Exodus 38
38
Ikipkaiviḷiuġmata Aitchuiviksramik
(Exodus 27.1-8)
1Ikipkaiviksramik aitchuutauruanun, ikipkaiviḷiuŋaruq acacia-m qiruanik. Kaŋiġalluaġikhuni, 7½ isigagniqtun taktigivluni, aasii 7½ isigagniqtun iraqtutigivlugi, aasii 4½ isigagniqtun qutchiksigivluni. 2Aniŋarualiuŋaruq nagruktun ittuanik qaaŋannun sisamauruat kaŋiġalluŋisa, tavra savaaguŋarut atavlugich atausiŋŋuqatigivlugu ikipkaivik. Qaaliŋagaa iluqaan patukpagmik. 3Savaŋagaiḷḷu iluqaisa suġauttapayauraŋich ikipkaivium: aġraqaġviich, piksrugaurat, iḷuturuat puggutaurat, kakiurat, aġraliqutillu. Iluqaġmiŋ taapkua suġauttapayauraŋich piḷiagurut patukpagmiñ. 4Patukpagmik uukłiqpiḷiuqłuni aasii iḷivḷugu ataanun siñaata ikipkaivium, qunmun avvaŋŋuaglaaġumiñaqsiḷugu ikipkaivik. 5Sisamanik akigaġviḷiuŋaruq aasii iḷivḷugich sisamauruanun kaŋiġalluŋiñun. 6Akigausiuŋaruq qiruanik acacia-m, qaaliqł̣ugik patukpagmik, 7iḷuaqtiłługik aasii akiġautiŋigun saniġallaaŋigñi ikipkaivium. Ikipkaiviḷiuŋaruq qirugnik tainna qattaqsivḷugu.
Patukpagmik Iqaqqiviḷiaq
(Exodus 30.18)
8 #
Ex 30.18. Patukpagmiñ iqaqqiviḷiuŋaruq suli turviḷiuqługu taġġaqtuutiŋiñiñ aġnat savaktuat paaŋani Tupqum Atanġum nayuqtauviata.
Avaluŋa Tupqum Atanġum Nayuqtauviata
(Exodus 27.9-19)
9Tupiq Atanġum nayuqtauviŋa avaluliuŋagaa ukił̣haaġiksuanik talukiyaanik. Kiluliñaaŋani talukiyaat takitigiŋarut malġukipiaq qulitun (50) isagniġum avvaŋatun, 10attatigivlugich iñuiññauruat (20) patukpaich napaqsrat iñuiññanun (20) patukpagnun tunŋaviŋiññun, naktirviiḷḷu niviŋŋaviiḷḷu piḷiat qatiqtuamik manigmik. 11Avaluuruaq tainnasuli ativlugu salliñaaŋani. 12Ualiñaaŋa talukiyaaqaŋaruq taktigivlutik iñuiññat tallimanik (25) isagniġuvlu avvaŋatun, qulinik napaqsraqaqłuni suli qulinik tunŋaviqaqłuni suli naktirviiḷḷu niviŋŋaviiḷḷu piḷiat qatiqtuamik manigmik. 13Kivaliñaaŋani, paaŋani, avaluuruaq tainnaptauq iñuiññat tallimanik (25) isagniġum avvaŋatun iraqtutigivlugu. 14-15Saniġallaaŋigñi paaŋata 7½ isagniġum avvaŋatun talukiyaaqaqłutik, piŋasunik napaqsraqaqłuni, piŋasunik suli tunŋaviqaqłuni. 16Iluqaġmiŋ talukiyaaŋich avaluŋata savaaguŋarut ukił̣haaġiksuamik. 17Turviŋich napaqsrat piḷiat patukpagmik, suli naktirviich, niviŋŋaviich, suli qaliŋich qaaŋisa napaqsrat piḷiat qatiqtuamik manigmik. Iluqaġmiŋ napaqsrat avaluani kasuqtitaŋarut qatiqtuamik manigmik niviŋŋavigñik. 18Talukiyaaŋa paaŋani avaluŋata savaaguŋaruq ukił̣haaġiksuamik suŋauraaqtaamik, tigluuraaqtaamik, suli kaviqsuamik imnaim mitquanik suli qiñiyunaqutiqaqhuni miquqtanik. Taktigiŋaruq qulitun isagniġum avvaŋatun aasii 2½ isagniġum avvaŋigñik qutchiksigivluni, talukiyaaŋisun avaluuruam. 19Attatiqaŋaruq sisamanik napaqsranik tunŋaviqaqłuni sisamanik patukpagnik. Naktirviŋich, qaliŋich qaaŋisa, suli niviŋŋaġviich piḷiat qatiqtuamik manigmik. 20Iluqaġmiŋ paugaŋich Tupqum avaluksraŋatalu savaaguŋarut patukpagmik.
Savił̣hat Atuqtaŋich Tupiġmun Atanġum Nayuqtauvianun
21Ukua uvva agliusimarut qanutun itilaaŋich savił̣hat atuŋaraŋich Tupiġmun Atanġum nayuqtauvianun, malġuuk uyaqqak aglagviuŋaruak Qulit Piraksriutauŋaruanun agliusimaruat. Agliusimaruat piraksriutigiŋavlugich Moses-gum aasii Levi-m kiŋuvaaŋich savaaġiŋavlugich qaukłiqaqłutiŋ Ithamar-mik iġñiŋanik Aaron-gum aŋaiyyuliqsiqpauruam.
22Bezalel, iġñiŋa Uri-m suli tutaalugivlugu Hur-m maŋŋuŋiñiñ Judah-m, savaŋagai supayaat Atanġum piraksriutigiraŋich. 23Ikayuqtaa, Oholiab iġñiŋa Ahisamach-gum, maŋŋuŋiñiñ Dan, titiqtuqtauŋaruq, suli qiññaksraŋiñik sut savaktauvluni, suli ukił̣haaliuqtauvluni ukił̣haaġiksuanik suli suŋauraaqtaanik, tigluuraaqtaanik, kaviqsuaniglu imnaim amiŋanik.
24Iluqaġmi kaviqsuaq manik qaisauŋaruaq Ataniġmun Aŋaiyyuvikpaksramun Tupiġmun uqumaisigiŋaruq 2,195 pounds-tun, uqumaisilaaġusiatigun inillaŋaruakun. 25#Ex 30.11-16.Qatiqtuaq manik iñugiaktilaaŋanniñ iñuich nunaaqqimi uqumaisigiŋaniqsuq 7,550 pounds-tun, uqumaisilaaġusiatigun inillaŋaruakun. 26#Mt 17.24.Taamna aktilaaŋa aktigiŋaruq iluqani akiḷiutigiŋaraŋat iñupayaurat agliusimaruat kisitchimmata, iñullaa piraksrani aktilaallaaŋatun, uqumaisilaaqaŋaruq inillaŋaruakun. 603,550-tun iñugiaktigiruat aŋutit iñuiññamiñaglaan (20) ukiuqaqtuat atchiiŋarut kisitchimmata. 27Qatiqtuamiñ manigmiñ, 7,500 pounds-tun, uqumaisigiruat atuŋagaich tallimakipiatun (100) tunŋaviḷiuqamiŋ salumaruamun Tupiġmun talukiyaanullu, piŋasukipiaq akimiatun (75) pounds-tun uqumaisigillaavluni atausiq tunŋavik. 28Malġukipiaq qulinik (50) pounds-nik qatiqtuamik manigmik Bezalel talukiyaaqaġviḷiuŋaruq, naktirviksraŋiññunlu napaqsrat, suli qaliksraŋiññik qaaŋisa. 29Patukpaich qaisauŋaruat Ataniġmun uqumaisilaaqaŋarut 5,310 pounds-tun. 30Tavra turviḷiuġutigiŋagaich paaŋanun Tupqum Atanġum nayuqtauviata, patukpagmiñ ikipkaivik uukłiqpiqaġvialu, suli savaluutiŋich ikipkaivium, 31tunŋaviuruat avaluuruamun paaŋanullu avaluuruam, iluqaisalu paugaŋich Tupqum suli avaluaniittuat.
Currently Selected:
Exodus 38: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 38
38
Ikipkaiviḷiuġmata Aitchuiviksramik
(Exodus 27.1-8)
1Ikipkaiviksramik aitchuutauruanun, ikipkaiviḷiuŋaruq acacia-m qiruanik. Kaŋiġalluaġikhuni, 7½ isigagniqtun taktigivluni, aasii 7½ isigagniqtun iraqtutigivlugi, aasii 4½ isigagniqtun qutchiksigivluni. 2Aniŋarualiuŋaruq nagruktun ittuanik qaaŋannun sisamauruat kaŋiġalluŋisa, tavra savaaguŋarut atavlugich atausiŋŋuqatigivlugu ikipkaivik. Qaaliŋagaa iluqaan patukpagmik. 3Savaŋagaiḷḷu iluqaisa suġauttapayauraŋich ikipkaivium: aġraqaġviich, piksrugaurat, iḷuturuat puggutaurat, kakiurat, aġraliqutillu. Iluqaġmiŋ taapkua suġauttapayauraŋich piḷiagurut patukpagmiñ. 4Patukpagmik uukłiqpiḷiuqłuni aasii iḷivḷugu ataanun siñaata ikipkaivium, qunmun avvaŋŋuaglaaġumiñaqsiḷugu ikipkaivik. 5Sisamanik akigaġviḷiuŋaruq aasii iḷivḷugich sisamauruanun kaŋiġalluŋiñun. 6Akigausiuŋaruq qiruanik acacia-m, qaaliqł̣ugik patukpagmik, 7iḷuaqtiłługik aasii akiġautiŋigun saniġallaaŋigñi ikipkaivium. Ikipkaiviḷiuŋaruq qirugnik tainna qattaqsivḷugu.
Patukpagmik Iqaqqiviḷiaq
(Exodus 30.18)
8 #
Ex 30.18. Patukpagmiñ iqaqqiviḷiuŋaruq suli turviḷiuqługu taġġaqtuutiŋiñiñ aġnat savaktuat paaŋani Tupqum Atanġum nayuqtauviata.
Avaluŋa Tupqum Atanġum Nayuqtauviata
(Exodus 27.9-19)
9Tupiq Atanġum nayuqtauviŋa avaluliuŋagaa ukił̣haaġiksuanik talukiyaanik. Kiluliñaaŋani talukiyaat takitigiŋarut malġukipiaq qulitun (50) isagniġum avvaŋatun, 10attatigivlugich iñuiññauruat (20) patukpaich napaqsrat iñuiññanun (20) patukpagnun tunŋaviŋiññun, naktirviiḷḷu niviŋŋaviiḷḷu piḷiat qatiqtuamik manigmik. 11Avaluuruaq tainnasuli ativlugu salliñaaŋani. 12Ualiñaaŋa talukiyaaqaŋaruq taktigivlutik iñuiññat tallimanik (25) isagniġuvlu avvaŋatun, qulinik napaqsraqaqłuni suli qulinik tunŋaviqaqłuni suli naktirviiḷḷu niviŋŋaviiḷḷu piḷiat qatiqtuamik manigmik. 13Kivaliñaaŋani, paaŋani, avaluuruaq tainnaptauq iñuiññat tallimanik (25) isagniġum avvaŋatun iraqtutigivlugu. 14-15Saniġallaaŋigñi paaŋata 7½ isagniġum avvaŋatun talukiyaaqaqłutik, piŋasunik napaqsraqaqłuni, piŋasunik suli tunŋaviqaqłuni. 16Iluqaġmiŋ talukiyaaŋich avaluŋata savaaguŋarut ukił̣haaġiksuamik. 17Turviŋich napaqsrat piḷiat patukpagmik, suli naktirviich, niviŋŋaviich, suli qaliŋich qaaŋisa napaqsrat piḷiat qatiqtuamik manigmik. Iluqaġmiŋ napaqsrat avaluani kasuqtitaŋarut qatiqtuamik manigmik niviŋŋavigñik. 18Talukiyaaŋa paaŋani avaluŋata savaaguŋaruq ukił̣haaġiksuamik suŋauraaqtaamik, tigluuraaqtaamik, suli kaviqsuamik imnaim mitquanik suli qiñiyunaqutiqaqhuni miquqtanik. Taktigiŋaruq qulitun isagniġum avvaŋatun aasii 2½ isagniġum avvaŋigñik qutchiksigivluni, talukiyaaŋisun avaluuruam. 19Attatiqaŋaruq sisamanik napaqsranik tunŋaviqaqłuni sisamanik patukpagnik. Naktirviŋich, qaliŋich qaaŋisa, suli niviŋŋaġviich piḷiat qatiqtuamik manigmik. 20Iluqaġmiŋ paugaŋich Tupqum avaluksraŋatalu savaaguŋarut patukpagmik.
Savił̣hat Atuqtaŋich Tupiġmun Atanġum Nayuqtauvianun
21Ukua uvva agliusimarut qanutun itilaaŋich savił̣hat atuŋaraŋich Tupiġmun Atanġum nayuqtauvianun, malġuuk uyaqqak aglagviuŋaruak Qulit Piraksriutauŋaruanun agliusimaruat. Agliusimaruat piraksriutigiŋavlugich Moses-gum aasii Levi-m kiŋuvaaŋich savaaġiŋavlugich qaukłiqaqłutiŋ Ithamar-mik iġñiŋanik Aaron-gum aŋaiyyuliqsiqpauruam.
22Bezalel, iġñiŋa Uri-m suli tutaalugivlugu Hur-m maŋŋuŋiñiñ Judah-m, savaŋagai supayaat Atanġum piraksriutigiraŋich. 23Ikayuqtaa, Oholiab iġñiŋa Ahisamach-gum, maŋŋuŋiñiñ Dan, titiqtuqtauŋaruq, suli qiññaksraŋiñik sut savaktauvluni, suli ukił̣haaliuqtauvluni ukił̣haaġiksuanik suli suŋauraaqtaanik, tigluuraaqtaanik, kaviqsuaniglu imnaim amiŋanik.
24Iluqaġmi kaviqsuaq manik qaisauŋaruaq Ataniġmun Aŋaiyyuvikpaksramun Tupiġmun uqumaisigiŋaruq 2,195 pounds-tun, uqumaisilaaġusiatigun inillaŋaruakun. 25#Ex 30.11-16.Qatiqtuaq manik iñugiaktilaaŋanniñ iñuich nunaaqqimi uqumaisigiŋaniqsuq 7,550 pounds-tun, uqumaisilaaġusiatigun inillaŋaruakun. 26#Mt 17.24.Taamna aktilaaŋa aktigiŋaruq iluqani akiḷiutigiŋaraŋat iñupayaurat agliusimaruat kisitchimmata, iñullaa piraksrani aktilaallaaŋatun, uqumaisilaaqaŋaruq inillaŋaruakun. 603,550-tun iñugiaktigiruat aŋutit iñuiññamiñaglaan (20) ukiuqaqtuat atchiiŋarut kisitchimmata. 27Qatiqtuamiñ manigmiñ, 7,500 pounds-tun, uqumaisigiruat atuŋagaich tallimakipiatun (100) tunŋaviḷiuqamiŋ salumaruamun Tupiġmun talukiyaanullu, piŋasukipiaq akimiatun (75) pounds-tun uqumaisigillaavluni atausiq tunŋavik. 28Malġukipiaq qulinik (50) pounds-nik qatiqtuamik manigmik Bezalel talukiyaaqaġviḷiuŋaruq, naktirviksraŋiññunlu napaqsrat, suli qaliksraŋiññik qaaŋisa. 29Patukpaich qaisauŋaruat Ataniġmun uqumaisilaaqaŋarut 5,310 pounds-tun. 30Tavra turviḷiuġutigiŋagaich paaŋanun Tupqum Atanġum nayuqtauviata, patukpagmiñ ikipkaivik uukłiqpiqaġvialu, suli savaluutiŋich ikipkaivium, 31tunŋaviuruat avaluuruamun paaŋanullu avaluuruam, iluqaisalu paugaŋich Tupqum suli avaluaniittuat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)