Leviticus 12
12
Salummaqtauniksraŋat Aġnat Iġñianikpata
1Atanġum uqallautiŋagaa Moses ukuniŋa maliġiraksranik 2Israel-gum kiŋuvaaŋiññun. Tallimat malġugni uvluni aġnaq iġñianikpan aŋutaiyaamik, piraġausiq nalaullugu salumaitchuaguniaqtuq, piusimisun tatqiḷituaġman aalġukami. 3#Gn 17.12; Lk 2.21.Tallimat piŋasuanni uvlut, miqłiqtuuruaq nalunaiñŋutchiqsauniaqtuq. 4Tavraasii tavraŋŋa iñuiññaq qulit piŋasuni (33) uvlivsaaganikkumi piraġausiq nalaullugu salumasiñiaqtuq augiġñimiñiñ iġñikami; aksiktuksraġiniaŋitkaich sut salumaruaguruat naakka isiġluni salumaruamun Tupiġmun naatchianigataġluni salumasiñiksramiñun.
5Akimiaġutaiḷani (14) uvluni iġñianikpan aġnaq paniqaġuni, piraġausiq nalaullugu salumaitchuaguruq, tatqiḷituaġman aalġuniġmisun. Tavraasii piŋasukipiaq itchaksrat (66) uvluni uvlivsaaġuni piraġausiq nalaullugu salumasiñiaqtuq augiġñimiñiñ.
6Piviksraq salumasiñiksraŋanun naalġataqpan, iġñiqaġaluaġumi naakka paniqaġluni, aŋaiyyuliqsiqpagmuurrigisiruq paaŋanun Tupqata Atanġum nayuqtauviata atausimik ukiuqaqtuamik imnaiyaamik ikipkautikun aitchuutiksramik, suli pigeon-mik naakka tiŋmiamik piḷuun pisigilugu aitchuutiksramik. 7Aŋaiyyuliqsim qaisaġiniaġaa aitchuutaa aġnam Ataniġmun suli piraġausiq nalaullugu salumairrutaa piiqsaġlugu, aasii piraġausiq nalaullugu salumasiñiaqtuq. Tavraasii, taamna, aġnam piraksraŋa iġñianikkumi.
8 #
Lk 2.24. Aġnaq aasii aitchuutiksraiññiġumi imnaiyaamik, qaġġirrigisiruq malġugnik nuyuaqturuagnik tiŋmiaŋnik, naagga malġugnik tiŋmiayaaŋnik nuyuitchuaŋnik,#12.8 Malġugnik dove-nik naagga malġugnik pigeon-nik. igḷua aitchuutiksraq ikipkagaksriuġlugu aasii igḷua piḷuun pisigilugu aitchuutausaġlugu, aŋaiyyuliqsiqpaum aasii savaaġiniaġaa piraġausiq nalaullugu salumairrutaiqsaġlugu, tavraasii salumasiñiaqtuq piraġausiq nalaullugu.
Currently Selected:
Leviticus 12: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
