Leviticus 15
15
Salumaitchuat Timimiñ Maqiruat
1Atanġum uqallautiŋagaik Moses-lu Aaron-lu ukuniŋa maliġuagaksraŋiññik 2Israel-gum kiŋuvaaŋisa. Kiñapayaaq aŋun maqiruaqaġniġumi quġġivigmiñiñ, taamna maqiruaq salumaitchuaguruq, 3nutqallagaluaqpan naakka nutqalaiḷḷuni kusiqsuaġluni. 4Siñigvik aquppivigiraŋa naakkaunnii nallavigilugu tavra salumaitchuaguruq. 5Kiña aksiutiniġumi siñigvianun 6naakkaunnii aquvilluni taaptuma aŋutim aquppivigiŋaraanun iqaqsriruksrauruq annuġaamiñik suli ivvaġluni, aasii salumaitchuaguniaqtuq anaqalġataqtillugu. 7Kialiqaa aksiugniqpauŋ aŋun maqiruaqaqtuaq iqaġiruksraġigaich annuġaani suli ivvaġluni, aasii suli anaqalġataqtillugu salumaitchuaguniaqtuq. 8Aŋutim aasii maqiruaqaqtuam tivvuaġniqpagu iñuk piragausiq nalaułługu salumaruaguruaq, taaptuma iñuum iqaġiruksraġigaich annuġaani suli ivvaġluni, aasii tainnaptauq salumaitchuaguniaġmiuq anaqalġataqtillugu. 9Usiaqsiqsuam aquppiviŋa aŋutim maqiruaqaqtuaq salumaitchuaguruq. 10Kiapayaam aksiugniqpauŋ suna aŋutim aquppivigiraŋa salumaiññiaqtuq anaqalġataqtillugu. Kiapayaam tigumiaġumiuŋ suna aŋutim aquppivigiŋarani iqaġiruksraġigaich annuġaani suli ivvaġluni, aasii anaqalġataqtillugu salumaiññiaqtuq. 11Aŋutim maqiruaqaqtuam aksigñiqpagu nalliqsi iqaġigaluaġnagich argani, iqaġiruksraġigitin annuġaatin suli ivvaġlutin, aasii salumaiññiaqtutin anaqalġataqtillugu. 12Qikumik utkusiḷiaq aŋutim aksiktaŋa siqumitaksrauruq, suli qirugmik piḷiaq iḷuturuaq puggutauraq aksiktaŋa iqaġiruksrauruq.
13Aŋun aasii mamitanikkumi maqiruaqaqtuaq, utaqqiruksrauruq tallimat malġugni uvluni aasii iqaġilugich annuġaani ivvaġluniḷu suvliktuami imiġiksuami, aasii tavra piraġausiq nalaullugu salumasiñiaqtuq. 14Tallimat piŋayuanni uvlut malġugnik tiŋmiagnik naakka malġugnik pigeon-nik paaŋanuurrigisiruq Tupqum Atanġum Nayuqtauvianun aasii qaiḷḷugik aŋaiyyuliqsiqpagmun. 15Aŋaiyyuliqsiqpaum aitchuutiginiaġaa igḷua piḷuun pisigilugu aasii igḷua ikipkaġlugu. Tavra tainna savaaġiniaġaa piraġausiuruaq salumasiñiaġniŋanun iñuum.
16Aŋun aasii anipkaiñiġumi semen-mik, iqaġiruksraġigaa iluqaan timiñi, aasii salumaitchuaguniaqtuq anaqalġataqtillugu. 17Suna piḷiaguruaq kalikumik naakka qisigmik semen-mik piġuaŋaruaq iqaġiraksrauruq, aasii taamna salumaiññiaqtuq anaqalġataqtillugu. 18Aŋullu aġnaġlu nalaqatigiikkumiŋ ivvaqtuksrauruk, aasii salumaiḷḷutiŋ anaqalġataqtillugu.
19Aġnaq aalġugumi tatqiḷituaġman, salumaiññiaqtuq tallimat malġugni uvluni. Kialiqaa aksigñiqpagu salumaiññiaqtuq anaqalġataqtillugu. 20Sunapayaaq aġnam aquppivigiraŋa naakkaunnii nallavigiraŋa aalġullaġmi salumaitchuaguruq. 21-23Kialiqaa aksigñiqpagu siñigviŋa naakka suna aquppivigiraŋa iqaġiruksraġigaich annuġaani suli ivvaġluni, aasii salumaitchuaguniaqtuq anaqalġataqtillugu. 24Aŋutim nalaqatiginiġumiuŋ aġnaq aalġupkaqtillugu, salumaiḷiñiaqtuq suli salumaiḷḷuni tallimat malġugni uvluni, suli siñigvigipayaaqtaŋi nallavigiraŋich salumaiññiaqtut.
25Aġnauruaq maqiuġniġumi augmik qavsiñi uvluni aalġuvikaaŋiḷaamigun naakkaunnii aunaaġumi qaaŋiġḷugu pivikaani, salumaiññiaqtuq aunaaqtuiññaġumi, tainnatuttauq tatqiḷituaġman aalġuusimisun. 26Siñigviich nallavigiraŋich suli suna aquppivigiraŋich tainnaillaġmi tavra salumaitchuagurut. 27Kisupayaam aksigñiqpatigik salumaiḷiñiaqtut aasii iqaġiruksraġigaich annuġaatiŋ suli ivvaġlutiŋ; tainna salumaiññiaqtut anaqalġataqtillugu. 28Aunaaŋaiġumi, utaqqiruksrauruq tallimat malġugni uvluni, tavra aasii salumasiñiaqtuq piraġausiq nalaullugu. 29Tallimat piŋayuanni uvlut malġugnik tiŋmiagnik naakka malġugnik pigeon-nik aŋaiyyuliqsiqpagmuurriruksrauruq paaŋanun Tupqum Atanġum nayuqtauvianun. 30Aŋaiyyuliqsiqpaum aitchuutiginiaġaa igḷua piḷuun pisigilugu aasii igḷua ikipkautikun aitchuutigilugu, aasii tainna pigumi tavra savaaġiniaġaa piraġausiq nalaullugu salumasiñiksraŋa.
31Atanġum uqautiŋagaa Moses kiliquvlugich Israel-gum kiŋuvaaŋich salumaisiḷaaŋiññik, salumaiḷitquŋił̣ł̣ugu Tupiq nayuqtauvia, qitqaniittuaq inauviŋata. Tainna pigumiŋ, tuquniaqtut. 32Tavra taapkua maliġuagaksrat aŋun maqiruaqaqpan naakka semen-mik anipkaigumi, 33aġnaq suli aalġugumi tatqiḷituaġman, naakka aŋun nalaqatiqaqtuaq aġnamik piraġausikun salumaitchuaguruamik.
Currently Selected:
Leviticus 15: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 15
15
Salumaitchuat Timimiñ Maqiruat
1Atanġum uqallautiŋagaik Moses-lu Aaron-lu ukuniŋa maliġuagaksraŋiññik 2Israel-gum kiŋuvaaŋisa. Kiñapayaaq aŋun maqiruaqaġniġumi quġġivigmiñiñ, taamna maqiruaq salumaitchuaguruq, 3nutqallagaluaqpan naakka nutqalaiḷḷuni kusiqsuaġluni. 4Siñigvik aquppivigiraŋa naakkaunnii nallavigilugu tavra salumaitchuaguruq. 5Kiña aksiutiniġumi siñigvianun 6naakkaunnii aquvilluni taaptuma aŋutim aquppivigiŋaraanun iqaqsriruksrauruq annuġaamiñik suli ivvaġluni, aasii salumaitchuaguniaqtuq anaqalġataqtillugu. 7Kialiqaa aksiugniqpauŋ aŋun maqiruaqaqtuaq iqaġiruksraġigaich annuġaani suli ivvaġluni, aasii suli anaqalġataqtillugu salumaitchuaguniaqtuq. 8Aŋutim aasii maqiruaqaqtuam tivvuaġniqpagu iñuk piragausiq nalaułługu salumaruaguruaq, taaptuma iñuum iqaġiruksraġigaich annuġaani suli ivvaġluni, aasii tainnaptauq salumaitchuaguniaġmiuq anaqalġataqtillugu. 9Usiaqsiqsuam aquppiviŋa aŋutim maqiruaqaqtuaq salumaitchuaguruq. 10Kiapayaam aksiugniqpauŋ suna aŋutim aquppivigiraŋa salumaiññiaqtuq anaqalġataqtillugu. Kiapayaam tigumiaġumiuŋ suna aŋutim aquppivigiŋarani iqaġiruksraġigaich annuġaani suli ivvaġluni, aasii anaqalġataqtillugu salumaiññiaqtuq. 11Aŋutim maqiruaqaqtuam aksigñiqpagu nalliqsi iqaġigaluaġnagich argani, iqaġiruksraġigitin annuġaatin suli ivvaġlutin, aasii salumaiññiaqtutin anaqalġataqtillugu. 12Qikumik utkusiḷiaq aŋutim aksiktaŋa siqumitaksrauruq, suli qirugmik piḷiaq iḷuturuaq puggutauraq aksiktaŋa iqaġiruksrauruq.
13Aŋun aasii mamitanikkumi maqiruaqaqtuaq, utaqqiruksrauruq tallimat malġugni uvluni aasii iqaġilugich annuġaani ivvaġluniḷu suvliktuami imiġiksuami, aasii tavra piraġausiq nalaullugu salumasiñiaqtuq. 14Tallimat piŋayuanni uvlut malġugnik tiŋmiagnik naakka malġugnik pigeon-nik paaŋanuurrigisiruq Tupqum Atanġum Nayuqtauvianun aasii qaiḷḷugik aŋaiyyuliqsiqpagmun. 15Aŋaiyyuliqsiqpaum aitchuutiginiaġaa igḷua piḷuun pisigilugu aasii igḷua ikipkaġlugu. Tavra tainna savaaġiniaġaa piraġausiuruaq salumasiñiaġniŋanun iñuum.
16Aŋun aasii anipkaiñiġumi semen-mik, iqaġiruksraġigaa iluqaan timiñi, aasii salumaitchuaguniaqtuq anaqalġataqtillugu. 17Suna piḷiaguruaq kalikumik naakka qisigmik semen-mik piġuaŋaruaq iqaġiraksrauruq, aasii taamna salumaiññiaqtuq anaqalġataqtillugu. 18Aŋullu aġnaġlu nalaqatigiikkumiŋ ivvaqtuksrauruk, aasii salumaiḷḷutiŋ anaqalġataqtillugu.
19Aġnaq aalġugumi tatqiḷituaġman, salumaiññiaqtuq tallimat malġugni uvluni. Kialiqaa aksigñiqpagu salumaiññiaqtuq anaqalġataqtillugu. 20Sunapayaaq aġnam aquppivigiraŋa naakkaunnii nallavigiraŋa aalġullaġmi salumaitchuaguruq. 21-23Kialiqaa aksigñiqpagu siñigviŋa naakka suna aquppivigiraŋa iqaġiruksraġigaich annuġaani suli ivvaġluni, aasii salumaitchuaguniaqtuq anaqalġataqtillugu. 24Aŋutim nalaqatiginiġumiuŋ aġnaq aalġupkaqtillugu, salumaiḷiñiaqtuq suli salumaiḷḷuni tallimat malġugni uvluni, suli siñigvigipayaaqtaŋi nallavigiraŋich salumaiññiaqtut.
25Aġnauruaq maqiuġniġumi augmik qavsiñi uvluni aalġuvikaaŋiḷaamigun naakkaunnii aunaaġumi qaaŋiġḷugu pivikaani, salumaiññiaqtuq aunaaqtuiññaġumi, tainnatuttauq tatqiḷituaġman aalġuusimisun. 26Siñigviich nallavigiraŋich suli suna aquppivigiraŋich tainnaillaġmi tavra salumaitchuagurut. 27Kisupayaam aksigñiqpatigik salumaiḷiñiaqtut aasii iqaġiruksraġigaich annuġaatiŋ suli ivvaġlutiŋ; tainna salumaiññiaqtut anaqalġataqtillugu. 28Aunaaŋaiġumi, utaqqiruksrauruq tallimat malġugni uvluni, tavra aasii salumasiñiaqtuq piraġausiq nalaullugu. 29Tallimat piŋayuanni uvlut malġugnik tiŋmiagnik naakka malġugnik pigeon-nik aŋaiyyuliqsiqpagmuurriruksrauruq paaŋanun Tupqum Atanġum nayuqtauvianun. 30Aŋaiyyuliqsiqpaum aitchuutiginiaġaa igḷua piḷuun pisigilugu aasii igḷua ikipkautikun aitchuutigilugu, aasii tainna pigumi tavra savaaġiniaġaa piraġausiq nalaullugu salumasiñiksraŋa.
31Atanġum uqautiŋagaa Moses kiliquvlugich Israel-gum kiŋuvaaŋich salumaisiḷaaŋiññik, salumaiḷitquŋił̣ł̣ugu Tupiq nayuqtauvia, qitqaniittuaq inauviŋata. Tainna pigumiŋ, tuquniaqtut. 32Tavra taapkua maliġuagaksrat aŋun maqiruaqaqpan naakka semen-mik anipkaigumi, 33aġnaq suli aalġugumi tatqiḷituaġman, naakka aŋun nalaqatiqaqtuaq aġnamik piraġausikun salumaitchuaguruamik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)