Leviticus 14
14
Piġuaġniġił̣ł̣ugu Salumasiñiq Kiḷḷiġruaqtuqqaaqtillugich
1Atanġum uqallautiŋagaa Moses 2#Mt 8.4; Mk 1.44; Lk 5.14; 17.14.ukuniŋa maliġiraksraŋannik piraġausiq nalaullugu salumasitqigñiksraŋatigun mamitanikpata kiḷḷiġruaqtuŋaruat. Tikiutikpatin uvlumun kiliktauviksraġnun salumasiñiḷutin, aŋaiyyuliqsiqpagmuutiniaġaatin, 3aasii aŋaiyyuliqsiqpaum siḷataanuutiniaġaatin nullaummiviuruam, aasii qanuqitilaaġlutin. Kiḷḷiġruaq mamilaitchuaq maminŋaniqpan, 4aŋaiyyuliqsiqpak piraksriigisiruq malġuk salumaruak tiŋmiak qaġġisitqulugik, iḷaqaġlugik cedar-mik qirugmik, kaviqsuamiglu akłunaamik, suli qiruatchiamik hyssop-mik. 5Tavraasii aŋaiyyuliqsiqpaum piraksriġisigaich igḷua tiŋmiam tuqutqulugu, qulaani qikumiñ utkusiuram imaligaam imilluatamik. 6Igḷua tiŋmiam tiguniaġaa aasii misuglugu, iḷagilugu cedar-m qiruanik, kaviqsuaġlu akłunaaq, hyssop-lu, tiŋmiam tuquttaŋata auŋanun. 7Qivsaliŋniaġaa augmik tallimat malġugni salumasirauniaqtuaq iḷaksi kiḷḷiġruaqtuġnimiñiñ, tavraasii kiligniaġaa salumasiñiḷugu. Iñuuruaq aasii tiŋmiaq tiŋipkaġniaġaa qulaatigun nunaraat. 8Iġġuġisigitin annuġaatin, kivraġlutillu nusaiġutin, suli ivvaġlutin; tavra aasii piraġausiq nalaullugu salumasiñiaqtutin. Isiġumiñaqsiñiaqtutin nullaummivigmun, aglaan siḷataaniillaktuksraurutin tupiqpich tallimat malġugni uvluni. 9Tallimat malġuanni uvlut kivravsaaqtaksraġigiñ niaqqun, umitillu, qavlutillu, suli timigniipayaaqtuat nusat; iqaġigisigitin annuġaatin ivvaġlutillu, aasii tavra piraġausiq nalaullugu salumasiñiaqtutin.
10Tallimat piŋayuanni uvlut qaġġirrigisirutin malġugnik aŋusallugnik imnaiyaagnik suli atausimik aġnasallumik imnaiyaamik atausimik ukiuqaqtuamik surruutaitchuanik, tallimatullu pounds-tun uqumaisigiruamik palauvagmik akunŋaruamik olive uqsruanik, suli avvaŋanik pint-gum olive uqsruanik. 11Aŋaiyyuliqsiqpaum paaŋanuutiniaġaatin Tupqum Atanġum nayuqtauvianun, tavruŋautilugiḷḷu taapkua aitchuutauniaqtuat. 12Tavraasii aŋaiyyuliqsiqpaum atausiq aŋusalluq imnaiyaaq iḷaqaġlugu avvaŋanik pint-gum uqsrumik, aitchuutiginiaġaa nunuurautikun. Qaisaġiniaġaik nuimagivlugik Ataniġmun aasii aŋaiyyuliqsiqpaum piñiaġaik. 13Tuqunniaġaa imnaiyaaq salumaruami inimi niġrutit piḷuunmun aitchuutauvianni suli ikipkaġlugu aitchuutauniaqtuat tuqurvianni. Tainna piruksrauruq qanukkii nunuurautikun aitchuutaurut, piḷuunmun aitchuutauruatitun aŋaiyyuliqsiqpagmun suli salumapiaġataqtuaguruq. 14Aŋaiyyuliqsiqpak auksraġluni imnaiyaam auŋaniñ auliġñiaġaa taliqpiani siutaata niviŋaruaŋa, kuvluŋalu taliqpium argaŋata, suli putuguanun taliqpium isigaŋata kiliktauniaqtuam piraġausiq nalaullugu salumasiñiḷugu. 15Aŋaiyyuliqsiqpak kuvisiñiaqtuq saumigmi utummaŋanun olive uqsruviñiŋanik, 16misugluguasii taliqpigmi tikiŋa tavruŋa, aasii qivsalliutilugu iḷaŋa tallimat malġuktun Atanġum sivuġaani. 17Aŋaiyyuliqsiqpak uqsruksraġuni iḷaŋanik utummagmiñiittuamiñ aasii nanuglugu taliqpium siutaata niviŋaruaŋanun iñuum salummaqtauniaqtuam, kuvluanullu taliqpium argaŋata, suli putuguŋanun taliqpium isigaŋata piraġausiq nalaullugu salumasiñiḷugu. 18Iḷakua aasii uqsrum utummagmiñiittuam niaquġnugniaġaa. Tavra tainna pigumi savaaġigaa piraġausiq nalaułługu salumasiñiksram.
19Tavraasii aŋaiyyuliqsiqpak aitchuutiqaġniaqtuq piḷuun pisigilugu aasii savaaġilugu piraġausiq nalaullugu salumasiñiaġniksraq. Taaptuma aquagun, tuqutchigisiruq niġrunmik ikipkautikun aitchuutiksramik, 20aasii aitchuutigimmiḷugu iḷaqaġlugu palauvaksramik aitchuunmik ikipkaivigmi. Tainnaġluni tavra aŋaiyyuliqsiqpak savaaqaġniaqtuq piraġausiq nalaullugu salumasiñiaġniksraq, aasii salumasiñiaqtutin. 21Piiḷḷiuqtuaguguvich taapkuniŋa aitchuutiksraiḷḷutin, aitchuiyumiñaqtutin atausimik aŋusallumik imnaiyaamik pasiraunikun aitchuutigisaġlugu, nuimaruaġilugu Ataniġmun aŋaiyyuliqsiqpaum aitchuutiksraŋanik. Qaġġirriḷutillu malġuktun pounds-tun uqumaisigiruamik palauvagmik akunŋaruamik olive uqsruanik palauvaksramun aitchuutausaġlugu suli avvaŋanik pint-gum olive uqsruanik. 22Malġugniglu tiŋmiagnik naakka malġugnik pigeon-nik, igḷua piḷuunmun aitchuutausaġlugu aasii igḷua ikipkautikun aitchuutausaġlugu. 23Tallimat piŋayuanni uvlut salumasisaġniqpich aŋaiyyuliqsiqpagmuutisaġitin paaŋanun Tupqum. 24Aŋaiyyuliqsiqpaum aitchuutiginiaġaik imnaiyaaġlu olive uqsrualu nuimagilugik Ataniġmun aasii aŋaiyyuliqsiqpaum piginiaġaik. 25Tuqunniaġaa imnaiyaaq aasii auŋata iḷaŋanik piġuaġlugu taliqpigmi siutaata niviŋaruaŋanun salummaqtauniaqtuam, kuvluanullu taliqpigmi argaŋata, suli putuguanun taliqpium isigaŋata. 26Aŋaiyyuliqsiqpak aasii kuvisiñiaqtuq iḷaŋanik uqsrum saumigmi utummaŋanun 27aasii tikiġmiñik taliqpimi qivsalliutilugu iḷaŋa tallimat malġugni tavrani Atanġum sivuġaani. 28Uqsrum iḷaŋa aŋaiyyuliqsiqpaum iḷigisigaa tavruŋa piġuaġvigmiñun augmik: niviŋaruaŋanun taliqpium siutaata salummaqtauniaqtuam, kuvluŋanun taliqpium argaŋata, putuguŋanullu taliqpium isigaŋata. 29Iḷakua uqsrum utummaŋmiñiittuaq niaquanukkisigaa aasii tainna savaaġiniaġaa piraġausiq nalaullugu salumasiñiaġniksraq. 30Tavraasii aitchuutiqaġniaqtuq atausimik tiŋmiamik naakkaunnii pigeon-nik 31piḷuun pisigilugu aitchuutaulugu suli igḷua ikipkautikun aitchuutigilugu iḷaqaġlugu palauvaksramik aitchuunmik. Tavra tainna aŋaiyyuliqsiqpaum savaaġiniaġaa piraġausiq nalaullugu salumasiñiaġniksraq. 32Tavra taamna pitqurauruq mamilaitchuanik kiḷḷiġruaqaqtuanun aitchuutiksraitchuamun aitchuutauruksrauruanik salumasiñiaġniksraŋanun.
Uquulaaġmata Iglut
33Ataniq qaitchiŋaruq Moses-mullu Aaron-mullu 34-35ukuniŋa maliġiraksranik iglut uquŋakpagich. (Taapkua tavra atugaksraŋich Israel-gum kiŋuvaaŋisa isianikkumiŋ nunaŋanun Canaan, Atanġum qaitchumaaqtaŋanun iliŋiññun nunagitquvlugu.) Iḷitchuġiniqpan iḷaksi Ataniq uquulaaqsipkaitilaaŋanik igluvsiññi, tavra kiligiaqtaksraġigiksi aŋaiyyuliqsiqpak. 36Aŋaiyyuliqsiqpak piraksriiñiaqtuq sunapayauraq anitqulugu iglumiñ qimilġuyyaŋaiñŋaan uquktaŋa; tainna piŋitpata sunapayaaq iglumiittuaq salumaitchualiuġniaġaat. Tavraasii isiġniaqtuq iglumun 37aasii qimilġuuġlugu tamanna uquktaŋa. Tavrani suŋaaqtuaqaġniqpan naakkaunnii kaviaqtuanik piġuaġniqtun ittuanik siamitchaiññaqtuamik tapiglautivluni uquk katchimi, 38uniññiaġaa taamna iglu aasii pitchiġiiyaġlugu tallimat malġugni uvluni. 39Tallimat malġuanni uvlut utiġluni qimilġuvsaaġniaġaa. Tamanna uquk siaminniqpan, 40piraksriiñiaqtuq uyaġaich uquulaat piiqulugich aasii igillugich sumun salumaitchuamun siḷataani iniqpauruam. 41Taaptuma aquagun iluqaan iḷuani katchiŋich kiḷiutaqtittaksraġigaich aasii piiqsaŋat igillugu salumaitchuanun siḷataanun iniqpaum. 42Tavraasii allanik uyaġagnik simmausiġḷugich piiyaqtaŋich, aasii nutauruamik qikumik matutqigḷugich katchiŋich.
43Uquksavsaalgitpan iglu uyaġaich piiyaŋaqqaaqtillugich suli iglu kiḷiutaŋagaluaqqaaqtiłługu matulitqikł̣ugulu, 44aŋaiyyuliqsiqpaum utiġluni tautugiaġniaġaa. Siaminŋaniqpan, tavra iglu salumaitchuaguruq. 45Siqumitaksrauruq iglu, uyaġaŋit, qiruŋiḷḷu, suli qikuyyaŋalu aasii siḷataanuutilugich iniqpaum salumaitchuamun inimun. 46Kiñaliqaa isiġniġumi tavruŋa iglumun pitchiġiiyaŋapkaqtillugu salumaiññiaqtuq anaqalġataqtillugu. 47Kiña suli nallaġniġumi naakka niġiḷuni iglumi iqaġiruksraġigaich annuġaani.
48Tavraasii, aŋaiyyuliqsiqpak qiñiġiaqpan, uquk nuitqiŋiññiqpan iglu qaatchialiqqaaqtillugu, tavra kilgutiginiaġaa iglu piragausiq nalaullugu salumaniḷugu, uqukkii iluqani piiŋaniqsuq. 49Salumasisaġniksraŋanun iglu, ukua piruksraġigai: malġugnik tiŋmiagnik, cedar-m qiruanik, kaviqsuamiglu akłunaamik, suli hyssop-mik. 50Tuqutkisigaa atausiq tiŋmiaq qulaani qikum puggutauram iḷuturuam imaqaqtuam suvliktuamiñ imiġmik. 51Tavraasii piḷugu cedar qiruk, hyssop-lu, kaviqsuaġlu akłunaaq, suli iñuuruaq tiŋmiaq aasii misuglugich auŋanun tiŋmiam tuquttaŋata suli imilluatamun. Qivsaliutigisigaa iglumun tallimat malġuiqsuaġlugu. 52Tavra tainna salumasiñiaġaa iglu tiŋmiam auŋanik, imiġiksuamiglu, iñuuruamiglu tiŋmiamik, cedar-m qiruanik, hyssop-mik, suli kaviqsuamik akłunaamik. 53Tavraasii tiŋipkaġniaġaa iñuuruaq tiŋmiaq taavani siḷataani iniqpaum qulaatigun nunaraat. Tainna-aasii tavra savaaġiniaġaa piraġausiq nalaullugu salumasisaġniŋagun iglum, aasii salumasiñiaqtuq.
54Tavra taapkua pitquraksrat kiḷḷiġruaqaqpata; 55-56kiḷḷiqaqtuat, ayuaqtuqtuat, naakka allat kaviqsisiŋaruat sukapkaŋavlutiŋ naakka uviñik puvinman; suli uqukkun annuġaaniittuanun naakka igluniittuanun. 57Tavra taapkua pitqurat nalunaiġaat suna salumaitchuagumman suli salumaruagumman.
Currently Selected:
Leviticus 14: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 14
14
Piġuaġniġił̣ł̣ugu Salumasiñiq Kiḷḷiġruaqtuqqaaqtillugich
1Atanġum uqallautiŋagaa Moses 2#Mt 8.4; Mk 1.44; Lk 5.14; 17.14.ukuniŋa maliġiraksraŋannik piraġausiq nalaullugu salumasitqigñiksraŋatigun mamitanikpata kiḷḷiġruaqtuŋaruat. Tikiutikpatin uvlumun kiliktauviksraġnun salumasiñiḷutin, aŋaiyyuliqsiqpagmuutiniaġaatin, 3aasii aŋaiyyuliqsiqpaum siḷataanuutiniaġaatin nullaummiviuruam, aasii qanuqitilaaġlutin. Kiḷḷiġruaq mamilaitchuaq maminŋaniqpan, 4aŋaiyyuliqsiqpak piraksriigisiruq malġuk salumaruak tiŋmiak qaġġisitqulugik, iḷaqaġlugik cedar-mik qirugmik, kaviqsuamiglu akłunaamik, suli qiruatchiamik hyssop-mik. 5Tavraasii aŋaiyyuliqsiqpaum piraksriġisigaich igḷua tiŋmiam tuqutqulugu, qulaani qikumiñ utkusiuram imaligaam imilluatamik. 6Igḷua tiŋmiam tiguniaġaa aasii misuglugu, iḷagilugu cedar-m qiruanik, kaviqsuaġlu akłunaaq, hyssop-lu, tiŋmiam tuquttaŋata auŋanun. 7Qivsaliŋniaġaa augmik tallimat malġugni salumasirauniaqtuaq iḷaksi kiḷḷiġruaqtuġnimiñiñ, tavraasii kiligniaġaa salumasiñiḷugu. Iñuuruaq aasii tiŋmiaq tiŋipkaġniaġaa qulaatigun nunaraat. 8Iġġuġisigitin annuġaatin, kivraġlutillu nusaiġutin, suli ivvaġlutin; tavra aasii piraġausiq nalaullugu salumasiñiaqtutin. Isiġumiñaqsiñiaqtutin nullaummivigmun, aglaan siḷataaniillaktuksraurutin tupiqpich tallimat malġugni uvluni. 9Tallimat malġuanni uvlut kivravsaaqtaksraġigiñ niaqqun, umitillu, qavlutillu, suli timigniipayaaqtuat nusat; iqaġigisigitin annuġaatin ivvaġlutillu, aasii tavra piraġausiq nalaullugu salumasiñiaqtutin.
10Tallimat piŋayuanni uvlut qaġġirrigisirutin malġugnik aŋusallugnik imnaiyaagnik suli atausimik aġnasallumik imnaiyaamik atausimik ukiuqaqtuamik surruutaitchuanik, tallimatullu pounds-tun uqumaisigiruamik palauvagmik akunŋaruamik olive uqsruanik, suli avvaŋanik pint-gum olive uqsruanik. 11Aŋaiyyuliqsiqpaum paaŋanuutiniaġaatin Tupqum Atanġum nayuqtauvianun, tavruŋautilugiḷḷu taapkua aitchuutauniaqtuat. 12Tavraasii aŋaiyyuliqsiqpaum atausiq aŋusalluq imnaiyaaq iḷaqaġlugu avvaŋanik pint-gum uqsrumik, aitchuutiginiaġaa nunuurautikun. Qaisaġiniaġaik nuimagivlugik Ataniġmun aasii aŋaiyyuliqsiqpaum piñiaġaik. 13Tuqunniaġaa imnaiyaaq salumaruami inimi niġrutit piḷuunmun aitchuutauvianni suli ikipkaġlugu aitchuutauniaqtuat tuqurvianni. Tainna piruksrauruq qanukkii nunuurautikun aitchuutaurut, piḷuunmun aitchuutauruatitun aŋaiyyuliqsiqpagmun suli salumapiaġataqtuaguruq. 14Aŋaiyyuliqsiqpak auksraġluni imnaiyaam auŋaniñ auliġñiaġaa taliqpiani siutaata niviŋaruaŋa, kuvluŋalu taliqpium argaŋata, suli putuguanun taliqpium isigaŋata kiliktauniaqtuam piraġausiq nalaullugu salumasiñiḷugu. 15Aŋaiyyuliqsiqpak kuvisiñiaqtuq saumigmi utummaŋanun olive uqsruviñiŋanik, 16misugluguasii taliqpigmi tikiŋa tavruŋa, aasii qivsalliutilugu iḷaŋa tallimat malġuktun Atanġum sivuġaani. 17Aŋaiyyuliqsiqpak uqsruksraġuni iḷaŋanik utummagmiñiittuamiñ aasii nanuglugu taliqpium siutaata niviŋaruaŋanun iñuum salummaqtauniaqtuam, kuvluanullu taliqpium argaŋata, suli putuguŋanun taliqpium isigaŋata piraġausiq nalaullugu salumasiñiḷugu. 18Iḷakua aasii uqsrum utummagmiñiittuam niaquġnugniaġaa. Tavra tainna pigumi savaaġigaa piraġausiq nalaułługu salumasiñiksram.
19Tavraasii aŋaiyyuliqsiqpak aitchuutiqaġniaqtuq piḷuun pisigilugu aasii savaaġilugu piraġausiq nalaullugu salumasiñiaġniksraq. Taaptuma aquagun, tuqutchigisiruq niġrunmik ikipkautikun aitchuutiksramik, 20aasii aitchuutigimmiḷugu iḷaqaġlugu palauvaksramik aitchuunmik ikipkaivigmi. Tainnaġluni tavra aŋaiyyuliqsiqpak savaaqaġniaqtuq piraġausiq nalaullugu salumasiñiaġniksraq, aasii salumasiñiaqtutin. 21Piiḷḷiuqtuaguguvich taapkuniŋa aitchuutiksraiḷḷutin, aitchuiyumiñaqtutin atausimik aŋusallumik imnaiyaamik pasiraunikun aitchuutigisaġlugu, nuimaruaġilugu Ataniġmun aŋaiyyuliqsiqpaum aitchuutiksraŋanik. Qaġġirriḷutillu malġuktun pounds-tun uqumaisigiruamik palauvagmik akunŋaruamik olive uqsruanik palauvaksramun aitchuutausaġlugu suli avvaŋanik pint-gum olive uqsruanik. 22Malġugniglu tiŋmiagnik naakka malġugnik pigeon-nik, igḷua piḷuunmun aitchuutausaġlugu aasii igḷua ikipkautikun aitchuutausaġlugu. 23Tallimat piŋayuanni uvlut salumasisaġniqpich aŋaiyyuliqsiqpagmuutisaġitin paaŋanun Tupqum. 24Aŋaiyyuliqsiqpaum aitchuutiginiaġaik imnaiyaaġlu olive uqsrualu nuimagilugik Ataniġmun aasii aŋaiyyuliqsiqpaum piginiaġaik. 25Tuqunniaġaa imnaiyaaq aasii auŋata iḷaŋanik piġuaġlugu taliqpigmi siutaata niviŋaruaŋanun salummaqtauniaqtuam, kuvluanullu taliqpigmi argaŋata, suli putuguanun taliqpium isigaŋata. 26Aŋaiyyuliqsiqpak aasii kuvisiñiaqtuq iḷaŋanik uqsrum saumigmi utummaŋanun 27aasii tikiġmiñik taliqpimi qivsalliutilugu iḷaŋa tallimat malġugni tavrani Atanġum sivuġaani. 28Uqsrum iḷaŋa aŋaiyyuliqsiqpaum iḷigisigaa tavruŋa piġuaġvigmiñun augmik: niviŋaruaŋanun taliqpium siutaata salummaqtauniaqtuam, kuvluŋanun taliqpium argaŋata, putuguŋanullu taliqpium isigaŋata. 29Iḷakua uqsrum utummaŋmiñiittuaq niaquanukkisigaa aasii tainna savaaġiniaġaa piraġausiq nalaullugu salumasiñiaġniksraq. 30Tavraasii aitchuutiqaġniaqtuq atausimik tiŋmiamik naakkaunnii pigeon-nik 31piḷuun pisigilugu aitchuutaulugu suli igḷua ikipkautikun aitchuutigilugu iḷaqaġlugu palauvaksramik aitchuunmik. Tavra tainna aŋaiyyuliqsiqpaum savaaġiniaġaa piraġausiq nalaullugu salumasiñiaġniksraq. 32Tavra taamna pitqurauruq mamilaitchuanik kiḷḷiġruaqaqtuanun aitchuutiksraitchuamun aitchuutauruksrauruanik salumasiñiaġniksraŋanun.
Uquulaaġmata Iglut
33Ataniq qaitchiŋaruq Moses-mullu Aaron-mullu 34-35ukuniŋa maliġiraksranik iglut uquŋakpagich. (Taapkua tavra atugaksraŋich Israel-gum kiŋuvaaŋisa isianikkumiŋ nunaŋanun Canaan, Atanġum qaitchumaaqtaŋanun iliŋiññun nunagitquvlugu.) Iḷitchuġiniqpan iḷaksi Ataniq uquulaaqsipkaitilaaŋanik igluvsiññi, tavra kiligiaqtaksraġigiksi aŋaiyyuliqsiqpak. 36Aŋaiyyuliqsiqpak piraksriiñiaqtuq sunapayauraq anitqulugu iglumiñ qimilġuyyaŋaiñŋaan uquktaŋa; tainna piŋitpata sunapayaaq iglumiittuaq salumaitchualiuġniaġaat. Tavraasii isiġniaqtuq iglumun 37aasii qimilġuuġlugu tamanna uquktaŋa. Tavrani suŋaaqtuaqaġniqpan naakkaunnii kaviaqtuanik piġuaġniqtun ittuanik siamitchaiññaqtuamik tapiglautivluni uquk katchimi, 38uniññiaġaa taamna iglu aasii pitchiġiiyaġlugu tallimat malġugni uvluni. 39Tallimat malġuanni uvlut utiġluni qimilġuvsaaġniaġaa. Tamanna uquk siaminniqpan, 40piraksriiñiaqtuq uyaġaich uquulaat piiqulugich aasii igillugich sumun salumaitchuamun siḷataani iniqpauruam. 41Taaptuma aquagun iluqaan iḷuani katchiŋich kiḷiutaqtittaksraġigaich aasii piiqsaŋat igillugu salumaitchuanun siḷataanun iniqpaum. 42Tavraasii allanik uyaġagnik simmausiġḷugich piiyaqtaŋich, aasii nutauruamik qikumik matutqigḷugich katchiŋich.
43Uquksavsaalgitpan iglu uyaġaich piiyaŋaqqaaqtillugich suli iglu kiḷiutaŋagaluaqqaaqtiłługu matulitqikł̣ugulu, 44aŋaiyyuliqsiqpaum utiġluni tautugiaġniaġaa. Siaminŋaniqpan, tavra iglu salumaitchuaguruq. 45Siqumitaksrauruq iglu, uyaġaŋit, qiruŋiḷḷu, suli qikuyyaŋalu aasii siḷataanuutilugich iniqpaum salumaitchuamun inimun. 46Kiñaliqaa isiġniġumi tavruŋa iglumun pitchiġiiyaŋapkaqtillugu salumaiññiaqtuq anaqalġataqtillugu. 47Kiña suli nallaġniġumi naakka niġiḷuni iglumi iqaġiruksraġigaich annuġaani.
48Tavraasii, aŋaiyyuliqsiqpak qiñiġiaqpan, uquk nuitqiŋiññiqpan iglu qaatchialiqqaaqtillugu, tavra kilgutiginiaġaa iglu piragausiq nalaullugu salumaniḷugu, uqukkii iluqani piiŋaniqsuq. 49Salumasisaġniksraŋanun iglu, ukua piruksraġigai: malġugnik tiŋmiagnik, cedar-m qiruanik, kaviqsuamiglu akłunaamik, suli hyssop-mik. 50Tuqutkisigaa atausiq tiŋmiaq qulaani qikum puggutauram iḷuturuam imaqaqtuam suvliktuamiñ imiġmik. 51Tavraasii piḷugu cedar qiruk, hyssop-lu, kaviqsuaġlu akłunaaq, suli iñuuruaq tiŋmiaq aasii misuglugich auŋanun tiŋmiam tuquttaŋata suli imilluatamun. Qivsaliutigisigaa iglumun tallimat malġuiqsuaġlugu. 52Tavra tainna salumasiñiaġaa iglu tiŋmiam auŋanik, imiġiksuamiglu, iñuuruamiglu tiŋmiamik, cedar-m qiruanik, hyssop-mik, suli kaviqsuamik akłunaamik. 53Tavraasii tiŋipkaġniaġaa iñuuruaq tiŋmiaq taavani siḷataani iniqpaum qulaatigun nunaraat. Tainna-aasii tavra savaaġiniaġaa piraġausiq nalaullugu salumasisaġniŋagun iglum, aasii salumasiñiaqtuq.
54Tavra taapkua pitquraksrat kiḷḷiġruaqaqpata; 55-56kiḷḷiqaqtuat, ayuaqtuqtuat, naakka allat kaviqsisiŋaruat sukapkaŋavlutiŋ naakka uviñik puvinman; suli uqukkun annuġaaniittuanun naakka igluniittuanun. 57Tavra taapkua pitqurat nalunaiġaat suna salumaitchuagumman suli salumaruagumman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)