Leviticus 10
10
Piḷuusiqimmagnik Nadab-lu Abihu-lu
1Aaron iġñiŋik, Nadab-lu Abihu-lu, aġraliqutillaatik pivḷugik, aumaruanik alualiqł̣ugik, tivraġiksausiqł̣ugiglu, aitchuutigiŋagaik Ataniġmun. Aglaan taamna igniq salumaruaguŋaiñŋaruq, Atanġumkii piraksriutigiŋaił̣ł̣ugu iliŋigñun aitchuutigitqulugu. 2Tavraŋŋatchiaq Ataniq igniġmik qaipkaiḷḷagruaŋaruq, aasii iluqatik ikivlutik tuquŋaruk takkuani Atanġum. 3Tavraasii Moses-gum uqallautiŋagaa Aaron, “Tavra taamna Atanġum uqautigiraŋa uqallakkami inna, ‘Iluqaġmiŋ savaurriruat uvamnik qiksigiruksraġigaat salumaruaguniġa; qiñiqtinniaġiga qaumaniġa iñugiramnun.’” Aglaan Aaron nipaił̣uksiruq.
4Moses-gum ququaŋagaik Mishael-lu Elzaphan-lu, iġñiŋik Uzziel, Aaron-gum aŋaaluata, aasii uqallautivlugik, “Qaiḷusik aġnaqativsik timiŋik annisisaqtuaqsigik salumaruamiñ Tupiġmiñ aasii siḷataanuglugik nullaummivium.” 5Tavraasii qaivḷutik annuġaaŋikkun tiguvlugik timiŋik annisuutiŋagaik siḷataanun nullaummivium, Moses piraksriutaatun.
6Tavra Moses-gum uqallautiŋagaich Aaron-lu iġñiŋiglu Eleazar-lu Ithamar-lu, “Iḷḷaiqsuŋaiññagich nutchasi naakkaunnii aligaġlugich annuġaasi qiñiġnaqtitchaġlusi qiñŋutilaaqsi. Tainna pituaġuvsi, tuquniaqtusi, aasii Atanġum qinnautiniaġaa iluqaan nunaaqqiuruaq. Allat aglaan Israel-gum kiŋuvaaŋich iḷasi qiñŋuyumiñaqtut, taapkuak pisigilugik Atanġum tuquttaŋik ikipkaqługik. 7Unitchaanasiuŋ paaŋa Tupqum, tainna pituaġuvsi tuquniaqtusi, qanukkii uvva ilaaguaqtauŋarusi uqsruqtaaqtaunivsigun Ataniġmiñ.” Tavraasii kamagiŋagaat Moses uqalua.
Maliġiraksraŋich Aŋaiyyuliqsiqpaich
8Ataniq uqallaktuq Aaron-mun, 9“Ilviḷḷu iġñakkiḷḷu isiġniaŋitkiksi Tupqa nayuqtauvigma wine-tuŋaguvsi naakka allanik imiŋasiñaqtuanik imiŋaguvsi; tainna piguvsi, tuquniaqtusi. Tavra taamna pitquraq maliġiraksraŋat iluqaġmiŋ kiŋuvaavsi. 10Nalupqisuutaitchuksraurusi allagiiktilaaŋiññik God-im qukinautiŋagullu qukinautaitchuavlu, aasii suli piraġausivsigun salumaruavlu allagiigñiŋak salumaitchuavlu. 11Iḷisautiruksraġigisi Israel-gum kiŋuvaaŋich iluqaiññik pitquranik qaiñŋaramnik Moses-kun.”
12 #
Lv 6.14-18. Moses-gum uqallautiŋagaich Aaron-lu kisiŋŋuqtauŋaruaglu iġñiŋik, Eleazar-lu Ithamar-lu, “Palauvaksraq aitchuutiksraq piḷugu iḷakuuruaq niqini aitchuutauruani Ataniġmun, puvlaksautaiḷaamik punniliuġlugu aasii niġiḷugu saniġaani ikipkaivium, aitchuunkii taamna salumapiaġataqtuaguruq. 13Niġiḷugu salumaruami inimi; tavra taamna piksrautin iġñiġiraqpiḷḷu niqiniñ aitchuutauruaniñ Ataniġmun. Tainna Atanġum piraksriŋagaaŋa. 14#Lv 7.30-34.Aglaan ilviḷḷu qitunġavsiḷu niġiyumiñaġiksi sakiak kiŋulliġḷu niuŋa qaisauŋaruak nuimaruaguvlugik aitchuutik, nuimaruagivlugisuli qaisauŋaruat Ataniġmun pisigivlugich aŋaiyyuliqsiqpaich. Niġiyumiñaġisi sumipayaaq piraġausiq nalaullugu salumaruaguruami. Tamatkua aitchuutit qaisauŋarut ilivsiññun qitunġavsiññullu autaaġusiaġivlugich iḷammiuġnikun aitchuutiŋiññiñ Israel-gum kiŋuvaaŋisa. 15Qaġġisisaġaat kiŋulliq niu sakiaglu qaisaukpata qaunnat niqitigun aitchuutauruatigun Ataniġmun. Taapkua ilivsi piginiaġisi miqłiqtuvsiḷu isuitchuamun, Atanġum piraksriutaatun.”
16Moses-gum apiqsruutigiŋagaa nagrulik piḷuutinun aitchuutiksraun aasii iḷitchuġivluni ikipkaŋatilaaŋanik. Tavrani qinnautiŋagaik Eleazar-lu Ithamar-lu, aasii apiqsrułłakługik, 17#Lv 6.24-26.“Summan niġiŋitchaqsik piḷuutinun aitchuutauruaq salumaruami inimi? Salumaruagupiaġataqtuq, aasiuvva Atanġum qaiñŋagaa ilivsigñun piḷuutaiqsaqługu nunaaqqiuruaq. 18Auŋa salumaruamun Tupiġmuutiŋaiñman, niġiñiaġaluaqtaqsiuva tavrani inimi, piraksriusiptun.”
19Aaron-gum kiugaa, “Niġiŋagupku aitchuutauruaq piḷuutinun uvlupak, Atanġum iviġaumaginayaqpauŋ? Iñuich qaisaġiŋagaat piḷuutimignun aitchuun Ataniġmun uvlupak, aasiisuli qaġġirrivḷutiŋ ikipkaqtanik aitchuutinik, naaggauvva piaġiitchuat uvamnun nalautittut.” 20Moses-gum taamna tusaagamiuŋ, natqiŋaruq.
Currently Selected:
Leviticus 10: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 10
10
Piḷuusiqimmagnik Nadab-lu Abihu-lu
1Aaron iġñiŋik, Nadab-lu Abihu-lu, aġraliqutillaatik pivḷugik, aumaruanik alualiqł̣ugik, tivraġiksausiqł̣ugiglu, aitchuutigiŋagaik Ataniġmun. Aglaan taamna igniq salumaruaguŋaiñŋaruq, Atanġumkii piraksriutigiŋaił̣ł̣ugu iliŋigñun aitchuutigitqulugu. 2Tavraŋŋatchiaq Ataniq igniġmik qaipkaiḷḷagruaŋaruq, aasii iluqatik ikivlutik tuquŋaruk takkuani Atanġum. 3Tavraasii Moses-gum uqallautiŋagaa Aaron, “Tavra taamna Atanġum uqautigiraŋa uqallakkami inna, ‘Iluqaġmiŋ savaurriruat uvamnik qiksigiruksraġigaat salumaruaguniġa; qiñiqtinniaġiga qaumaniġa iñugiramnun.’” Aglaan Aaron nipaił̣uksiruq.
4Moses-gum ququaŋagaik Mishael-lu Elzaphan-lu, iġñiŋik Uzziel, Aaron-gum aŋaaluata, aasii uqallautivlugik, “Qaiḷusik aġnaqativsik timiŋik annisisaqtuaqsigik salumaruamiñ Tupiġmiñ aasii siḷataanuglugik nullaummivium.” 5Tavraasii qaivḷutik annuġaaŋikkun tiguvlugik timiŋik annisuutiŋagaik siḷataanun nullaummivium, Moses piraksriutaatun.
6Tavra Moses-gum uqallautiŋagaich Aaron-lu iġñiŋiglu Eleazar-lu Ithamar-lu, “Iḷḷaiqsuŋaiññagich nutchasi naakkaunnii aligaġlugich annuġaasi qiñiġnaqtitchaġlusi qiñŋutilaaqsi. Tainna pituaġuvsi, tuquniaqtusi, aasii Atanġum qinnautiniaġaa iluqaan nunaaqqiuruaq. Allat aglaan Israel-gum kiŋuvaaŋich iḷasi qiñŋuyumiñaqtut, taapkuak pisigilugik Atanġum tuquttaŋik ikipkaqługik. 7Unitchaanasiuŋ paaŋa Tupqum, tainna pituaġuvsi tuquniaqtusi, qanukkii uvva ilaaguaqtauŋarusi uqsruqtaaqtaunivsigun Ataniġmiñ.” Tavraasii kamagiŋagaat Moses uqalua.
Maliġiraksraŋich Aŋaiyyuliqsiqpaich
8Ataniq uqallaktuq Aaron-mun, 9“Ilviḷḷu iġñakkiḷḷu isiġniaŋitkiksi Tupqa nayuqtauvigma wine-tuŋaguvsi naakka allanik imiŋasiñaqtuanik imiŋaguvsi; tainna piguvsi, tuquniaqtusi. Tavra taamna pitquraq maliġiraksraŋat iluqaġmiŋ kiŋuvaavsi. 10Nalupqisuutaitchuksraurusi allagiiktilaaŋiññik God-im qukinautiŋagullu qukinautaitchuavlu, aasii suli piraġausivsigun salumaruavlu allagiigñiŋak salumaitchuavlu. 11Iḷisautiruksraġigisi Israel-gum kiŋuvaaŋich iluqaiññik pitquranik qaiñŋaramnik Moses-kun.”
12 #
Lv 6.14-18. Moses-gum uqallautiŋagaich Aaron-lu kisiŋŋuqtauŋaruaglu iġñiŋik, Eleazar-lu Ithamar-lu, “Palauvaksraq aitchuutiksraq piḷugu iḷakuuruaq niqini aitchuutauruani Ataniġmun, puvlaksautaiḷaamik punniliuġlugu aasii niġiḷugu saniġaani ikipkaivium, aitchuunkii taamna salumapiaġataqtuaguruq. 13Niġiḷugu salumaruami inimi; tavra taamna piksrautin iġñiġiraqpiḷḷu niqiniñ aitchuutauruaniñ Ataniġmun. Tainna Atanġum piraksriŋagaaŋa. 14#Lv 7.30-34.Aglaan ilviḷḷu qitunġavsiḷu niġiyumiñaġiksi sakiak kiŋulliġḷu niuŋa qaisauŋaruak nuimaruaguvlugik aitchuutik, nuimaruagivlugisuli qaisauŋaruat Ataniġmun pisigivlugich aŋaiyyuliqsiqpaich. Niġiyumiñaġisi sumipayaaq piraġausiq nalaullugu salumaruaguruami. Tamatkua aitchuutit qaisauŋarut ilivsiññun qitunġavsiññullu autaaġusiaġivlugich iḷammiuġnikun aitchuutiŋiññiñ Israel-gum kiŋuvaaŋisa. 15Qaġġisisaġaat kiŋulliq niu sakiaglu qaisaukpata qaunnat niqitigun aitchuutauruatigun Ataniġmun. Taapkua ilivsi piginiaġisi miqłiqtuvsiḷu isuitchuamun, Atanġum piraksriutaatun.”
16Moses-gum apiqsruutigiŋagaa nagrulik piḷuutinun aitchuutiksraun aasii iḷitchuġivluni ikipkaŋatilaaŋanik. Tavrani qinnautiŋagaik Eleazar-lu Ithamar-lu, aasii apiqsrułłakługik, 17#Lv 6.24-26.“Summan niġiŋitchaqsik piḷuutinun aitchuutauruaq salumaruami inimi? Salumaruagupiaġataqtuq, aasiuvva Atanġum qaiñŋagaa ilivsigñun piḷuutaiqsaqługu nunaaqqiuruaq. 18Auŋa salumaruamun Tupiġmuutiŋaiñman, niġiñiaġaluaqtaqsiuva tavrani inimi, piraksriusiptun.”
19Aaron-gum kiugaa, “Niġiŋagupku aitchuutauruaq piḷuutinun uvlupak, Atanġum iviġaumaginayaqpauŋ? Iñuich qaisaġiŋagaat piḷuutimignun aitchuun Ataniġmun uvlupak, aasiisuli qaġġirrivḷutiŋ ikipkaqtanik aitchuutinik, naaggauvva piaġiitchuat uvamnun nalautittut.” 20Moses-gum taamna tusaagamiuŋ, natqiŋaruq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)