Exodus 15
15
Atuutaa Moses-gum
1 #
Rev 15.3. Tavra Moses-lu Israel-guvlu kiŋuvaaŋich atuŋarut uumiŋa atuunmik Ataniġmun:
“Atuġniaqtuŋa Ataniġmun, qanukkii akimaruq kamanaqtuamik akimmanmik;
miḷuqsautiŋagaich tuttuqpaiḷḷu tuttuqpagaqtiŋiḷḷu taġiumun.
2 #
Ps 118.14; Is 12.2. Ataniq suaŋaruaq ikayuqtigigiga;
ilaata annautiŋagaaŋa.
Ilaa God-iga, nanġaġniaġiga,
aapagma God-iŋa, aasii atuġniaqtuŋa ilaata kamanautaagun.
3Ataniq aŋuyaktauruq;
Ataniq atiŋa.
4“Miḷuqsautiŋagaich Egypt aŋuyaktiŋich aksraktuuraŋiḷḷu taġiumun;
qaukłiġigñiqtaŋich Pharaoh-m ipiŋarut Red Sea-mi.
5Itiruam taġium matuŋagaich;
kiviŋarut natqanun uyaġaktun.
6“Taliqpigiran, Ataniiq, aliuġnaqtuamik suaŋŋatiqaqtuq;
suksraunġiġuugaich akiḷḷiuruat.
7Kamanaqtuakun akimmatikkun akiiḷiŋagitin akiḷḷiitin;
qinnautin igniqtun iłłuni ikipkaġitin ivigruanik ikipkaimmatun.
8Suvluaqavich taġiumun imaq qaliġiiksittuq qutchiksivḷuni;
napaŋŋaaġikhutiŋ katchitun;
itiniqtaŋa taġium siqquqsiŋaruq.
9Akiḷḷiq uqallaktuq, ‘Maliqataġniaġitka aasii aŋulugich;
autaaġniaġitka suġaliŋich piksralgutilaaptun;
amuniaġiga savikpaga piññaktaaġiniaġitka iluqaisa pigiraŋich.’
10Aglaan atautchimi aniqsaaġvigñi, Ataniiq, Egypt-miut ipiŋarut;
kiviŋarut uqhatun tatamaanaqtuami immami.
11“Ataniiq, akunġanni god-auruat kiña iliktun itpa?
Kiñaimña iliktun itpa, aliuġnaqtuaq salumaniġmiñi?
Kiña savallava aliuġnaqtuanik suli kamanaqtuanik savaanik iliktun?
12Taliqpigñik isaaqtuatin,
aasii nunam iiŋagaich akiḷḷiivut.
13Iḷumutuuqłutin unniqsuqłiisigni, aullatigitin iñuich annautiŋaratin;
suaŋŋatikkun aullatigitin salumaruamun nunamun.
14Nunaqpaich tusaaŋarut, aasii uulillaġmik iqsiḷiŋarut;
Philistia-ġmiut tatamaalaŋarut.
15Aullarriŋich Edom iqsiḷiŋarut;
Moab-gum suamaruat aŋutiŋich uuliksiŋarut;
iñuŋich Canaan qapiŋasiŋarut.
16Tatamaalaliŋarut sivuuġaliqł̣utiglu.
Tautukkaat ilvich suaŋŋatin, Ataniiq,
qanuqsausiiŋarut iqsivaił̣ł̣utiŋ
iñugiratin qaaŋiqsaaġataqtillugich iñugiratin—
ilvich atanġiqsittatin akiiḷaaqługich kivgauniŋanniñ.
17Qaġġisiniaġitin aasii inillaglugich iġġiġñun,
inimun ilvich, Ataniiq, naliġaktaaġiraġnun aimmivigisukługu,
Salumaruaq ini ilvich nappaŋaran.
18Ilvich, Ataniiq, umialguniaqtutin taimuŋa isuitchuamun.”
Atuutaa Miriam-gum
19Israel-gum kiŋuvaaŋich pisuaŋarut taġiukun paliumaruakun nunakun. Aglaan Pharaoh-m aksraktuuraŋich tuttuqpaŋiḷḷu suli aullarriŋich maliqatautimmata, Atanġum utiqtinŋagaa imaq, aasii matuvlugich.
20Uqaqtauruaq God-mun Miriam, Aaron-gum nukaalua atuqtuurausiŋaruq qiḷaugauramik aasii aġnapayaurat maliġiŋagaat, atuqtuuraqhutiŋ qiḷaugauranik aŋayuvlutiglu. 21Miriam-gum atuutiŋagai:
“Atuġitchi Ataniġmun, qanukkii akimaruq kamanaqtuamik akimmanmik;
miḷuqsautiŋagaich tuttuqpaich aŋalatiŋiḷḷu taġiumun.”
Kimnaqtuaq Imiq
22Taimaasiiñ Moses-gum aullatirraqsiŋagaich Israel-gum kiŋuvaaŋich unił̣ł̣ugu Red Sea nunagluktuaŋanun Shur-m. Piŋasuni uvluni pisuaŋarut nunagluktuami, aglaan paqinŋaiñŋarut imiksramignik. 23Tavra tikiñŋarut inimun atiqaqtuamik Marah#15.23 Iñupiatun sivuniŋa Mara-m kimnaqtuaq-mik, aglaan imiq tavraniittuaq kimnaqpaił̣ł̣uni imiġumiñaiñŋaniġaat. Tainnamik atiqaqtuq Marah-mik. 24Iñuich uqaviḷurraqsiŋarut Moses-mun aasii suli apiqsrivḷutiŋ, “Sumik imña imiġniaġniqpisa?” 25Moses qiññuaqtuġvigigaa Ataniq, aasii Atanġum tautuktitkaa qiruk. Moses-gum miḷuqsautigaa immamun; aasii tavra imaq imiġnaqsiŋaruq.
Tavrani Atanġum aitchuŋagaich pitquranik maliġuagaksraŋiññik, suli tavrani ilaata uuktuŋagaich maliġuaġniaġmagaisa pitqurat. 26Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”
27Tavraniasii tikiñŋarut Elim-mun, qulit malġutun (12) suvliktuanik imiqaqtuamun suli piŋasukipiaq qulinik (70) napaaqtuqaqhuni palm-nik; tavruŋa nullaŋarut immam qaniŋanun.
Currently Selected:
Exodus 15: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 15
15
Atuutaa Moses-gum
1 #
Rev 15.3. Tavra Moses-lu Israel-guvlu kiŋuvaaŋich atuŋarut uumiŋa atuunmik Ataniġmun:
“Atuġniaqtuŋa Ataniġmun, qanukkii akimaruq kamanaqtuamik akimmanmik;
miḷuqsautiŋagaich tuttuqpaiḷḷu tuttuqpagaqtiŋiḷḷu taġiumun.
2 #
Ps 118.14; Is 12.2. Ataniq suaŋaruaq ikayuqtigigiga;
ilaata annautiŋagaaŋa.
Ilaa God-iga, nanġaġniaġiga,
aapagma God-iŋa, aasii atuġniaqtuŋa ilaata kamanautaagun.
3Ataniq aŋuyaktauruq;
Ataniq atiŋa.
4“Miḷuqsautiŋagaich Egypt aŋuyaktiŋich aksraktuuraŋiḷḷu taġiumun;
qaukłiġigñiqtaŋich Pharaoh-m ipiŋarut Red Sea-mi.
5Itiruam taġium matuŋagaich;
kiviŋarut natqanun uyaġaktun.
6“Taliqpigiran, Ataniiq, aliuġnaqtuamik suaŋŋatiqaqtuq;
suksraunġiġuugaich akiḷḷiuruat.
7Kamanaqtuakun akimmatikkun akiiḷiŋagitin akiḷḷiitin;
qinnautin igniqtun iłłuni ikipkaġitin ivigruanik ikipkaimmatun.
8Suvluaqavich taġiumun imaq qaliġiiksittuq qutchiksivḷuni;
napaŋŋaaġikhutiŋ katchitun;
itiniqtaŋa taġium siqquqsiŋaruq.
9Akiḷḷiq uqallaktuq, ‘Maliqataġniaġitka aasii aŋulugich;
autaaġniaġitka suġaliŋich piksralgutilaaptun;
amuniaġiga savikpaga piññaktaaġiniaġitka iluqaisa pigiraŋich.’
10Aglaan atautchimi aniqsaaġvigñi, Ataniiq, Egypt-miut ipiŋarut;
kiviŋarut uqhatun tatamaanaqtuami immami.
11“Ataniiq, akunġanni god-auruat kiña iliktun itpa?
Kiñaimña iliktun itpa, aliuġnaqtuaq salumaniġmiñi?
Kiña savallava aliuġnaqtuanik suli kamanaqtuanik savaanik iliktun?
12Taliqpigñik isaaqtuatin,
aasii nunam iiŋagaich akiḷḷiivut.
13Iḷumutuuqłutin unniqsuqłiisigni, aullatigitin iñuich annautiŋaratin;
suaŋŋatikkun aullatigitin salumaruamun nunamun.
14Nunaqpaich tusaaŋarut, aasii uulillaġmik iqsiḷiŋarut;
Philistia-ġmiut tatamaalaŋarut.
15Aullarriŋich Edom iqsiḷiŋarut;
Moab-gum suamaruat aŋutiŋich uuliksiŋarut;
iñuŋich Canaan qapiŋasiŋarut.
16Tatamaalaliŋarut sivuuġaliqł̣utiglu.
Tautukkaat ilvich suaŋŋatin, Ataniiq,
qanuqsausiiŋarut iqsivaił̣ł̣utiŋ
iñugiratin qaaŋiqsaaġataqtillugich iñugiratin—
ilvich atanġiqsittatin akiiḷaaqługich kivgauniŋanniñ.
17Qaġġisiniaġitin aasii inillaglugich iġġiġñun,
inimun ilvich, Ataniiq, naliġaktaaġiraġnun aimmivigisukługu,
Salumaruaq ini ilvich nappaŋaran.
18Ilvich, Ataniiq, umialguniaqtutin taimuŋa isuitchuamun.”
Atuutaa Miriam-gum
19Israel-gum kiŋuvaaŋich pisuaŋarut taġiukun paliumaruakun nunakun. Aglaan Pharaoh-m aksraktuuraŋich tuttuqpaŋiḷḷu suli aullarriŋich maliqatautimmata, Atanġum utiqtinŋagaa imaq, aasii matuvlugich.
20Uqaqtauruaq God-mun Miriam, Aaron-gum nukaalua atuqtuurausiŋaruq qiḷaugauramik aasii aġnapayaurat maliġiŋagaat, atuqtuuraqhutiŋ qiḷaugauranik aŋayuvlutiglu. 21Miriam-gum atuutiŋagai:
“Atuġitchi Ataniġmun, qanukkii akimaruq kamanaqtuamik akimmanmik;
miḷuqsautiŋagaich tuttuqpaich aŋalatiŋiḷḷu taġiumun.”
Kimnaqtuaq Imiq
22Taimaasiiñ Moses-gum aullatirraqsiŋagaich Israel-gum kiŋuvaaŋich unił̣ł̣ugu Red Sea nunagluktuaŋanun Shur-m. Piŋasuni uvluni pisuaŋarut nunagluktuami, aglaan paqinŋaiñŋarut imiksramignik. 23Tavra tikiñŋarut inimun atiqaqtuamik Marah#15.23 Iñupiatun sivuniŋa Mara-m kimnaqtuaq-mik, aglaan imiq tavraniittuaq kimnaqpaił̣ł̣uni imiġumiñaiñŋaniġaat. Tainnamik atiqaqtuq Marah-mik. 24Iñuich uqaviḷurraqsiŋarut Moses-mun aasii suli apiqsrivḷutiŋ, “Sumik imña imiġniaġniqpisa?” 25Moses qiññuaqtuġvigigaa Ataniq, aasii Atanġum tautuktitkaa qiruk. Moses-gum miḷuqsautigaa immamun; aasii tavra imaq imiġnaqsiŋaruq.
Tavrani Atanġum aitchuŋagaich pitquranik maliġuagaksraŋiññik, suli tavrani ilaata uuktuŋagaich maliġuaġniaġmagaisa pitqurat. 26Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”
27Tavraniasii tikiñŋarut Elim-mun, qulit malġutun (12) suvliktuanik imiqaqtuamun suli piŋasukipiaq qulinik (70) napaaqtuqaqhuni palm-nik; tavruŋa nullaŋarut immam qaniŋanun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)