Numbers 5
5
Salumaitchuat Iñuich
1Atanġum uqallautigaa Moses, 2“Piraksrikkich Israel-gum kiŋuvaaŋich anitqulugich iluqaisa naŋirrutiqaqtuat uviñimiktigun, timimiktigun maqiuqtuaqtuat, iluqaisalu salumaiḷiŋaruat aksiŋavlugich tuquŋaruat. 3Anillich iluqaisa piraġausikun salumaitchuaguruat iñuich, salumaiḷiŋitchumagaat nullaummivik, iñuuviga akunġanniiłłuŋa iñugiraġma.” 4Israel-gum kiŋuvaaŋich kamaksrivḷutiŋ anitkaich iluqaisa salumaitchuat nullaummivigmiñ.
Natqiksruutit Pimaqłuktautinun Allanun
5 #
Lv 6.1-7. Atanġum uqallautigaa Moses 6ukuniŋa piraksriqsuutauruanik Israel-gum kiŋuvaaŋiññun: nalliqsi iḷumutuuŋitchuaq Ataniġmun piḷuktualiqiluni akiḷḷiġilugu alla iñuk, 7quliaqtaksraġigiksi piḷuutiksi aasii natqiglugu akiḷiunmik naamaruamik, iḷalugu 20 percent-tun, pimaqłuŋaraġnun. 8Aglaan taamna iñuk tuquaniŋaniqpan suli nanmiñiq iḷaiḷḷuni akiiḷaiġviksramik, akiḷiutaa aitchuutauniaqtuq Ataniġmun tuttillugu aŋaiyyuliqsiqpagmun. Taamna akiḷiun iḷauniaqtuq aŋusallumun imnaimun piraġausiq nalaullugu salummaqtauniŋanun pasirauruam. 9Aasii-suli ilaaguaqługu aitchuigumiŋ Israel-gum kiŋuvaaŋich Ataniġmun aŋaiyyuliqsiqpaum akuqtuiruam piginiaġaa. 10Aŋaiyyuliqsillaam pigisuuniaġaich aitchuutauruat ilimiñun.
Nuliaguruat Tuvaaqatiqaqtuat Iḷimasuktuanik
11Atanġum piraksriġaa Moses 12-14Israel-gum kiŋuvaaŋich piraksriquvlugich ukuniŋa: iḷaanni nalautitpan aŋun iḷimasugluni aġnaqtiŋ allatuġnasugilugu salumaiḷiŋaluni inmiñun. Aglaan uiguruaq nalupqisugluni, nuliaŋa suiḷauriŋakpan iḷisimaraiḷḷuni, suli aŋupkaŋaiḷḷuni. Naakkaunnii uiguruam iḷimagikpauŋ nuliani, allatuqatiqaŋaitkaluaqtillugu. 15Nallipayaaŋaktigun nalautitkaluaqpan aŋutim nuliani aŋaiyyuliqsiqpagmuutiruksraġigaa. Aitchuiruksrauruq malġuktun pounds-tun uqumaisigiruaq barley palauvak, aglaan uqsriġñiaŋitkaa olive uqsruanik naakkaunnii iḷisiḷuni tivraġiksaunmik, qanukkii iḷimasuktuamiñ uiguruamiñ aitchuutauruq, iḷumun ittuaq nalunaiqsaġlugu. 16Aŋaiyyuliqsiqpaum aġnaq saavitittuksraġigaa aasii makitillugu sivuġaanun Atanġum. 17Kuvisiḷuni salumaruamik imiġmik puggutauramun savaamik qikumiñ aasii nunaviñiksraġluni natqaniñ Tupqum Atanġum nayuqtauvianiñ aasii imiġmuglugu. 18Tavraasii aŋivillugich aġnam nusaŋich aasii iḷiḷugu aitchuutauruaq palauvak argaŋiñun. Aŋaiyyuliqsiqpaum tigummiñiaġaa puggutauraq imalik tipigluktuamik imaġmik piaġiiḷipkaiḷḷaruamik. 19Aŋaiyyuliqsim aġnaq unniqsuqłiipkaġniaġaa: “Allatuŋaitkuvich, aksiktauniaŋitchutin piaġiitchuamun imiġmiittuamun. 20Aglaan allatuŋaguvich, 21Atanġumtuq atqiñ piaġiitchualiuġumagaa takkuanni iñuuqatikpiñ. Illian-tuq ugligli narraallu puvilluni. 22Unatuq imiq piaġiitchuaq timignugli aasii narraan puvitillugu illiallu ugliktillugu.”
Aġnaq inna kiggutiqaġniaqtuq, “Ii, taamna tainna illi. Aamian.”
23Aŋaiyyuliqsiqpaum agliutigisigaa taamna piaġiitchuaq aasii aglaich uaqtillugich tipigluktuamun immamun. 24Imiqtinŋaiñŋaan aġnaq imiġmik piaġliuġutauniaqtuamik, 25aŋaiyyuliqsiqpaum pigisigaa aitchuutauruaq palauvak aġnam argaŋiñiñ, isaaġutigisigaa ilaaguaqtaġilugu Ataniġmun, aasii tigumiaġlugu ikipkaivigmun. 26Tavraasii piksraġisiruq utummagmiñun nalunaiñŋutaġisaġlugu aitchuun aasii ikipkaivigmi ikipkautigilugu. Aqulliulugu, aġnaq imiqtinniaġaa taavrumiŋa imiġmik. 27Allatuŋaniqpaŋ imġum kiiqsiuliqsinniaġaa; narraaŋa puvilluni illialu ugligniaqtuq. Ilaata atqa piaġiitchuaġuġniaqtuq iñuuniaqatiimiñi. 28Aglaan patchisaiññiġumi, anniutiqaġniaŋitchuq suli miqłiqsiḷḷaniaqtuq.
29-30Taamna pitqurauruq aŋun saŋiaksimakpan suli iḷimasuliġḷuni nuliani allatuġasugilugu. Aġnaq makittuksrauniaqtuq sivuġaanun Atanġum, aasii aŋaiyyuliqsiqpaum piraġausiq savaaġiniaġaa. 31Uiguruaq patchisaiññiaqtuq, aglaan aġnaq pasiraukpan, tatavsaqtauniaqtuq.
Currently Selected:
Numbers 5: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Numbers 5
5
Salumaitchuat Iñuich
1Atanġum uqallautigaa Moses, 2“Piraksrikkich Israel-gum kiŋuvaaŋich anitqulugich iluqaisa naŋirrutiqaqtuat uviñimiktigun, timimiktigun maqiuqtuaqtuat, iluqaisalu salumaiḷiŋaruat aksiŋavlugich tuquŋaruat. 3Anillich iluqaisa piraġausikun salumaitchuaguruat iñuich, salumaiḷiŋitchumagaat nullaummivik, iñuuviga akunġanniiłłuŋa iñugiraġma.” 4Israel-gum kiŋuvaaŋich kamaksrivḷutiŋ anitkaich iluqaisa salumaitchuat nullaummivigmiñ.
Natqiksruutit Pimaqłuktautinun Allanun
5 #
Lv 6.1-7. Atanġum uqallautigaa Moses 6ukuniŋa piraksriqsuutauruanik Israel-gum kiŋuvaaŋiññun: nalliqsi iḷumutuuŋitchuaq Ataniġmun piḷuktualiqiluni akiḷḷiġilugu alla iñuk, 7quliaqtaksraġigiksi piḷuutiksi aasii natqiglugu akiḷiunmik naamaruamik, iḷalugu 20 percent-tun, pimaqłuŋaraġnun. 8Aglaan taamna iñuk tuquaniŋaniqpan suli nanmiñiq iḷaiḷḷuni akiiḷaiġviksramik, akiḷiutaa aitchuutauniaqtuq Ataniġmun tuttillugu aŋaiyyuliqsiqpagmun. Taamna akiḷiun iḷauniaqtuq aŋusallumun imnaimun piraġausiq nalaullugu salummaqtauniŋanun pasirauruam. 9Aasii-suli ilaaguaqługu aitchuigumiŋ Israel-gum kiŋuvaaŋich Ataniġmun aŋaiyyuliqsiqpaum akuqtuiruam piginiaġaa. 10Aŋaiyyuliqsillaam pigisuuniaġaich aitchuutauruat ilimiñun.
Nuliaguruat Tuvaaqatiqaqtuat Iḷimasuktuanik
11Atanġum piraksriġaa Moses 12-14Israel-gum kiŋuvaaŋich piraksriquvlugich ukuniŋa: iḷaanni nalautitpan aŋun iḷimasugluni aġnaqtiŋ allatuġnasugilugu salumaiḷiŋaluni inmiñun. Aglaan uiguruaq nalupqisugluni, nuliaŋa suiḷauriŋakpan iḷisimaraiḷḷuni, suli aŋupkaŋaiḷḷuni. Naakkaunnii uiguruam iḷimagikpauŋ nuliani, allatuqatiqaŋaitkaluaqtillugu. 15Nallipayaaŋaktigun nalautitkaluaqpan aŋutim nuliani aŋaiyyuliqsiqpagmuutiruksraġigaa. Aitchuiruksrauruq malġuktun pounds-tun uqumaisigiruaq barley palauvak, aglaan uqsriġñiaŋitkaa olive uqsruanik naakkaunnii iḷisiḷuni tivraġiksaunmik, qanukkii iḷimasuktuamiñ uiguruamiñ aitchuutauruq, iḷumun ittuaq nalunaiqsaġlugu. 16Aŋaiyyuliqsiqpaum aġnaq saavitittuksraġigaa aasii makitillugu sivuġaanun Atanġum. 17Kuvisiḷuni salumaruamik imiġmik puggutauramun savaamik qikumiñ aasii nunaviñiksraġluni natqaniñ Tupqum Atanġum nayuqtauvianiñ aasii imiġmuglugu. 18Tavraasii aŋivillugich aġnam nusaŋich aasii iḷiḷugu aitchuutauruaq palauvak argaŋiñun. Aŋaiyyuliqsiqpaum tigummiñiaġaa puggutauraq imalik tipigluktuamik imaġmik piaġiiḷipkaiḷḷaruamik. 19Aŋaiyyuliqsim aġnaq unniqsuqłiipkaġniaġaa: “Allatuŋaitkuvich, aksiktauniaŋitchutin piaġiitchuamun imiġmiittuamun. 20Aglaan allatuŋaguvich, 21Atanġumtuq atqiñ piaġiitchualiuġumagaa takkuanni iñuuqatikpiñ. Illian-tuq ugligli narraallu puvilluni. 22Unatuq imiq piaġiitchuaq timignugli aasii narraan puvitillugu illiallu ugliktillugu.”
Aġnaq inna kiggutiqaġniaqtuq, “Ii, taamna tainna illi. Aamian.”
23Aŋaiyyuliqsiqpaum agliutigisigaa taamna piaġiitchuaq aasii aglaich uaqtillugich tipigluktuamun immamun. 24Imiqtinŋaiñŋaan aġnaq imiġmik piaġliuġutauniaqtuamik, 25aŋaiyyuliqsiqpaum pigisigaa aitchuutauruaq palauvak aġnam argaŋiñiñ, isaaġutigisigaa ilaaguaqtaġilugu Ataniġmun, aasii tigumiaġlugu ikipkaivigmun. 26Tavraasii piksraġisiruq utummagmiñun nalunaiñŋutaġisaġlugu aitchuun aasii ikipkaivigmi ikipkautigilugu. Aqulliulugu, aġnaq imiqtinniaġaa taavrumiŋa imiġmik. 27Allatuŋaniqpaŋ imġum kiiqsiuliqsinniaġaa; narraaŋa puvilluni illialu ugligniaqtuq. Ilaata atqa piaġiitchuaġuġniaqtuq iñuuniaqatiimiñi. 28Aglaan patchisaiññiġumi, anniutiqaġniaŋitchuq suli miqłiqsiḷḷaniaqtuq.
29-30Taamna pitqurauruq aŋun saŋiaksimakpan suli iḷimasuliġḷuni nuliani allatuġasugilugu. Aġnaq makittuksrauniaqtuq sivuġaanun Atanġum, aasii aŋaiyyuliqsiqpaum piraġausiq savaaġiniaġaa. 31Uiguruaq patchisaiññiaqtuq, aglaan aġnaq pasiraukpan, tatavsaqtauniaqtuq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)