Leviticus 11
11
Niġrutit Niġiñaġumiñaqtuat
(Deuteronomy 14.3-21)
1Atanġum uqallautiniġaik Moses-lu Aaron-lu, 2Uqautilugich Israel-gum kiŋuvaaŋich: Niġiyumiñaqtusi nunamiittuanik niġrutinik 3kukiqaqtuanik aviŋaruagnik, niqimigniglu tamutqiguuruanik, 4-6aglaan niġiruksrauŋitchusi pikukturuanik, rock badger-nik, naakka ukalliñik. Tamatkua salumaitchuaġiniaġisi; niqimignik tamutqiguuruat aglaan kukiqaŋitchuat aviŋaruagnik. 7Niġiñasigik tuttuqłuich. Salumaitchuaġiniaġisi; kukiqaġaluaqtut aviŋaruagnik, aglaan tamutqiḷaitchut niqimignik. 8Tamatkua niġrutit niġiñasigik naakkaunnii aksigḷugich tuquŋaruat timiŋich; salumaitchuagurut.
9Niġiyumiñaġisi immaniittuat niġrutipayaat aŋuutiqaqpatalu kavisiqaqpatalu, 10aglaan iñuuruaguruat immami aŋuutaitchuallu kavisiiḷaallu niġiruksraġiŋitkisi. 11Tainnaittuat niġrutit salumaitchuaġiniaġisi. Niġiñasigik naakkaunnii aksigḷugich tuquŋaruat timiŋich. 12Niġiruksrauŋitchusi sunik immamiutapayaanik aŋuutiqaŋitpatalu kavisiitpatalu.
13-19Niġiñiaŋitkisi nalliat unnii ukua tiŋmiat: tiŋmiaqpaich, ukpigich, qiḷġich, kirgaviich; buzzard-gich, vulture-t, tulukkat; ostrich-gich; nauyyat, stork-gich, heron-gich, pelican-gich, iŋitqat; hoopoe-t; bat-giḷḷu.
20Iluqaġmiŋ isaġuligaat qupilġut salumaitchuagurut, 21aglaan tamatkua nuttagayuich. 22Niġiyumiñaqtusi nuttaġayugnik, cricket-nik, naakka grasshopper-nik. 23Aglaan mikiruapayaat isaġuqaqtuat suli paamġuġuuruat salumaitchuagurut.
24-28Aksiksiñiġuvsi tuquŋaruat ukua niġrutit timaannik, salumaitchuaguniaqtusi anaqalġataqtillugu: niġrutipayaat kukigruaqaqtuat, kukiŋich aglaan aviŋaruagukpata suli tamuġuuvlutiŋ niġianiktamignik, suli sisamanik niuligaapayaat niġrutit isigamigni alammaqaqtuat. Tigumiaġniġuvsi tuquŋaruanik timiŋiññik, iqaġiruksraġigisi annuġaasi, aglaan salumaitchuaguniaqtusi anaqalġataqtillugu.
29-30Itiġiat, rat-gich, aviŋŋaich, suli lizard-gich salumaitchuagurut. 31Kiapayaaq aksigñiqpagich tamatkua naakka tuquŋaruat timiŋich salumaiḷiŋaniaqtut anaqalġataqtillugu. 32Aasii timiŋich tuquaniŋaruat katagniqpata sumupayaaq, tavra taamna salumaitchuaguniaqtuq. Taamna sivuniqaqtuq sunun qiruuruanun, ukił̣haaguruanun, qisignun, naakka sunun puukatalianun, supayaamun atuġuugaluaqparruŋ. Misuktaksraġigaat immamun, aglaan salumaitchuaguniaqtuq anaqalġataqtillugu. 33Aasii timiŋich katagniqpata qikumun utkusigmun, sunapayaaq iḷuaniittuaq salumaiḷiñiaqtuq, suli siqumitaksraġiniaġiksi utkusik. 34Niqi niġiñaġumiñaġaluaqtuaq, aglaan taaptumaŋŋa utkusigmiñ immiŋaniqpan salumaiḷiñiaqtuq, suli suna imiġnaġumiñaqtuaq utkusigmiñ salumaiññiaqtuq. 35Sunapayaaq tuquŋaruam timim turvigiraŋa salumaitchuaguruq; qiku igniġvik naakka samuunnaaqługich iggavik siqumitaksrauniaqtuq, 36aglaan suna suvliktuagukpan naakka imiqaġvik salumaruaguniaqtuq, sut aglaan allat aksiutiruat tuquŋaruam timaanun salumaitchuagurut. 37Iḷaŋat katagniqpan nautchiaksramun nautchirriutiniaqtuamun, taamnagguuq nautchiaksraq salumaruaguruq. 38Aglaan kiñitchiqsillugu iḷaŋat katagniqpan tavruŋa, nautchiaksraun salumaitchuaguruq.
39Niġrun niġiñaqtuaq tuquniqpan, kialiqaa aksikkumiuŋ salumaiḷiñiaqtuq anaqalġataqtillugu. 40Aasii-suli nalliqsi niġiñiqpan sulliñiŋanik niġrutim, iqaġiruksraġigisi annuġaasi, aglaan salumaitchuaguniaqtusi anaqalġataqtillugu; nallisi tigumiaqtuat tuquŋaruam timaanik iqaġiruksraġigisi annuġaasi, aglaan salumaiññiaqtusisuli anaqalġataqtillugu.
41Niġiruksrauniaŋitchusi niġrugauranik kukiḷuuraqtuanik nunami, 42paamġuqtuagugaluaqpata, naagga sisamanik niuqaġlutiŋ iglausuukpata, naagga iñugiaktuanik niuqaġaluaqpata. 43Salumaiḷiñasi ilivsiññun niġiḷusi tamatkuniŋa. 44#Lv 19.2; 1 P 1.16.Uvaŋa Atanġuruŋa God-iksi; salumaruaguruksraurusi, qanukkii Uvaŋa salumaruaguruŋa. 45Uvaŋa Atanġuruŋa Egypt-miñŋaurrigiraqsi God-igitquvluŋa ilivsiññun. Salumaruaguruksraurusi, qanukkii Uvaŋa salumaruaguruŋa.
46Tavraasii taamna pitqurauruq niġrutitigun suli tiŋmiatigun, suli supayaatigun iñuuruanun immami, suli sunapayaaq igliqtuaq nunami. 47Qaunakłaaġlusi iḷisimaruksraurusi piraġausiq nalaullugu salumaruaniglu salumaitchuaguruaniglu, niġrutinik niġiñaqtuanik suli niġiruksraġiŋitchavsiññik.
Currently Selected:
Leviticus 11: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 11
11
Niġrutit Niġiñaġumiñaqtuat
(Deuteronomy 14.3-21)
1Atanġum uqallautiniġaik Moses-lu Aaron-lu, 2Uqautilugich Israel-gum kiŋuvaaŋich: Niġiyumiñaqtusi nunamiittuanik niġrutinik 3kukiqaqtuanik aviŋaruagnik, niqimigniglu tamutqiguuruanik, 4-6aglaan niġiruksrauŋitchusi pikukturuanik, rock badger-nik, naakka ukalliñik. Tamatkua salumaitchuaġiniaġisi; niqimignik tamutqiguuruat aglaan kukiqaŋitchuat aviŋaruagnik. 7Niġiñasigik tuttuqłuich. Salumaitchuaġiniaġisi; kukiqaġaluaqtut aviŋaruagnik, aglaan tamutqiḷaitchut niqimignik. 8Tamatkua niġrutit niġiñasigik naakkaunnii aksigḷugich tuquŋaruat timiŋich; salumaitchuagurut.
9Niġiyumiñaġisi immaniittuat niġrutipayaat aŋuutiqaqpatalu kavisiqaqpatalu, 10aglaan iñuuruaguruat immami aŋuutaitchuallu kavisiiḷaallu niġiruksraġiŋitkisi. 11Tainnaittuat niġrutit salumaitchuaġiniaġisi. Niġiñasigik naakkaunnii aksigḷugich tuquŋaruat timiŋich. 12Niġiruksrauŋitchusi sunik immamiutapayaanik aŋuutiqaŋitpatalu kavisiitpatalu.
13-19Niġiñiaŋitkisi nalliat unnii ukua tiŋmiat: tiŋmiaqpaich, ukpigich, qiḷġich, kirgaviich; buzzard-gich, vulture-t, tulukkat; ostrich-gich; nauyyat, stork-gich, heron-gich, pelican-gich, iŋitqat; hoopoe-t; bat-giḷḷu.
20Iluqaġmiŋ isaġuligaat qupilġut salumaitchuagurut, 21aglaan tamatkua nuttagayuich. 22Niġiyumiñaqtusi nuttaġayugnik, cricket-nik, naakka grasshopper-nik. 23Aglaan mikiruapayaat isaġuqaqtuat suli paamġuġuuruat salumaitchuagurut.
24-28Aksiksiñiġuvsi tuquŋaruat ukua niġrutit timaannik, salumaitchuaguniaqtusi anaqalġataqtillugu: niġrutipayaat kukigruaqaqtuat, kukiŋich aglaan aviŋaruagukpata suli tamuġuuvlutiŋ niġianiktamignik, suli sisamanik niuligaapayaat niġrutit isigamigni alammaqaqtuat. Tigumiaġniġuvsi tuquŋaruanik timiŋiññik, iqaġiruksraġigisi annuġaasi, aglaan salumaitchuaguniaqtusi anaqalġataqtillugu.
29-30Itiġiat, rat-gich, aviŋŋaich, suli lizard-gich salumaitchuagurut. 31Kiapayaaq aksigñiqpagich tamatkua naakka tuquŋaruat timiŋich salumaiḷiŋaniaqtut anaqalġataqtillugu. 32Aasii timiŋich tuquaniŋaruat katagniqpata sumupayaaq, tavra taamna salumaitchuaguniaqtuq. Taamna sivuniqaqtuq sunun qiruuruanun, ukił̣haaguruanun, qisignun, naakka sunun puukatalianun, supayaamun atuġuugaluaqparruŋ. Misuktaksraġigaat immamun, aglaan salumaitchuaguniaqtuq anaqalġataqtillugu. 33Aasii timiŋich katagniqpata qikumun utkusigmun, sunapayaaq iḷuaniittuaq salumaiḷiñiaqtuq, suli siqumitaksraġiniaġiksi utkusik. 34Niqi niġiñaġumiñaġaluaqtuaq, aglaan taaptumaŋŋa utkusigmiñ immiŋaniqpan salumaiḷiñiaqtuq, suli suna imiġnaġumiñaqtuaq utkusigmiñ salumaiññiaqtuq. 35Sunapayaaq tuquŋaruam timim turvigiraŋa salumaitchuaguruq; qiku igniġvik naakka samuunnaaqługich iggavik siqumitaksrauniaqtuq, 36aglaan suna suvliktuagukpan naakka imiqaġvik salumaruaguniaqtuq, sut aglaan allat aksiutiruat tuquŋaruam timaanun salumaitchuagurut. 37Iḷaŋat katagniqpan nautchiaksramun nautchirriutiniaqtuamun, taamnagguuq nautchiaksraq salumaruaguruq. 38Aglaan kiñitchiqsillugu iḷaŋat katagniqpan tavruŋa, nautchiaksraun salumaitchuaguruq.
39Niġrun niġiñaqtuaq tuquniqpan, kialiqaa aksikkumiuŋ salumaiḷiñiaqtuq anaqalġataqtillugu. 40Aasii-suli nalliqsi niġiñiqpan sulliñiŋanik niġrutim, iqaġiruksraġigisi annuġaasi, aglaan salumaitchuaguniaqtusi anaqalġataqtillugu; nallisi tigumiaqtuat tuquŋaruam timaanik iqaġiruksraġigisi annuġaasi, aglaan salumaiññiaqtusisuli anaqalġataqtillugu.
41Niġiruksrauniaŋitchusi niġrugauranik kukiḷuuraqtuanik nunami, 42paamġuqtuagugaluaqpata, naagga sisamanik niuqaġlutiŋ iglausuukpata, naagga iñugiaktuanik niuqaġaluaqpata. 43Salumaiḷiñasi ilivsiññun niġiḷusi tamatkuniŋa. 44#Lv 19.2; 1 P 1.16.Uvaŋa Atanġuruŋa God-iksi; salumaruaguruksraurusi, qanukkii Uvaŋa salumaruaguruŋa. 45Uvaŋa Atanġuruŋa Egypt-miñŋaurrigiraqsi God-igitquvluŋa ilivsiññun. Salumaruaguruksraurusi, qanukkii Uvaŋa salumaruaguruŋa.
46Tavraasii taamna pitqurauruq niġrutitigun suli tiŋmiatigun, suli supayaatigun iñuuruanun immami, suli sunapayaaq igliqtuaq nunami. 47Qaunakłaaġlusi iḷisimaruksraurusi piraġausiq nalaullugu salumaruaniglu salumaitchuaguruaniglu, niġrutinik niġiñaqtuanik suli niġiruksraġiŋitchavsiññik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)