Exodus 13
13
Ilaaguaqtaummata Salumarualiuqługich Aŋayukłiuruat Iġñiġuruat
1Atanġum uqallautigaa Moses, 2#Nu 3.13; Lk 2.23.“Ilaaguaqsigik iluqaisa aŋayukłiuruat aŋutit uvamnun, qanuq uvva aŋayukłipayaat aŋutit Israel-gum kiŋuvaaŋich suli aŋayukłiuruat aŋusallut niġrutit uvaŋa pitka.”
Niqinaqiniŋat Puvlaksautaitchuamik Punniġmik
3Moses-gum uqallautigaich iñuich, “Itqaumalugu una uvluq aullaġvigiŋaraqsi Egypt-miñ, ini kivgauvigiŋaraqsi. Tavra taaptumani uvlumi Atanġum qaġġisiŋagaasi kamanaqtuakun suaŋŋatimigun, tainnamik taaptumani uvlumi puvlaksautiligaamik niġiñiaŋitchusi. 4Aullaġniaqtusi Egypt-miñ taaptumani uvlumi sivulliġmi tatqimi, atiqaqtuamik Abib-mik. 5Atanġum unniqsuqłiiŋagaich maŋŋuusi qaiññiaġnivḷugu nunaŋat Canaan-miut, Hit-miut, Amor-miut, Hiv-miut, Jebus-miuyaallu. Aullatikpasi taaptumuŋa umialguruamun suli nauriḷguruamun nunamun, atuqtaksraġigiksi itqautauruaq taamna niqinaqiniq sivulliġmi tatqimi ukiutuaġaġikpan. 6Tallimat malġugni uvluni niġiñiaqtusi puvlaksautaitchuamik punniġmik aasii suli tallimat malġuanni uvlut niqinaqiniaqtusi qutchiksiḷiġutaulugu Ataniġmun. 7Tallimat malġugni uvluni niġiruksrauŋitchusi punniġmik puvlaksautiligaamik; puvlaksautaitchuksrauruq suuramik unnii sumiḷiqaa nunavsiññi. 8Niqinaqiniq isagutikpan, kaŋiqsipkaġlugich qitunġasi taamna nalautchuuniḷugu pisigivlugu Atanġum savaaŋa aullaqavsi Egypt-miñ. 9Taamna nalunaiqsauŋaruaq atuqtaqsi itqaqsautauniaqtuq, qiḷiġutiŋaruatun argavsiññi naakka niaquvsiññi; itqautauniaqtuq taimuŋaallatqulugich suli iḷisaaġitqulugich Pitquraŋich Atanġum, qanukkii Atanġum aullautiŋagaasi Egypt-miñ kamanaqtuakun suaŋŋatimigun. 10Taamna itqautauruaq niqinaqiniq qutchiksuaġilugu atuqtuksraġigiksi inillaŋaruami piviksrami ukiutuaġaġikpan.
Aŋayukłiuruaq Iġñiġuruaq
11“Atanġum aullatiniaġaasi nunaŋannun Canaan-miut, unniqsuqłiisigiŋaraġmisun ilivsiññun suli maŋŋuuvsiññun. Qaitpauŋ ilivsiññun, 12#Ex 34.19, 20; Lk 2.23.aitchuutigiraksraġigisi aŋayukłipayaat aŋutit Ataniġmun. Aŋusalluqqaat niġrutit Atanġum ilaata pigigaich, 13aglaan tasuqtuksraġigiksi aŋayukłipayaaq kakakti simmausiġḷugu imnaiyaamik. Tasuŋitkuvsiuŋ kakakti, niġluqtuksraġigiksi. Tasuqtuksraġigiksi aŋayukłipayaaq aŋun iġñiqsi aglaan simmausiutiqaqtuksraurusi. 14Taikaniqpani qakugu, iġñivsi apiġikpasi sumik sivuniqaqtilaaŋa taamna nalunaiqsauŋaruaq, kiuniaġiksi, ‘Atanġum qaġġisiŋaraatigut Egypt-miñ akiiḷaaqługu kivgauviptigniñ atuqługu kamanaqtuaq suaŋŋatiqpani. 15Pharaoh uqayunaił̣ł̣uni aullaquŋiñmatigut, Atanġum tuqunŋagaich aŋayukłiupayaaqtuat aŋutit nunaŋani Egypt, iñuiḷḷu niġrutillu. Tainnamik tavra aitchuutigisuugivut aŋayukłiupayaaqtuat aŋusallut niġrutit Ataniġmun, aglaan tasuqługich aŋayukłiuruat iġñivut. 16Taamna nalunaiqsauŋaruaq itqautauniaqtuq, qiḷiġutiŋaruatun argavsiññun naakkaunnii niaquvsiññun, itqaumapkaġniaġaatigut Ataniġmun aullautiŋatilaaptinnik Egypt-miñ kamanaqtuakun suaŋŋatimigun.’”
Nuvuyakullu suli Ignikun
17Pharaoh-m aullaqtinmagich iñuich, God-im aullatiŋaitkaich qitqagun Philistia-m, qaniłhaaġaluaqtillugu. God isumaŋaruq, “Iñuich isumalitqigḷugich utiquŋitkitka Egypt-mun aŋuyaksaġumik.” 18Aglaan, kukiḷuutiŋagaich nunagluktuakun tuŋaaġivlugu Red Sea. Israel-gum kiŋuvaaŋich satkuqaŋarut itqanaił̣ł̣utiŋ aŋuyagniksramun.
19 #
Gn 50.25; Js 24.32. Moses-gum kaluŋaniġaich Joseph-gum sauniŋich, Joseph-gumkii unniqsuqłiipkaŋagaich Israel-gum kiŋuvaaŋich. Joseph uqallaŋaruaq, “Nalunaitchuq God-im annautiniaġaasi, aasii annautikpasi, tigumiaqtuksraġigiksi timiga mattumaŋŋa inimiñ.”
20Israel-gum kiŋuvaaŋich aullaġniqsut Sukkoth-miñ aasii nullaqhutiŋ Etham-mi siḷataani nunagluktuam. 21Uvlumi Atanġum sivulliuŋagai nuvuyamik takiłhuaŋaaqtuamik iglauyaaksraŋannik, aasii unnuami igniġmik takiłhuaŋaaqtuamik nanniqsimavlugich, iglaullasivḷugich unnuamiḷu uvlumiḷu. 22Nuvuya taamna ittaqtuq sivuanni iñuich uvlutuaġman, aasii igniq unnuatuaġman.
Currently Selected:
Exodus 13: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 13
13
Ilaaguaqtaummata Salumarualiuqługich Aŋayukłiuruat Iġñiġuruat
1Atanġum uqallautigaa Moses, 2#Nu 3.13; Lk 2.23.“Ilaaguaqsigik iluqaisa aŋayukłiuruat aŋutit uvamnun, qanuq uvva aŋayukłipayaat aŋutit Israel-gum kiŋuvaaŋich suli aŋayukłiuruat aŋusallut niġrutit uvaŋa pitka.”
Niqinaqiniŋat Puvlaksautaitchuamik Punniġmik
3Moses-gum uqallautigaich iñuich, “Itqaumalugu una uvluq aullaġvigiŋaraqsi Egypt-miñ, ini kivgauvigiŋaraqsi. Tavra taaptumani uvlumi Atanġum qaġġisiŋagaasi kamanaqtuakun suaŋŋatimigun, tainnamik taaptumani uvlumi puvlaksautiligaamik niġiñiaŋitchusi. 4Aullaġniaqtusi Egypt-miñ taaptumani uvlumi sivulliġmi tatqimi, atiqaqtuamik Abib-mik. 5Atanġum unniqsuqłiiŋagaich maŋŋuusi qaiññiaġnivḷugu nunaŋat Canaan-miut, Hit-miut, Amor-miut, Hiv-miut, Jebus-miuyaallu. Aullatikpasi taaptumuŋa umialguruamun suli nauriḷguruamun nunamun, atuqtaksraġigiksi itqautauruaq taamna niqinaqiniq sivulliġmi tatqimi ukiutuaġaġikpan. 6Tallimat malġugni uvluni niġiñiaqtusi puvlaksautaitchuamik punniġmik aasii suli tallimat malġuanni uvlut niqinaqiniaqtusi qutchiksiḷiġutaulugu Ataniġmun. 7Tallimat malġugni uvluni niġiruksrauŋitchusi punniġmik puvlaksautiligaamik; puvlaksautaitchuksrauruq suuramik unnii sumiḷiqaa nunavsiññi. 8Niqinaqiniq isagutikpan, kaŋiqsipkaġlugich qitunġasi taamna nalautchuuniḷugu pisigivlugu Atanġum savaaŋa aullaqavsi Egypt-miñ. 9Taamna nalunaiqsauŋaruaq atuqtaqsi itqaqsautauniaqtuq, qiḷiġutiŋaruatun argavsiññi naakka niaquvsiññi; itqautauniaqtuq taimuŋaallatqulugich suli iḷisaaġitqulugich Pitquraŋich Atanġum, qanukkii Atanġum aullautiŋagaasi Egypt-miñ kamanaqtuakun suaŋŋatimigun. 10Taamna itqautauruaq niqinaqiniq qutchiksuaġilugu atuqtuksraġigiksi inillaŋaruami piviksrami ukiutuaġaġikpan.
Aŋayukłiuruaq Iġñiġuruaq
11“Atanġum aullatiniaġaasi nunaŋannun Canaan-miut, unniqsuqłiisigiŋaraġmisun ilivsiññun suli maŋŋuuvsiññun. Qaitpauŋ ilivsiññun, 12#Ex 34.19, 20; Lk 2.23.aitchuutigiraksraġigisi aŋayukłipayaat aŋutit Ataniġmun. Aŋusalluqqaat niġrutit Atanġum ilaata pigigaich, 13aglaan tasuqtuksraġigiksi aŋayukłipayaaq kakakti simmausiġḷugu imnaiyaamik. Tasuŋitkuvsiuŋ kakakti, niġluqtuksraġigiksi. Tasuqtuksraġigiksi aŋayukłipayaaq aŋun iġñiqsi aglaan simmausiutiqaqtuksraurusi. 14Taikaniqpani qakugu, iġñivsi apiġikpasi sumik sivuniqaqtilaaŋa taamna nalunaiqsauŋaruaq, kiuniaġiksi, ‘Atanġum qaġġisiŋaraatigut Egypt-miñ akiiḷaaqługu kivgauviptigniñ atuqługu kamanaqtuaq suaŋŋatiqpani. 15Pharaoh uqayunaił̣ł̣uni aullaquŋiñmatigut, Atanġum tuqunŋagaich aŋayukłiupayaaqtuat aŋutit nunaŋani Egypt, iñuiḷḷu niġrutillu. Tainnamik tavra aitchuutigisuugivut aŋayukłiupayaaqtuat aŋusallut niġrutit Ataniġmun, aglaan tasuqługich aŋayukłiuruat iġñivut. 16Taamna nalunaiqsauŋaruaq itqautauniaqtuq, qiḷiġutiŋaruatun argavsiññun naakkaunnii niaquvsiññun, itqaumapkaġniaġaatigut Ataniġmun aullautiŋatilaaptinnik Egypt-miñ kamanaqtuakun suaŋŋatimigun.’”
Nuvuyakullu suli Ignikun
17Pharaoh-m aullaqtinmagich iñuich, God-im aullatiŋaitkaich qitqagun Philistia-m, qaniłhaaġaluaqtillugu. God isumaŋaruq, “Iñuich isumalitqigḷugich utiquŋitkitka Egypt-mun aŋuyaksaġumik.” 18Aglaan, kukiḷuutiŋagaich nunagluktuakun tuŋaaġivlugu Red Sea. Israel-gum kiŋuvaaŋich satkuqaŋarut itqanaił̣ł̣utiŋ aŋuyagniksramun.
19 #
Gn 50.25; Js 24.32. Moses-gum kaluŋaniġaich Joseph-gum sauniŋich, Joseph-gumkii unniqsuqłiipkaŋagaich Israel-gum kiŋuvaaŋich. Joseph uqallaŋaruaq, “Nalunaitchuq God-im annautiniaġaasi, aasii annautikpasi, tigumiaqtuksraġigiksi timiga mattumaŋŋa inimiñ.”
20Israel-gum kiŋuvaaŋich aullaġniqsut Sukkoth-miñ aasii nullaqhutiŋ Etham-mi siḷataani nunagluktuam. 21Uvlumi Atanġum sivulliuŋagai nuvuyamik takiłhuaŋaaqtuamik iglauyaaksraŋannik, aasii unnuami igniġmik takiłhuaŋaaqtuamik nanniqsimavlugich, iglaullasivḷugich unnuamiḷu uvlumiḷu. 22Nuvuya taamna ittaqtuq sivuanni iñuich uvlutuaġman, aasii igniq unnuatuaġman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)