Exodus 18
18
Jethro-m Ullaqattaaġmagu Moses
1Moses-gum aaparuaŋata Jethro-m, aŋaiyyuliqsiqpaum Midian-mi, tusaaŋaniġai iluqaisa savaaŋich God-im Moses-mun suli iñuŋiñun Israel aullautimmagi Egypt-miñ. 2#Ex 2.21, 22.Moses-muŋaruq qaġġisivlugu Moses nuliaŋa Zipporah, uniktauŋaruaq, 3#Ac 7.29.suli Gershom-lu Eliezer-lu, malġuuk iġñiŋik. (Moses uqallaŋaruaq, “Iglaaguŋaruŋa allauruami nunami,” tainnamik atchiŋaniġaa iġñini Gershom-mik.#18.3 Gershom sivuniŋa “iglaaguruaq taavani.” 4Uqallakhuni suli, “God-iŋata aapaŋma ikayuŋagaaŋa suli annautivluŋa tuqutauniksrakkaluamniñ umialiŋaniñ Egypt,” tainnamik atchiŋagaa igḷua iġñini Eliezer-mik.#18.4 Eliezer-m sivuniŋa “God-tiga ikayuqti.”) 5Jethro-m ullaŋagaa Moses qaġġisivlugi nuliaŋa iġñiŋiglu nunagluktuakun, Moses nullaŋapkaqtillugu qaniŋani iġġiŋata God-im. 6Kiliktitchaqtuŋagaa Moses qaiñiaġnivḷutiŋ, 7tavraasii Moses-gum paaŋagaa, pułłuniasii sivuġaanun, suli kunikł̣ugu. Qanuqinmagaaġutillaaŋaruk aasii isiqhutiŋ Moses tupqanun. 8Moses-gum quliaqtuaġutiŋagaa Jethro iluqaiññik Atanġum savaaŋiññik umialigmun suli iñuŋiññun Egypt annautisaqługich Israel-gum kiŋuvaaŋich. Suli uqautivlugu siġġaġniuġutimignik iglaullaġmiŋ suli qanuq Atanġum annautiraġimmatiŋ. 9Tusaayugaaqami Jethro iluqaiññik tamatkuniŋa, quyapaluŋaruq 10suli uqaqhuni, “Nanġaqtauli Ataniq, annautimmasi umialigmiñ suli iñuŋiññiñ Egypt! Nanġaqtauli Ataniq, annaurriruaq iñugmiñik kivgauniŋanniñ! 11Tavra iḷitchuġiruŋa Ataniq kamanałhaaqtilaaŋanik iluqaiññiñ god-it, qanukkii tainna savaŋamaruq Egypt-miut aŋalanmatigik Israel-gum kiŋuvaaŋich anmuksruqługich.” 12Tavraasii Jethro qaġġirriŋaruq aitchuutiksramik ikipkaaksramik suġaiḷḷugu suli allanik aitchuutiksranik God-mun; aasii Aaron-lu iluqaġmiglu aullarriuruat, Israel-gum kiŋuvaaŋich, niġiqatigiyyaŋagaat Moses aaparuaŋa, takkuani God.
Isivġiqsinik Nalunaiqsimmata
(Deuteronomy 1.9-18)
13Uvlaakumman Moses-gum atiŋirrutiqaqtuat natqiksruŋagai. Aptallagniqsuq uvlaamiñ qaŋa unnuaġataqtillugu. 14Jethro-m tautukkamiuŋ iluqaan Moses-gum savaaksraŋa, apiġiniġaa, “Immaimña suliqiutiqpakpigi iñuich? Summan tamanna kisiviñ savaaġiviuŋ, marra iñuich makitaruat uvlaamiñ unnuaġataqtillugu utaqqiruat uqaqatigisukłutin?”
15Moses-gum kiugaa, “Savaaġiraksraġigiga qanukkii iñuich qairaqtut uvamnun iḷitchisukłutiŋ God-im pisuutaanik. 16Malġuk iññuk atiŋirrutiqaqamik, qaisuuruk uvamnun, aasii sivunniġuuruŋa nalliak nalaunŋatilaaŋanik, suli uqautisuugitka God-im piraksriutiŋiññik pitquraŋiññiglu.”
17Tavraasii Jethro uqallaktuq, “Taamna uvva savaaġiŋiññiġiñ iłuaqtuakun. 18Minġuliġñiaqtutin taputilugich makua iñuich. Taamna savaaq aŋivaitchuq kisivich savaaġiniaġupku. 19Uqaullaallagukkikpiñ nakuuruamik, aasii God-im itqatiginiaġaatin. Iłuaqtuq piraukavich iñugnun sivuġaani God-im qaġġisivlugich atiŋirrutiŋich ilaanun. 20Iḷisautiruksraġigitin God-im piraksriutiŋiññik pitquraŋiññiglu suli kaŋiqsipkaġlugich qanuq iñuuniaqtuksrautilaaŋiññik qanuġlu piruksrautilaaŋiññik. 21Aglaan una iḷagilugu, naliġaglutin piḷḷaruanik aŋutinik aasii aullarriġuġlugich iñugnun: aullarriksrat 1,000-guruanun, tallimakipiaguruanun (100), malġukipiaq quliuruanun (50), suli quliuruanun. God qiksigiruksraġigaat ukpiġnaġlutiŋ uqayutitchumiñaiḷḷutiglu saglutaġuktuanun. 22Isivġiqsirauyumaut iñugnun ataramik savaaġillasiḷugu. Siġġaġnaqtuat iliŋnun maniyumiñaġaich aasii siġġaġnaitchuat iliŋisa sivunniuġutigiyumiñaġniaġaich. Tainna piguvich siġġaġnaipayaaġniaqtuq iliŋnun, ikayuaqsikpatin nanmaaġiraġnik. 23Tainna piguvich, God-im tilikpatin, minġuliġñiaŋitchutin, aasiiḷi makua iñuich aiḷḷaaniaqtut atiŋirrutitiŋ natqiŋalugich.”
24Moses-gum akuqtuġniġaa Jethro-m siḷġiqsuutaa 25suli naliġakłuni piḷḷaruanik aŋutinik akunġanniñ Israel-gum kiŋuvaaŋiññiñ. Aullarriġuŋagai 1,000-guruanun, tallimakipiaguruanun (100), malġukipiaq quliuruanun (50), suli quliuruanun. 26Isivġiqsirauŋarut iñugnun kisian savaaġiliutivlugu, siġġaġnaqtuat Moses-muutillaavlugich aglaan siġġaġnaitchuat iliŋisa savaaġivlugich.
27Tavraasii Moses-gum itqanaiyautiŋagaa Jethro, aasii Jethro utiŋaruq nunamiñun.
Currently Selected:
Exodus 18: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
