Leviticus 18
18
Atuquŋisauruat Allatuutit
1Atanġum uqallautigaa Moses, 2uqallaquvlugu Israel-gum kiŋuvaaŋiññun, “Uvaŋa Ataniq God-igiraqsi. 3Maliġinasigik piraġausiŋich iñuŋisa Egypt, iñuuniaġvigiŋaravsi, naakkaunnii iñuich nunaŋaniittuat Canaan, ullauqtaptigni. 4Kamagilugich uvaŋa pitquratka suli piraksriutitka. Uvaŋa Atanġuruŋa ilivsi God-iksi. 5#Ne 9.29; Ez 18.9; 20.11-13; Lk 10.28; Ro 10.5; Ga 3.12.Maliġilugich piraġausit suli pitqurat qaisatka ilivsiññun; annautiniaġisi iñuggutisi tainna piguvsi. Uvaŋa Atanġuruŋa.”
6Atanġum qaiñŋagaich ukua maliġuagaksrat. Allatuqatiqaġnasi nalliŋiññik nanmiñiq iḷavsi. 7Kanŋunaqsiḷiġnagu aapagiran allatuqatigilugu aakan. Kanŋunaqsiḷiqtaksraġiŋitkiñ nanmiñiq ilvich aakagiran. 8#Lv 20.11; Dt 22.30; 27.20.Kanŋunaqsiḷiġnagu aapagiran allatuqatiqaġlutin iḷaŋannik tuvaaqatiŋisa. 9#Lv 20.17; Dt 27.22.Allatuqatiginagu aġnaq aniqatiñ, aakavit panigigaluakpauŋ naakka aapavit panigigaluakpauŋ, iñuguqatigiŋaitkaluaġupku naakka iñuguqatigiŋalugu iñuguġvikaaġni iglumi. 10Allatuqatiginagu aġnaq tutaaluiñ; taamna kanŋunaqsiḷiġutauniaqtuq ilignun. 11Allatuqatiqaġnak nukaaluksraġnik aġnamik; tavraptauq ilaa, nukaalugimmigiñ. 12-13#Lv 20.19, 20.Allatuqatiqaġnak atchagnik, aapavich aniqatigigaluaqpauŋ naakka aakavich aniqatigilugu. 14Allatuqatiqaġnak aŋaalukpich tuvaaqataanik; tavraptauq, ilaa, atchagimmigiñ. 15#Lv 20.12.Allatuqatiqaġnak ukuaġiraġnik 16#Lv 20.21.naakkaunnii aniqarvich aŋutim tuvaaqataanik, taamna kanŋunaqsiḷiġñiaġiñ aniqatin. 17#Lv 20.14; Dt 27.23.Allatuqatiqaġnak panianik naakka tutaaluanik aġnam piqatigiŋaraqpich; nanmiñiq iḷagiviaġitin, taamna aasii pigiiḷḷiqutauruq. 18Tuvaaqatikpich aniqataanik aġnamik tuvaaqatiksraġnak, iñuupkaqtillugusuli tuvaaqatin.
19 #
Lv 20.18. Piqatiginagu aġnaq aalġupkaqtillugu tatqiḷisuaġman nalautitchuuruamik, qanukkii piraġausiq nalaułługu salumaitchuaguruq. 20#Lv 20.10.Allatuqatiqaġnak allam iñuum tuvaaqataanik; piraġausiq nalaułługu salumaiḷiñiaqtutin. 21#Lv 20.1-5.Qaisaġinagich miqłiqtutin aitchuutigitqulugit god-mun Molech-mun, qanukkii tainnasim kanŋunaqsiḷiġniaġaa atqa God-im, Atanġuruam. 22#Lv 20.13.Aŋun allatuqatiqaġniaŋitchuq allamik aŋunmik; God-im taamna naġġugigaa. 23#Ex 22.19; Lv 20.15, 16; Dt 27.21.Aŋun naakka aġnauruaq allatuqatiqaġniaŋitchuq niġrunmik; tainnasiq allatuun piraġausiq nalaułługu salumaiḷḷisauruq.
24Salumaiḷiñasi ilivsiññik tainnasiñik savaglusi, qanuq uvva ukpiġutaitchuat tainnasiñik savaaqaqhutik salumaiḷisuurut, taipkua ukpiġutaitchuat iñuuniaŋaruat nunami sivuvsiññi Atanġum aullaqtitaqtaŋich isillatquvlusi. 25Savaaŋisa tavra nuna salumaitchuaġuqtinŋagaat, tavraasi Atanġum tatavsaġaa nuna aasii ayyaktiłługich iñuich iñuuniaqtuat tavrani. 26-27Tavra savaaqaŋarut iluqaiññik iłuaŋitchuanik aasii nuna salumaiḷipkaqługu, aglaan ilivsi tainna piruksrauŋitchusi. Iluqasi, Israel iñugigaluaqpasi naakka nunaniñ allaniŋŋaqtauruallu iñuuniaqatigirasi, kamagiruksraġigisi Atanġum pitquraŋiḷḷu piraksriutiŋiḷḷu, 28aasii nunam ayyagniaŋitkaasi, ayyausiġmisun ukpiġutaitchuanik iñuuniaŋaruanik taavani sivuvsiññi. 29Iḷisimarusi kiñapayaaq tamatkuniŋa naġġunapiaġataqtuanik piñiġumi iḷauyumiñaiġñiaqtuq God-im iñugiraŋiñi.
30Aasii Ataniq uqallaktuq, “Kamagisigik piraksriutitka qaisatka suli maliġinagich piraġausiŋich iñuich iñuuruat nunami sivuvsiññi, suli salumaiḷiñasi ilivsiññun savaaqaġlusi nallipayaaŋiññik. Uvaŋa Atanġuruŋa God-igiraqsi.”
Currently Selected:
Leviticus 18: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
