Exodus 25
25
Aitchuutigiraksrat Ilaaguaqtauŋaruamun Tupiġmun
(Exodus 35.4-9)
1Atanġum uqallautigaa Moses, 2“Uqautigisigitin Israel-gum kiŋuvaaŋich aitchuutiqaqulugich uvamnun. Akuqtuġlugich sunik kiñapayaaq aitchuutiqaġugniqpan. 3Taapkua aitchuutauniaqtuat ukuaguruksraurut: kaviqsuaq manik, qatiqtuaq manik, suli patukpak; 4ukił̣haaġiksuaq; suŋauraaqtaaq, tigluuraaqtaaq, suli kaviqsuaq imnaim mitqua; ukił̣haaq piḷiaguruaq nagruligum mitquŋiñik; 5aŋusallum imnaim amiŋa kipitinŋaruaq kaviqsaamik; qisigiksaaq; acacia-m qirua; 6uqsruksraŋannik nannich; avuuġutinik uqsruqtaaġunmun suli tivraġiksuanik avyuqtitautinun; 7carnelian-nik suli uyaġagiksuanik iḷiraksranik aŋaiyyuliqsiqpaum kiapiġuŋanun satqagutaanullu. 8Iñuich nappairuksraurut ilaaguaŋaniaqtuamik Tupiġmik uvamnun, iñuuyumauŋa akunġanni. 9Savakkisigiksi suġautaksraŋiḷḷu tuvraġlugu sivunniuġutiga maniñiaqtaptun.
Sivunniuġutim Kiguunniŋa
(Exodus 37.1-9)
10“Kiguunniliuqsaqtusi acacia-m qiruanik, malġukipiaq tallimanik (45) titiġniñik takitigilugu, iñuiññaq tallimat malġugnik (27) titiġniñik siḷiktigilugu, suli iñuiññaq tallimat malġugnik (27) titiġniñik qutchiksigilugu. 11Qaaliġḷugu kaviqsuamik manigiksuamik iḷua qaaŋalu; aasii kaviqsuamik manigmik killiŋagun avaluliġḷugu. 12Sisamanik aqvaluqtuanik akigaunnaliuġlugu kaviqsuamik manigmiñ aasii atalugich sisamanun niuŋiñun, malġuullaalugik saniġallaaŋigñun akigautit. 13Akigaunnaliuġlugu acacia-m qiruanik suli qaaliġḷugich kaviqsuamik manigmik, 14aasii iḷuaqtił̣ł̣ugik akigaunnaŋigun saniġallaaŋigñi Kiguunniġum. 15Akigaunnak piiqsuksrauŋitchuk nuvvisiŋaruak aqvaluqtuani tigummisini suli amuraksrauŋitchuk. 16Tavraasii iḷiḷugik Kiguunniġmun malġuuk uyaqqak pitqurat agliusimaviŋik qaiññiaqtaka ilignun.
17 #
He 9.5. “Matualiuġlugu kaviqsuamik manigiksuamik, malġukipiaq tallimanik (45) titiġniñik taktigilugu suli iñuiññaq tallimat malġugnik (27) titiġniñik iraqtutigilugu. 18Malġuugnik cherubim-liuġlusi kauŋaruamik kaviqsuamik manigmik, 19isullaaŋigñun matuata iḷiḷugu. Savaglugik aulaiḷḷugu matuanun. 20Cherubim isaaġutiŋaniaġaik isaqqutik qulaagun matuata. Sanmisivlutik tuŋaanun matuata. 21Iḷiḷugik malġuk uyaqqak aglaŋaruak iḷuanun Kiguunniġum aasii matua qaaŋanuglugu. 22Kasuġniaġikpiñ tavrani, aasii qulaaniñ matum akunġakkun malġuuk cherubim, qaiññiaġitka iluqaisa pitquraksrirrutitka Israel-gum kiŋuvaaŋiññun.
Niġġiviuraq Irviksraŋa Punniġum Aitchuutauniaqtuam God-mun
(Exodus 37.10-16)
23“Niġġiviḷiuqsaqtusi acacia-m qiruanik, iñuiññaq akimiaq atausimik (36) titiġniñik taktigilugu, akimiaq piŋasunik (18) titiġniñik iraqtutigilugu, suli iñuiññaq tallimat malġugnik (27) titiġniñik qutchiksigilugu. 24Qaaliġḷugu kaviqsuamik manigiksuamik suli kaviqsuamik manigmik killiŋagun avaluliġḷugu. 25Siñiġusiġḷugu piŋasunik titiġniñik siḷiktigiruamik avalulugu, aasii kaviqsuamik manigmik avataagun siñaaġusiġḷugu. 26Sisamanik akigaġviḷiuġlugu aqvaluqtuanik kaviqsuamik manigmik aasii iḷiḷugich sisamanun kaŋiġalluŋiñun, niuŋisa irvianun. 27Aqvaluqtuat tigummisauruat, akigaunnaŋaŋnun niġġiviuram, inillaktaksraurut qaniŋanun siñiġutaata. 28Akigaunnaliuġlusi acacia-m qiruanik aasii matulugich kaviqsuamik manigmik. 29Puggutauraliuġlusi, qallutinik, wine-qaġvigñik, iḷuturuaniglu puggutauranik wine-nun aitchuiviksranik. Iluqaġmiŋ taapkua piḷiaguruksraurut kaviqsuamik manigiksuamiñ. 30#Lv 24.5-8.Niġġiviuraq inillaglugu sivuġaanun Sivunniuġutim Kiguunniŋata, suli ataramik niġġiviuramiittuksrauruq ilaaguaqtauruaq punniq aitchuutauruaq uvamnun.
Naparuaq Naniqaġvik
(Exodus 37.17-24)
31“Naparuamik naniqaġviḷiuqsaqtusi, kautaŋaruamik kaviqsuamik manigiksuamik, tunŋavialu naparuaŋalu; nauriaŋi iḷagilugich agmaaniŋaitchuat suli savaagulugu aulaiḷḷugu. 32Itchaksrat qisiqsiutit saniġaŋiññiinniaqtut, piŋasuullaalugich saniġallaaŋigñi. 33Qisiqsiutillaat itchaksrauruat aasii piŋasunik qiñiyunaqutiqaġniaqtut, naurianik qiññaqaġlugich almond nauriaŋisun aŋmaaniŋaitchuatun akutuqpaktun. 34Naparuaŋa nannim sisamanik qiñiyunaqutiqaġniaqtuq naurianik almond nauriaŋisun, aŋmaaniŋaitchuanik suli nauriat akutuqpaŋiññiglu. 35Atausiuruksrauruq aŋmaaniŋaitchuaq nauriaq ataani piŋayuiguruat qisiqsiutit. 36Aŋmaaniŋaitchuallu nauriat, qisiqsiutillu, suli nannim napaviksraŋa savaaguruksraurut aulaiḷamiñ kautaqtamiñ kaviqsuamiñ manigiksuamik. 37Tallimat malġugnik naniḷiuġlusi naniqaġviksramun aasii inillaglugich qaummatitchumiñaqsiḷugich tuŋaanun sivuġaŋata. 38Tiggutiksriuġlusi suli alliġauranik kaviqsuamiñ manigiksuamik. 39Atuġlusi piŋasukipiat akimiaq (75) pounds-tun uqumaisigiruanik, kaviqsuamik manigiksuamik naniq nappaviksriuġuvsiuŋ iluqaisalu suġauttapayauraŋich. 40#Ac 7.44; He 8.5.Qaunagilusi tuvrapiaġlugu piraksraun maniŋaraġa ilivsiññun iġġimi.
Currently Selected:
Exodus 25: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 25
25
Aitchuutigiraksrat Ilaaguaqtauŋaruamun Tupiġmun
(Exodus 35.4-9)
1Atanġum uqallautigaa Moses, 2“Uqautigisigitin Israel-gum kiŋuvaaŋich aitchuutiqaqulugich uvamnun. Akuqtuġlugich sunik kiñapayaaq aitchuutiqaġugniqpan. 3Taapkua aitchuutauniaqtuat ukuaguruksraurut: kaviqsuaq manik, qatiqtuaq manik, suli patukpak; 4ukił̣haaġiksuaq; suŋauraaqtaaq, tigluuraaqtaaq, suli kaviqsuaq imnaim mitqua; ukił̣haaq piḷiaguruaq nagruligum mitquŋiñik; 5aŋusallum imnaim amiŋa kipitinŋaruaq kaviqsaamik; qisigiksaaq; acacia-m qirua; 6uqsruksraŋannik nannich; avuuġutinik uqsruqtaaġunmun suli tivraġiksuanik avyuqtitautinun; 7carnelian-nik suli uyaġagiksuanik iḷiraksranik aŋaiyyuliqsiqpaum kiapiġuŋanun satqagutaanullu. 8Iñuich nappairuksraurut ilaaguaŋaniaqtuamik Tupiġmik uvamnun, iñuuyumauŋa akunġanni. 9Savakkisigiksi suġautaksraŋiḷḷu tuvraġlugu sivunniuġutiga maniñiaqtaptun.
Sivunniuġutim Kiguunniŋa
(Exodus 37.1-9)
10“Kiguunniliuqsaqtusi acacia-m qiruanik, malġukipiaq tallimanik (45) titiġniñik takitigilugu, iñuiññaq tallimat malġugnik (27) titiġniñik siḷiktigilugu, suli iñuiññaq tallimat malġugnik (27) titiġniñik qutchiksigilugu. 11Qaaliġḷugu kaviqsuamik manigiksuamik iḷua qaaŋalu; aasii kaviqsuamik manigmik killiŋagun avaluliġḷugu. 12Sisamanik aqvaluqtuanik akigaunnaliuġlugu kaviqsuamik manigmiñ aasii atalugich sisamanun niuŋiñun, malġuullaalugik saniġallaaŋigñun akigautit. 13Akigaunnaliuġlugu acacia-m qiruanik suli qaaliġḷugich kaviqsuamik manigmik, 14aasii iḷuaqtił̣ł̣ugik akigaunnaŋigun saniġallaaŋigñi Kiguunniġum. 15Akigaunnak piiqsuksrauŋitchuk nuvvisiŋaruak aqvaluqtuani tigummisini suli amuraksrauŋitchuk. 16Tavraasii iḷiḷugik Kiguunniġmun malġuuk uyaqqak pitqurat agliusimaviŋik qaiññiaqtaka ilignun.
17 #
He 9.5. “Matualiuġlugu kaviqsuamik manigiksuamik, malġukipiaq tallimanik (45) titiġniñik taktigilugu suli iñuiññaq tallimat malġugnik (27) titiġniñik iraqtutigilugu. 18Malġuugnik cherubim-liuġlusi kauŋaruamik kaviqsuamik manigmik, 19isullaaŋigñun matuata iḷiḷugu. Savaglugik aulaiḷḷugu matuanun. 20Cherubim isaaġutiŋaniaġaik isaqqutik qulaagun matuata. Sanmisivlutik tuŋaanun matuata. 21Iḷiḷugik malġuk uyaqqak aglaŋaruak iḷuanun Kiguunniġum aasii matua qaaŋanuglugu. 22Kasuġniaġikpiñ tavrani, aasii qulaaniñ matum akunġakkun malġuuk cherubim, qaiññiaġitka iluqaisa pitquraksrirrutitka Israel-gum kiŋuvaaŋiññun.
Niġġiviuraq Irviksraŋa Punniġum Aitchuutauniaqtuam God-mun
(Exodus 37.10-16)
23“Niġġiviḷiuqsaqtusi acacia-m qiruanik, iñuiññaq akimiaq atausimik (36) titiġniñik taktigilugu, akimiaq piŋasunik (18) titiġniñik iraqtutigilugu, suli iñuiññaq tallimat malġugnik (27) titiġniñik qutchiksigilugu. 24Qaaliġḷugu kaviqsuamik manigiksuamik suli kaviqsuamik manigmik killiŋagun avaluliġḷugu. 25Siñiġusiġḷugu piŋasunik titiġniñik siḷiktigiruamik avalulugu, aasii kaviqsuamik manigmik avataagun siñaaġusiġḷugu. 26Sisamanik akigaġviḷiuġlugu aqvaluqtuanik kaviqsuamik manigmik aasii iḷiḷugich sisamanun kaŋiġalluŋiñun, niuŋisa irvianun. 27Aqvaluqtuat tigummisauruat, akigaunnaŋaŋnun niġġiviuram, inillaktaksraurut qaniŋanun siñiġutaata. 28Akigaunnaliuġlusi acacia-m qiruanik aasii matulugich kaviqsuamik manigmik. 29Puggutauraliuġlusi, qallutinik, wine-qaġvigñik, iḷuturuaniglu puggutauranik wine-nun aitchuiviksranik. Iluqaġmiŋ taapkua piḷiaguruksraurut kaviqsuamik manigiksuamiñ. 30#Lv 24.5-8.Niġġiviuraq inillaglugu sivuġaanun Sivunniuġutim Kiguunniŋata, suli ataramik niġġiviuramiittuksrauruq ilaaguaqtauruaq punniq aitchuutauruaq uvamnun.
Naparuaq Naniqaġvik
(Exodus 37.17-24)
31“Naparuamik naniqaġviḷiuqsaqtusi, kautaŋaruamik kaviqsuamik manigiksuamik, tunŋavialu naparuaŋalu; nauriaŋi iḷagilugich agmaaniŋaitchuat suli savaagulugu aulaiḷḷugu. 32Itchaksrat qisiqsiutit saniġaŋiññiinniaqtut, piŋasuullaalugich saniġallaaŋigñi. 33Qisiqsiutillaat itchaksrauruat aasii piŋasunik qiñiyunaqutiqaġniaqtut, naurianik qiññaqaġlugich almond nauriaŋisun aŋmaaniŋaitchuatun akutuqpaktun. 34Naparuaŋa nannim sisamanik qiñiyunaqutiqaġniaqtuq naurianik almond nauriaŋisun, aŋmaaniŋaitchuanik suli nauriat akutuqpaŋiññiglu. 35Atausiuruksrauruq aŋmaaniŋaitchuaq nauriaq ataani piŋayuiguruat qisiqsiutit. 36Aŋmaaniŋaitchuallu nauriat, qisiqsiutillu, suli nannim napaviksraŋa savaaguruksraurut aulaiḷamiñ kautaqtamiñ kaviqsuamiñ manigiksuamik. 37Tallimat malġugnik naniḷiuġlusi naniqaġviksramun aasii inillaglugich qaummatitchumiñaqsiḷugich tuŋaanun sivuġaŋata. 38Tiggutiksriuġlusi suli alliġauranik kaviqsuamiñ manigiksuamik. 39Atuġlusi piŋasukipiat akimiaq (75) pounds-tun uqumaisigiruanik, kaviqsuamik manigiksuamik naniq nappaviksriuġuvsiuŋ iluqaisalu suġauttapayauraŋich. 40#Ac 7.44; He 8.5.Qaunagilusi tuvrapiaġlugu piraksraun maniŋaraġa ilivsiññun iġġimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)