Exodus 19
19
Israel-gum Kiŋuvaaŋich Mount Sinai-mi
1-2Israel-gum kiŋuvaaŋich aullaŋarut Rephidim-miñ, aasii sivullianni uvlut piŋayuanni tatqich aullaanikamiŋ Egypt-miñ nunagluktuaŋanuŋarut Sinai-m. Tavruŋa nullaŋarut sivuġaanun Mount Sinai-m, 3aasii Moses iġġi mayuŋagaa kasuġiaqługu God.
Atanġum ququaŋagaa iġġimiñ aasii uqaluksrił̣ł̣ugu Israel-gum kiŋuvaaŋiññun, Jacob kiŋuniiŋiññun: 4“Tautuŋagisi aŋalataġikapkich Egypt-miut suli qaunagikavsi tiŋmiaqpaum usiaqsiqtinmatun piayaani isaqqugmiñi, aasii qaġġisivlusi mauŋa uvamnun. 5#1 P 2.9.#Dt 4.20; 7.6; 14.2; 26.18; Titus 2.14.Tavra, kamagiguvsiñŋa suli atuġlugu sivunniuġutiga, uvaŋa nanmiñiq iñuginiaġivsi. Iluqaan nuna uvaŋa pigigiga, aglaan ilivsi naliġaktaaġivlusi uvaŋa iñuginiaġivsi, 6#Rev 1.6; 5.10.iñuich nalunaiqsauŋaruat uvamnutualuk, suli ilivsi savautiniaġivsiñŋa aŋaiyyuliqsaulusi umialgutimni. Tavra uqaluksrasi Israel-gum kiŋuvaaŋiññun.” 7Tavraasii Moses atqaqłuni ququaŋagaich aullarrit atautchimun, aasii kilikługich Atanġum uqalupayauraŋiññik ilimiñun. 8Tavra iluqaġmiŋ iñuich kiuniqsut atautchikun, “Sunapayaaq piñiaġikput Atanġum uqallautigiraa,” aasiiḷi Moses-gum kilgutigiŋagaa taamna Ataniġmun.
9Atanġum uqallautigaa Moses, “Ullagniaġivsi nuviyaqłukun, iñuich tusaayumaut uqaġumnuk aasii ukpiġiliġḷutin tavraŋŋaaglaan.”
Moses-gum uqallautigaa Ataniq iñuich kiggutaannik, 10aasii Atanġum kiugaa, “Ullaglugich iñuich uqautisaġitin uvlupak uvlaakulu itqanaiyaqulugich atautchimugniksraptignun. Iqaġiruksraġigaich annuġaatiŋ 11aasii itqanaiḷḷutiŋ uvlaakutqigu. Taaptumani uvlumi atqaġniaqtuŋa Mount Sinai-mun, iñupayaanun tautukkumiñaqsiḷuŋa. 12#He 12.18-20.Nalunaiġḷugu avataa iġġim iñuich avluqtuksraġiŋitchaat, aasiisuli uqallautilugich mayuquŋiḷḷugu iġġi qallitquŋiḷḷugulu. Nallipayaavsi tutikpauŋ tuqutauruksrauniaqtuq; 13tuqutauruksrauniaqtuq miḷḷuuġlugu uyaġagnik naakka pisiglugu qaġrunik, iñugniñ aksiktaugaluaġnani. Taamna tunŋaruq iñugnullu niġrutinullu; tuqutauruksrauniaqtut. Aglaan nipauqłuktaun nivliqpan, tavra iñuich mayuġumiñaġniaqtut iġġimun.”
14Tavraasii Moses atqaqhuni iġġimiñ uqautiŋagai iñuich itqanaiyaquvlugich atautchimugniksramignun. Tavra iqaqsriŋarut annuġaamignik, 15suli Moses-gum uqautigai, “Itqanaitchumausi uvlaakutqigu suli siñiqatiqaġnasi utaqqiḷḷavsi.”
16 #
Rev 4.5. #
Dt 4.11, 12. Uvlaami piŋayuanni uvlut kallualaŋaruq suli igniġuuqpatitaqhuni, nuviyaqłuk nuiŋaruq iġġimi, suli nipatupiaġataqtuaq nipauqłuktaun tusaaŋagaat. Iluqaġmiŋ iñuich nullaummiruat uuliksiŋarut iqsiḷiqłutiŋ. 17Moses-gum aullatiŋagai nullaummivianniñ kasuġiaqługu God, aasii makitaŋarut sivuġaani iġġim. 18Ataniq atqaġman tavruŋa ignikun iluqani Mount Sinai avyum matuŋagaa. Avyuq putchualaŋaruq iġġimiñ, aasii iġġiq iluqaġmi aulaliqtuŋaruq. 19Nipaa nipauqłuktautim nipatusisaiññaqpaŋaruq. Moses uqallaktuq, aasii God-im kiuniġaa kallukun. 20Ataniq atqaŋaruq qaaŋanun Mount Sinai-m aasii ququaqługu Moses qaaŋanuquvlugu iġġim. Moses mayuŋaruq 21aasii Atanġum uqallautigaa, “Atqaġlutin kiligiakkich iñuich qaaŋiquŋiḷḷugu killi qiñiġiaqsaġluŋa; tainnatuaġumiŋ iñugiaktuat tuquniaqtut. 22Aŋaiyyuliqsit unnii qalliruat uvamnun salumaruksraummiut tatavsaqtausuŋitkumiŋ.”
23Moses uqallautigaa Ataniq, “Iñuich mayuġumiñaitchut, qanukkii piraksriŋagivsigut salumaruaġitquvlugu iġġi nalunaiġḷugulu avataa.”
24Atanġum kiugaa, “Atqaġiñ qaġġisisaqtuġuŋ Aaron. Aglaan aŋaiyyuliqsiqpaiḷḷu iñuiḷḷu qaaŋiqsuksraġiŋitkaat killi uvamnuksaġutiŋ, tainna pikpata tatavsaġniaġitka.” 25Tavra Moses atqaŋaruq iñugnukhuni aasii uqautivlugich Atanġum uqaluŋiññik.
Currently Selected:
Exodus 19: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
