Leviticus 16
16
Uvluŋa Piḷuutaiqsauniġum
1Atanġum uqautiŋagaa Moses tuqutauqqaaqtillugik iġñiġutiŋiññiñ malġuk Aaron-gum, tuqutauŋaruak qallivaałłakamik sivuġaanun Atanġum. 2#He 6.19.Uqallautigaa, “Uqallauttuuŋ aniqatin Aaron kisiatualuk piviksraq tikitpan tunuanuqulugu talukiyaaŋata Salumaniqtauruam Inim, qanukkii tavrani niptaġuuruŋa nuviyakun qulaagun matuaŋata Sivunniuġutim Kiguunniŋata. Kamaksriŋisuaġumi, ilaa tuqutauniaqtuq. 3#He 9.7.Isiġumiñaġniaqtuq Salumaniqtauruamun Inimun kisiatualuk qaġġirrianikkumi nutaġamik aŋusallumik piḷuunmun aitchuutiksramik suli aŋusallumik imnaimik ikipkautikun aitchuutiksramik.” 4Tavraasii Ataniq qaitchiŋaruq ukuniŋa piraksraŋiññik. Aaron Salumaniqtauruamun Inimuŋaiñŋaġmi, ivvaqtuksrauruq suli atiluni aŋaiyyuliqsiqpauruam annuġaaŋiñik: ukił̣haaġiksuaq qaliġuaq suli naitchuak kamikłuuk, tavsiŋa, suli niaqumun nimmaaġun.
5Inauqatigiiksuat Israel-mi aitchuġniaġaat Aaron malġugnik aŋusallugnik nagrulignik piḷuun pisigilugu aitchuutiksraŋigñik suli aŋusallumik imnaimik ikipkautiksramik. 6Aaron aitchuiñiaqtuq immulivium aŋusalluanik aitchuutausaġlugu piḷuutimiñun suli igluqatiiŋisa piḷuutiŋiñun. 7Tavraasii malġugnik nagrulignik paaŋanuurrigisiruq Tupqum Atanġum nayuutauviata. 8Tavrani nalautchuġaġisiruq, malġugnik uyaġagnik, atausiq titiŋaluni “Ataniġmun” aasii igḷua “Azazel-mun.” 9Aaron-gum aitchuutigigisigaa piksraqtaaguruaq nagrulik Ataniġmun aasii aitchuutigilugu piḷuun pisigilugu. 10Nagrulik aasii naliġaaguruaq Azazel-mun, qaisaugisiruq iñuulugu Ataniġmun aasii aullaqtillugu nunagluktuamun Azazel-mun, piiḷḷasaġlugich piḷuutiŋich iñuich.
11Aaron aitchuikpan aŋusalluanik immulivium piḷuun pisigilugu ilimiñun qitunġamiñullu, 12aġraliqutiksraġniaqtuq imaligmik ikualaruanik aluanik ikipkaivigmiñ suli malġugnik argagmiutagnik immiġḷugu tivraġiksautigiksuamik aasii Salumaniqtauruamun Inimuutilugich. 13Tavrani Atanġum sivuġaani iḷigisigaa tivraġiksaun igniġmun, aasii avyuata tivraġiksautim taliññiaġaa matua Sivunniuġutim Kiguunniŋata tautuŋitchumagaa aasii tuquluni. 14Iḷaŋanik auŋata aŋusallum pamiqsaam piksraġisiruq tikiġmiñun aasii qivsaliglugu sivuġaŋa matuam aasii tavra qivsaliutilugu iḷaŋa tallimat malġugni sivuġaanun Sivunniuġutim Kiguunniŋata. 15#He 9.12.Taamna pianikpan, tuqutkisigaa nagrulik iñuich piḷuutiŋich pisigilugich aitchuutigisaġlugu auŋa Salumaniqtauruam Inaanuutilugu, aasii qivsaliutilugu matuaŋanun suli sivuġaanun Sivunniuġutim Kiguunniŋata, piusimisun auŋanik immulivium aŋusalluata. 16Tainna pigumi savaaġiniaġaa piraġausiq nalaullugu salummaġniksraŋa Salumaniqtauruam Inim salumairrutaanniñ Israel-gum kiŋuvaaŋisa piḷuutipayaaŋiññiñ. Tainna-suli piraksraġigaa Tupiq, qanukkii naparuq qitqani inauruat, piraġausiq nalaułługu salumaitchuaguvlutiŋ. 17Isiġniŋanun Aaron-gum Salumaniqtauruamun Inimun savaaġisaqługu piraġausiq nalaullugu salumasiñiaġniksraŋanun aniḷġataqtillugu, iñuqaqtuksrauŋitchuq allamik Tupiġmi. Atuġumiuŋ piraġausiq nalaullugu ilimiñun, igluqatiimiñunlu, suli nunaaqqiqatiimiñunlu, 18tavra ikipkaivigmugluni aitchuivigmun ikipkautikun salummaġniaġaa. Iḷaŋanik immulivium aŋusallum auŋata piḷuni suli nagruligum auŋanik piġuaġluguasii aniŋaruanun kaŋiŋisa ikipkaivium. 19Tikimiñik qivsaliutiniaġaa iḷaŋa augum ikipkaivigmun tallimat malġuiqsuaġlugu. Tainnaġumi salumasiñiaġaa piḷuutiŋiñiñ Israel-gum kiŋuvaaŋisa aasii ilaaguaqtaulugu.
Pasirauruaq
20Aaron piraġausiq nalaullugu salummaiganigataġumi Salumaniqtauruamik Inimik, Tupiġmik Atanġum nayuutauvianik, ikipkaivigmiglu, qaisaġigisigaa Ataniġmun iñuuruaq nagrulik naliġaaguruaq Azazel-mun. 21Argagni iluqaaktun nagrulgum niaquanukkisigaik aasii quliaġlugich iluqaisa pigiitchuat, piḷuutit, suli paaqłaktautiŋich Israel-gum kiŋuvaaŋisa, aasii nuutillugich nagruligum niaquanun. Tavraasii taamna nagrulik aullaqtinniaġaa nunagluktuamun nalunaiqsauruakun iñukun. 22Nagruligum akigaaġiniaġaich iluqaisa piḷuutiŋich aasii aullautilugich inauvigiŋaisaŋannun nunamun. 23#Ez 44.19.Tavraasii Aaron Tupiġmugluni, mattaġniagai aŋaiyyuliqsiqpauruam annuġaaŋich atuqtani isiŋaiñŋaġmi Salumaniqtauruamun Inimun, aasii tavruŋa uniññiaġaich. 24Ivvaqtuksrauruq tavrani salumaruami inimi aasii ilaata annuġaani atilugich. Tainna pianikkumi, aniḷuni aitchuiñiaqtuq ikipkaqtamik aitchuunmik ilaata piḷuutini piiqsaġlugich suli piḷuutiŋich iñuich. 25Ikipkaġisigaa ikipkaivigmi qaunnaŋa niġrutim aitchuisaġluni piḷuun pisigilugu. 26Iñuk aasii aullaurriruaq nagruligmik nunagluktuamun Azazel-mun iqaqsriruksrauruq annuġaamiñik suli ivvaġluni utiŋaiñŋaġmi inauviannun. 27#He 13.11.Immulivium aŋusallua nagruliglu aitchuutauruak piḷuun pisigilugu, Salumaniqtauruamun Inimuutiŋagaak auŋak piḷuutaiġutausaqługu, tigumiaġlugik siḷataanuutigisigaik inauviata aasii ikipkaġlugik. Amiŋak, niqiŋik, suli iŋaluaŋik iluqaisaasii ikipkaġlugich. 28Ikipkaiyyaqtuam iqaġiruksraġigaich annuġaani suli ivvaġluni utiŋaiñŋaġmi nullaummivigmun.
Nalunaiqsaġivlugu Atuġmarruŋ Uvluŋa Piḷuutaiqsauniġum
29 #
Lv 23.26-32; Nu 29.7-11. Ukua maliġuagaksriat atugaġiraksraġigaich taimuŋaaglaan. Quliŋanni uvlut tallimat malġuŋanni tatqich, Israel-gum kiŋuvaaŋiḷḷu allaniḷḷu nunaniŋŋaqtauruat iñuuniaqatauruat akunġanni niġiŋaiḷaqtuksraurut suli sunik savakkaluaġnatiŋ. 30Taavsrumani uvlumi piraġausiq nalaullugu atuqtaksraġigaat salummaqsaġlutiŋ piḷuutipayaamigniñ, piraġausiq nalaullugu salumasisaġlutiŋ. 31Taamna uvluq salumapiaġataqtuaguniaqtuq, niġiŋaiḷaġlutiŋ suli sunik savaŋiyvigilugu. Taapkua maliġuagaksriat atuġuusaġataġniaġaich taimuŋaaglaan. 32Aŋaiyyuliqsiqpaich Qaukłiat, ilaaguaqtauŋaruaq qaisauvluni inaŋiutisaqłuni aapamiñun, savaaqaġniaqtuq piraġausiq nalaullugu salumasiñiksram. Atiruksrauruq aŋaiyyuliqsiqpauruam annuġaaŋiñik 33aasii savaaġilugu piragausiq nalaullugu salumasiñiksraŋa Salumapiaġataqtuam Inim, iluqaallu Tupqa Atanġum nayuqtauviata, ikipkaiviglu, aŋaiyyuliqsiqpaiḷḷu, suli iluqaisa iñuŋich nunaaqqiuram. 34Taapkua maliġuagaksrat atuġuuniaġaich taimuŋaaglaan. Taamna piraġausiq nalaullugu savaaġiniaġaat atausiaġlugu ukiumi salummaqsaqługich Israel-gum kiŋuvaaŋich piḷuutipayaaŋiññiñ.
Tavraasi Moses savaŋaruq Atanġum piraksriutaa nalaułługu.
Currently Selected:
Leviticus 16: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 16
16
Uvluŋa Piḷuutaiqsauniġum
1Atanġum uqautiŋagaa Moses tuqutauqqaaqtillugik iġñiġutiŋiññiñ malġuk Aaron-gum, tuqutauŋaruak qallivaałłakamik sivuġaanun Atanġum. 2#He 6.19.Uqallautigaa, “Uqallauttuuŋ aniqatin Aaron kisiatualuk piviksraq tikitpan tunuanuqulugu talukiyaaŋata Salumaniqtauruam Inim, qanukkii tavrani niptaġuuruŋa nuviyakun qulaagun matuaŋata Sivunniuġutim Kiguunniŋata. Kamaksriŋisuaġumi, ilaa tuqutauniaqtuq. 3#He 9.7.Isiġumiñaġniaqtuq Salumaniqtauruamun Inimun kisiatualuk qaġġirrianikkumi nutaġamik aŋusallumik piḷuunmun aitchuutiksramik suli aŋusallumik imnaimik ikipkautikun aitchuutiksramik.” 4Tavraasii Ataniq qaitchiŋaruq ukuniŋa piraksraŋiññik. Aaron Salumaniqtauruamun Inimuŋaiñŋaġmi, ivvaqtuksrauruq suli atiluni aŋaiyyuliqsiqpauruam annuġaaŋiñik: ukił̣haaġiksuaq qaliġuaq suli naitchuak kamikłuuk, tavsiŋa, suli niaqumun nimmaaġun.
5Inauqatigiiksuat Israel-mi aitchuġniaġaat Aaron malġugnik aŋusallugnik nagrulignik piḷuun pisigilugu aitchuutiksraŋigñik suli aŋusallumik imnaimik ikipkautiksramik. 6Aaron aitchuiñiaqtuq immulivium aŋusalluanik aitchuutausaġlugu piḷuutimiñun suli igluqatiiŋisa piḷuutiŋiñun. 7Tavraasii malġugnik nagrulignik paaŋanuurrigisiruq Tupqum Atanġum nayuutauviata. 8Tavrani nalautchuġaġisiruq, malġugnik uyaġagnik, atausiq titiŋaluni “Ataniġmun” aasii igḷua “Azazel-mun.” 9Aaron-gum aitchuutigigisigaa piksraqtaaguruaq nagrulik Ataniġmun aasii aitchuutigilugu piḷuun pisigilugu. 10Nagrulik aasii naliġaaguruaq Azazel-mun, qaisaugisiruq iñuulugu Ataniġmun aasii aullaqtillugu nunagluktuamun Azazel-mun, piiḷḷasaġlugich piḷuutiŋich iñuich.
11Aaron aitchuikpan aŋusalluanik immulivium piḷuun pisigilugu ilimiñun qitunġamiñullu, 12aġraliqutiksraġniaqtuq imaligmik ikualaruanik aluanik ikipkaivigmiñ suli malġugnik argagmiutagnik immiġḷugu tivraġiksautigiksuamik aasii Salumaniqtauruamun Inimuutilugich. 13Tavrani Atanġum sivuġaani iḷigisigaa tivraġiksaun igniġmun, aasii avyuata tivraġiksautim taliññiaġaa matua Sivunniuġutim Kiguunniŋata tautuŋitchumagaa aasii tuquluni. 14Iḷaŋanik auŋata aŋusallum pamiqsaam piksraġisiruq tikiġmiñun aasii qivsaliglugu sivuġaŋa matuam aasii tavra qivsaliutilugu iḷaŋa tallimat malġugni sivuġaanun Sivunniuġutim Kiguunniŋata. 15#He 9.12.Taamna pianikpan, tuqutkisigaa nagrulik iñuich piḷuutiŋich pisigilugich aitchuutigisaġlugu auŋa Salumaniqtauruam Inaanuutilugu, aasii qivsaliutilugu matuaŋanun suli sivuġaanun Sivunniuġutim Kiguunniŋata, piusimisun auŋanik immulivium aŋusalluata. 16Tainna pigumi savaaġiniaġaa piraġausiq nalaullugu salummaġniksraŋa Salumaniqtauruam Inim salumairrutaanniñ Israel-gum kiŋuvaaŋisa piḷuutipayaaŋiññiñ. Tainna-suli piraksraġigaa Tupiq, qanukkii naparuq qitqani inauruat, piraġausiq nalaułługu salumaitchuaguvlutiŋ. 17Isiġniŋanun Aaron-gum Salumaniqtauruamun Inimun savaaġisaqługu piraġausiq nalaullugu salumasiñiaġniksraŋanun aniḷġataqtillugu, iñuqaqtuksrauŋitchuq allamik Tupiġmi. Atuġumiuŋ piraġausiq nalaullugu ilimiñun, igluqatiimiñunlu, suli nunaaqqiqatiimiñunlu, 18tavra ikipkaivigmugluni aitchuivigmun ikipkautikun salummaġniaġaa. Iḷaŋanik immulivium aŋusallum auŋata piḷuni suli nagruligum auŋanik piġuaġluguasii aniŋaruanun kaŋiŋisa ikipkaivium. 19Tikimiñik qivsaliutiniaġaa iḷaŋa augum ikipkaivigmun tallimat malġuiqsuaġlugu. Tainnaġumi salumasiñiaġaa piḷuutiŋiñiñ Israel-gum kiŋuvaaŋisa aasii ilaaguaqtaulugu.
Pasirauruaq
20Aaron piraġausiq nalaullugu salummaiganigataġumi Salumaniqtauruamik Inimik, Tupiġmik Atanġum nayuutauvianik, ikipkaivigmiglu, qaisaġigisigaa Ataniġmun iñuuruaq nagrulik naliġaaguruaq Azazel-mun. 21Argagni iluqaaktun nagrulgum niaquanukkisigaik aasii quliaġlugich iluqaisa pigiitchuat, piḷuutit, suli paaqłaktautiŋich Israel-gum kiŋuvaaŋisa, aasii nuutillugich nagruligum niaquanun. Tavraasii taamna nagrulik aullaqtinniaġaa nunagluktuamun nalunaiqsauruakun iñukun. 22Nagruligum akigaaġiniaġaich iluqaisa piḷuutiŋich aasii aullautilugich inauvigiŋaisaŋannun nunamun. 23#Ez 44.19.Tavraasii Aaron Tupiġmugluni, mattaġniagai aŋaiyyuliqsiqpauruam annuġaaŋich atuqtani isiŋaiñŋaġmi Salumaniqtauruamun Inimun, aasii tavruŋa uniññiaġaich. 24Ivvaqtuksrauruq tavrani salumaruami inimi aasii ilaata annuġaani atilugich. Tainna pianikkumi, aniḷuni aitchuiñiaqtuq ikipkaqtamik aitchuunmik ilaata piḷuutini piiqsaġlugich suli piḷuutiŋich iñuich. 25Ikipkaġisigaa ikipkaivigmi qaunnaŋa niġrutim aitchuisaġluni piḷuun pisigilugu. 26Iñuk aasii aullaurriruaq nagruligmik nunagluktuamun Azazel-mun iqaqsriruksrauruq annuġaamiñik suli ivvaġluni utiŋaiñŋaġmi inauviannun. 27#He 13.11.Immulivium aŋusallua nagruliglu aitchuutauruak piḷuun pisigilugu, Salumaniqtauruamun Inimuutiŋagaak auŋak piḷuutaiġutausaqługu, tigumiaġlugik siḷataanuutigisigaik inauviata aasii ikipkaġlugik. Amiŋak, niqiŋik, suli iŋaluaŋik iluqaisaasii ikipkaġlugich. 28Ikipkaiyyaqtuam iqaġiruksraġigaich annuġaani suli ivvaġluni utiŋaiñŋaġmi nullaummivigmun.
Nalunaiqsaġivlugu Atuġmarruŋ Uvluŋa Piḷuutaiqsauniġum
29 #
Lv 23.26-32; Nu 29.7-11. Ukua maliġuagaksriat atugaġiraksraġigaich taimuŋaaglaan. Quliŋanni uvlut tallimat malġuŋanni tatqich, Israel-gum kiŋuvaaŋiḷḷu allaniḷḷu nunaniŋŋaqtauruat iñuuniaqatauruat akunġanni niġiŋaiḷaqtuksraurut suli sunik savakkaluaġnatiŋ. 30Taavsrumani uvlumi piraġausiq nalaullugu atuqtaksraġigaat salummaqsaġlutiŋ piḷuutipayaamigniñ, piraġausiq nalaullugu salumasisaġlutiŋ. 31Taamna uvluq salumapiaġataqtuaguniaqtuq, niġiŋaiḷaġlutiŋ suli sunik savaŋiyvigilugu. Taapkua maliġuagaksriat atuġuusaġataġniaġaich taimuŋaaglaan. 32Aŋaiyyuliqsiqpaich Qaukłiat, ilaaguaqtauŋaruaq qaisauvluni inaŋiutisaqłuni aapamiñun, savaaqaġniaqtuq piraġausiq nalaullugu salumasiñiksram. Atiruksrauruq aŋaiyyuliqsiqpauruam annuġaaŋiñik 33aasii savaaġilugu piragausiq nalaullugu salumasiñiksraŋa Salumapiaġataqtuam Inim, iluqaallu Tupqa Atanġum nayuqtauviata, ikipkaiviglu, aŋaiyyuliqsiqpaiḷḷu, suli iluqaisa iñuŋich nunaaqqiuram. 34Taapkua maliġuagaksrat atuġuuniaġaich taimuŋaaglaan. Taamna piraġausiq nalaullugu savaaġiniaġaat atausiaġlugu ukiumi salummaqsaqługich Israel-gum kiŋuvaaŋich piḷuutipayaaŋiññiñ.
Tavraasi Moses savaŋaruq Atanġum piraksriutaa nalaułługu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)