Exodus 22
22
Pitqurat Akiiḷaiyaġnikun
1“Iñuk tiglikkumi immulivigmik naakka imnaimik aasii tuqullugu naakka tuniḷugu, simmausiqsuksraġigaa tallimanik immulivigñik, suli imnaiq sisamanik imnaiñik. 2-4Akiḷiqtuksraġigai tigligaani. Akiḷiġumiñaitpagi, tuniñiaġaat kivgatun akiḷiqsaġlugich tigligaaŋi. Tigliktaŋa pamiqsaaq, immuliviugaluaġli, kakaktiugaluaġli, naagga imnaigugaluaġli, paqitparruŋ iñuulugu ilaani, akiḷiiruksrauruq malġuullugu.
“Tigligayukti isiġumi iglumun unnuami aasii tuqutauluni, tuqutchiruaq pasirauniaŋitchuq. Aglaan tigligayukti tuqutaukpan uvlumi, pasirauniaqtuq tuqutchiruaq.
5“Iñuum niġiñiaqtitpagi pamiqsaani nunami naakka siiġñalivigmi aasii ayuuġutiŋ niġiñiqpatigik nauriat niqiksrat allam iñuum nunaŋani, simmausiqtuksraġigai nakuułhaaqtuanik nautchiivigmiñiñ naakka siiġñalivigmiñiñ.
6“Iñuk ikipkaigumi nunamiñi aasii siamitpan tuquliŋaruanun ivigaaġruanun allam nunaŋanun, aasii ikipkaġlugich palauvaksrat nauriat naakka kivluaniŋaruat qaliġiiksitat, ikipkairuam akiḷiqtuksraġigai suksraunġiqsaŋi igniġum.
7“Iñuum aitchuqpauŋ siḷalliñi tutquaksraŋiññik manigñik naakka suġauttanik qaunagitquvlugich aasii tigliktaukpata siḷallimi igluaniñ, tigligairuaq aŋupkaġumi utiqtitchiñiaqtuq malġuullugu akiat tigliktami. 8Aglaan tigliktuaq paqitauŋitpan, qaunaksriruaq akisuruanik suġautanik isivġiqsirim sivuġaanuutiraksraġigaat aasii tavrani iḷumun uqaqtuksrauruq tigliŋaiññiḷuni allam suġautaŋiñik.
9“Atiŋirrutiqapayauraqtuat suġautatigun, immuliviugaluaġlit, kakaktaugaluaġlit, imnaigugaluaġlit, annuġaagugaluaglit, naakkaunnii suugaluaġli tammairaqtik, malġuk iññuk pimaaqtuiruak suġautamik isivġiqsirim sivuġaanuutiraksrauruk. Taamna aasii isivġiqsirim nalunaiqsaŋa patchisaunivḷugu, akiḷiiruksrauruq malġuullugu pimaaqtuiqatimiñun.
10“Qaunaksriyumiñaġniḷuni iñuk pikpan allam kakaktiŋanik, immulivianik, imnaiŋanik, naakka allamik pamiqsaaŋanik, aasii pimaaqsaaq tuqukpan naakka anniqpan naakka tiglikparruŋ quviġlugu; aasii qiñiqtaiññiqpan, 11iñuk unniqsuqłiiruksrauruq Atanġum sivuġaani suli iḷumutun uqaġluni tigliŋaiññiḷugu allam iñuum pamiqsaaŋa. Pamiqsaaq tigliŋaitparruŋ, iñuata akuqtuqtaksraġigaa tammairani, aasii allam iñuum akiḷiqtaksraġiŋitkaa; 12aglaan pamiqsaaq tigliŋaniqparruŋ, iñuum akiḷiqtaksraġigaa iñua. 13Tuqunŋaniqparruŋ pamiqsaaq niġrutit, iñuum qaġġisiruksraġigai pamiqsaam timaata iḷakuŋi iḷitchuqqutigitquvlugich. Iñuk akiḷiiraksraitchuq tuquttaŋannun niġrutit.
14“Iñuk attaqsigumi pamiqsaamik iñugmiñ aasii anniqsaukpan naakka tuqukpan iñua piisillugu, akiḷiqtaksraġigaa. 15Aglaan taamna nalautitpan iñua itillugu, akiḷiiraksraitchuq. Aglaan pamiqsaaq atukkirrutaukpan akiqaqługu, tammaiñiŋata akia taputiŋaniaqtuq akiani.
Nalaunŋaruatigun suli Ukpiġniaġnikun Pitqurat
16 #
Dt 22.28, 29. “Aŋutim uqayutpauŋ aŋusiuŋaitchuaq aġnaq uiksrautaitchuaq, aasii siñiqatigilugu, akiḷiiruksrauruq nuliaksrautim akiŋanik suli nuliaġlugu. 17Aglaan aapaŋata nuliaquŋitpagu ilaanik, akiḷiqsaksraġigaa aapaŋa aktilaaŋatun nuliaksrautim aŋutituŋaitchuam akiatun.
18 #
Dt 18.10, 11. “Tuqutaksrauruq aġnaq aŋatkuaġaġuuruaq.
19 #
Lv 18.23; 20.15, 16; Dt 27.21. “Tuqutaksrauruq aŋun nuliaġiruatun atuŋakpan niġrunmik.
20 #
Dt 17.2-7. “Tuqutaksrauruq iñuk aitchuiruaq allamun god-mun. Aitchuiruksrauruq uvamnun kisian, Ataniġmun.
21 #
Ex 23.9; Lv 19.33, 34; Dt 24.17, 18; 27.19. “Aŋalamaqługnagu naakka nagliksaaqtinnagu allaniñ nunaniŋŋaqtauruaq; itqaumalusi allaniñ nunaniŋŋaqtauŋatilaavsiññik Egypt-mi. 22Aŋalamaqługnagu uiḷgaŋaruaq naakka miqłiqtuq aŋayuqaagiŋaruaq. 23Aŋalamaqłukkuvsigik, Uvaŋa, Atanġum kiuniaġitka qirratiŋich uvamnun ikayuqulutiŋ, 24suli qinnaliqpagluŋa tuqunniaġivsi aŋuyautikun. Tuvaaqatisi uiḷgaġniaqtut, aasii miqłiqtusi aapaiġḷutiŋ.
25 #
Lv 25.35-38; Dt 15.7-11; 23.19, 20. “Attaqsipkaiguvsi manigñik iñumnun iḷiappaŋnun, piḷġusiqaġnasi manigñik attaqsipkaisuuruatun aasii akiḷiipkaġlugich naggutiligaamik. 26#Dt 24.10-13.Iñuum quppiġaaŋa unniqsuqłiisigipkaġupku akiḷiġñiaġniḷutin, utiqtitaksraġigiñ siqiñiq nipiŋaiñŋaan, 27qanukkii quppiġaatualugigaa uunnaaqutigivlugu. Sumik allamik siñigunnaqaġniaqpa? Ququullavigikpaŋa ikayuquluni, kiuniaġiga qanukkii nagliktauruŋa.
28 #
Ac 23.5. “Uqautiginagu pigiitchuakun God, naaggaunnii uqamaqłuutinagu aullarriksi.
29“Aitchuutiqaġitchi uvamnun palauvaksrautivsiññiñ, wine-gutivsiññiñ, suli uqsruliaguruaniñ olives-niñ aitchuutaunaqsiraġikpata.
“Qaitchigik uvamnun aŋayukłiuruat iġñisi. 30Qaitchigik uvamnun aŋayukłiŋit pamiqsaavsi suli imnaivsi. Aŋayukłiq aŋusalluq aakaŋaniititqaaġlugu tallimat malġugni uvluni, aitchuutigilugu aasiiñ uvamnun tallimat piŋayuanni uvlut.
31 #
Lv 17.15. “Iñugigivsi, niġiruksraġiŋitkiksi niqaa pamiqsaam tuqunŋakparruŋ niġrutit; qaisiññaġumagiksi qimmiñun.
Currently Selected:
Exodus 22: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 22
22
Pitqurat Akiiḷaiyaġnikun
1“Iñuk tiglikkumi immulivigmik naakka imnaimik aasii tuqullugu naakka tuniḷugu, simmausiqsuksraġigaa tallimanik immulivigñik, suli imnaiq sisamanik imnaiñik. 2-4Akiḷiqtuksraġigai tigligaani. Akiḷiġumiñaitpagi, tuniñiaġaat kivgatun akiḷiqsaġlugich tigligaaŋi. Tigliktaŋa pamiqsaaq, immuliviugaluaġli, kakaktiugaluaġli, naagga imnaigugaluaġli, paqitparruŋ iñuulugu ilaani, akiḷiiruksrauruq malġuullugu.
“Tigligayukti isiġumi iglumun unnuami aasii tuqutauluni, tuqutchiruaq pasirauniaŋitchuq. Aglaan tigligayukti tuqutaukpan uvlumi, pasirauniaqtuq tuqutchiruaq.
5“Iñuum niġiñiaqtitpagi pamiqsaani nunami naakka siiġñalivigmi aasii ayuuġutiŋ niġiñiqpatigik nauriat niqiksrat allam iñuum nunaŋani, simmausiqtuksraġigai nakuułhaaqtuanik nautchiivigmiñiñ naakka siiġñalivigmiñiñ.
6“Iñuk ikipkaigumi nunamiñi aasii siamitpan tuquliŋaruanun ivigaaġruanun allam nunaŋanun, aasii ikipkaġlugich palauvaksrat nauriat naakka kivluaniŋaruat qaliġiiksitat, ikipkairuam akiḷiqtuksraġigai suksraunġiqsaŋi igniġum.
7“Iñuum aitchuqpauŋ siḷalliñi tutquaksraŋiññik manigñik naakka suġauttanik qaunagitquvlugich aasii tigliktaukpata siḷallimi igluaniñ, tigligairuaq aŋupkaġumi utiqtitchiñiaqtuq malġuullugu akiat tigliktami. 8Aglaan tigliktuaq paqitauŋitpan, qaunaksriruaq akisuruanik suġautanik isivġiqsirim sivuġaanuutiraksraġigaat aasii tavrani iḷumun uqaqtuksrauruq tigliŋaiññiḷuni allam suġautaŋiñik.
9“Atiŋirrutiqapayauraqtuat suġautatigun, immuliviugaluaġlit, kakaktaugaluaġlit, imnaigugaluaġlit, annuġaagugaluaglit, naakkaunnii suugaluaġli tammairaqtik, malġuk iññuk pimaaqtuiruak suġautamik isivġiqsirim sivuġaanuutiraksrauruk. Taamna aasii isivġiqsirim nalunaiqsaŋa patchisaunivḷugu, akiḷiiruksrauruq malġuullugu pimaaqtuiqatimiñun.
10“Qaunaksriyumiñaġniḷuni iñuk pikpan allam kakaktiŋanik, immulivianik, imnaiŋanik, naakka allamik pamiqsaaŋanik, aasii pimaaqsaaq tuqukpan naakka anniqpan naakka tiglikparruŋ quviġlugu; aasii qiñiqtaiññiqpan, 11iñuk unniqsuqłiiruksrauruq Atanġum sivuġaani suli iḷumutun uqaġluni tigliŋaiññiḷugu allam iñuum pamiqsaaŋa. Pamiqsaaq tigliŋaitparruŋ, iñuata akuqtuqtaksraġigaa tammairani, aasii allam iñuum akiḷiqtaksraġiŋitkaa; 12aglaan pamiqsaaq tigliŋaniqparruŋ, iñuum akiḷiqtaksraġigaa iñua. 13Tuqunŋaniqparruŋ pamiqsaaq niġrutit, iñuum qaġġisiruksraġigai pamiqsaam timaata iḷakuŋi iḷitchuqqutigitquvlugich. Iñuk akiḷiiraksraitchuq tuquttaŋannun niġrutit.
14“Iñuk attaqsigumi pamiqsaamik iñugmiñ aasii anniqsaukpan naakka tuqukpan iñua piisillugu, akiḷiqtaksraġigaa. 15Aglaan taamna nalautitpan iñua itillugu, akiḷiiraksraitchuq. Aglaan pamiqsaaq atukkirrutaukpan akiqaqługu, tammaiñiŋata akia taputiŋaniaqtuq akiani.
Nalaunŋaruatigun suli Ukpiġniaġnikun Pitqurat
16 #
Dt 22.28, 29. “Aŋutim uqayutpauŋ aŋusiuŋaitchuaq aġnaq uiksrautaitchuaq, aasii siñiqatigilugu, akiḷiiruksrauruq nuliaksrautim akiŋanik suli nuliaġlugu. 17Aglaan aapaŋata nuliaquŋitpagu ilaanik, akiḷiqsaksraġigaa aapaŋa aktilaaŋatun nuliaksrautim aŋutituŋaitchuam akiatun.
18 #
Dt 18.10, 11. “Tuqutaksrauruq aġnaq aŋatkuaġaġuuruaq.
19 #
Lv 18.23; 20.15, 16; Dt 27.21. “Tuqutaksrauruq aŋun nuliaġiruatun atuŋakpan niġrunmik.
20 #
Dt 17.2-7. “Tuqutaksrauruq iñuk aitchuiruaq allamun god-mun. Aitchuiruksrauruq uvamnun kisian, Ataniġmun.
21 #
Ex 23.9; Lv 19.33, 34; Dt 24.17, 18; 27.19. “Aŋalamaqługnagu naakka nagliksaaqtinnagu allaniñ nunaniŋŋaqtauruaq; itqaumalusi allaniñ nunaniŋŋaqtauŋatilaavsiññik Egypt-mi. 22Aŋalamaqługnagu uiḷgaŋaruaq naakka miqłiqtuq aŋayuqaagiŋaruaq. 23Aŋalamaqłukkuvsigik, Uvaŋa, Atanġum kiuniaġitka qirratiŋich uvamnun ikayuqulutiŋ, 24suli qinnaliqpagluŋa tuqunniaġivsi aŋuyautikun. Tuvaaqatisi uiḷgaġniaqtut, aasii miqłiqtusi aapaiġḷutiŋ.
25 #
Lv 25.35-38; Dt 15.7-11; 23.19, 20. “Attaqsipkaiguvsi manigñik iñumnun iḷiappaŋnun, piḷġusiqaġnasi manigñik attaqsipkaisuuruatun aasii akiḷiipkaġlugich naggutiligaamik. 26#Dt 24.10-13.Iñuum quppiġaaŋa unniqsuqłiisigipkaġupku akiḷiġñiaġniḷutin, utiqtitaksraġigiñ siqiñiq nipiŋaiñŋaan, 27qanukkii quppiġaatualugigaa uunnaaqutigivlugu. Sumik allamik siñigunnaqaġniaqpa? Ququullavigikpaŋa ikayuquluni, kiuniaġiga qanukkii nagliktauruŋa.
28 #
Ac 23.5. “Uqautiginagu pigiitchuakun God, naaggaunnii uqamaqłuutinagu aullarriksi.
29“Aitchuutiqaġitchi uvamnun palauvaksrautivsiññiñ, wine-gutivsiññiñ, suli uqsruliaguruaniñ olives-niñ aitchuutaunaqsiraġikpata.
“Qaitchigik uvamnun aŋayukłiuruat iġñisi. 30Qaitchigik uvamnun aŋayukłiŋit pamiqsaavsi suli imnaivsi. Aŋayukłiq aŋusalluq aakaŋaniititqaaġlugu tallimat malġugni uvluni, aitchuutigilugu aasiiñ uvamnun tallimat piŋayuanni uvlut.
31 #
Lv 17.15. “Iñugigivsi, niġiruksraġiŋitkiksi niqaa pamiqsaam tuqunŋakparruŋ niġrutit; qaisiññaġumagiksi qimmiñun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)