Exodus 24
24
Sivunniuġun Inillaktaumman
1Atanġum uqautigaa Moses, “Mayuġiñ iġġimun uvamnuglutin, ilviḷḷu, Aaron-lu, Nadab-lu, Abihu-lu, piqatigilugich piŋasukipiaq quliuruat (70) aullariŋich Israel; aasii uŋasiuraŋŋavsi suli, putchumausi nanġaiḷusi. 2Kisivił̣hiñaq qalliñiaġiŋma, mayuqatikpiñŋił̣aaq. Allat unnii iñuich mayuqtuksrauŋipiaġataqtut iġġimun.”
3Moses-gum uqallautiyyaġniġai iñuich Atanġum piraksriutipayaaŋiññik suli iluqaiññik maliġuagaksrautiŋiññik, aasii iñupayaat kiuniqsut atautchikun, “Savaaġiniaġikput sunapayaaq Atanġum uqallausiġiraŋa.” 4Moses-gum agliutiniġai iluqaisa Atanġum uqaluŋich. Uvlaatchaurami uvlaakumman ikipkaiviḷiuŋaruq killiŋanun iġġim aasii nappaivḷuni qulit malġugnik (12) uyaġagruanik, naałługich qulit malġuuruat (12) Israel maŋŋuġillaaraŋich. 5Tavraasii tilisiñiqsuq nukatpianik, aasii ikipkaiñiqsut aitchuutinik Ataniġmun suli aitchuivḷutiŋ pamiqsaanik iḷammiuġniġmun. 6Moses auksraqłuni avvaŋanik augum katiqsramiñ pamiqsaaniñ iḷuturuat immiqsuġniġai; aasii avvaŋa siqił̣ł̣autiŋagaa ikipkaivigmun. 7Tavraasii tiguniġaa makpiġaaŋa Sivunniuġutim, agliusimaviat Atanġum piraksriutiŋisa, aasii taiguaqługu iñugnun. Uqallaktut, “Kamaginiaġikput Ataniq suli savaglugu sunapayaaq piraksriutigiraŋa.”
8 #
Mt 26.28; Mk 14.24; Lk 22.20; 1 Co 11.25; He 10.29;
He 9.19, 20. Tavra Moses-gum auk iḷuturuaniittuaq tiguvlugu siqił̣ł̣autiŋagaa iñuich uqallakłuni, “Uuma augum nalupqinaiġaa sivunniuġutaa Atanġum tunŋaruaq ilivsigñun qaiññamigich iluqaisa piraksriutit.”
9Moses-lu, Aaron-lu, Nadab-lu, Abihu-lu, suli piŋasukipiaq qulit (70) aullarriŋich Israel iġġimun mayuġniqsut; 10aasii tautugniġaat God-iŋat Israel-gum kiŋuvaaŋisa. Ataani isigaŋiksa inniqsuq turviliaq uyaġagiksaamiñ suŋauraaqtaatun qiḷaktun. 11God-im pimaqłuŋaiñŋagai taapkua aullarriŋich Israel-gum kiŋuvaaŋich; iḷitchuġiŋaniġaat God tautukkamirruŋ, aasii niġivḷutik imiqhutiglu.
Moses Mount Sinai-mi
12Atanġum uqallautigaa Moses, “Mayuġiñ iġġimun uvamnuglutin, aasii tavraniinŋaqpich, aitchuġniaġikpiñ malġugnik uyaġagnik saapaqayagnik aglaamnik pitquraliamnik iḷisaurrutigitquvlugich iñugnun.” 13Moses-lu ikayuqtiniḷu Joshua paġnaniqsuk, aasii Moses mayunagutiŋaruq God-im iġġiŋanun. 14Moses-gum uqallautigai aullarit, “Utaqqisiguk uumani utiġataqtillunuk. Aaron-gumlu Hur-mlu uvva itqatigigaasi; aasii kiñapayaaq atinġiutiqaqtuaq natqiktuksrauruamik ullakkumiñaġaik.”
15Moses mayuġaa Mount Sinai, aasii nuviyam taluŋagaa iġġiq. 16-17Qaumaniqpaŋata Atanġum turviginiġaa iġġiq. Israel-gum kiŋuvaaŋiññun qaumaniŋa qiññaqaġniqsuq ikualaruatun qaaŋani iġġim. Nuviyam matuniġaa iġġiq itchaksrani uvluni, aasii tallimat malġuanni uvlut Atanġum ququulaŋagaa Moses nuviyamiñ. 18#Dt 9.9.Moses-gum mayuŋagaa iġġiq nuviyam iḷuanun. Tavrani inŋaniqsuq malġukipiani (40) uvluni suli unnuani.
Currently Selected:
Exodus 24: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 24
24
Sivunniuġun Inillaktaumman
1Atanġum uqautigaa Moses, “Mayuġiñ iġġimun uvamnuglutin, ilviḷḷu, Aaron-lu, Nadab-lu, Abihu-lu, piqatigilugich piŋasukipiaq quliuruat (70) aullariŋich Israel; aasii uŋasiuraŋŋavsi suli, putchumausi nanġaiḷusi. 2Kisivił̣hiñaq qalliñiaġiŋma, mayuqatikpiñŋił̣aaq. Allat unnii iñuich mayuqtuksrauŋipiaġataqtut iġġimun.”
3Moses-gum uqallautiyyaġniġai iñuich Atanġum piraksriutipayaaŋiññik suli iluqaiññik maliġuagaksrautiŋiññik, aasii iñupayaat kiuniqsut atautchikun, “Savaaġiniaġikput sunapayaaq Atanġum uqallausiġiraŋa.” 4Moses-gum agliutiniġai iluqaisa Atanġum uqaluŋich. Uvlaatchaurami uvlaakumman ikipkaiviḷiuŋaruq killiŋanun iġġim aasii nappaivḷuni qulit malġugnik (12) uyaġagruanik, naałługich qulit malġuuruat (12) Israel maŋŋuġillaaraŋich. 5Tavraasii tilisiñiqsuq nukatpianik, aasii ikipkaiñiqsut aitchuutinik Ataniġmun suli aitchuivḷutiŋ pamiqsaanik iḷammiuġniġmun. 6Moses auksraqłuni avvaŋanik augum katiqsramiñ pamiqsaaniñ iḷuturuat immiqsuġniġai; aasii avvaŋa siqił̣ł̣autiŋagaa ikipkaivigmun. 7Tavraasii tiguniġaa makpiġaaŋa Sivunniuġutim, agliusimaviat Atanġum piraksriutiŋisa, aasii taiguaqługu iñugnun. Uqallaktut, “Kamaginiaġikput Ataniq suli savaglugu sunapayaaq piraksriutigiraŋa.”
8 #
Mt 26.28; Mk 14.24; Lk 22.20; 1 Co 11.25; He 10.29;
He 9.19, 20. Tavra Moses-gum auk iḷuturuaniittuaq tiguvlugu siqił̣ł̣autiŋagaa iñuich uqallakłuni, “Uuma augum nalupqinaiġaa sivunniuġutaa Atanġum tunŋaruaq ilivsigñun qaiññamigich iluqaisa piraksriutit.”
9Moses-lu, Aaron-lu, Nadab-lu, Abihu-lu, suli piŋasukipiaq qulit (70) aullarriŋich Israel iġġimun mayuġniqsut; 10aasii tautugniġaat God-iŋat Israel-gum kiŋuvaaŋisa. Ataani isigaŋiksa inniqsuq turviliaq uyaġagiksaamiñ suŋauraaqtaatun qiḷaktun. 11God-im pimaqłuŋaiñŋagai taapkua aullarriŋich Israel-gum kiŋuvaaŋich; iḷitchuġiŋaniġaat God tautukkamirruŋ, aasii niġivḷutik imiqhutiglu.
Moses Mount Sinai-mi
12Atanġum uqallautigaa Moses, “Mayuġiñ iġġimun uvamnuglutin, aasii tavraniinŋaqpich, aitchuġniaġikpiñ malġugnik uyaġagnik saapaqayagnik aglaamnik pitquraliamnik iḷisaurrutigitquvlugich iñugnun.” 13Moses-lu ikayuqtiniḷu Joshua paġnaniqsuk, aasii Moses mayunagutiŋaruq God-im iġġiŋanun. 14Moses-gum uqallautigai aullarit, “Utaqqisiguk uumani utiġataqtillunuk. Aaron-gumlu Hur-mlu uvva itqatigigaasi; aasii kiñapayaaq atinġiutiqaqtuaq natqiktuksrauruamik ullakkumiñaġaik.”
15Moses mayuġaa Mount Sinai, aasii nuviyam taluŋagaa iġġiq. 16-17Qaumaniqpaŋata Atanġum turviginiġaa iġġiq. Israel-gum kiŋuvaaŋiññun qaumaniŋa qiññaqaġniqsuq ikualaruatun qaaŋani iġġim. Nuviyam matuniġaa iġġiq itchaksrani uvluni, aasii tallimat malġuanni uvlut Atanġum ququulaŋagaa Moses nuviyamiñ. 18#Dt 9.9.Moses-gum mayuŋagaa iġġiq nuviyam iḷuanun. Tavrani inŋaniqsuq malġukipiani (40) uvluni suli unnuani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)