Exodus 14
14
Ikaaġmarruŋ Red Sea
1Tavra Ataniq uqallaktuq Moses-mun, 2“Uqautikkich Israel-gum kiŋuvaaŋich utiġlutigguuq nullaġumaut sivuġaanun Pi Hahiroth-gum, akunġagnun Migdol-guvlu Red Sea-vḷu, qaniŋanun Baal Zephon. 3Pharaoh isumaniaqtuq Israel-gum kiŋuvaaŋich kukiḷuksiññaġasugilugich nunami naagga sapuġaurraunasugalugich nunagluktuamun. 4Uqayunaiqsinniaġiga, aasii maliqataġniaġaasi, tavraasii akimmatigma Pharaoh-miñ aŋuyaktiŋiniḷḷu qutchiksiḷiqtinniaġaanŋa. Tavraasii Egypt-miuguruat iḷitchuġiniaqtut uvaŋa Atanġutilaamnik.” Israel-gum kiŋuvaaŋich uqaurrusiamiktun kamaksriŋarut.
5Pharaoh kiliktaukami iñuich annaŋatilaaŋiññik, atanauraniḷu isumalitqiŋarut aasii uqallakłutiŋ, “Qanuq imña pivisa? Uvva Israel-gum kiŋuvaaŋich aullaqtiłługich tammaigivut kivgaġiravut!” 6Pharaoh-m aŋuyaunnaq aksraktuuraniḷu aŋuyaktiniḷu itqanaiyaŋagai. 7Aullaqiruq iluqaiññik aksraktuuraġiramiñik 600-tun iñugiaktigiruanik, iḷagivlugich allanik aksraktuuranik, aullarriqallaavlutik qaukłiuraġiramignik. 8Atanġum uqayunaiḷiŋagaa Pharaoh, aasii maliqataŋagaich aquatigun Israel-gum kiŋuvaaŋich aullaqimmiullu akimmatiqaqłutiŋ. 9Egypt-miut aŋuyaktiŋisa, tuttuqpapayauratiglu, aksraktuuratiglu, suli aŋalatiqaqługich, aquliraqsaġniġaich aasii aŋuvlugich nullaummivianni Red Sea-m piani qaniŋani Pi Hahiroth-lu Baal Zephon-lu.
10Israel-gum kiŋuvaaŋich tautuniqłakkamirruŋ Pharaoh aŋuyaktiniḷu akiḷḷiġiratiŋ qairuat, tatamaalaŋarut ququullavigivlugu Ataniq ikayuquvlutiŋ. 11Uqaqtut Moses-mun, “Immaimña iḷuvviviqaŋaitpa Egypt-mi? Qaġġisiruksraġivisigut imña mauŋa nunagluktuami tuqutquvluta? Uvvaasii qiñiġuŋ kavyattualaniqput aullautikavsigut Egypt-miñ! 12Uqallautiŋaitpisigiñ imña aullaŋaiñŋapta tainnasiq piñiaġnivḷugu? Iḷatchiquŋagaluaqtugut kivgausukłuta Egypt-miunun. Nakuułhaaŋanayaqtuq kivgaugupta taikani, tuquniġmiñ maani nunagluktuami.”
13Moses kiugai, “Iqsiñasi! Aulayaiqsimasitchi, qiñiġniaġiksi Ataniq qanuq savagniaqtilaaŋanik annautisaġlusi uvlupak; taututqikkumiñaitkisi makkua Egypt-miuguruat. 14Atakkii Atanġum aŋuyautiniaġaasi, ilivsiññik sunialaruksrauŋitchusi.”
15Ataniq uqallaktuq Moses-mun, “Summan imña ikayuqtisiuqpich? Uqallautikkich iglautqulugich. 16Aglaan ilvich isaaġuttuuŋ ayauppiaġiran qulaagun taġium. Imaq avigniaqtuq, aasii Israel-gum kiŋuvaaŋich pisuaġumiñaġniaqtut paliumaruakun nunakun. 17Uvaŋali Egypt-miuguruat uqayunaiqsinniaġitka aasii aquliraqsaġniaġaich Israel-gum kiŋuvaaŋich, tainnamik qutchiksuakun nanġausiaqaġniaqtuŋa akimaguma Pharaoh-miñ, aŋuyaktiŋiññiñ, aksraktuurat aullarriŋiḷḷu. 18Akiisitkupkich, Egypt-miuguruat iḷisimaniaqtut uvaŋa Atanġutilaamnik.”
19Isaġulga God-im, sivuanni aullarriruaq aŋuyaktiŋiññik Israel, nuunŋaruq aquannun. Taamna suli nuvuya nuunŋammiuq 20aquannun akunġanukłuni Egypt-miuguruallu Israel-gum kiŋuvaaŋiḷḷu. Nuvuyam taaqsipkaŋagaa Egypt-miunun, aglaan qaummatauvlugu iñuŋiñun Israel, tavraasii qallisilaiñŋaniqsut avanmun unnuaqtutilaaŋatun.
21Moses-gum isaaŋagaa ayauppiaġirani qulaagun taġium, aasii Atanġum aviŋagaa taġiuq suaŋaruamik nigiqpagmik. Anuqłiŋaruq unnuaqtutilaatun aasii taġiuq nunaġuŋaruq. Imaq aviŋaruq, 22#1 Co 10.1, 2; He 11.29.aasii tavra Israel-gum kiŋuvaaŋich paliumaruakun nunakun pisuaŋarut, katchiqaqłutiŋ immamik avatillaamigni. 23Tavraasii Pharaoh-lu Egypt-miuguruallu maliqatautiŋarut aquatigun tainnaptauq paliumaruakun nunakun tuttuqpapayauratiglu, aksraktuurat aŋalatiŋiḷḷu. 24Uvlaaġiaqsaġmigaalu Atanġum anmun qiñiŋagai igniġmiñ suli nuvuyamiñ Egypt-miut aŋuyaktiŋich aasii tatavrualatchipkaŋagaich. 25Aksraligaŋich aksraktuuraŋisa kalivitinŋagaich, igliqsausiiqługich. Egypt-miut kavyatchakłutiŋ uqallaktut, “Atanġum aŋuyautigaich Israel-gum kiŋuvaaŋich akiḷḷiqsruutivluta. Aullaqtauvagut!”
26Ataniq uqallaktuq Moses-mun, “Isaaġuŋ argaiñ qulaagun taġium, aasii imaq utiġniaqtuq matulugich Egypt-miuguruat suli aksraktuurat aŋalatiŋiḷḷu.” 27Tavraasii uvluayaami Moses-gum isaaġutiŋagaa argani qulaagun taġium, aasii imaq utiġniqsuq irrusimisun nutim. Egypt-miut annaksaqsaġaluaġniqsut immamiñ, aglaan Atanġum saqiñŋagaich taġiumun. 28Imaq utiŋaruq matuvlugich iluqaisa aksraktuurat, aŋalatigiraŋiḷḷu, Pharaoh-lu aŋuyaktiniḷu maliqsraqtuat Israel-gum kiŋuvaaŋiññik taġiumun; tamatkiqługich matuŋagaich, atausiuraq-unnii kisiŋŋuqtauŋaitchuq. 29Aglaan Israel-gum kiŋuvaaŋich ikaaŋarut paliumaruakun nunakun, katchiqaqłutiŋ immamik avatillaamigni.
30Taaptumani uvlumi Atanġum annautiŋaniġaich Israel-gum kiŋuvaaŋich Egypt kamanautiŋaniñ tavraniasii qiñiŋarut tuquŋaranik Egypt-miunik tipiruanik taġium siñaani. 31Israel-gum kiŋuvaaŋich tautukkamirruŋ kamanaqtilaaŋa Atanġum suaŋŋatimigun akiiḷimmagich Egypt-miuguruat, qiksigiqpaŋaniġaat Ataniq; ukpiqqutiqaŋarut Ataniġmullu kivgaŋanullu Moses-mun.
Currently Selected:
Exodus 14: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 14
14
Ikaaġmarruŋ Red Sea
1Tavra Ataniq uqallaktuq Moses-mun, 2“Uqautikkich Israel-gum kiŋuvaaŋich utiġlutigguuq nullaġumaut sivuġaanun Pi Hahiroth-gum, akunġagnun Migdol-guvlu Red Sea-vḷu, qaniŋanun Baal Zephon. 3Pharaoh isumaniaqtuq Israel-gum kiŋuvaaŋich kukiḷuksiññaġasugilugich nunami naagga sapuġaurraunasugalugich nunagluktuamun. 4Uqayunaiqsinniaġiga, aasii maliqataġniaġaasi, tavraasii akimmatigma Pharaoh-miñ aŋuyaktiŋiniḷḷu qutchiksiḷiqtinniaġaanŋa. Tavraasii Egypt-miuguruat iḷitchuġiniaqtut uvaŋa Atanġutilaamnik.” Israel-gum kiŋuvaaŋich uqaurrusiamiktun kamaksriŋarut.
5Pharaoh kiliktaukami iñuich annaŋatilaaŋiññik, atanauraniḷu isumalitqiŋarut aasii uqallakłutiŋ, “Qanuq imña pivisa? Uvva Israel-gum kiŋuvaaŋich aullaqtiłługich tammaigivut kivgaġiravut!” 6Pharaoh-m aŋuyaunnaq aksraktuuraniḷu aŋuyaktiniḷu itqanaiyaŋagai. 7Aullaqiruq iluqaiññik aksraktuuraġiramiñik 600-tun iñugiaktigiruanik, iḷagivlugich allanik aksraktuuranik, aullarriqallaavlutik qaukłiuraġiramignik. 8Atanġum uqayunaiḷiŋagaa Pharaoh, aasii maliqataŋagaich aquatigun Israel-gum kiŋuvaaŋich aullaqimmiullu akimmatiqaqłutiŋ. 9Egypt-miut aŋuyaktiŋisa, tuttuqpapayauratiglu, aksraktuuratiglu, suli aŋalatiqaqługich, aquliraqsaġniġaich aasii aŋuvlugich nullaummivianni Red Sea-m piani qaniŋani Pi Hahiroth-lu Baal Zephon-lu.
10Israel-gum kiŋuvaaŋich tautuniqłakkamirruŋ Pharaoh aŋuyaktiniḷu akiḷḷiġiratiŋ qairuat, tatamaalaŋarut ququullavigivlugu Ataniq ikayuquvlutiŋ. 11Uqaqtut Moses-mun, “Immaimña iḷuvviviqaŋaitpa Egypt-mi? Qaġġisiruksraġivisigut imña mauŋa nunagluktuami tuqutquvluta? Uvvaasii qiñiġuŋ kavyattualaniqput aullautikavsigut Egypt-miñ! 12Uqallautiŋaitpisigiñ imña aullaŋaiñŋapta tainnasiq piñiaġnivḷugu? Iḷatchiquŋagaluaqtugut kivgausukłuta Egypt-miunun. Nakuułhaaŋanayaqtuq kivgaugupta taikani, tuquniġmiñ maani nunagluktuami.”
13Moses kiugai, “Iqsiñasi! Aulayaiqsimasitchi, qiñiġniaġiksi Ataniq qanuq savagniaqtilaaŋanik annautisaġlusi uvlupak; taututqikkumiñaitkisi makkua Egypt-miuguruat. 14Atakkii Atanġum aŋuyautiniaġaasi, ilivsiññik sunialaruksrauŋitchusi.”
15Ataniq uqallaktuq Moses-mun, “Summan imña ikayuqtisiuqpich? Uqallautikkich iglautqulugich. 16Aglaan ilvich isaaġuttuuŋ ayauppiaġiran qulaagun taġium. Imaq avigniaqtuq, aasii Israel-gum kiŋuvaaŋich pisuaġumiñaġniaqtut paliumaruakun nunakun. 17Uvaŋali Egypt-miuguruat uqayunaiqsinniaġitka aasii aquliraqsaġniaġaich Israel-gum kiŋuvaaŋich, tainnamik qutchiksuakun nanġausiaqaġniaqtuŋa akimaguma Pharaoh-miñ, aŋuyaktiŋiññiñ, aksraktuurat aullarriŋiḷḷu. 18Akiisitkupkich, Egypt-miuguruat iḷisimaniaqtut uvaŋa Atanġutilaamnik.”
19Isaġulga God-im, sivuanni aullarriruaq aŋuyaktiŋiññik Israel, nuunŋaruq aquannun. Taamna suli nuvuya nuunŋammiuq 20aquannun akunġanukłuni Egypt-miuguruallu Israel-gum kiŋuvaaŋiḷḷu. Nuvuyam taaqsipkaŋagaa Egypt-miunun, aglaan qaummatauvlugu iñuŋiñun Israel, tavraasii qallisilaiñŋaniqsut avanmun unnuaqtutilaaŋatun.
21Moses-gum isaaŋagaa ayauppiaġirani qulaagun taġium, aasii Atanġum aviŋagaa taġiuq suaŋaruamik nigiqpagmik. Anuqłiŋaruq unnuaqtutilaatun aasii taġiuq nunaġuŋaruq. Imaq aviŋaruq, 22#1 Co 10.1, 2; He 11.29.aasii tavra Israel-gum kiŋuvaaŋich paliumaruakun nunakun pisuaŋarut, katchiqaqłutiŋ immamik avatillaamigni. 23Tavraasii Pharaoh-lu Egypt-miuguruallu maliqatautiŋarut aquatigun tainnaptauq paliumaruakun nunakun tuttuqpapayauratiglu, aksraktuurat aŋalatiŋiḷḷu. 24Uvlaaġiaqsaġmigaalu Atanġum anmun qiñiŋagai igniġmiñ suli nuvuyamiñ Egypt-miut aŋuyaktiŋich aasii tatavrualatchipkaŋagaich. 25Aksraligaŋich aksraktuuraŋisa kalivitinŋagaich, igliqsausiiqługich. Egypt-miut kavyatchakłutiŋ uqallaktut, “Atanġum aŋuyautigaich Israel-gum kiŋuvaaŋich akiḷḷiqsruutivluta. Aullaqtauvagut!”
26Ataniq uqallaktuq Moses-mun, “Isaaġuŋ argaiñ qulaagun taġium, aasii imaq utiġniaqtuq matulugich Egypt-miuguruat suli aksraktuurat aŋalatiŋiḷḷu.” 27Tavraasii uvluayaami Moses-gum isaaġutiŋagaa argani qulaagun taġium, aasii imaq utiġniqsuq irrusimisun nutim. Egypt-miut annaksaqsaġaluaġniqsut immamiñ, aglaan Atanġum saqiñŋagaich taġiumun. 28Imaq utiŋaruq matuvlugich iluqaisa aksraktuurat, aŋalatigiraŋiḷḷu, Pharaoh-lu aŋuyaktiniḷu maliqsraqtuat Israel-gum kiŋuvaaŋiññik taġiumun; tamatkiqługich matuŋagaich, atausiuraq-unnii kisiŋŋuqtauŋaitchuq. 29Aglaan Israel-gum kiŋuvaaŋich ikaaŋarut paliumaruakun nunakun, katchiqaqłutiŋ immamik avatillaamigni.
30Taaptumani uvlumi Atanġum annautiŋaniġaich Israel-gum kiŋuvaaŋich Egypt kamanautiŋaniñ tavraniasii qiñiŋarut tuquŋaranik Egypt-miunik tipiruanik taġium siñaani. 31Israel-gum kiŋuvaaŋich tautukkamirruŋ kamanaqtilaaŋa Atanġum suaŋŋatimigun akiiḷimmagich Egypt-miuguruat, qiksigiqpaŋaniġaat Ataniq; ukpiqqutiqaŋarut Ataniġmullu kivgaŋanullu Moses-mun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)