Leviticus 6
6
1 #
Nu 5.5-8. Atanġum maliġiraksranik aitchuŋagaa Moses. 2Aitchuutiqaqtuksrauniaqtusi piḷuusiqiniġuvsi paaqłaglugu Ataniq, utiqtitchuŋiḷḷugu iñuuqativsi qaunagipkaqtaŋa, naakka tigligaiguvsi allamiñ, naakka ivayaqtuiguvsi, 3naakkaunnii paqitchiguvsi tammaŋaruamik aasii saglutigilugu paqinŋaiññiḷugu, naakkaunnii allanik tainnaittuanik piḷuusiqiguvsi. 4-5Piḷuksiñiġuvich nalliŋisigun taapkua, utiqtittuksraġigiñ piññaktaaġiŋaran ivayaqtuutikun. Tavra taaptumani uvlumi paqitauniġuvich pasiraulutin, utiqtitchivigiruksraġigiñ iñua iluqaanik, iḷalugu iñuiññaŋatun. 6Aŋaiyyuliqpagmuurrigisirutin nunuuraunmun aitchuutiksramik Ataniġmun surruutaitchuamik aŋusallumik imnaimik naakka nagruligmik. Akisutilaaŋa iḷitchuġilugu inillaŋaruakun uuktuutikun. 7Aŋaiyyuliqsiqpaum aitchuutiginiaġaa ikipkaġlugu piḷuutin pisigilugu, aasii tavra suliqutigiŋaiqsauniaqtutin.
Ikipkaqtat Suġaił̣ł̣ugich
8Atanġum piraksriŋagaa Moses 9qaitchitquvlugu Aaron-mullu iġñiŋiñullu maliġiraksraŋiñik ikipkaġlugich aitchuutiksratigun. Ikipkaqtaq aitchuun ikipkaivigmiittuksrauruq unnuapak, qamipkaġaluaġnagu. 10Tavraasii aŋaiyyuliqsiqpak, ukił̣haaġiksuamik qaliġuamiñik atuġluni ukił̣haaġiksuagniglu naitchuagnik kamikłuugnik, aasii iḷiḷugich aġrat uqsriñŋaruat ikipkaimmata saniġaanun ikipkaivium. 11Tavraasii annuġaatqigḷuni aġrat annisuutilugich nullaummavigmigniñ piraġausimiktun naavillugich salumaruamun iniŋannun. 12Igniŋa ikipkaivium ikumaruksrauruq ataramik qamipkaġaluaġnagu. Uvlaatuaġaġikpan aŋaiyyuliqsiqpaum qirriḷḷaaniaġaa, iluaqsruġlugiḷḷu aitchuutit tavrani, aasii ikipkaġlugu qaunnaŋa iḷammiuġunmun aitchuutauruam. 13Igniŋa ikipkaivium ikualaruksrauruq ataramik qamipkaġaluaġnagu.
Palauvaksrat Aitchuutit
14Ukua uvva maliġiraksriagurut aitchuiruni palauvaksranik. Aaron iġñiŋisa, aŋaiyyuliqsiqpauruat, qaiññiaġaa palauvaksraq aitchuun Ataniġmun, sivuġaani ikipkaivium. 15Tavraasii argagmiñun palauvagmik piḷuni uqsrumiglu, iḷalugulu tivraġiksaunmik, ikipkaġlugu ikipkaivigmi, nalunaiqsaġlugu tavra iluqaan aitchuutauŋatilaaŋa Ataniġmun. Tipaa taaptuma aitchuutauruam iviġaumagigaa Atanġum. 16-17Aŋaiyyuliqsiqpaich niġigisigaat iḷakua taaptuma. Punniliuġlugu imaksrautaiḷaamik aasii niġiḷugu salumaruami siḷalliġuaŋani Tupiŋata Atanġum. Uvaŋa, Atanġum, qaiñŋaratka aŋaiyyuliqsiqpagnun niqinik aitchuiraġimmata. Salumaruagupiaġataqtuq, piḷuutikullu nunuurautikullu aitchuutauruatun. 18Taimuŋaaglaan aŋutauruat kiŋuniiŋisa Aaron-gum niġisuuniaġaich autaaġusiaġilugich niqiniñ aitchuutauruaniñ Ataniġmun. Allam aksigñiqpagich niqit aitchuutauruat tatavsaqtauniaqtuq suaŋŋataagun salumaniŋata.
19Atanġum aitchuŋagaa Moses ukuniŋa maliġiraksranik 20ilaaguaqtausaqpan Aaron iġñiŋisa iḷaŋat, aŋaiyyuliqsiqpaguqsaġlugu. Taaptumani uvlumi ilaaguaqtauniŋani, aitchuutiqaġisiruq Ataniġmun malġuktun pounds-tun uqumaisigilugu palauvak (aktilaaġisuuraatun uvlutuaġman palauvaksram aitchuutikaaŋata), avvaŋa uvlaami aasii avvaŋa anaqami. 21Akullugu uqsrumik aasii uullugu siḷaavyiutikun aasii siquvyaaqqaaġlugu aitchuutigilugu palauvaksrauruaq aitchuun, taaptuma tipaa iviġaumagigaa Atanġum. 22Taimuŋaaglaan taamna aitchuutigisuuniaġaat Aaron-mik maŋŋuqqaqtuat Aŋaiyyuliqsiqpaugumik. Iluqaan ikipkaġlugu aitchuutausuuniaqtuq Ataniġmun. 23Palauvaksraq aitchuutiksriaŋa aŋaiyyuliqsiqpaum niġiraksrauŋitchuq; iluqaan ikipkaqtuksrauruq.
Piḷuun Pisigilugu Aitchuutauruat
24Atanġum piraksriŋagaa Moses 25aitchuquvlugu Aaron iġñiŋiḷḷu, ukuniŋa maliġiraksranik piḷuunmun aitchuutiksratigun. Tuqunniaġaat niġrun aitchuutiksraun ikipkaġlugu salliñaaŋani ikipkaivium, tuqutchivianni; taamna salumaruagupiaġataqtuq aitchuun. 26Aŋaiyyuliqsiqpaum ikipkaqługu aitchuiruam niġrunmik niġiñiaġaa salumaruami inimi, siḷagauraŋani Tupqum Atanġum nayuqtauviata. 27Allam aksigñiqpauŋ niqaa niġrutim tatavsaqtauniaqtuq suaŋŋataagun salumaniŋata, aasii auŋanik niġrutim siqił̣ł̣aqparruŋ annuġaaq, iqaġiruksraġiniaġiksi salumaruami inimi. 28Qiku utkusik niqimun qalatchiiviuruaq navguqtaksrauruq, aasii uvluyuiḷamik utkusigmik atuġniqpata, salummautinik salummaqtaksrauruq suli uaqtimmaġiksiḷugu imiġmik. 29Kiñapayaaq aŋun aŋaiyyuliqsauruaniñ qitunġaġiiñi iḷauruaq niġiyumiñaqtuq taaptumaŋŋa aitchuutauruamiñ; salumapiaġataqtuq. 30Aglaan aitchuutauruam auŋa Tupiġmuutiniqparruŋ aasii piraġausimi atuġlugu piḷuutaiġutaukpan, taamna niġrun niġiruksraġiŋitkaat; ikipkaqtuksrauruq.
Currently Selected:
Leviticus 6: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 6
6
1 #
Nu 5.5-8. Atanġum maliġiraksranik aitchuŋagaa Moses. 2Aitchuutiqaqtuksrauniaqtusi piḷuusiqiniġuvsi paaqłaglugu Ataniq, utiqtitchuŋiḷḷugu iñuuqativsi qaunagipkaqtaŋa, naakka tigligaiguvsi allamiñ, naakka ivayaqtuiguvsi, 3naakkaunnii paqitchiguvsi tammaŋaruamik aasii saglutigilugu paqinŋaiññiḷugu, naakkaunnii allanik tainnaittuanik piḷuusiqiguvsi. 4-5Piḷuksiñiġuvich nalliŋisigun taapkua, utiqtittuksraġigiñ piññaktaaġiŋaran ivayaqtuutikun. Tavra taaptumani uvlumi paqitauniġuvich pasiraulutin, utiqtitchivigiruksraġigiñ iñua iluqaanik, iḷalugu iñuiññaŋatun. 6Aŋaiyyuliqpagmuurrigisirutin nunuuraunmun aitchuutiksramik Ataniġmun surruutaitchuamik aŋusallumik imnaimik naakka nagruligmik. Akisutilaaŋa iḷitchuġilugu inillaŋaruakun uuktuutikun. 7Aŋaiyyuliqsiqpaum aitchuutiginiaġaa ikipkaġlugu piḷuutin pisigilugu, aasii tavra suliqutigiŋaiqsauniaqtutin.
Ikipkaqtat Suġaił̣ł̣ugich
8Atanġum piraksriŋagaa Moses 9qaitchitquvlugu Aaron-mullu iġñiŋiñullu maliġiraksraŋiñik ikipkaġlugich aitchuutiksratigun. Ikipkaqtaq aitchuun ikipkaivigmiittuksrauruq unnuapak, qamipkaġaluaġnagu. 10Tavraasii aŋaiyyuliqsiqpak, ukił̣haaġiksuamik qaliġuamiñik atuġluni ukił̣haaġiksuagniglu naitchuagnik kamikłuugnik, aasii iḷiḷugich aġrat uqsriñŋaruat ikipkaimmata saniġaanun ikipkaivium. 11Tavraasii annuġaatqigḷuni aġrat annisuutilugich nullaummavigmigniñ piraġausimiktun naavillugich salumaruamun iniŋannun. 12Igniŋa ikipkaivium ikumaruksrauruq ataramik qamipkaġaluaġnagu. Uvlaatuaġaġikpan aŋaiyyuliqsiqpaum qirriḷḷaaniaġaa, iluaqsruġlugiḷḷu aitchuutit tavrani, aasii ikipkaġlugu qaunnaŋa iḷammiuġunmun aitchuutauruam. 13Igniŋa ikipkaivium ikualaruksrauruq ataramik qamipkaġaluaġnagu.
Palauvaksrat Aitchuutit
14Ukua uvva maliġiraksriagurut aitchuiruni palauvaksranik. Aaron iġñiŋisa, aŋaiyyuliqsiqpauruat, qaiññiaġaa palauvaksraq aitchuun Ataniġmun, sivuġaani ikipkaivium. 15Tavraasii argagmiñun palauvagmik piḷuni uqsrumiglu, iḷalugulu tivraġiksaunmik, ikipkaġlugu ikipkaivigmi, nalunaiqsaġlugu tavra iluqaan aitchuutauŋatilaaŋa Ataniġmun. Tipaa taaptuma aitchuutauruam iviġaumagigaa Atanġum. 16-17Aŋaiyyuliqsiqpaich niġigisigaat iḷakua taaptuma. Punniliuġlugu imaksrautaiḷaamik aasii niġiḷugu salumaruami siḷalliġuaŋani Tupiŋata Atanġum. Uvaŋa, Atanġum, qaiñŋaratka aŋaiyyuliqsiqpagnun niqinik aitchuiraġimmata. Salumaruagupiaġataqtuq, piḷuutikullu nunuurautikullu aitchuutauruatun. 18Taimuŋaaglaan aŋutauruat kiŋuniiŋisa Aaron-gum niġisuuniaġaich autaaġusiaġilugich niqiniñ aitchuutauruaniñ Ataniġmun. Allam aksigñiqpagich niqit aitchuutauruat tatavsaqtauniaqtuq suaŋŋataagun salumaniŋata.
19Atanġum aitchuŋagaa Moses ukuniŋa maliġiraksranik 20ilaaguaqtausaqpan Aaron iġñiŋisa iḷaŋat, aŋaiyyuliqsiqpaguqsaġlugu. Taaptumani uvlumi ilaaguaqtauniŋani, aitchuutiqaġisiruq Ataniġmun malġuktun pounds-tun uqumaisigilugu palauvak (aktilaaġisuuraatun uvlutuaġman palauvaksram aitchuutikaaŋata), avvaŋa uvlaami aasii avvaŋa anaqami. 21Akullugu uqsrumik aasii uullugu siḷaavyiutikun aasii siquvyaaqqaaġlugu aitchuutigilugu palauvaksrauruaq aitchuun, taaptuma tipaa iviġaumagigaa Atanġum. 22Taimuŋaaglaan taamna aitchuutigisuuniaġaat Aaron-mik maŋŋuqqaqtuat Aŋaiyyuliqsiqpaugumik. Iluqaan ikipkaġlugu aitchuutausuuniaqtuq Ataniġmun. 23Palauvaksraq aitchuutiksriaŋa aŋaiyyuliqsiqpaum niġiraksrauŋitchuq; iluqaan ikipkaqtuksrauruq.
Piḷuun Pisigilugu Aitchuutauruat
24Atanġum piraksriŋagaa Moses 25aitchuquvlugu Aaron iġñiŋiḷḷu, ukuniŋa maliġiraksranik piḷuunmun aitchuutiksratigun. Tuqunniaġaat niġrun aitchuutiksraun ikipkaġlugu salliñaaŋani ikipkaivium, tuqutchivianni; taamna salumaruagupiaġataqtuq aitchuun. 26Aŋaiyyuliqsiqpaum ikipkaqługu aitchuiruam niġrunmik niġiñiaġaa salumaruami inimi, siḷagauraŋani Tupqum Atanġum nayuqtauviata. 27Allam aksigñiqpauŋ niqaa niġrutim tatavsaqtauniaqtuq suaŋŋataagun salumaniŋata, aasii auŋanik niġrutim siqił̣ł̣aqparruŋ annuġaaq, iqaġiruksraġiniaġiksi salumaruami inimi. 28Qiku utkusik niqimun qalatchiiviuruaq navguqtaksrauruq, aasii uvluyuiḷamik utkusigmik atuġniqpata, salummautinik salummaqtaksrauruq suli uaqtimmaġiksiḷugu imiġmik. 29Kiñapayaaq aŋun aŋaiyyuliqsauruaniñ qitunġaġiiñi iḷauruaq niġiyumiñaqtuq taaptumaŋŋa aitchuutauruamiñ; salumapiaġataqtuq. 30Aglaan aitchuutauruam auŋa Tupiġmuutiniqparruŋ aasii piraġausimi atuġlugu piḷuutaiġutaukpan, taamna niġrun niġiruksraġiŋitkaat; ikipkaqtuksrauruq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)