Leviticus 7
7
Nunuurautikun Aitchuutit
1Ukua uvva maliġiraksriagurut nunuurautikun aitchuutitigun, salumapiaġataqtuagurut. 2Niġrun taaptumuŋa aitchuutauniaqtuaq tuqutkisigaat salliani ikipkaivium, tuqutchiviat niġrutinik aitchuutauniaqtuanik, aasii auŋa siqił̣ł̣aqtiġutigilugu saniġaŋiññun ikipkaivium. 3Qaunnaŋa iluqaan piiġḷugu aasii aitchuutigilugu ikipkaivigmi: quiñiruaq pamiuŋa, itchauraŋich ilġaviŋisa qaunnaŋat, 4taqtuŋik, itchauraŋich, takiniŋalu tiŋuata. 5Aŋaiyyuliqsiqpaum ikipkaġniaġaa iluqaan qaunnaq ikipkaivigmi niqi aitchuun Ataniġmun. Nunuurautikun aitchuutauruq. 6Nallipayaaŋata aŋutit aŋaiyyuliqsiqpauruat qitunġaġiiñi niġiyumiñaġaa, aglaan niġiraksraġigaa salumaruami inimi, salumapiaġataqtuagurukkii.
7Maliġiaksraqaqtuq tunŋaruamik iluqaigñun piḷuunmun aitchuutauruaq nunuuraunmullu aitchuunmun: niqaa piginiaġaa aŋaiyyuliqsiqpauvluni aitchuipkairuam ikipkaqługu. 8Aŋaiyyuliqsiqpak aitchuiruaq ikipkautikun kiapayaaq aitchuutaanik, ilaan piginiaġaa amiŋa aitchuutigiraġmi. 9Palauvaksraq aitchuutaupayaaqtuaq igavlugu punnilivikun naakka siḷaavyiutikun piginiaġaa aŋaiyyuliqsiqpaum aitchuiruam God-mun. 10Aglaan iluqaisa igaŋaitchuat palauvaksrat aitchuutauniaqtuat, akunŋavlugu uqsrumik naakka paliumavlugu, piginiaġaat Aaron iġñiŋisa aŋaiyyuliqsiqpaich suli autaaqtaksraġigaat atunim ilimignun.
Iḷammiuġutikun Aitchuutauruat
11Ukua uvva maliġiraksriat iḷammiuġun pisigilugu aitchuutauniaqtuanun Ataniġmun. 12Taamna aitchuun qaitkuvsiuŋ quyanaaġutaulugu God-mun, qaitkisigiksi, iḷaqaġlugu niġrunmik ikipkaaksramik, aitchuun punniġmik igaŋaruamik imaksrautaiḷaaqługu, suli tugliŋich maptukiḷḷugich punniġich uqsruqtiŋalugich olive uqsruanik, piŋayuiŋich aasii mapturuagulugich punniġich piḷiat palauvak akullugu olive uqsruanik. 13Iḷaqaġlugusuli, aitchuiḷusi punniġnik piḷiaguruanik imaksraqaġlugich. 14Qaitchiḷusi aviktamik punnillaamiñ ilaaguaqtaulugu qaisaksramik Ataniġmun; piginiaġaa aŋaiyyuliqsiqpaum niġrutim auŋanik auguaqtairuam ikipkaivigmik. 15Niqaa niġrutim niġiraksrauruq uvlumi aitchuutauviŋani; iḷaŋaunnii iḷakuniaŋitkiksi uvlaakulġataqtillugu.
16Qaġġirriguvsi iḷammiuġniq pisigilugu aitchuunmik taŋŋiutausaġlugu unniqsuqłiisigiŋaravsiññun naakkaunnii ilvich piyummatigivlugu aitchuisaġuvich, iluqaan niġiŋitparruŋ unnii uvlumi aitchuutauviani suŋitchuq, aglaan iḷakuqaġniqpan niġiyumiñaġaat uvlaakukpan. 17Niqi iḷakuqaqpansuli piŋayuanni uvlut ikipkaqtaksrauruq. 18Iḷaŋa niġiñiqparruŋ piŋayuanni uvlut, God-im akuqtuġniaŋitkaa aitchuutiksi. Aitchuun kisiuqatauniaŋitchuq iliŋniñ qaisauniḷugu aglaan salumaitchuaguniaqtuq, aasii kialiqaa niġiñiqpagu, aquvaaŋa igḷutuaġiniaġaa. 19Niqi aksiutiniqpan sumun salumaitchuamun piraġausiq nalaułługu, niġiruksraġiŋitkaat, aglaan ikipkaqtuksrauruq.
Nallisi piraġausiq nalaullugu salumaruagukpata niġiyumiñaġaat niqi, 20aglaan nallisi salummaqtauŋaitchuat niġiñiqpata, iḷauŋaiqsitaksraurut Israel-guqatimigniñ. 21Aasiisuli, niġiñiġuvich taaptumaŋŋa aitchuutauruamiñ aksiqqaaŋaguvit piraġausikun salumaitchuaguruamik, iñugmiŋŋaqtaugaluaqpan naakka niġrutimiñ, iḷauyumiñaiġñiaqtutin God-im iñuŋiññun.
22Atanġum aitchuŋagaa Moses ukuniŋa maliġiraksraŋiññik 23Israel-gum kiŋuvaaŋiññun. Qaunnaŋich pamiqsaat, imnaich, naaggaunnii nagrulgich niġiyumiñaitkisi. 24Qaunnaŋa niġrutim tuquruam tuqqusikaamiktun naakkaunnii niġrułłuum tuqunŋaniqpagu niġiraksrauŋitchuq, aglaan allanun sunun atuġnaġumiñaqtuq. 25Kiñaliqaa niġiruaq qaunnaŋanik niġrutim aitchuutauniaqtuam niqinun aitchuutauluni Ataniġmun iḷauŋaiġñiaqtuq God-im iñuŋiññi. 26#Gn 9.4; Lv 17.10-14; 19.26; Dt 12.16, 23; 15.23.Sumi iñuuniaġaluaqpata Israel-gum kiŋuvaaŋich, niġiruksraġiŋitkaat auŋa tiŋmiallu niġrutillu. 27Iñuum kamagiŋitpauŋ taamna pitquraq iḷauŋaiġñiaqtuq God-im iñuŋiññi.
28Atanġum aitchuŋagaa Moses ukuniŋa maliġiraksranik 29Israel-gum kiŋuvaaŋiññun. Nallisi aitchuutiqaġniqpata iḷammiuġunmun aitchuunmik qaġġisuutiruksraġigiksi iḷaŋa ilaaguaqtaulugu aitchuun Ataniġmun, 30tigumiaġilugu niqikun aitchuutausaġlugu. Aasii qaġġisilugich qaunnaŋiḷḷu sakiaŋiḷḷu qaiḷḷugich ilaaguaqtaulugich Ataniġmun. 31Aŋaiyyuliqsiqpaum ikipkaġisigaa qaunnaq ikipkaivigmi, aglaan sakiaŋich piginiaġaich aŋaiyyuliqsiqpaich. 32Taliqpik ukpataa niġrutim aitchuutigigisigaat ilaaguaqtaulugu 33aŋaiyyuliqsiqpagmun aitchuiruamun augmiglu qaunnaġmiglu iḷammiuġniġmun aitchuikpata. 34Sakiaŋa niġrutim nuimanaqłuni aitchuutauruq, aasii taliqpianiñ ukpataa nuimanaqłuni qaisauruaq, Atanġum piraŋa Israel-gum kiŋuvaaŋiññiñ, aasii qaił̣ł̣ugu aŋaiyyuliqsiqpagnun. Tavra taamna Israel-gum kiŋuvaaŋisa qaisaksraġisuuniaġaat aŋaiyyuliqsiqpagnun taimuŋaaglaan. 35Tavra taamna iḷagigaat niqit aitchuutauruat Ataniġmun qaisauŋaruaq Aaron-mun iġñiŋiñullu uvlumi ilaaguaqtauvlutiŋ aŋaiyyuliqsiqpaguqsaġmata. 36Tavrani uvlumi Atanġum piraksriŋagaich Israel-gum kiŋuvaaŋich aitchuqsaqługich taaptumiŋa iḷaŋannik aitchuiñiġum. Taamna maliġiraksriaguruaq kamagiruksraġiniaġaat Israel-gum kiŋuvaaŋisa taimuŋaaglaan.
37Taapkua, tainnamik, maliġiraksriagurut ikipkaivḷutik aitchuutitigun, palauvaksrat aitchuutauruanun, piḷuun pisigilugu aitchuutauruanun, nunuurautikun aitchuutauruanun, ilaaguaqtaummata aitchuutauruanun, suli iḷammiuġniq pisigivlugu aitchuutiqaġmata. 38Tavrani Mount Sinai-mi nunagluktuami, Ataniq qaitchiŋaruq piraksranik Moses-mun uvlumi uqautimmagich Israel-gum kiŋuvaaŋich aitchuutiqaquvlugich.
Currently Selected:
Leviticus 7: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 7
7
Nunuurautikun Aitchuutit
1Ukua uvva maliġiraksriagurut nunuurautikun aitchuutitigun, salumapiaġataqtuagurut. 2Niġrun taaptumuŋa aitchuutauniaqtuaq tuqutkisigaat salliani ikipkaivium, tuqutchiviat niġrutinik aitchuutauniaqtuanik, aasii auŋa siqił̣ł̣aqtiġutigilugu saniġaŋiññun ikipkaivium. 3Qaunnaŋa iluqaan piiġḷugu aasii aitchuutigilugu ikipkaivigmi: quiñiruaq pamiuŋa, itchauraŋich ilġaviŋisa qaunnaŋat, 4taqtuŋik, itchauraŋich, takiniŋalu tiŋuata. 5Aŋaiyyuliqsiqpaum ikipkaġniaġaa iluqaan qaunnaq ikipkaivigmi niqi aitchuun Ataniġmun. Nunuurautikun aitchuutauruq. 6Nallipayaaŋata aŋutit aŋaiyyuliqsiqpauruat qitunġaġiiñi niġiyumiñaġaa, aglaan niġiraksraġigaa salumaruami inimi, salumapiaġataqtuagurukkii.
7Maliġiaksraqaqtuq tunŋaruamik iluqaigñun piḷuunmun aitchuutauruaq nunuuraunmullu aitchuunmun: niqaa piginiaġaa aŋaiyyuliqsiqpauvluni aitchuipkairuam ikipkaqługu. 8Aŋaiyyuliqsiqpak aitchuiruaq ikipkautikun kiapayaaq aitchuutaanik, ilaan piginiaġaa amiŋa aitchuutigiraġmi. 9Palauvaksraq aitchuutaupayaaqtuaq igavlugu punnilivikun naakka siḷaavyiutikun piginiaġaa aŋaiyyuliqsiqpaum aitchuiruam God-mun. 10Aglaan iluqaisa igaŋaitchuat palauvaksrat aitchuutauniaqtuat, akunŋavlugu uqsrumik naakka paliumavlugu, piginiaġaat Aaron iġñiŋisa aŋaiyyuliqsiqpaich suli autaaqtaksraġigaat atunim ilimignun.
Iḷammiuġutikun Aitchuutauruat
11Ukua uvva maliġiraksriat iḷammiuġun pisigilugu aitchuutauniaqtuanun Ataniġmun. 12Taamna aitchuun qaitkuvsiuŋ quyanaaġutaulugu God-mun, qaitkisigiksi, iḷaqaġlugu niġrunmik ikipkaaksramik, aitchuun punniġmik igaŋaruamik imaksrautaiḷaaqługu, suli tugliŋich maptukiḷḷugich punniġich uqsruqtiŋalugich olive uqsruanik, piŋayuiŋich aasii mapturuagulugich punniġich piḷiat palauvak akullugu olive uqsruanik. 13Iḷaqaġlugusuli, aitchuiḷusi punniġnik piḷiaguruanik imaksraqaġlugich. 14Qaitchiḷusi aviktamik punnillaamiñ ilaaguaqtaulugu qaisaksramik Ataniġmun; piginiaġaa aŋaiyyuliqsiqpaum niġrutim auŋanik auguaqtairuam ikipkaivigmik. 15Niqaa niġrutim niġiraksrauruq uvlumi aitchuutauviŋani; iḷaŋaunnii iḷakuniaŋitkiksi uvlaakulġataqtillugu.
16Qaġġirriguvsi iḷammiuġniq pisigilugu aitchuunmik taŋŋiutausaġlugu unniqsuqłiisigiŋaravsiññun naakkaunnii ilvich piyummatigivlugu aitchuisaġuvich, iluqaan niġiŋitparruŋ unnii uvlumi aitchuutauviani suŋitchuq, aglaan iḷakuqaġniqpan niġiyumiñaġaat uvlaakukpan. 17Niqi iḷakuqaqpansuli piŋayuanni uvlut ikipkaqtaksrauruq. 18Iḷaŋa niġiñiqparruŋ piŋayuanni uvlut, God-im akuqtuġniaŋitkaa aitchuutiksi. Aitchuun kisiuqatauniaŋitchuq iliŋniñ qaisauniḷugu aglaan salumaitchuaguniaqtuq, aasii kialiqaa niġiñiqpagu, aquvaaŋa igḷutuaġiniaġaa. 19Niqi aksiutiniqpan sumun salumaitchuamun piraġausiq nalaułługu, niġiruksraġiŋitkaat, aglaan ikipkaqtuksrauruq.
Nallisi piraġausiq nalaullugu salumaruagukpata niġiyumiñaġaat niqi, 20aglaan nallisi salummaqtauŋaitchuat niġiñiqpata, iḷauŋaiqsitaksraurut Israel-guqatimigniñ. 21Aasiisuli, niġiñiġuvich taaptumaŋŋa aitchuutauruamiñ aksiqqaaŋaguvit piraġausikun salumaitchuaguruamik, iñugmiŋŋaqtaugaluaqpan naakka niġrutimiñ, iḷauyumiñaiġñiaqtutin God-im iñuŋiññun.
22Atanġum aitchuŋagaa Moses ukuniŋa maliġiraksraŋiññik 23Israel-gum kiŋuvaaŋiññun. Qaunnaŋich pamiqsaat, imnaich, naaggaunnii nagrulgich niġiyumiñaitkisi. 24Qaunnaŋa niġrutim tuquruam tuqqusikaamiktun naakkaunnii niġrułłuum tuqunŋaniqpagu niġiraksrauŋitchuq, aglaan allanun sunun atuġnaġumiñaqtuq. 25Kiñaliqaa niġiruaq qaunnaŋanik niġrutim aitchuutauniaqtuam niqinun aitchuutauluni Ataniġmun iḷauŋaiġñiaqtuq God-im iñuŋiññi. 26#Gn 9.4; Lv 17.10-14; 19.26; Dt 12.16, 23; 15.23.Sumi iñuuniaġaluaqpata Israel-gum kiŋuvaaŋich, niġiruksraġiŋitkaat auŋa tiŋmiallu niġrutillu. 27Iñuum kamagiŋitpauŋ taamna pitquraq iḷauŋaiġñiaqtuq God-im iñuŋiññi.
28Atanġum aitchuŋagaa Moses ukuniŋa maliġiraksranik 29Israel-gum kiŋuvaaŋiññun. Nallisi aitchuutiqaġniqpata iḷammiuġunmun aitchuunmik qaġġisuutiruksraġigiksi iḷaŋa ilaaguaqtaulugu aitchuun Ataniġmun, 30tigumiaġilugu niqikun aitchuutausaġlugu. Aasii qaġġisilugich qaunnaŋiḷḷu sakiaŋiḷḷu qaiḷḷugich ilaaguaqtaulugich Ataniġmun. 31Aŋaiyyuliqsiqpaum ikipkaġisigaa qaunnaq ikipkaivigmi, aglaan sakiaŋich piginiaġaich aŋaiyyuliqsiqpaich. 32Taliqpik ukpataa niġrutim aitchuutigigisigaat ilaaguaqtaulugu 33aŋaiyyuliqsiqpagmun aitchuiruamun augmiglu qaunnaġmiglu iḷammiuġniġmun aitchuikpata. 34Sakiaŋa niġrutim nuimanaqłuni aitchuutauruq, aasii taliqpianiñ ukpataa nuimanaqłuni qaisauruaq, Atanġum piraŋa Israel-gum kiŋuvaaŋiññiñ, aasii qaił̣ł̣ugu aŋaiyyuliqsiqpagnun. Tavra taamna Israel-gum kiŋuvaaŋisa qaisaksraġisuuniaġaat aŋaiyyuliqsiqpagnun taimuŋaaglaan. 35Tavra taamna iḷagigaat niqit aitchuutauruat Ataniġmun qaisauŋaruaq Aaron-mun iġñiŋiñullu uvlumi ilaaguaqtauvlutiŋ aŋaiyyuliqsiqpaguqsaġmata. 36Tavrani uvlumi Atanġum piraksriŋagaich Israel-gum kiŋuvaaŋich aitchuqsaqługich taaptumiŋa iḷaŋannik aitchuiñiġum. Taamna maliġiraksriaguruaq kamagiruksraġiniaġaat Israel-gum kiŋuvaaŋisa taimuŋaaglaan.
37Taapkua, tainnamik, maliġiraksriagurut ikipkaivḷutik aitchuutitigun, palauvaksrat aitchuutauruanun, piḷuun pisigilugu aitchuutauruanun, nunuurautikun aitchuutauruanun, ilaaguaqtaummata aitchuutauruanun, suli iḷammiuġniq pisigivlugu aitchuutiqaġmata. 38Tavrani Mount Sinai-mi nunagluktuami, Ataniq qaitchiŋaruq piraksranik Moses-mun uvlumi uqautimmagich Israel-gum kiŋuvaaŋich aitchuutiqaquvlugich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)