Leviticus 5
5
Piḷuun Pisigilugu Ikipkaiñiq Aitchuutinik
1Piḷuutit pisigilugich ikipkairuksraurut aitchuutinik inna pigumiŋ.
Apiġirauguvich atanauraniñ iḷisimaraġnik uqaqulutin uqaqsitaaġvigmi aasii uqautigiŋiḷḷugu qiñiŋaran naakka tusaaŋaran, tavra tatavsaqtauruksrauniaqtutin.
2Pisaaġigaluaġnak aksigñiġupku suna piraġausikun salumaitchuaguruaq, tuquŋaratun niġrutitun, tavra salumaiḷiŋarutin aasii pasiñaqsivḷutin iḷitchuġipqauraġavich tainna pianiktilaaġnik.
3Aksigñiġupku pisaaġigaluaġnagu sunaliqaa iñugmiñ qairuaq salumaitchuaq, suugaluaġniqpan, tavra pasirauniaqtutin iḷitchuġipqauraġuvich tainna pianiktilaaġnik.
4Isumalaaġaluaġnak unniqsuqłiiñiġuvich God-im atqagun, sukun itkaluaqpan, patchisaurutin kaŋiqsipqauraqavich qanuq pitilaaġnik.
5Patchisauniġuvich tamatkunuuna, quliaqtaksraġigiñ piḷuusiqiaġiran, 6akiḷiutigisaġlugu piḷuutignun qaġġirriruksraurutin Ataniġmun aġnasallumik imnaimik naakkaqaa nagruligmik aitchuutigisaġlugu. Aŋaiyyuliqsim aitchuutiginiaġaa ikipkaġlugu piḷuutin pisigilugu.
7Aitchuutiksraiññiġuvich imnaimik naakka nagruligmik, qaġġirrigisirutin malġugnik tiŋmiaŋnik naakka malġugnik pigeon-nik Ataniġmun, akiḷiutigisaġlugik piḷuusiqiaġnun, igḷua piḷuunmun aitchuutausaġlugu aasii igḷua ikipkaġlugu aitchuutausaġlugu. 8Aŋaiyyuliqsimuutigisigikkiñ, aitchuutigiqqaaġniaġaa sivulliulugu tiŋmiaq piḷuunmun aitchuutausaġlugu. Quŋusiŋa navigniaġaa niaquiġaluaġnagu 9aasii siqił̣ł̣aqtautiginiagaa iḷaŋa auŋata saniġaŋanun ikipkaivium. Iḷakua auk maqipkaġniaġaa alliġaŋanun ikipkaivium. Tavra taamna aitchuutauruq piḷuutaiqsaġlugu. 10Tavraasii aitchuutigimmiḷugusuli igḷua tiŋmiaq ikipkaġlugu aitchuutausaġlugu, kamagilugich maliġiraksriaguruat. Tainnaġluni tavra malġugnik tiŋmiaŋnik naakka malġugnik pigeon-nik aŋaiyyuliqsiqpaum aitchuutiginiaġaa ikipkaġlugu aitchuun piḷuutin pisigilugu, aasii suliqutigiŋaiqsauniaqtutin.
11Aitchuutiksraiññiġuvich malġugnik tiŋmiaŋnik naakka pigeon-nik, qaġġirrigisirutin malġuktun pounds-tun uqumaisigilugu palauvagmik piḷuunmun aitchuutiksramik. Uqsriġñiaŋitkin olive uqsruanik naakka ikipkaqlugu tivraġiksaunmik, piḷuunmunkii aitchuutauruq, palauvaksrauŋitchuq aitchuutiksraq. 12Aŋaiyyuliqsimuutisaġiñ, argani immiġḷugu tavraŋŋa ilaaguaqtausaġlugu aitchuutautilaaŋanik Ataniġmun, aasii ikipkaġniaġaa ikipkaivigmi niqaulugu aitchuutauruaq. Aitchuutauruq tavra piḷuun pisigivlugu. 13Tainnaġlugu tavra aŋaiyyuliqsiqpaum aitchuutiginiaġaa ikipkaġlugu piḷuutit pisigilugich, aasii suliqutigiŋaiqsauniaqtutin. Iḷakua aasii palauvaum piginiaġaa aŋaiyyuliqsiqpaum, tainna pimmatun palauvaksramik aitchuutiqaġmata.
Nunuurautikun Aitchuutit
14Atanġum aitchuŋagaa maliġiraksranik Moses ukuniŋa. 15Nallisi piḷuksiñiqpata pisaaġigaluaġnagu qaiñŋiḷḷugich akiḷiutiksrat salumaruaguruat Ataniġmun, akiḷiutiksraġnik qaġġirrigisirutin aitchuutinik Ataniġmun aŋusallumik imnaimik naakka nagruligmik surruutaitchuamik. Akisutilaaŋa iḷitchuġilugu inillaŋaruakun uuktuutikun. 16Akiḷiŋaisaġnik akiḷiiruksraurutin, iḷalugu iñuiññaŋannik (20%) akiŋata, aasii qaiḷḷugich aŋaiyyuliqsiqpagmun. Ilaata aitchuutiginiaġaa imnaiq piḷuutaiġutausaġlugu. Tavraasii suliqutigiŋaiqsauniaqtutin.
17Nallisi piḷuusiqiniqpata pisaaġigaluaġnagu kamaksriŋiḷḷutiŋ Atanġum piraksriutiŋiñik, tavra piḷuusiqirusi aasii akiḷiqtuksraġigiksi tatavsausiaq. 18Aŋaiyyuliqpagmuurriruksraurusi nunuurautikun aitchuunmik surruutaitchuamik aŋusallumik imnaimik naakka nagruligmik. Akisutilaaŋa iḷitchuġilugu inillaŋaruakun uuktuutikun. Aŋaiyyuliqsiqpaum aitchuutiginiaġaa ikipkaġlugu piḷuusiqiaġiravsiññun pisaaġigaluaġnagu, aasii suliqutigiŋaiqsauniaqtusi. 19Tavra nunuuraun aitchuutauruq piḷuusiqiaġiravsiññun paaqłakługu Ataniq.
Currently Selected:
Leviticus 5: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 5
5
Piḷuun Pisigilugu Ikipkaiñiq Aitchuutinik
1Piḷuutit pisigilugich ikipkairuksraurut aitchuutinik inna pigumiŋ.
Apiġirauguvich atanauraniñ iḷisimaraġnik uqaqulutin uqaqsitaaġvigmi aasii uqautigiŋiḷḷugu qiñiŋaran naakka tusaaŋaran, tavra tatavsaqtauruksrauniaqtutin.
2Pisaaġigaluaġnak aksigñiġupku suna piraġausikun salumaitchuaguruaq, tuquŋaratun niġrutitun, tavra salumaiḷiŋarutin aasii pasiñaqsivḷutin iḷitchuġipqauraġavich tainna pianiktilaaġnik.
3Aksigñiġupku pisaaġigaluaġnagu sunaliqaa iñugmiñ qairuaq salumaitchuaq, suugaluaġniqpan, tavra pasirauniaqtutin iḷitchuġipqauraġuvich tainna pianiktilaaġnik.
4Isumalaaġaluaġnak unniqsuqłiiñiġuvich God-im atqagun, sukun itkaluaqpan, patchisaurutin kaŋiqsipqauraqavich qanuq pitilaaġnik.
5Patchisauniġuvich tamatkunuuna, quliaqtaksraġigiñ piḷuusiqiaġiran, 6akiḷiutigisaġlugu piḷuutignun qaġġirriruksraurutin Ataniġmun aġnasallumik imnaimik naakkaqaa nagruligmik aitchuutigisaġlugu. Aŋaiyyuliqsim aitchuutiginiaġaa ikipkaġlugu piḷuutin pisigilugu.
7Aitchuutiksraiññiġuvich imnaimik naakka nagruligmik, qaġġirrigisirutin malġugnik tiŋmiaŋnik naakka malġugnik pigeon-nik Ataniġmun, akiḷiutigisaġlugik piḷuusiqiaġnun, igḷua piḷuunmun aitchuutausaġlugu aasii igḷua ikipkaġlugu aitchuutausaġlugu. 8Aŋaiyyuliqsimuutigisigikkiñ, aitchuutigiqqaaġniaġaa sivulliulugu tiŋmiaq piḷuunmun aitchuutausaġlugu. Quŋusiŋa navigniaġaa niaquiġaluaġnagu 9aasii siqił̣ł̣aqtautiginiagaa iḷaŋa auŋata saniġaŋanun ikipkaivium. Iḷakua auk maqipkaġniaġaa alliġaŋanun ikipkaivium. Tavra taamna aitchuutauruq piḷuutaiqsaġlugu. 10Tavraasii aitchuutigimmiḷugusuli igḷua tiŋmiaq ikipkaġlugu aitchuutausaġlugu, kamagilugich maliġiraksriaguruat. Tainnaġluni tavra malġugnik tiŋmiaŋnik naakka malġugnik pigeon-nik aŋaiyyuliqsiqpaum aitchuutiginiaġaa ikipkaġlugu aitchuun piḷuutin pisigilugu, aasii suliqutigiŋaiqsauniaqtutin.
11Aitchuutiksraiññiġuvich malġugnik tiŋmiaŋnik naakka pigeon-nik, qaġġirrigisirutin malġuktun pounds-tun uqumaisigilugu palauvagmik piḷuunmun aitchuutiksramik. Uqsriġñiaŋitkin olive uqsruanik naakka ikipkaqlugu tivraġiksaunmik, piḷuunmunkii aitchuutauruq, palauvaksrauŋitchuq aitchuutiksraq. 12Aŋaiyyuliqsimuutisaġiñ, argani immiġḷugu tavraŋŋa ilaaguaqtausaġlugu aitchuutautilaaŋanik Ataniġmun, aasii ikipkaġniaġaa ikipkaivigmi niqaulugu aitchuutauruaq. Aitchuutauruq tavra piḷuun pisigivlugu. 13Tainnaġlugu tavra aŋaiyyuliqsiqpaum aitchuutiginiaġaa ikipkaġlugu piḷuutit pisigilugich, aasii suliqutigiŋaiqsauniaqtutin. Iḷakua aasii palauvaum piginiaġaa aŋaiyyuliqsiqpaum, tainna pimmatun palauvaksramik aitchuutiqaġmata.
Nunuurautikun Aitchuutit
14Atanġum aitchuŋagaa maliġiraksranik Moses ukuniŋa. 15Nallisi piḷuksiñiqpata pisaaġigaluaġnagu qaiñŋiḷḷugich akiḷiutiksrat salumaruaguruat Ataniġmun, akiḷiutiksraġnik qaġġirrigisirutin aitchuutinik Ataniġmun aŋusallumik imnaimik naakka nagruligmik surruutaitchuamik. Akisutilaaŋa iḷitchuġilugu inillaŋaruakun uuktuutikun. 16Akiḷiŋaisaġnik akiḷiiruksraurutin, iḷalugu iñuiññaŋannik (20%) akiŋata, aasii qaiḷḷugich aŋaiyyuliqsiqpagmun. Ilaata aitchuutiginiaġaa imnaiq piḷuutaiġutausaġlugu. Tavraasii suliqutigiŋaiqsauniaqtutin.
17Nallisi piḷuusiqiniqpata pisaaġigaluaġnagu kamaksriŋiḷḷutiŋ Atanġum piraksriutiŋiñik, tavra piḷuusiqirusi aasii akiḷiqtuksraġigiksi tatavsausiaq. 18Aŋaiyyuliqpagmuurriruksraurusi nunuurautikun aitchuunmik surruutaitchuamik aŋusallumik imnaimik naakka nagruligmik. Akisutilaaŋa iḷitchuġilugu inillaŋaruakun uuktuutikun. Aŋaiyyuliqsiqpaum aitchuutiginiaġaa ikipkaġlugu piḷuusiqiaġiravsiññun pisaaġigaluaġnagu, aasii suliqutigiŋaiqsauniaqtusi. 19Tavra nunuuraun aitchuutauruq piḷuusiqiaġiravsiññun paaqłakługu Ataniq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)