42Moses kamaksrivḷuni, agliutiŋagaich iluqaisa iġñiqqaaguruat 43iñuuŋaruat tatqiq naałługu naaggaunnii sippiqł̣ugu; katinmagich iñugiaktilaaqaŋarut 22,273-tun.
44Atanġum uqallautigaa Moses, 45“Ilaaguaqtaġilugich Levi-m kiŋuvaaŋich piksratka, inaŋiutilugich iluqaiññun iġñiqqaaguruanun Israel-gum kiŋuvaaŋiññun, suli ilaaguaqtaġilugich pamiqsaaŋich Levi-m kiŋuvaaŋisa inaŋiutilugich aniqqaaŋaruanun pamiqsaaŋiññun Israel-gum kiŋuvaaŋisa. Levi-m kiŋuvaaŋich uvaŋa piginiaġitka. Uvaŋa Atanġuruŋa. 46Israel-gum kiŋuvaaŋich iġñiqqaaŋich iñugiałhaaniġmata Levi-m kiŋuvaaŋiññiñ 273-tun iñugiałhaaqtigivlutiŋ, tauqsiqtuksrauniaqtutin atisisaġlugik. 47Atausiḷḷaa tallimanik qatiqtuanik manigñik tauqsiḷḷaalugu, maliġilugu inillaŋaruaq, 48aasii qaiḷḷugu manik taamna Aaron-mullu iġñiŋiñullu.” 49Moses kamaksriŋaruq tigusivḷuni 501,365-tun iñugiaktigiruanik qatiqtuanik manigñik 51aasiiñ qaił̣ł̣ugich Aaron-mullu iġñiŋiñullu Atanġum piraksriutaatullu uqaluatullu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)