Exodus 21
21
Aŋalanniŋat Kivgat
(Deuteronomy 15.12-18)
1“Israel-gum kiŋuvaaŋich ukuniŋa pitquraksritkich: 2#Lv 25.39-46.Tauqsiġuvich Hebrew-mik kivgamik, savautiniaġaatin itchaksrani ukiuni. Tallimat malġuanni ukiut kivgauŋaiġñiaqtuq sumikunnii akiḷiaksraiññiaġmiuq. 3Tuvaaqataitpan kivgaliutikami, aullautiniaŋitkaa tuvaaqasiutirani tavrani; aglaan tuvaaqasianiŋakpan kivgaliutikami, aullautiyumiñaġaa nuliani. 4Umialiŋata tuvaaqatiksriñŋakpauŋ aasii iġñiqaŋakpan naakka paniqaŋakpan, aġnaallu miqłiqtuŋiḷḷu umialiŋata piginiaġaich, aasii aŋun kisimi aullaġniaqtuq. 5Aglaan kivgauruaq uqallakpan nakuaġiniḷugich umialini, nulianiḷu, qitunġaniḷu, kivgauŋaiġuŋił̣ł̣uniḷu, 6tavra umialiŋata God-im sivuġaanuutiraksraġigaa. Tavraniasii upkuamuutilugu putuniaġaa siutiŋa. Tavra kivgaġiniaġaa iñuuniqtutilaaŋatun.
7“Aŋutim tunikpauŋ paniñi kivgautqulugu, kivgauŋaiġumiñaitchuq aŋutitun kivgauŋaiḷḷaruatun. 8Tuniraukpan aŋunmun nuliaqavsaaġuktuamun, aglaan aŋutim iviġaumagiŋitpagu tunitqiktuksraġigaa aapaŋanun; umialiŋata tuniyumiñaitkaa allaniñ nunaniŋŋaqtuanun, maliġuaŋitkaakii unniqsuqłiutini. 9Aŋun tauqsiqpan aġnamik kivgamik qaisaksramiñik iġñiġmiñun, aŋalattuksraġigaa nanmiñiq panimisun. 10Aŋun nuliavsaaġumi, nuliaqqaani niqiqaqtittuksraġigaa annuġaaqaqtittuksraġigaa miqłiqtuqallayumiñaqtuġlu ilaaniñ. 11Taŋŋiqsinŋitpagu piraksraġirani nuliaqqaamigun, kivgauŋaiġumiñaqtuq akiḷiigaluaġnani.
Pitqurat Pił̣ł̣aktaġnikun
12 #
Lv 24.17. “Kiñapayaaq anaunnigluni iñuaqpan tuqutauruksrauruq. 13#Nu 35.10-34; Dt 19.1-13; Js 20.1-9.Aglaan pisaaġigaluaġnagu tuqutpagu, annaksaġumiñaqtuq inimun nalunaiqsamnun, tavrani aasii anayanniuġniaŋitchuq. 14Aglaan kiña sivunniuqqaaġluni iñuaqpan, tuqutauruksrauruq, annaksaġaluaqpanunnii ikipkaivimñun.
15“Kialiqaa anaukpauŋ aapani naakka aakani tuqutauruksrauruq.
16 #
Dt 24.7. “Kiñapayaaq payarivḷugu aullaurriruaq iñugmik, tunisuglugu naakka kivgaġisuglugu, tuqutauruksrauruq.
17 #
Lv 20.9; Mt 15.4; Mk 7.10. “Kiñapayaaq uqamaqłuurriruaq aapamiñik naakka aakamiñik tuqutauruksrauruq.
18-19“Qinnaglutik iñuum anaukpauŋ alla iñuk uyaġagmik naakka qakiġlugu aglaan tuqunŋiḷḷugu, tatavsaqtauniaŋitchuq. Anniqsauŋaruaq mavsiqsuksraukpan aasii aquvatigun pisuarraqsikpan ayauppiaqtuġluni, pimaqłuktiŋata akiḷiqsaksraġigaa akiññaktaaksrautikkaluaŋanik savakkumi qaunagilugulu mamilġataqtillugu.
20“Kivgaqaqtuam qirugmik anaullaqpauŋ kivgani, aŋutaugaluaqpan naakka aġnaugaluaqpan, aasii kivgauruaq tavrani tuquluni, kivgalik tatavsaqtauniaqtuq. 21Aglaan kivgaq tuquŋitpan atausimi naakka malġugni uvlugni, kivgalik tatavsaqtauniaŋitchuq. Qanukkii taamna kivgak ilaata pigigaa.
22“Aŋutit qinnaglutiŋ anniqparruŋ siŋaiyauruaq aġnaq tammaipkaqtaallaan siŋaiyaaŋanik, aglaan sukun allakun anniŋaiḷḷuni, anniġñiktuaq aġnamik akiḷiiruksrauruq qanutupayaaq aŋutaat apiqsrikpan, iviġaumagiraŋatigun isivġiqsirit. 23Aglaan aġnaq anayanniuġnaqtuamik anniŋakpan, tatavsautauniaqtuq iñuggun iñuggutaanun, 24#Lv 24.19, 20; Dt 19.21; Mt 5.38.iri irimun, kigun kigunmun, argak argagmun, isigak isigagmun, 25uutiqtinniq uutiqtinniġmun, kiḷḷiq kiḷḷiġmun, tigluuraġniq tigluuraġniġmun.
26“Iñuum iraġuqpauŋ aŋun naakka aġnaq kivgani ayaupkaqtaallaan, kivgauŋaiqsittaksraġigaa akiḷiutigisaġlugu iraanun. 27Kigutaurraaġumiuŋ, kivgauŋaiqsittaksraġigaa akiḷiutigisaġlugu kigutaanun.
Pitqurat Pamiqsaaqaqtuanun
28“Immulivium aŋusalluata tuqutpauŋ iñuk nagruglugu, tuqutaksrauruq miḷḷuuġlugu uyaġagnik, suli niqaa niġiruksraġiŋitkaat; iñua aglaan tatavsaqtauniaŋitchuq. 29Aglaan nagruiraġaġuukpan iñugnik aasii iñua kiliktauŋagaluaŋŋaġmi avaluligaamiitinŋiññiqpagu tavra tuqutchiñiqpan iñugmik, tuqutaksrauruq miḷḷuuġlugu uyaġagnik, aasii tavra iñua tuqutaksrauniaġmiuq. 30Aglaan pamiqsaaqaqtuaq taamna akiḷiipkaqparruŋ annautisaġlugu iñuggutini, akiḷigaksraġigaa iluqaan. 31Aasii taamna immulivium aŋusallua tuqutchikpan aŋutaiyaamik naakka aġnaiyaamik, pitquraliaguruaq maliġuaġniaġaat. 32Aasii suli tuqutchikpan kivgamik, aŋunmik naakka aġnamik, taavruma niġrutim iñuata akiḷiġñiaġaa kivgam iñua iñuiññaq qulinik (30) qatiqtuanik manigñik, aasii taamna aŋusalluq miḷḷuuġlugu uyaġagnik tuqullugu.
33“Iñuum matuiqpauŋ iḷuqsraq naakka nivakkumi aasii matuŋiḷḷugu, aasii immulivium aŋusallua naakka kakakti katakpan tavruŋa, 34akiḷiqsaksraġigaa taaptuma pamiqsaam akia. Akiḷiiruksrauruq manigmik iñuanun aasii ilaata pigiyumiñaġaa tuqutaq pamiqsaaq. 35Immulivium aŋusalluata tuqutpauŋ allam iñuum immulivium aŋusallua, tuniruksraġigaak iñuuruaq aasii aviglugu manik; suli autaaġniaġmigaak niqaa tuqutam pamiqsaam. 36Aglaan iḷisimakparruŋ taamna aŋusalluq nagruksisuutilaaŋanik sivuani aasii iñuata avaluligaamiitinŋiññiqpagu, aitchuqtuksraġigaa allamik iñuuruamik, aglaan pigiyumiñaġaa tuquŋaruaq.
Currently Selected:
Exodus 21: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 21
21
Aŋalanniŋat Kivgat
(Deuteronomy 15.12-18)
1“Israel-gum kiŋuvaaŋich ukuniŋa pitquraksritkich: 2#Lv 25.39-46.Tauqsiġuvich Hebrew-mik kivgamik, savautiniaġaatin itchaksrani ukiuni. Tallimat malġuanni ukiut kivgauŋaiġñiaqtuq sumikunnii akiḷiaksraiññiaġmiuq. 3Tuvaaqataitpan kivgaliutikami, aullautiniaŋitkaa tuvaaqasiutirani tavrani; aglaan tuvaaqasianiŋakpan kivgaliutikami, aullautiyumiñaġaa nuliani. 4Umialiŋata tuvaaqatiksriñŋakpauŋ aasii iġñiqaŋakpan naakka paniqaŋakpan, aġnaallu miqłiqtuŋiḷḷu umialiŋata piginiaġaich, aasii aŋun kisimi aullaġniaqtuq. 5Aglaan kivgauruaq uqallakpan nakuaġiniḷugich umialini, nulianiḷu, qitunġaniḷu, kivgauŋaiġuŋił̣ł̣uniḷu, 6tavra umialiŋata God-im sivuġaanuutiraksraġigaa. Tavraniasii upkuamuutilugu putuniaġaa siutiŋa. Tavra kivgaġiniaġaa iñuuniqtutilaaŋatun.
7“Aŋutim tunikpauŋ paniñi kivgautqulugu, kivgauŋaiġumiñaitchuq aŋutitun kivgauŋaiḷḷaruatun. 8Tuniraukpan aŋunmun nuliaqavsaaġuktuamun, aglaan aŋutim iviġaumagiŋitpagu tunitqiktuksraġigaa aapaŋanun; umialiŋata tuniyumiñaitkaa allaniñ nunaniŋŋaqtuanun, maliġuaŋitkaakii unniqsuqłiutini. 9Aŋun tauqsiqpan aġnamik kivgamik qaisaksramiñik iġñiġmiñun, aŋalattuksraġigaa nanmiñiq panimisun. 10Aŋun nuliavsaaġumi, nuliaqqaani niqiqaqtittuksraġigaa annuġaaqaqtittuksraġigaa miqłiqtuqallayumiñaqtuġlu ilaaniñ. 11Taŋŋiqsinŋitpagu piraksraġirani nuliaqqaamigun, kivgauŋaiġumiñaqtuq akiḷiigaluaġnani.
Pitqurat Pił̣ł̣aktaġnikun
12 #
Lv 24.17. “Kiñapayaaq anaunnigluni iñuaqpan tuqutauruksrauruq. 13#Nu 35.10-34; Dt 19.1-13; Js 20.1-9.Aglaan pisaaġigaluaġnagu tuqutpagu, annaksaġumiñaqtuq inimun nalunaiqsamnun, tavrani aasii anayanniuġniaŋitchuq. 14Aglaan kiña sivunniuqqaaġluni iñuaqpan, tuqutauruksrauruq, annaksaġaluaqpanunnii ikipkaivimñun.
15“Kialiqaa anaukpauŋ aapani naakka aakani tuqutauruksrauruq.
16 #
Dt 24.7. “Kiñapayaaq payarivḷugu aullaurriruaq iñugmik, tunisuglugu naakka kivgaġisuglugu, tuqutauruksrauruq.
17 #
Lv 20.9; Mt 15.4; Mk 7.10. “Kiñapayaaq uqamaqłuurriruaq aapamiñik naakka aakamiñik tuqutauruksrauruq.
18-19“Qinnaglutik iñuum anaukpauŋ alla iñuk uyaġagmik naakka qakiġlugu aglaan tuqunŋiḷḷugu, tatavsaqtauniaŋitchuq. Anniqsauŋaruaq mavsiqsuksraukpan aasii aquvatigun pisuarraqsikpan ayauppiaqtuġluni, pimaqłuktiŋata akiḷiqsaksraġigaa akiññaktaaksrautikkaluaŋanik savakkumi qaunagilugulu mamilġataqtillugu.
20“Kivgaqaqtuam qirugmik anaullaqpauŋ kivgani, aŋutaugaluaqpan naakka aġnaugaluaqpan, aasii kivgauruaq tavrani tuquluni, kivgalik tatavsaqtauniaqtuq. 21Aglaan kivgaq tuquŋitpan atausimi naakka malġugni uvlugni, kivgalik tatavsaqtauniaŋitchuq. Qanukkii taamna kivgak ilaata pigigaa.
22“Aŋutit qinnaglutiŋ anniqparruŋ siŋaiyauruaq aġnaq tammaipkaqtaallaan siŋaiyaaŋanik, aglaan sukun allakun anniŋaiḷḷuni, anniġñiktuaq aġnamik akiḷiiruksrauruq qanutupayaaq aŋutaat apiqsrikpan, iviġaumagiraŋatigun isivġiqsirit. 23Aglaan aġnaq anayanniuġnaqtuamik anniŋakpan, tatavsautauniaqtuq iñuggun iñuggutaanun, 24#Lv 24.19, 20; Dt 19.21; Mt 5.38.iri irimun, kigun kigunmun, argak argagmun, isigak isigagmun, 25uutiqtinniq uutiqtinniġmun, kiḷḷiq kiḷḷiġmun, tigluuraġniq tigluuraġniġmun.
26“Iñuum iraġuqpauŋ aŋun naakka aġnaq kivgani ayaupkaqtaallaan, kivgauŋaiqsittaksraġigaa akiḷiutigisaġlugu iraanun. 27Kigutaurraaġumiuŋ, kivgauŋaiqsittaksraġigaa akiḷiutigisaġlugu kigutaanun.
Pitqurat Pamiqsaaqaqtuanun
28“Immulivium aŋusalluata tuqutpauŋ iñuk nagruglugu, tuqutaksrauruq miḷḷuuġlugu uyaġagnik, suli niqaa niġiruksraġiŋitkaat; iñua aglaan tatavsaqtauniaŋitchuq. 29Aglaan nagruiraġaġuukpan iñugnik aasii iñua kiliktauŋagaluaŋŋaġmi avaluligaamiitinŋiññiqpagu tavra tuqutchiñiqpan iñugmik, tuqutaksrauruq miḷḷuuġlugu uyaġagnik, aasii tavra iñua tuqutaksrauniaġmiuq. 30Aglaan pamiqsaaqaqtuaq taamna akiḷiipkaqparruŋ annautisaġlugu iñuggutini, akiḷigaksraġigaa iluqaan. 31Aasii taamna immulivium aŋusallua tuqutchikpan aŋutaiyaamik naakka aġnaiyaamik, pitquraliaguruaq maliġuaġniaġaat. 32Aasii suli tuqutchikpan kivgamik, aŋunmik naakka aġnamik, taavruma niġrutim iñuata akiḷiġñiaġaa kivgam iñua iñuiññaq qulinik (30) qatiqtuanik manigñik, aasii taamna aŋusalluq miḷḷuuġlugu uyaġagnik tuqullugu.
33“Iñuum matuiqpauŋ iḷuqsraq naakka nivakkumi aasii matuŋiḷḷugu, aasii immulivium aŋusallua naakka kakakti katakpan tavruŋa, 34akiḷiqsaksraġigaa taaptuma pamiqsaam akia. Akiḷiiruksrauruq manigmik iñuanun aasii ilaata pigiyumiñaġaa tuqutaq pamiqsaaq. 35Immulivium aŋusalluata tuqutpauŋ allam iñuum immulivium aŋusallua, tuniruksraġigaak iñuuruaq aasii aviglugu manik; suli autaaġniaġmigaak niqaa tuqutam pamiqsaam. 36Aglaan iḷisimakparruŋ taamna aŋusalluq nagruksisuutilaaŋanik sivuani aasii iñuata avaluligaamiitinŋiññiqpagu, aitchuqtuksraġigaa allamik iñuuruamik, aglaan pigiyumiñaġaa tuquŋaruaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)