Exodus 40
40
Nappaiñiŋallu Aŋaiyyutikullu Ilaaguaqtaġimmarruŋ Tupiq Atanġum Nayuqtauvia
1Atanġum uqautigaa Moses, 2“Sivullianni uvluŋisa sivullium tatqim nappaġlugu Tupqa Atanġum nayuqtauniŋata. 3Iḷuanuglugu Sivunniuġutim Kiguunniŋa imaqaqtuaq Qulinik Piraksriutinik aasii talukiyaaq iḷiḷugu sivuġaanun. 4Qaġġisilugu niġġiviuraq aasii suġautaŋich tavruŋaġlugich. Qaġġisilugulu naparuaq naniqaġvik aasii naniŋich iḷiḷugich tavruŋa. 5Iḷiḷugu ikipkaivik kaviqsuamik manigmik savaaq tivraġiksautinun sivuġaanun Sivunniuġutim Kiguunniŋata aasii niviŋŋaġlugu talukiyaaq paaŋanun Tupqum. 6Inillaglugu ikipkaivik aitchuutinun sivuġaanun Tupqum. 7Iqaqqivik iḷiḷugu akunġagnun Tupquvlu ikipkaiviuvlu aasii immiġḷugu imiġmik. 8Inillaglugu avaluksraŋa suli talukiyaaliġḷugu paaŋa.
9“Tavraasii ilaaguaqtaġilugu Tupiq Aŋaiyyuviuruaq suġautapayaaŋiḷḷu uqsruqtaaġlugu salumaruamik, aasii salumaruaguniaqtuq. 10Taaptuma aquagun, ilaaguaqtaġilugu ikipkaivik suġautaŋiḷḷu uqsruqtaaġlugich, aasii iluqani salumaruaguniaqtuq. 11Tainnasuli ilaaguaġlugu iqaqqivik alliġaŋalu.
12“Qaipkaġlugich Aaron-lu iġñiŋiḷḷu paaŋanun Tupqum, aasii piraġausiq nalaullugu ivvaqtillugich. 13Annuġaaqtillugu Aaron aŋaiyyuliqsiqpauruam annuġaaŋiñik, uqsruqtaaġlugu, tainna ilaaguaqtaġisaġlugu savautiyumagaaŋa aŋaiyyuliqsiqpauluni. 14Qaipkaġlugich iġñiŋi aasii qaliġuuraqtillugich. 15Aasii uqsruqtaaġlugich, uqsruqtaaġusivsisun aapaŋannun, savautiyumagaanŋa aŋaiyyuliqsiqpaulutiŋ. Taaptuma uqsruqtaaqtauniŋata aŋaiyyuliqsiqpaullapkaġniaġaich taimuŋaaglaan.”
16Moses tainna savaŋaruq Atanġum piraksriutaatun. 17Tavraasii sivullianni uvluŋisa sivullium tatqim ukiutqigman aullaaniŋmata Egypt-miñ, Tupiq Atanġum nayuqtauviŋa nappaŋaġaat. 18Moses-gum inillaŋagaich tunŋaviŋich, avaluŋich, kasuqtiłługich ayagutaŋich, suli nappaqługich napaqsraŋich. 19Isivinŋagaa taluksraŋa Tupqum, suli siḷalliq taluŋa, Atanġum piraksriutaatun. 20Tavra malġuk uyaqqak aglagviuruak iḷiŋaniġaik Sivunniuġutim Kiguunniŋanun. Iḷivḷugik akigaunnaŋik akigaġviŋigñun Kiguunniġum suli matuvlugu. 21Inillaŋagaa Kiguunniq Tupiġmun suli niviŋŋaqługu talukiyaaq. Tainna tavra talukiyaaġutiŋaniġaa Sivunniuġutim Kiguunniŋa, Atanġum piraksriutaatun.
22Niġġiviuraq iḷiŋagaa Tupiġmun, salliġmun sanmivḷugu siḷataanun talukiyaam, 23tavruŋaasii iḷivḷugu punniq aitchuutauruaq Ataniġmun, Atanġum piraksriutaatun. 24Naparuaq naniqaġvik iḷiŋagaa Tupiġmun, pauŋanmun sanmivḷugu, akianun niġġivium, 25tavraniasii Atanġum irviani ikinŋaniġaich nannich, Atanġum piraksriutaatun. 26Kaviqsuamik manigmik savaaq ikipkaivik Tupiġmuŋagaa, sivuġaanun talukiyaam, 27ikipkaivḷuniasii tivraġiksautinik, Atanġum piraksriutaatun. 28Niviŋŋaŋagaa talukiyaaq paaŋanun Tupqum. 29Tavruŋaasii sivuġaanun talukiyaam iḷivḷugu ikipkaivik aitchuutinun. Tavrani ikipkautikun aitchuutiqaŋaruq suli palauvaksramik, Atanġum piraksriutaatun. 30Iqaqqivik iḷiŋagaa akunġagnun Tupquvlu ikipkaiviuvlu immiqł̣ugu imiġmik. 31Moses, Aaron-lu, iġñiŋisalu iqaġiraġniġaich argatiglu isigatiglu tavrani 32tupiġmugaġikamiŋ naakka ikipkaivigmun, Atanġum piraksriutaatun. 33Moses-gum nappaŋagaa avaluksraŋa Tupqum ikipkaiviuvlu suli niviŋŋaqługu talukiyaaq paaŋanun avaluuruam. Tavra iluqaiññik savaaksranik naatchiŋaruq.
Nuviya qulaani Tupqum Atanġum Nayuqtauviata
(Numbers 9.15-23)
34 #
1 K 8.10, 11; Is 6.4; Ez 43.4, 5; Rev 15.8. Taluŋagaa nuviyam Tupiq aasii Atanġum nayuqtauniŋata qaummanġum immiŋagaa. 35Taamnaasii pisigivlugu, Moses isiyuiñŋaruq Tupiġmun. 36Israel-gum kiŋuvaaŋich aullaqiraqtut kisian taamna nuviya kiviktaumman Tupiġmiñ. 37Nuviya tavrani aulaŋiñman, nuutchuiñŋarut. 38Igliqtuaġnimigni tautugaġigaat nuviya Atanġum nayuqtauniŋa qulaani Tupqum uvlumi suli igniq ikualaugaqtuaq qulaani unnuaġaġimman.
Currently Selected:
Exodus 40: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 40
40
Nappaiñiŋallu Aŋaiyyutikullu Ilaaguaqtaġimmarruŋ Tupiq Atanġum Nayuqtauvia
1Atanġum uqautigaa Moses, 2“Sivullianni uvluŋisa sivullium tatqim nappaġlugu Tupqa Atanġum nayuqtauniŋata. 3Iḷuanuglugu Sivunniuġutim Kiguunniŋa imaqaqtuaq Qulinik Piraksriutinik aasii talukiyaaq iḷiḷugu sivuġaanun. 4Qaġġisilugu niġġiviuraq aasii suġautaŋich tavruŋaġlugich. Qaġġisilugulu naparuaq naniqaġvik aasii naniŋich iḷiḷugich tavruŋa. 5Iḷiḷugu ikipkaivik kaviqsuamik manigmik savaaq tivraġiksautinun sivuġaanun Sivunniuġutim Kiguunniŋata aasii niviŋŋaġlugu talukiyaaq paaŋanun Tupqum. 6Inillaglugu ikipkaivik aitchuutinun sivuġaanun Tupqum. 7Iqaqqivik iḷiḷugu akunġagnun Tupquvlu ikipkaiviuvlu aasii immiġḷugu imiġmik. 8Inillaglugu avaluksraŋa suli talukiyaaliġḷugu paaŋa.
9“Tavraasii ilaaguaqtaġilugu Tupiq Aŋaiyyuviuruaq suġautapayaaŋiḷḷu uqsruqtaaġlugu salumaruamik, aasii salumaruaguniaqtuq. 10Taaptuma aquagun, ilaaguaqtaġilugu ikipkaivik suġautaŋiḷḷu uqsruqtaaġlugich, aasii iluqani salumaruaguniaqtuq. 11Tainnasuli ilaaguaġlugu iqaqqivik alliġaŋalu.
12“Qaipkaġlugich Aaron-lu iġñiŋiḷḷu paaŋanun Tupqum, aasii piraġausiq nalaullugu ivvaqtillugich. 13Annuġaaqtillugu Aaron aŋaiyyuliqsiqpauruam annuġaaŋiñik, uqsruqtaaġlugu, tainna ilaaguaqtaġisaġlugu savautiyumagaaŋa aŋaiyyuliqsiqpauluni. 14Qaipkaġlugich iġñiŋi aasii qaliġuuraqtillugich. 15Aasii uqsruqtaaġlugich, uqsruqtaaġusivsisun aapaŋannun, savautiyumagaanŋa aŋaiyyuliqsiqpaulutiŋ. Taaptuma uqsruqtaaqtauniŋata aŋaiyyuliqsiqpaullapkaġniaġaich taimuŋaaglaan.”
16Moses tainna savaŋaruq Atanġum piraksriutaatun. 17Tavraasii sivullianni uvluŋisa sivullium tatqim ukiutqigman aullaaniŋmata Egypt-miñ, Tupiq Atanġum nayuqtauviŋa nappaŋaġaat. 18Moses-gum inillaŋagaich tunŋaviŋich, avaluŋich, kasuqtiłługich ayagutaŋich, suli nappaqługich napaqsraŋich. 19Isivinŋagaa taluksraŋa Tupqum, suli siḷalliq taluŋa, Atanġum piraksriutaatun. 20Tavra malġuk uyaqqak aglagviuruak iḷiŋaniġaik Sivunniuġutim Kiguunniŋanun. Iḷivḷugik akigaunnaŋik akigaġviŋigñun Kiguunniġum suli matuvlugu. 21Inillaŋagaa Kiguunniq Tupiġmun suli niviŋŋaqługu talukiyaaq. Tainna tavra talukiyaaġutiŋaniġaa Sivunniuġutim Kiguunniŋa, Atanġum piraksriutaatun.
22Niġġiviuraq iḷiŋagaa Tupiġmun, salliġmun sanmivḷugu siḷataanun talukiyaam, 23tavruŋaasii iḷivḷugu punniq aitchuutauruaq Ataniġmun, Atanġum piraksriutaatun. 24Naparuaq naniqaġvik iḷiŋagaa Tupiġmun, pauŋanmun sanmivḷugu, akianun niġġivium, 25tavraniasii Atanġum irviani ikinŋaniġaich nannich, Atanġum piraksriutaatun. 26Kaviqsuamik manigmik savaaq ikipkaivik Tupiġmuŋagaa, sivuġaanun talukiyaam, 27ikipkaivḷuniasii tivraġiksautinik, Atanġum piraksriutaatun. 28Niviŋŋaŋagaa talukiyaaq paaŋanun Tupqum. 29Tavruŋaasii sivuġaanun talukiyaam iḷivḷugu ikipkaivik aitchuutinun. Tavrani ikipkautikun aitchuutiqaŋaruq suli palauvaksramik, Atanġum piraksriutaatun. 30Iqaqqivik iḷiŋagaa akunġagnun Tupquvlu ikipkaiviuvlu immiqł̣ugu imiġmik. 31Moses, Aaron-lu, iġñiŋisalu iqaġiraġniġaich argatiglu isigatiglu tavrani 32tupiġmugaġikamiŋ naakka ikipkaivigmun, Atanġum piraksriutaatun. 33Moses-gum nappaŋagaa avaluksraŋa Tupqum ikipkaiviuvlu suli niviŋŋaqługu talukiyaaq paaŋanun avaluuruam. Tavra iluqaiññik savaaksranik naatchiŋaruq.
Nuviya qulaani Tupqum Atanġum Nayuqtauviata
(Numbers 9.15-23)
34 #
1 K 8.10, 11; Is 6.4; Ez 43.4, 5; Rev 15.8. Taluŋagaa nuviyam Tupiq aasii Atanġum nayuqtauniŋata qaummanġum immiŋagaa. 35Taamnaasii pisigivlugu, Moses isiyuiñŋaruq Tupiġmun. 36Israel-gum kiŋuvaaŋich aullaqiraqtut kisian taamna nuviya kiviktaumman Tupiġmiñ. 37Nuviya tavrani aulaŋiñman, nuutchuiñŋarut. 38Igliqtuaġnimigni tautugaġigaat nuviya Atanġum nayuqtauniŋa qulaani Tupqum uvlumi suli igniq ikualaugaqtuaq qulaani unnuaġaġimman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)