Leviticus 9
9
Aaron Aitchuimman Ikipkaqtanik
1Uvlaakumman ilaaguaqtaunikun piraġausiŋich naanmata, Moses-gum ququaŋagai Aaron-lu iġñiŋiḷḷu suli aullarriŋich Israel-gum kiŋuvaaŋich. 2Uqallautigaa Aaron, “Aŋusalluayaamiglu aŋusallumiglu imnaimik qaġġisuurriḷutin surruutaitchuagnik aitchuutigikkik Ataniġmun, aŋusalluayaaq taamna piḷuun pisigilugu aitchuutigilugu aasii aŋusalluq imnaiq ikipkaġlugu aitchuutaulugu. 3Aasii uqallautilugich Israel-gum kiŋuvaaŋich piksraqulugich aŋusallumik nagruligmik piḷuunmun aitchuutauniaqtuamik, aasii atausimik ukiuqtutigiruamik nuġġaġmik, suli atausimik ukiuqtutigiruamik imnaiyaamik surruutaitchuagnik ikipkaġlugik aitchuutiksrak, 4suli pamiqsaamiglu aŋusallumiglu imnaimik iḷammiuġniq pisigilugu aitchuutiksraġnik. Ikipkaġlugich aitchuutigigisigaich Ataniġmun iḷaqaġlugich palauvaksramik aitchuunmik akurrusiġḷugu uqsrumik. Tainna piruksraurut qanukkiuvva Atanġum niptaġviginiaġaich uvlupak.”
5Qaġġirriŋarut sivuġaanun Tupqum supayaanik Moses-gum piraksriutigiraŋiñik, suli iluqaġmiŋ nunaaqqim iñuŋich katinŋarut tavruŋa nanġaġiaqługu Ataniq. 6Moses uqallaktuq, “Atanġum piraksriŋagaasi tamatkua iluqaisa tuvraquvlugich, qaumaniŋa nayuqtauniŋata niptaquvlugu ilivsiññun.” 7#He 7.27.Tavraasi uqallautiŋagaa Aaron, “Ikipkaivigmuglutin aitchuutigiuŋ piḷuunmun aitchuun suli ikipkaġlugu aitchuun piḷuutisi piiqsaġlugich piḷuutiŋiḷḷu iñuich. Taamna aitchuutigilugu piḷuutaiqsaġlugich iñuich, Atanġum piraksriutaatun.”
8Aaron ikipkaivigmuŋaruq aasii tuqutchivḷuni aŋusalluayaamik ilaata piḷuutimiñun aitchuutigisaqługu. 9Iġñiŋisa auk ilaanuutiŋagaat, aasii misukługu tikini tavruŋa, auliqsuqługich nagruŋich kaŋiġalluŋiñiittuat ikipkaivium; aasii kuvivḷugu iḷakua alliġaŋanun ikipkaivium. 10Tavraasii ikipkaŋagaa ikipkaivigmi qaunnaŋa, taqtuŋik, suli tiŋuata takiniŋa, Atanġum piraksriutaatun Moses-mun. 11Aglaan ikipkaŋagaik niqiŋalu amiŋalu siḷataani nullaummivium.
12Tuqunŋagaa niġrun ilaata aitchuutigisaqługu ikipkaqługu. Iġñiŋisa aatchiŋagaat niġrutim auŋanik, aasii siqił̣ł̣aqtautigivlugu saniġaŋiññun ikipkaivium. 13Iġñiŋisa qaiñŋagaich niaqualu allallu avguŋaruat niġrunmiñ, aasii ikipkaŋagai ikipkaivigmi. 14Tavraasii iġġuŋagai ilġaviŋich suli kiŋulliik niuŋik aasii ikipkaqługich ikipkaivigmi qaaŋanni allat aitchuutaummiruat.
15Taamna pianigman, qaitchiŋaruq iñuich aitchuutiŋiññik. Nagrulik pivḷugu aitchuutauniaqtuaq iñuich piḷuutiŋiñun, tuqułługu, aasii aitchuutigivlugu, aitchuigusiġmisun ilaata piḷuutini pisigivlugich. 16Niġruntauq ikipkaġlugu aitchuutiksraq qaġġisimmiñiġaa aasii aitchuutigivlugu maliġiraksriat nalaułługich. 17Maniŋagaa palauvaksraq aitchuun aasii argagmiñun palauvaksraqłuni ikipkaqługu ikipkaivigmi. (Taamna iḷavlugu uvlutuaġaġimman ikipkaqługich aitchuutauruanun.) 18#Lv 3.1-11.Tuqunŋagaik pamiqsaaġlu imnaiġḷu aŋusalluq iḷammiuġunmun aitchuutigisaqługu iñuich pisigivlugich. Iġñiŋisa pamiqsaavlu imnaivḷu aŋusalluuruam auŋak ilaanuutiŋagaat, aasii siqił̣ł̣aqtautigiŋagaa saniġaŋiññun ikipkaivium. 19Aaron-gum iḷiŋagaich qaunnaŋich pamiqsaavlu imnaivḷu aŋusalluum 20qaaŋannun sakiaŋisa niġrutit aasii iluqaisa ikipkaivigmuutivlugich. Ikipkaŋagaa qaunnaŋat ikipkaivigmi 21aasii qaił̣ł̣ugich sakiaŋiḷḷu taliqpiatalu kiŋulliik niuŋik nuimagivlugich aitchuutauruat Ataniġmun aŋaiyyuliqsiqpagnun pigipkaqsaqługich, Moses piraksriutaatun.
22 #
Nu 6.22-26. Aaron-gum naalġataqamigich iluqaisa ikipkaqługich aitchuutauruat, isaaŋagaik argagni qulaatigun iñuich quviasuusiaqaquvlugich, aasii atqaqhuni. 23Moses-lu Aaron-lu Tupqanuŋaruk isiqłutik Atanġum nayuqtauvianun, aasii anigamik, quviasaaġusiŋagaich iñuich, aasii tavra qaumanġa Atanġum nayuqtauniŋata niptaŋaruq iluqaiññun iñugnun. 24Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.
Currently Selected:
Leviticus 9: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 9
9
Aaron Aitchuimman Ikipkaqtanik
1Uvlaakumman ilaaguaqtaunikun piraġausiŋich naanmata, Moses-gum ququaŋagai Aaron-lu iġñiŋiḷḷu suli aullarriŋich Israel-gum kiŋuvaaŋich. 2Uqallautigaa Aaron, “Aŋusalluayaamiglu aŋusallumiglu imnaimik qaġġisuurriḷutin surruutaitchuagnik aitchuutigikkik Ataniġmun, aŋusalluayaaq taamna piḷuun pisigilugu aitchuutigilugu aasii aŋusalluq imnaiq ikipkaġlugu aitchuutaulugu. 3Aasii uqallautilugich Israel-gum kiŋuvaaŋich piksraqulugich aŋusallumik nagruligmik piḷuunmun aitchuutauniaqtuamik, aasii atausimik ukiuqtutigiruamik nuġġaġmik, suli atausimik ukiuqtutigiruamik imnaiyaamik surruutaitchuagnik ikipkaġlugik aitchuutiksrak, 4suli pamiqsaamiglu aŋusallumiglu imnaimik iḷammiuġniq pisigilugu aitchuutiksraġnik. Ikipkaġlugich aitchuutigigisigaich Ataniġmun iḷaqaġlugich palauvaksramik aitchuunmik akurrusiġḷugu uqsrumik. Tainna piruksraurut qanukkiuvva Atanġum niptaġviginiaġaich uvlupak.”
5Qaġġirriŋarut sivuġaanun Tupqum supayaanik Moses-gum piraksriutigiraŋiñik, suli iluqaġmiŋ nunaaqqim iñuŋich katinŋarut tavruŋa nanġaġiaqługu Ataniq. 6Moses uqallaktuq, “Atanġum piraksriŋagaasi tamatkua iluqaisa tuvraquvlugich, qaumaniŋa nayuqtauniŋata niptaquvlugu ilivsiññun.” 7#He 7.27.Tavraasi uqallautiŋagaa Aaron, “Ikipkaivigmuglutin aitchuutigiuŋ piḷuunmun aitchuun suli ikipkaġlugu aitchuun piḷuutisi piiqsaġlugich piḷuutiŋiḷḷu iñuich. Taamna aitchuutigilugu piḷuutaiqsaġlugich iñuich, Atanġum piraksriutaatun.”
8Aaron ikipkaivigmuŋaruq aasii tuqutchivḷuni aŋusalluayaamik ilaata piḷuutimiñun aitchuutigisaqługu. 9Iġñiŋisa auk ilaanuutiŋagaat, aasii misukługu tikini tavruŋa, auliqsuqługich nagruŋich kaŋiġalluŋiñiittuat ikipkaivium; aasii kuvivḷugu iḷakua alliġaŋanun ikipkaivium. 10Tavraasii ikipkaŋagaa ikipkaivigmi qaunnaŋa, taqtuŋik, suli tiŋuata takiniŋa, Atanġum piraksriutaatun Moses-mun. 11Aglaan ikipkaŋagaik niqiŋalu amiŋalu siḷataani nullaummivium.
12Tuqunŋagaa niġrun ilaata aitchuutigisaqługu ikipkaqługu. Iġñiŋisa aatchiŋagaat niġrutim auŋanik, aasii siqił̣ł̣aqtautigivlugu saniġaŋiññun ikipkaivium. 13Iġñiŋisa qaiñŋagaich niaqualu allallu avguŋaruat niġrunmiñ, aasii ikipkaŋagai ikipkaivigmi. 14Tavraasii iġġuŋagai ilġaviŋich suli kiŋulliik niuŋik aasii ikipkaqługich ikipkaivigmi qaaŋanni allat aitchuutaummiruat.
15Taamna pianigman, qaitchiŋaruq iñuich aitchuutiŋiññik. Nagrulik pivḷugu aitchuutauniaqtuaq iñuich piḷuutiŋiñun, tuqułługu, aasii aitchuutigivlugu, aitchuigusiġmisun ilaata piḷuutini pisigivlugich. 16Niġruntauq ikipkaġlugu aitchuutiksraq qaġġisimmiñiġaa aasii aitchuutigivlugu maliġiraksriat nalaułługich. 17Maniŋagaa palauvaksraq aitchuun aasii argagmiñun palauvaksraqłuni ikipkaqługu ikipkaivigmi. (Taamna iḷavlugu uvlutuaġaġimman ikipkaqługich aitchuutauruanun.) 18#Lv 3.1-11.Tuqunŋagaik pamiqsaaġlu imnaiġḷu aŋusalluq iḷammiuġunmun aitchuutigisaqługu iñuich pisigivlugich. Iġñiŋisa pamiqsaavlu imnaivḷu aŋusalluuruam auŋak ilaanuutiŋagaat, aasii siqił̣ł̣aqtautigiŋagaa saniġaŋiññun ikipkaivium. 19Aaron-gum iḷiŋagaich qaunnaŋich pamiqsaavlu imnaivḷu aŋusalluum 20qaaŋannun sakiaŋisa niġrutit aasii iluqaisa ikipkaivigmuutivlugich. Ikipkaŋagaa qaunnaŋat ikipkaivigmi 21aasii qaił̣ł̣ugich sakiaŋiḷḷu taliqpiatalu kiŋulliik niuŋik nuimagivlugich aitchuutauruat Ataniġmun aŋaiyyuliqsiqpagnun pigipkaqsaqługich, Moses piraksriutaatun.
22 #
Nu 6.22-26. Aaron-gum naalġataqamigich iluqaisa ikipkaqługich aitchuutauruat, isaaŋagaik argagni qulaatigun iñuich quviasuusiaqaquvlugich, aasii atqaqhuni. 23Moses-lu Aaron-lu Tupqanuŋaruk isiqłutik Atanġum nayuqtauvianun, aasii anigamik, quviasaaġusiŋagaich iñuich, aasii tavra qaumanġa Atanġum nayuqtauniŋata niptaŋaruq iluqaiññun iñugnun. 24Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)