2 Corinthians 9
9
Ikayuutit Ukpiqtuaguqatinun
1Sivuniġilugu aitchuiñiqsi God-im ilaaguaqtaŋiñun iñuŋnun, tuyuaksraitkaluaġmiusi taavrumuuna, 2qanuq iḷisimagivsi aitchuiyummatiqaqtuasii. Taavrumiŋa uqautigilluataŋagivsi Macedonia-mi ukpiqtuaguruanun, quliaqtuaġutivlugich aŋaiyyuliqiruat nunami Greece-mi itqanaiganiŋanivḷugich aitchuisukłutiŋ ukiutqik. Taamna tusaakamirruŋ iñugiaŋniqsrat qapiŋaisaaġusiaġiŋagaat aitchuiñikun. 3Tavra tiliñiaġitka aniqatit nalupqinaimmaġiksitquvlugu itqanaipiaqtilaaqsi aitchuutivsigun, uqaġiŋakavsi itqanaiññiaġnivḷusi, uqautigilluataŋavlusi, taamna taŋiġitquŋitkiga. 4Qanuq iñuich iḷaŋich iḷaanni qaikpata Macedonia-miñ maligluŋa, iḷitchuġikparruŋ itqanaiñŋisilaaqsi nalupqisuŋipiaqqaaġlutiŋ itqanaitchualiŋavlusi, kamanaiqsauviaqtugut uvaŋalu ilivsiḷu. 5Tavra isummiŋaruŋa aniqatit ayutqulugich ilivsiññun sivumni kiaqsrugaksraupiaġasugalusi, aasii iłuaqsruiḷutiŋ sivuani taapkunuuna aitchuutiksratigun unniqsuqłiisigiŋakkavsigun aitchuutisi itqanaitchumaut. Aitchuitquyumagivsi piyummatiqaġlusi, pipkaġniapiaqtauŋaiġḷusi.
6Nalunaigilugu una. Iñuk nautchirriiruaq iñugiapiaŋitchuanik nautchiaksranik katitchiñiaqtuq iñugiapiaŋitchuaniktauq nauruanik nautchiaksrat nauganikpata. Aasiivsauq iñuk nautchirriiruaq iñugiaktuanik nautchiaksranik katitchiñiaġmiuq iñugiaktuanik nautchianik. 7Ilivsigullaa iñuich ilivsi aitchuisitchi sivunniutivsisun, pisuŋitkavsautigillaan piŋaiġḷusi, naagga piruksraupiaġasugalusi. God-im piviuttaġigaa iñuk quviasuutiqaqtuaq aitchuiñiġmik. 8Aasii God-im aitchuġumiñaġaasi agliḷugich supayaat pigiraksraġikkasi, ilivsi piqaġumiñaqsiḷusi ataramik naamasiḷugich pigiraksraġikkasi sippiġḷugich unnii, aitchuiqpakkumiñaqsiḷusi supayaanun savaaġiksuanun. 9#Ps 112.9.Taavrumuuna aglausimaruq Bible-ni inna. Iñulluataq “aitchuiyumiñaġniaqtuq nagliktuutinik nauttaasuŋaġnagich iḷiappaŋnun. Ataramik inuaŋaiññiaqtuq nagliktuutiksraqaġumiñaġluni ataramik.” 10#Is 55.10.God-im aitchuiñiŋatun nautchiaksranik iñuŋmun nautchirriiruamun, aasii taapkunaŋŋa punniġmik niqiksramik, tainnatun suli piqaqtinniaġaasi pigiraksraġiravsiññik, sippakuulaaġluguunii pigiraksraqsi, ilivsi nauttaaŋaiġḷusi aitchuiyumiñaqsiḷusi allanun, taavrumuunaasii agliḷaaġlugu nagliktuiḷḷatutilaaqsi. 11Piḷḷuataqtitauniaqtusi supayaami, aitchuiyumiñaqsiḷusi nauttaaŋaiġḷusi. Aasii qaitkuptigik aitchuutisi, iñuich quyyatiqaqtinniaġisi God-mun. 12Qanuq aitchuiñiqsi piqaqtitchigiññaŋitchuq piiḷḷiuqtuanik ilaaguaqtauŋaruanik God-mun, aglaattauq iñugiaktuat quyyatiksriuġmigisi God-mun. 13Aitchuiñivsi nalupqinaiġñiaġaa iḷumun akuqtuŋatilaaŋa tusaayugaaġiksuaq Christ-kun aasii kamagivlugu. God-ttauq nanġausiaqaġniaġmiuq taavrumuuna, ilivsiḷu nauttaaŋił̣ł̣usi aitchuiñivsigun Jerusalem-miittuanun, iluqaiññullu allanun. 14Suli iliŋisa kasuġumaniaġaasi, aŋaiyyutilusiḷu pisigilugu aliuġnaqtuaq nagliktuutiqpaŋa God-im iḷuvsiññiittuaq. 15Quyyavigisiuŋ ilaan aitchuutiŋi pisigilugich, aliuġnaqpaił̣ł̣utiŋ uqalugianilgunaitchut.
Currently Selected:
2 Corinthians 9: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
2 Corinthians 9
9
Ikayuutit Ukpiqtuaguqatinun
1Sivuniġilugu aitchuiñiqsi God-im ilaaguaqtaŋiñun iñuŋnun, tuyuaksraitkaluaġmiusi taavrumuuna, 2qanuq iḷisimagivsi aitchuiyummatiqaqtuasii. Taavrumiŋa uqautigilluataŋagivsi Macedonia-mi ukpiqtuaguruanun, quliaqtuaġutivlugich aŋaiyyuliqiruat nunami Greece-mi itqanaiganiŋanivḷugich aitchuisukłutiŋ ukiutqik. Taamna tusaakamirruŋ iñugiaŋniqsrat qapiŋaisaaġusiaġiŋagaat aitchuiñikun. 3Tavra tiliñiaġitka aniqatit nalupqinaimmaġiksitquvlugu itqanaipiaqtilaaqsi aitchuutivsigun, uqaġiŋakavsi itqanaiññiaġnivḷusi, uqautigilluataŋavlusi, taamna taŋiġitquŋitkiga. 4Qanuq iñuich iḷaŋich iḷaanni qaikpata Macedonia-miñ maligluŋa, iḷitchuġikparruŋ itqanaiñŋisilaaqsi nalupqisuŋipiaqqaaġlutiŋ itqanaitchualiŋavlusi, kamanaiqsauviaqtugut uvaŋalu ilivsiḷu. 5Tavra isummiŋaruŋa aniqatit ayutqulugich ilivsiññun sivumni kiaqsrugaksraupiaġasugalusi, aasii iłuaqsruiḷutiŋ sivuani taapkunuuna aitchuutiksratigun unniqsuqłiisigiŋakkavsigun aitchuutisi itqanaitchumaut. Aitchuitquyumagivsi piyummatiqaġlusi, pipkaġniapiaqtauŋaiġḷusi.
6Nalunaigilugu una. Iñuk nautchirriiruaq iñugiapiaŋitchuanik nautchiaksranik katitchiñiaqtuq iñugiapiaŋitchuaniktauq nauruanik nautchiaksrat nauganikpata. Aasiivsauq iñuk nautchirriiruaq iñugiaktuanik nautchiaksranik katitchiñiaġmiuq iñugiaktuanik nautchianik. 7Ilivsigullaa iñuich ilivsi aitchuisitchi sivunniutivsisun, pisuŋitkavsautigillaan piŋaiġḷusi, naagga piruksraupiaġasugalusi. God-im piviuttaġigaa iñuk quviasuutiqaqtuaq aitchuiñiġmik. 8Aasii God-im aitchuġumiñaġaasi agliḷugich supayaat pigiraksraġikkasi, ilivsi piqaġumiñaqsiḷusi ataramik naamasiḷugich pigiraksraġikkasi sippiġḷugich unnii, aitchuiqpakkumiñaqsiḷusi supayaanun savaaġiksuanun. 9#Ps 112.9.Taavrumuuna aglausimaruq Bible-ni inna. Iñulluataq “aitchuiyumiñaġniaqtuq nagliktuutinik nauttaasuŋaġnagich iḷiappaŋnun. Ataramik inuaŋaiññiaqtuq nagliktuutiksraqaġumiñaġluni ataramik.” 10#Is 55.10.God-im aitchuiñiŋatun nautchiaksranik iñuŋmun nautchirriiruamun, aasii taapkunaŋŋa punniġmik niqiksramik, tainnatun suli piqaqtinniaġaasi pigiraksraġiravsiññik, sippakuulaaġluguunii pigiraksraqsi, ilivsi nauttaaŋaiġḷusi aitchuiyumiñaqsiḷusi allanun, taavrumuunaasii agliḷaaġlugu nagliktuiḷḷatutilaaqsi. 11Piḷḷuataqtitauniaqtusi supayaami, aitchuiyumiñaqsiḷusi nauttaaŋaiġḷusi. Aasii qaitkuptigik aitchuutisi, iñuich quyyatiqaqtinniaġisi God-mun. 12Qanuq aitchuiñiqsi piqaqtitchigiññaŋitchuq piiḷḷiuqtuanik ilaaguaqtauŋaruanik God-mun, aglaattauq iñugiaktuat quyyatiksriuġmigisi God-mun. 13Aitchuiñivsi nalupqinaiġñiaġaa iḷumun akuqtuŋatilaaŋa tusaayugaaġiksuaq Christ-kun aasii kamagivlugu. God-ttauq nanġausiaqaġniaġmiuq taavrumuuna, ilivsiḷu nauttaaŋił̣ł̣usi aitchuiñivsigun Jerusalem-miittuanun, iluqaiññullu allanun. 14Suli iliŋisa kasuġumaniaġaasi, aŋaiyyutilusiḷu pisigilugu aliuġnaqtuaq nagliktuutiqpaŋa God-im iḷuvsiññiittuaq. 15Quyyavigisiuŋ ilaan aitchuutiŋi pisigilugich, aliuġnaqpaił̣ł̣utiŋ uqalugianilgunaitchut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)