Exodus 39
39
Annuġarriuġmata Aŋaiyyuliqsiqpauruanun
(Exodus 28.1-14)
1Suŋauraaqtaamik, tigluuraaqtaamik, suli kaviqsuamik imnaim mitquanik annuġaaġiksualiuŋarut aŋaiyyuliqsiqpauruat atugaksraŋiñik Salumaruami Inimi. Aŋaiyyuliqsiqpaich annuġaaŋiñik savaŋarut Aaron-mun, Atanġum piraksriutaatun Moses-mun.
2Aŋaiyyuliqsiqpak kiapiġusiuŋagaat ukił̣haaġiksaamik; suŋauraaqtaamik, tigluuraaqtaamik, suli kaviqsuamik imnaim mitquanik; suli ivaluqaqługu kaviqsuamik manigmik. 3Kauŋaniġaich kaviqsuat maniich aasii avguqługu amisuuranik iḷḷatisaqługich ukił̣haaġiksuamun suli suŋauraaqtaamun, tigluuraaqtaamun, suli kaviqsuamun imnaim mitquanik. 4Malġugnik tuiqqagusiŋagaat kiapiġun aasii kasuqtillasivḷugik saniġallaaŋigñun. 5Ukił̣haaġiksuamiñ piḷiaq tavsi, savaaguruaq tainnasimiñ suli, atallasivḷugu kiapiġunmun atausiusaġlugik aviktamin, Atanġum piraksriutaatun Moses-mun. 6Savaŋagaich carnelian-gich aasii iḷivḷugich kaviqsuanun manigmun; titiqtulluataqługiḷḷu atiŋich qulit malġuuruat (12) iġñiŋich Jacob. 7Inillaŋagaich tuiqqagutiŋigñun kiapiġutim itqaummatausaqługich qulit malġuuruanun (12) maŋŋuŋiñun Israel, piraksriutaatun Atanġum Moses-mun.
Satqagutiliuġmata
(Exodus 28.15-30)
8Satqagusiuŋarut ukił̣haanik atiruanik aŋaiyyuliqsiqpaum kiapiġutaatun suli atikavsakługich qupaich miquqtat. 9Kaŋiġalluaġiŋaruq qugluŋavluni, quliŋŋuġutaiḷanik titiġniñik taktigivluni aasii quliŋŋuġutaiḷanik titiġniñik siḷiktigivluni. 10Iḷisiŋarut sisamaiñik tunulliġiiksuanik uyaġagiksuanik tavruŋa: sivulliġmi saniġaqłiġiiksuani iḷisiŋarut ruby-mik, topaz-mik suli garnet-mik; 11tuglianni saniġaqłiġiiksuat, emerald-mik, sapphire-mik suli diamond-mik; 12piŋayuanni saniġaqłiġiiksuat, turquoise-mik, agate-mik, amethyst-mik; 13sisamaŋanni aasii saniġaqłiġiiksuat, beryl-mik, carnelian-mik, suli jasper-mik. Taapkua attaviḷiqł̣ugich kaviqsuamik manigmik. 14Uyaġallaanun qulit malġuuruanun (12) titiqtuutiŋagaich atillaaŋich iġñiŋisa Jacob, nalunaiġutausaqługich qulit malġuuruanun (12) maŋŋuŋisa Israel. 15Satqagun qivḷiḷiuŋagaat kaviqsuamik manigiksuamik, qipitanik akłunaatun. 16Iḷḷiviḷiuŋarut malġugnik kaviqsuamik manigmik suli malġugnik tigummisiliqługik aqvaluqtuagnik aasii kasuqtiłługik aqvaluqtuak qulaanun kaŋiġalluŋiñun satqagutim. 17Kasuqtinŋagaich malġuk qivḷiik, kaviqsuamik manigmik piḷiak, malġuŋnun aqvaluqtuagnun tigummisignun 18aasii kasuqtinmivḷugik allak isuŋik akłunaaliak malġuuruagnun iḷḷiviḷiagnun tavra tainna kasuqtiłługik saaŋanun tuiqqaġutiniksa kiapiġutim. 19Malġugnik aqvaluqtuagnik tigummisiliuqłutik kaviqsuamik manigmik aasii kasuqtiłługik alliigñun kaŋiġalluŋigñun satqagutim, iḷulliata siñaani saniġaani kiapiġutim. 20Malġuvsaagnik kaviqsuamik manigmik tigummisiḷiuvsaaqłutiŋ aqvaluqtuagnik aasii kasuqtiłługik allianun saaŋata malġuuk tuiqqaŋaniittuagnun kiapiġutim, qaniŋanun kiluata suli qulaani qiḷaaġiksuam tavsiata. 21Atanġum piraksriutaatun Moses-mun, qiḷiġutiŋagaik aqvaluqtuak satqagunmi aqvaluqtuaŋigñun kiapiġutim suŋauraaqtuamik akłunaamik, taamna satqagun inillaŋatquvlugu qulaani tavsiata aasii qasuraġauraŋiłłuni.
Aŋaiyyuliqsiqpauruat Annuġaaŋich Allat Savagmagich
(Exodus 28.31-43)
22Qaliġuaq iḷuaniittuaq aŋaiyyuliqsiqpaum kiapiġutaata savaŋagaat iluqaan suŋauraaqtaamik imnaim mitquanik. 23Nuiḷaŋa niaquanun ukpirrusiŋagaat aligiitkutaksriamik. 24-26Kiavaluisaaqługu allikun siñaagun pomegranate-liqsuŋagaat ukił̣haaġiksuamik, suŋauraaqtaamiglu, tigluuraaqtaamiglu, suli kaviqsuamik imnaim mitquanik akunniliqsuqługich qattauranik kaviqsuamik manigiksuamik, Atanġum piraksriutaatun Moses-mun.
27Qaliġuuraliuŋarut Aaron-mullu iġñiŋiññullu, 28suli nimmaaġutaa niaquata, nasaugauraŋi, suli naitchuat kamikłuich ukiłhaaġiksaamiñ piḷiat, 29suli tavsialiuqłutiŋ ukił̣haaġiksaamik suli suŋauraaqtaamik, tigluuraaqtaamik, kaviqsuamiglu imnaim mitquanik, qiñiyunaqsaŋaruanik miquqługich, piraksriutaatun Atanġum Moses-mun. 30Nalunaiñŋusiuŋaniqsut, nalunaiḷutaksraŋiñik ilaaguaqtauniŋisa, kaviqsuamik manigiksuamik, aasii titiqtuutivlugu tavruŋa “Ilaaguaqtauruaq Ataniġmun.” 31Qiḷiġutiŋagaat sivuġaanun niaquata nimmaaġutim suŋauraaqtaaq akłunaaq, piraksriutaatun Atanġum Moses-mun.
Naanmarruŋ Savaaq
(Exodus 35.10-19)
32Iluqaġmi Tupqa Atanġum nayuqtauvia naalġatauraġniqsuq. Israel-gum kiŋuvaaŋich savaaġiŋagaat sunapayaaq Atanġum piraksriusiatun Moses-mun. 33Moses-muutiŋagaat Tupiq suġautapayauraŋiḷḷu, niksigaŋich, avaluŋich, ayagutaŋich, napaqsraŋich, suli tunŋaviŋich; 34taluliat imnaich aŋusalluŋisa amiŋiñik kipitanik kaviqsuamun; taluliaq qisigiksuamik; talukiyaaq; 35Sivunniuġutim Kiguunniŋa imaqaŋaruq uyaġagnik aglagviuruagnik, akigautiŋik, suli matua; 36niġġiviglu suġautaŋiḷḷu, suli punniq aitchuutauruaq God-mun; 37naparuaq naniqaġvik kaviqsuamik manigiksuamik savaaq, naniŋich, suġautaŋich, suli uqsruksrautaat nannich; 38kaviqsuamiñ manigmik ikipkaivik; uqsruqtaaġun; tivraġiksaun; talukiyaaŋa paaŋata Tupqum; 39patukpagmik piḷiat ikipkaivium uukłiqpiŋiḷḷu, akigautiŋik, suli iluqaisa suġautaŋich; iqaqqiviglu alliġaŋalu; 40talukiyaaŋich avaluuruam napaqsraŋich suli tunŋaviŋich; talukiyaaŋa paaŋata avaluuruam akłunaaŋiḷḷu; Tupqum paugaŋich; iluqaisa suġauttapayauraŋich atuġniaqtaŋich Tupiġmi; 41qiñiyunaqtuallu annuġaaksrautiŋich aŋaiyyuliqsiqpaich atuaksrautiŋich Salumaruami Inimi—ilaaguaqtauŋaruat annuġaaksrautiŋich Aaron aŋaiyyuliqsiqpaum suli iġñiŋisa. 42Israel-gum kiŋuvaaŋich iluqaan savaaġiŋagaat nalaułługu Atanġum piraksriutaa Moses-mun. 43Moses-gum qimilġuŋaniġaa iluqaan sunapayaaq aasii qiñiqługu savaaguŋatilaaŋat nalaułługu Atanġum piraksriutaatun. Tavraasii Moses-gum quviasaaġusiŋaniġaich.
Currently Selected:
Exodus 39: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 39
39
Annuġarriuġmata Aŋaiyyuliqsiqpauruanun
(Exodus 28.1-14)
1Suŋauraaqtaamik, tigluuraaqtaamik, suli kaviqsuamik imnaim mitquanik annuġaaġiksualiuŋarut aŋaiyyuliqsiqpauruat atugaksraŋiñik Salumaruami Inimi. Aŋaiyyuliqsiqpaich annuġaaŋiñik savaŋarut Aaron-mun, Atanġum piraksriutaatun Moses-mun.
2Aŋaiyyuliqsiqpak kiapiġusiuŋagaat ukił̣haaġiksaamik; suŋauraaqtaamik, tigluuraaqtaamik, suli kaviqsuamik imnaim mitquanik; suli ivaluqaqługu kaviqsuamik manigmik. 3Kauŋaniġaich kaviqsuat maniich aasii avguqługu amisuuranik iḷḷatisaqługich ukił̣haaġiksuamun suli suŋauraaqtaamun, tigluuraaqtaamun, suli kaviqsuamun imnaim mitquanik. 4Malġugnik tuiqqagusiŋagaat kiapiġun aasii kasuqtillasivḷugik saniġallaaŋigñun. 5Ukił̣haaġiksuamiñ piḷiaq tavsi, savaaguruaq tainnasimiñ suli, atallasivḷugu kiapiġunmun atausiusaġlugik aviktamin, Atanġum piraksriutaatun Moses-mun. 6Savaŋagaich carnelian-gich aasii iḷivḷugich kaviqsuanun manigmun; titiqtulluataqługiḷḷu atiŋich qulit malġuuruat (12) iġñiŋich Jacob. 7Inillaŋagaich tuiqqagutiŋigñun kiapiġutim itqaummatausaqługich qulit malġuuruanun (12) maŋŋuŋiñun Israel, piraksriutaatun Atanġum Moses-mun.
Satqagutiliuġmata
(Exodus 28.15-30)
8Satqagusiuŋarut ukił̣haanik atiruanik aŋaiyyuliqsiqpaum kiapiġutaatun suli atikavsakługich qupaich miquqtat. 9Kaŋiġalluaġiŋaruq qugluŋavluni, quliŋŋuġutaiḷanik titiġniñik taktigivluni aasii quliŋŋuġutaiḷanik titiġniñik siḷiktigivluni. 10Iḷisiŋarut sisamaiñik tunulliġiiksuanik uyaġagiksuanik tavruŋa: sivulliġmi saniġaqłiġiiksuani iḷisiŋarut ruby-mik, topaz-mik suli garnet-mik; 11tuglianni saniġaqłiġiiksuat, emerald-mik, sapphire-mik suli diamond-mik; 12piŋayuanni saniġaqłiġiiksuat, turquoise-mik, agate-mik, amethyst-mik; 13sisamaŋanni aasii saniġaqłiġiiksuat, beryl-mik, carnelian-mik, suli jasper-mik. Taapkua attaviḷiqł̣ugich kaviqsuamik manigmik. 14Uyaġallaanun qulit malġuuruanun (12) titiqtuutiŋagaich atillaaŋich iġñiŋisa Jacob, nalunaiġutausaqługich qulit malġuuruanun (12) maŋŋuŋisa Israel. 15Satqagun qivḷiḷiuŋagaat kaviqsuamik manigiksuamik, qipitanik akłunaatun. 16Iḷḷiviḷiuŋarut malġugnik kaviqsuamik manigmik suli malġugnik tigummisiliqługik aqvaluqtuagnik aasii kasuqtiłługik aqvaluqtuak qulaanun kaŋiġalluŋiñun satqagutim. 17Kasuqtinŋagaich malġuk qivḷiik, kaviqsuamik manigmik piḷiak, malġuŋnun aqvaluqtuagnun tigummisignun 18aasii kasuqtinmivḷugik allak isuŋik akłunaaliak malġuuruagnun iḷḷiviḷiagnun tavra tainna kasuqtiłługik saaŋanun tuiqqaġutiniksa kiapiġutim. 19Malġugnik aqvaluqtuagnik tigummisiliuqłutik kaviqsuamik manigmik aasii kasuqtiłługik alliigñun kaŋiġalluŋigñun satqagutim, iḷulliata siñaani saniġaani kiapiġutim. 20Malġuvsaagnik kaviqsuamik manigmik tigummisiḷiuvsaaqłutiŋ aqvaluqtuagnik aasii kasuqtiłługik allianun saaŋata malġuuk tuiqqaŋaniittuagnun kiapiġutim, qaniŋanun kiluata suli qulaani qiḷaaġiksuam tavsiata. 21Atanġum piraksriutaatun Moses-mun, qiḷiġutiŋagaik aqvaluqtuak satqagunmi aqvaluqtuaŋigñun kiapiġutim suŋauraaqtuamik akłunaamik, taamna satqagun inillaŋatquvlugu qulaani tavsiata aasii qasuraġauraŋiłłuni.
Aŋaiyyuliqsiqpauruat Annuġaaŋich Allat Savagmagich
(Exodus 28.31-43)
22Qaliġuaq iḷuaniittuaq aŋaiyyuliqsiqpaum kiapiġutaata savaŋagaat iluqaan suŋauraaqtaamik imnaim mitquanik. 23Nuiḷaŋa niaquanun ukpirrusiŋagaat aligiitkutaksriamik. 24-26Kiavaluisaaqługu allikun siñaagun pomegranate-liqsuŋagaat ukił̣haaġiksuamik, suŋauraaqtaamiglu, tigluuraaqtaamiglu, suli kaviqsuamik imnaim mitquanik akunniliqsuqługich qattauranik kaviqsuamik manigiksuamik, Atanġum piraksriutaatun Moses-mun.
27Qaliġuuraliuŋarut Aaron-mullu iġñiŋiññullu, 28suli nimmaaġutaa niaquata, nasaugauraŋi, suli naitchuat kamikłuich ukiłhaaġiksaamiñ piḷiat, 29suli tavsialiuqłutiŋ ukił̣haaġiksaamik suli suŋauraaqtaamik, tigluuraaqtaamik, kaviqsuamiglu imnaim mitquanik, qiñiyunaqsaŋaruanik miquqługich, piraksriutaatun Atanġum Moses-mun. 30Nalunaiñŋusiuŋaniqsut, nalunaiḷutaksraŋiñik ilaaguaqtauniŋisa, kaviqsuamik manigiksuamik, aasii titiqtuutivlugu tavruŋa “Ilaaguaqtauruaq Ataniġmun.” 31Qiḷiġutiŋagaat sivuġaanun niaquata nimmaaġutim suŋauraaqtaaq akłunaaq, piraksriutaatun Atanġum Moses-mun.
Naanmarruŋ Savaaq
(Exodus 35.10-19)
32Iluqaġmi Tupqa Atanġum nayuqtauvia naalġatauraġniqsuq. Israel-gum kiŋuvaaŋich savaaġiŋagaat sunapayaaq Atanġum piraksriusiatun Moses-mun. 33Moses-muutiŋagaat Tupiq suġautapayauraŋiḷḷu, niksigaŋich, avaluŋich, ayagutaŋich, napaqsraŋich, suli tunŋaviŋich; 34taluliat imnaich aŋusalluŋisa amiŋiñik kipitanik kaviqsuamun; taluliaq qisigiksuamik; talukiyaaq; 35Sivunniuġutim Kiguunniŋa imaqaŋaruq uyaġagnik aglagviuruagnik, akigautiŋik, suli matua; 36niġġiviglu suġautaŋiḷḷu, suli punniq aitchuutauruaq God-mun; 37naparuaq naniqaġvik kaviqsuamik manigiksuamik savaaq, naniŋich, suġautaŋich, suli uqsruksrautaat nannich; 38kaviqsuamiñ manigmik ikipkaivik; uqsruqtaaġun; tivraġiksaun; talukiyaaŋa paaŋata Tupqum; 39patukpagmik piḷiat ikipkaivium uukłiqpiŋiḷḷu, akigautiŋik, suli iluqaisa suġautaŋich; iqaqqiviglu alliġaŋalu; 40talukiyaaŋich avaluuruam napaqsraŋich suli tunŋaviŋich; talukiyaaŋa paaŋata avaluuruam akłunaaŋiḷḷu; Tupqum paugaŋich; iluqaisa suġauttapayauraŋich atuġniaqtaŋich Tupiġmi; 41qiñiyunaqtuallu annuġaaksrautiŋich aŋaiyyuliqsiqpaich atuaksrautiŋich Salumaruami Inimi—ilaaguaqtauŋaruat annuġaaksrautiŋich Aaron aŋaiyyuliqsiqpaum suli iġñiŋisa. 42Israel-gum kiŋuvaaŋich iluqaan savaaġiŋagaat nalaułługu Atanġum piraksriutaa Moses-mun. 43Moses-gum qimilġuŋaniġaa iluqaan sunapayaaq aasii qiñiqługu savaaguŋatilaaŋat nalaułługu Atanġum piraksriutaatun. Tavraasii Moses-gum quviasaaġusiŋaniġaich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)