Exodus 37
37
Savaaġimmarruŋ Sivunniuġutim Kiguunniŋa
(Exodus 25.10-22)
1Bezalel-gum savaŋagaa Sivunniuġutim Kiguunniŋa acacia-m qiruanik, malġukipiaq tallimanik (45) titiġniñik taktigivlugu, iñuiññaq tallimat malġugnik (27) titiġniñik siḷiktigivlugu, suli iñuiññaq tallimat malġugnik (27) titiġniñik qutchiksigivlugu. 2Qaaliŋagaa kaviqsaamik manigiksuamik iḷualu siḷataalu suli kaviqsaamik manigmik avaluliqł̣ugu iluqaaqługu. 3Sisamanik aqvaluqtuanik akigaġviḷiuŋaruq kaviqsuamiñ manigmiñ atallasivḷugich sisamanun turviŋiññun, malġuullaavlugik saniġallaaŋigñi akigautit. 4Akigausiuŋagaa acacia-m qiruaniñ, qaaliqł̣ugu kaviqsuamik manigmik, 5aasii iḷuaqtił̣ł̣ugik akigaunnaŋigun saniġallaaŋigñi Kiguunniġum. 6Matualiuŋagaa kaviqsuamik manigiksuamik, malġukipiaq tallimanik (45) titiġniñik taktigivlugu suli iñuiññaq tallimat malġugnik (27) titiġniñik iraqtutigivlugu. 7Malġugnik cherubim-liuŋaruq kauŋaruamiñ kaviqsuamik manigmik, 8isullaaŋigñi matuata iḷivḷugik. Savaŋagaik atavlugik matuanun. 9Cherubim sanmivḷugik qaaŋani matuata, aasii isaallaŋaruak isaġuŋiksa matuŋagaak.
Niġġiviliuġniq Punniġmun Aitchuutauniaqtuamun God-mun
(Exodus 25.23-30)
10Nigġiviuraliuŋaruq acacia-m qiruanik, iñuiññaq akimiaq atausimik (36) titiġniñik taktigivlugu, akimiaq piŋasunik (18) titiġniñik iraqtutigivlugu, suli iñuiññaq tallimat malġugnik (27) titiġniñik qutchiksigivlugu. 11Qaaliŋagaa kaviqsuamik manigiksuamik suli kaviqsuamik manigmik killiŋagun avaluliqł̣ugu. 12Siñiġusiqł̣ugu piŋasunik titiġniñik siḷiktigiruamik avataagun aasii kaviqsuamik manigmik avaluliqł̣ugu siñaagun. 13Sisamanik akigaġviḷiqługu aqvaluqtuanik kaviqsuamik manigmik aasii iḷivḷugich sisamanun kaŋiġalluŋiññun, niuŋisa irvianun. 14Tigummisit akigaunnaŋigñun niġġivium inillaŋagaich qaniŋanun siñiġutaata. 15Akigaunnak savaŋagaich acacia-m qiruanik aasii matuvlugich kaviqsuamik manigmik. 16Niġiñiutiliuŋarut kaviqsuamik manigiksuamiñ niġġiviuramun: puggutaurat, qallutit, wine-qaġviich, iḷuturuallu puggutaurat atugaksraŋich wine-nik aitchuigumiŋ.
Naparuamik Naniqaġviḷiuġmata
(Exodus 25.31-40)
17Naparuamik naniqaġviḷiuŋaruq kaviqsuamik manigiksuamik. Turviŋich suli naparuaŋich savaŋagaich kautaŋaruamik kaviqsuamik manigmik; qiñiyunaqsautiŋich nauriat, iḷagivlugich agmaaniŋaitchuat suli avaluŋich nauriam, piḷiaguruaq atausimiñ. 18Itchaksrat qisiqsiutit saniġaŋiññiinŋarut, piŋasuullaavlutiŋ saniġallaaŋigñi. 19Itchaksrauruat qisiqsiutit piŋasullaanik qiñiyunaqsautiqaŋarut naurianik qiññaliqł̣ugich almond nauriaŋisun aŋmaaniŋaitchuallu akutuqpaŋiḷḷu. 20Naparuaŋa naniqaġvium sisamanik qiñiyunaqsautiqaqtuq naurianik almond nauriaŋisun aŋmaaniŋaitchuallu suli akutuqpaŋiḷḷu. 21Atausiq aŋmaaniŋaitchuaq nauriaq atauraŋanni ittuq piŋayuiguruat qisiqsiutit. 22Aŋmaaniŋaitchuallu, qisiqsiutillu, naparuaġlu naniqaġvik iluqaġmik atausimiñ savaaguŋarut kauŋaruamin kaviqsuamik manigmik. 23Tallimat malġugnik naniqaġviḷiuŋarut naparuamun naniqaġvigmun, tiguullautiŋiḷḷu alliġauraŋiḷḷu savaaġiŋagaich kaviqsuamik manigiksuamik. 24Atuŋaruq 75 pounds-tun kaviqsuamiñ manigiksuamik naparuamik naniqaġviḷiuġamiŋ iluqaisalu suġauttapayauraŋich iḷagivlugich.
Ikipkaiviḷiuġmata Tivraġiksautinun
(Exodus 30.1-5)
25Ikipkaiviḷiuŋaruq acacia-m qiruanik, tivraġiksautinun ikipkaiviksramik. Kaŋiġalluaġiŋaruq, akimiaq piŋasunik (18) titiġniñik taktigivluni aasii akimiaq piŋasunik (18) titiġniñik siḷiktigivluni, suli iñuiññaq akimiaq atausimik (36) titiġniñik qutchiksigivluni. Sisamat nagruich kaŋiġalluŋiñiittuat atautchimiñ savaaguŋarut. 26Qaaliŋagaa matua, iluqaisalu sisamat saniġaŋich, suli nagruŋich manigiksuamik kaviqsuamik suli kaviqsuamik manigmik avaluliqł̣ugu. 27Malġugnik tigummisiliuŋagaik kaviqsuamik manigmik aasii iḷivḷugik atauraŋanun avaluata saniqqagni, tigummisausaqługik akigautiksraŋignun. 28Akigautiliuŋaruq acacia-m qiruanik aasii qaaliqł̣ugik kaviqsuamik manigmik.
Uqsruqtaaġutiliuġmata Tivraġiksaunmiglu
(Exodus 30.22-38)
29 #
Ex 30.22-38. Salumaruaguvlugu uqsruqtaaġusiuŋammiuq suli tivraġiksaunmik ikipkautiksramik, akułługu tivraġiksautitun.
Currently Selected:
Exodus 37: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 37
37
Savaaġimmarruŋ Sivunniuġutim Kiguunniŋa
(Exodus 25.10-22)
1Bezalel-gum savaŋagaa Sivunniuġutim Kiguunniŋa acacia-m qiruanik, malġukipiaq tallimanik (45) titiġniñik taktigivlugu, iñuiññaq tallimat malġugnik (27) titiġniñik siḷiktigivlugu, suli iñuiññaq tallimat malġugnik (27) titiġniñik qutchiksigivlugu. 2Qaaliŋagaa kaviqsaamik manigiksuamik iḷualu siḷataalu suli kaviqsaamik manigmik avaluliqł̣ugu iluqaaqługu. 3Sisamanik aqvaluqtuanik akigaġviḷiuŋaruq kaviqsuamiñ manigmiñ atallasivḷugich sisamanun turviŋiññun, malġuullaavlugik saniġallaaŋigñi akigautit. 4Akigausiuŋagaa acacia-m qiruaniñ, qaaliqł̣ugu kaviqsuamik manigmik, 5aasii iḷuaqtił̣ł̣ugik akigaunnaŋigun saniġallaaŋigñi Kiguunniġum. 6Matualiuŋagaa kaviqsuamik manigiksuamik, malġukipiaq tallimanik (45) titiġniñik taktigivlugu suli iñuiññaq tallimat malġugnik (27) titiġniñik iraqtutigivlugu. 7Malġugnik cherubim-liuŋaruq kauŋaruamiñ kaviqsuamik manigmik, 8isullaaŋigñi matuata iḷivḷugik. Savaŋagaik atavlugik matuanun. 9Cherubim sanmivḷugik qaaŋani matuata, aasii isaallaŋaruak isaġuŋiksa matuŋagaak.
Niġġiviliuġniq Punniġmun Aitchuutauniaqtuamun God-mun
(Exodus 25.23-30)
10Nigġiviuraliuŋaruq acacia-m qiruanik, iñuiññaq akimiaq atausimik (36) titiġniñik taktigivlugu, akimiaq piŋasunik (18) titiġniñik iraqtutigivlugu, suli iñuiññaq tallimat malġugnik (27) titiġniñik qutchiksigivlugu. 11Qaaliŋagaa kaviqsuamik manigiksuamik suli kaviqsuamik manigmik killiŋagun avaluliqł̣ugu. 12Siñiġusiqł̣ugu piŋasunik titiġniñik siḷiktigiruamik avataagun aasii kaviqsuamik manigmik avaluliqł̣ugu siñaagun. 13Sisamanik akigaġviḷiqługu aqvaluqtuanik kaviqsuamik manigmik aasii iḷivḷugich sisamanun kaŋiġalluŋiññun, niuŋisa irvianun. 14Tigummisit akigaunnaŋigñun niġġivium inillaŋagaich qaniŋanun siñiġutaata. 15Akigaunnak savaŋagaich acacia-m qiruanik aasii matuvlugich kaviqsuamik manigmik. 16Niġiñiutiliuŋarut kaviqsuamik manigiksuamiñ niġġiviuramun: puggutaurat, qallutit, wine-qaġviich, iḷuturuallu puggutaurat atugaksraŋich wine-nik aitchuigumiŋ.
Naparuamik Naniqaġviḷiuġmata
(Exodus 25.31-40)
17Naparuamik naniqaġviḷiuŋaruq kaviqsuamik manigiksuamik. Turviŋich suli naparuaŋich savaŋagaich kautaŋaruamik kaviqsuamik manigmik; qiñiyunaqsautiŋich nauriat, iḷagivlugich agmaaniŋaitchuat suli avaluŋich nauriam, piḷiaguruaq atausimiñ. 18Itchaksrat qisiqsiutit saniġaŋiññiinŋarut, piŋasuullaavlutiŋ saniġallaaŋigñi. 19Itchaksrauruat qisiqsiutit piŋasullaanik qiñiyunaqsautiqaŋarut naurianik qiññaliqł̣ugich almond nauriaŋisun aŋmaaniŋaitchuallu akutuqpaŋiḷḷu. 20Naparuaŋa naniqaġvium sisamanik qiñiyunaqsautiqaqtuq naurianik almond nauriaŋisun aŋmaaniŋaitchuallu suli akutuqpaŋiḷḷu. 21Atausiq aŋmaaniŋaitchuaq nauriaq atauraŋanni ittuq piŋayuiguruat qisiqsiutit. 22Aŋmaaniŋaitchuallu, qisiqsiutillu, naparuaġlu naniqaġvik iluqaġmik atausimiñ savaaguŋarut kauŋaruamin kaviqsuamik manigmik. 23Tallimat malġugnik naniqaġviḷiuŋarut naparuamun naniqaġvigmun, tiguullautiŋiḷḷu alliġauraŋiḷḷu savaaġiŋagaich kaviqsuamik manigiksuamik. 24Atuŋaruq 75 pounds-tun kaviqsuamiñ manigiksuamik naparuamik naniqaġviḷiuġamiŋ iluqaisalu suġauttapayauraŋich iḷagivlugich.
Ikipkaiviḷiuġmata Tivraġiksautinun
(Exodus 30.1-5)
25Ikipkaiviḷiuŋaruq acacia-m qiruanik, tivraġiksautinun ikipkaiviksramik. Kaŋiġalluaġiŋaruq, akimiaq piŋasunik (18) titiġniñik taktigivluni aasii akimiaq piŋasunik (18) titiġniñik siḷiktigivluni, suli iñuiññaq akimiaq atausimik (36) titiġniñik qutchiksigivluni. Sisamat nagruich kaŋiġalluŋiñiittuat atautchimiñ savaaguŋarut. 26Qaaliŋagaa matua, iluqaisalu sisamat saniġaŋich, suli nagruŋich manigiksuamik kaviqsuamik suli kaviqsuamik manigmik avaluliqł̣ugu. 27Malġugnik tigummisiliuŋagaik kaviqsuamik manigmik aasii iḷivḷugik atauraŋanun avaluata saniqqagni, tigummisausaqługik akigautiksraŋignun. 28Akigautiliuŋaruq acacia-m qiruanik aasii qaaliqł̣ugik kaviqsuamik manigmik.
Uqsruqtaaġutiliuġmata Tivraġiksaunmiglu
(Exodus 30.22-38)
29 #
Ex 30.22-38. Salumaruaguvlugu uqsruqtaaġusiuŋammiuq suli tivraġiksaunmik ikipkautiksramik, akułługu tivraġiksautitun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)