2 Corinthians 8
8
Ukpiqtuat Aitchuirut
1 #
Ro 15.26. Aniqatiit, iḷisimatqugivsi aŋaiyyuliqiruanik iluqaani nunaŋani Macedonia-m. Iliŋisa satqummiŋagaat God-im nagliktuutiqpaŋa 2iłuiḷḷiuqpauraġaluaŋŋaġmiŋ. Qanutun iḷiappautigigaluaŋŋaġmiŋ aitchuiŋarut siŋñataipiaġataqłutiŋ, qanuq quviasupiaġataŋarut. 3Uqallautiyumiñaġivsi nalupqisuŋiḷḷuŋa iliŋisa aitchuiñiŋannik piyumiñaqtilauramiktun, piyumiñaqtilaaqtikunnii qaaŋiqł̣ugu aitchuiyummatiqaqpaił̣ł̣utiŋ uvamnun unnii kiaqsruŋitkaluaqtillutiŋ. 4Arapiaġataŋagaatigut akuqtuquvlugich maniich aitchuutitiŋ piqatauyumavlutiŋ quviasuutaani ikayuiñġum ukpiqtuanik Jerusalem-mi. 5Aasii tamatkua aŋaiyyuliqiruat qaaŋisugruŋagaatunnii niġiugikkaqput, qanuq inmiŋnik ilaaguaqqaaŋarut Ataniġmun. Piyummatiqaŋarut kamagiyumavlugu God-im pisuutigikkaŋa supayaatigun uvagut uqallautiptigun ilimiŋnun. 6Aitchuiŋammata piyummatiqpaqaqłutiŋ kiaqsruŋagikput Titus ullaquvlusi, katitquvlugich aitchuutisi maniich, taavrumuuna naatquvlugu savaaq isagutiŋakkaŋa ilivsiññi. 7Tainnaptauq piḷḷuataanikavsi supayaatigun, ukpiġutivsiññi, uqaqtaunivsiññi God-mun, iḷisimmativsiññiḷu Ataniġmik, suli piviuttaqqutivsiññi uvaptiŋnun, tainnatuttauq piḷḷuatapiaġitchi aitchuiñikun.
8Pitquraliŋitkivsi taavrumiŋa pitquuġlusi, aglaan pisuksaaġutigigiññaġiga aitchuiyumalaaġutaa allat, iḷisimanaqsitquvlugu piviuttaqqutiksi iḷumun itilaaŋanik. 9Qanuq iḷisimagiksi nagliktuutiqpaŋa Atanipta Jesus Christ. Piqataugaluaŋŋaġmi iluqaani God-im kamanautaani iḷiappaguutigiŋagaasi, sunauvva ilaan iḷiappaguġniġmigun ilivsi iḷaŋiutiyumiñaqsitquvlusi God-im kamanautaanun. 10Sivuniġilugu aitchuiñiq, paŋmapak naatquyumagiga ilivsiññun ukiutqik isagutisaŋakkaqsi piyummatigivlugulu. 11Taamna piguvsiuŋ, aitchuiḷusi pigikkavsiññiñ, aitchuiyummatiksi taŋŋiġñiaġiksi aitchuiḷusi. 12Kipiġniupiaġuvsi aitchuisuglusi, naumaniqsrauŋitchuq qanutun aktilaaŋa aitchuutivsi. God-im aitchuitqugaasi pigikkavsiññiñ, pigiŋisavsiññik apiqsriŋitchuq.
13Sivuniġiŋitkiga ilivsiññik naŋniġlusi kisivsi aitchuiñiqsi pitqulugu, allat iḷasi naŋniisaaqtillugich aitchuiñiġmun, 14aglaan atunim piruksraurusi. Sippaksranikavsi paŋmapak, aitchuiyumiñaqsirusi tamatkunuŋa piiḷḷiuqtuanun. Aquvatigulli piiḷḷiunġiġumiŋ ikayuġniaġmigaasi piqaqtuksraġuġuvsi. Tainna piguvsi atunim piqatigiigñiaqtusi. 15#Ex 16.18.Aglausimaruatun Bible-ni inna, “Iñuk katitchiqpaktuaq maana-mik sippakuulaaŋaitchuq, suli iñuk katitchipasaŋitchuaq piiḷḷiuŋaiñmiuq.”
16Quyyavigigiga God qanuq aitchuŋagaa Titus tainnatuttauq saġiaksrautipiaġatamik ilivsiññun uvaptuttauq. 17Ilaan ullagniaġaasi, pisigiłhaasuŋaġnagu uvaŋa takuritqutiga, aglaan pisigilugu ilaan kipiġniuġutini inmiñik ullagumavlusi. 18Piqasiqsaġiga tilisivḷuŋa aniqanmik iḷisimmaġikkaŋannik aŋaiyyuliqiruat alġaqsruiñiŋagun tusaayugaaġiksuamik. 19Taamnatualuk pisaqutauŋiñmiuq, aglaan ilaa nalunaiqsaġivlugulu aŋaiyyuliqiruat iglauqatigitquvluta ilaanun Jerusalem-mun qaitchaqtuġlugich aitchuutit. Taavrumuuna Ataniq nanġaqtauniaqtuq, suli uvagut kipiġniuġutikput ikayuiyumavluta iñuŋnik iḷisimanaqsiḷuni, 20qaunakłaaġuktugut aŋalatchiñiptigun taapkuniŋa aitchuutisalaŋnik maniŋñik, kimulliqaa iḷimagiyumiñaiġḷuta. 21#Pr 3.4.Piyumagikput sunapayaaq Ataniġmun pasiyumiñaiġḷuta iñuŋnullu.
22Aasii piqasiqsaqługik suli taapkuak iññuk, tilisivsaaġmiugut allamik aniqanmik uuktuġaluamiiġuukkaptiŋnik aasii iḷitchuġivlugu ukpiġnaqtuaguvlugu. Qaŋapaŋmiñ unnii paŋmapak kipiġniulivsaaŋaruq ukpiġiliqpaił̣ł̣usi ilaata. 23Titus-liasii, ilaa piqatigigiga ikayuqtiga uvaŋa ikayuqavsi. Aasii taapkuak aniqatiivut piqatigikkaka, aŋaiyyuliqiruat kivgaŋich, tuvraaksriiḷḷuataqtuk Christ iñuŋiñik. 24Tavra iḷisimanaqsisiuŋ piviuttaqqurri aŋaiyyuliqiruanun aitchuiḷusi, aasii nalautipiaġlugu nanġaiñiqput ilivsiññik taapkunuŋa iñuŋnun.
Currently Selected:
2 Corinthians 8: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
2 Corinthians 8
8
Ukpiqtuat Aitchuirut
1 #
Ro 15.26. Aniqatiit, iḷisimatqugivsi aŋaiyyuliqiruanik iluqaani nunaŋani Macedonia-m. Iliŋisa satqummiŋagaat God-im nagliktuutiqpaŋa 2iłuiḷḷiuqpauraġaluaŋŋaġmiŋ. Qanutun iḷiappautigigaluaŋŋaġmiŋ aitchuiŋarut siŋñataipiaġataqłutiŋ, qanuq quviasupiaġataŋarut. 3Uqallautiyumiñaġivsi nalupqisuŋiḷḷuŋa iliŋisa aitchuiñiŋannik piyumiñaqtilauramiktun, piyumiñaqtilaaqtikunnii qaaŋiqł̣ugu aitchuiyummatiqaqpaił̣ł̣utiŋ uvamnun unnii kiaqsruŋitkaluaqtillutiŋ. 4Arapiaġataŋagaatigut akuqtuquvlugich maniich aitchuutitiŋ piqatauyumavlutiŋ quviasuutaani ikayuiñġum ukpiqtuanik Jerusalem-mi. 5Aasii tamatkua aŋaiyyuliqiruat qaaŋisugruŋagaatunnii niġiugikkaqput, qanuq inmiŋnik ilaaguaqqaaŋarut Ataniġmun. Piyummatiqaŋarut kamagiyumavlugu God-im pisuutigikkaŋa supayaatigun uvagut uqallautiptigun ilimiŋnun. 6Aitchuiŋammata piyummatiqpaqaqłutiŋ kiaqsruŋagikput Titus ullaquvlusi, katitquvlugich aitchuutisi maniich, taavrumuuna naatquvlugu savaaq isagutiŋakkaŋa ilivsiññi. 7Tainnaptauq piḷḷuataanikavsi supayaatigun, ukpiġutivsiññi, uqaqtaunivsiññi God-mun, iḷisimmativsiññiḷu Ataniġmik, suli piviuttaqqutivsiññi uvaptiŋnun, tainnatuttauq piḷḷuatapiaġitchi aitchuiñikun.
8Pitquraliŋitkivsi taavrumiŋa pitquuġlusi, aglaan pisuksaaġutigigiññaġiga aitchuiyumalaaġutaa allat, iḷisimanaqsitquvlugu piviuttaqqutiksi iḷumun itilaaŋanik. 9Qanuq iḷisimagiksi nagliktuutiqpaŋa Atanipta Jesus Christ. Piqataugaluaŋŋaġmi iluqaani God-im kamanautaani iḷiappaguutigiŋagaasi, sunauvva ilaan iḷiappaguġniġmigun ilivsi iḷaŋiutiyumiñaqsitquvlusi God-im kamanautaanun. 10Sivuniġilugu aitchuiñiq, paŋmapak naatquyumagiga ilivsiññun ukiutqik isagutisaŋakkaqsi piyummatigivlugulu. 11Taamna piguvsiuŋ, aitchuiḷusi pigikkavsiññiñ, aitchuiyummatiksi taŋŋiġñiaġiksi aitchuiḷusi. 12Kipiġniupiaġuvsi aitchuisuglusi, naumaniqsrauŋitchuq qanutun aktilaaŋa aitchuutivsi. God-im aitchuitqugaasi pigikkavsiññiñ, pigiŋisavsiññik apiqsriŋitchuq.
13Sivuniġiŋitkiga ilivsiññik naŋniġlusi kisivsi aitchuiñiqsi pitqulugu, allat iḷasi naŋniisaaqtillugich aitchuiñiġmun, 14aglaan atunim piruksraurusi. Sippaksranikavsi paŋmapak, aitchuiyumiñaqsirusi tamatkunuŋa piiḷḷiuqtuanun. Aquvatigulli piiḷḷiunġiġumiŋ ikayuġniaġmigaasi piqaqtuksraġuġuvsi. Tainna piguvsi atunim piqatigiigñiaqtusi. 15#Ex 16.18.Aglausimaruatun Bible-ni inna, “Iñuk katitchiqpaktuaq maana-mik sippakuulaaŋaitchuq, suli iñuk katitchipasaŋitchuaq piiḷḷiuŋaiñmiuq.”
16Quyyavigigiga God qanuq aitchuŋagaa Titus tainnatuttauq saġiaksrautipiaġatamik ilivsiññun uvaptuttauq. 17Ilaan ullagniaġaasi, pisigiłhaasuŋaġnagu uvaŋa takuritqutiga, aglaan pisigilugu ilaan kipiġniuġutini inmiñik ullagumavlusi. 18Piqasiqsaġiga tilisivḷuŋa aniqanmik iḷisimmaġikkaŋannik aŋaiyyuliqiruat alġaqsruiñiŋagun tusaayugaaġiksuamik. 19Taamnatualuk pisaqutauŋiñmiuq, aglaan ilaa nalunaiqsaġivlugulu aŋaiyyuliqiruat iglauqatigitquvluta ilaanun Jerusalem-mun qaitchaqtuġlugich aitchuutit. Taavrumuuna Ataniq nanġaqtauniaqtuq, suli uvagut kipiġniuġutikput ikayuiyumavluta iñuŋnik iḷisimanaqsiḷuni, 20qaunakłaaġuktugut aŋalatchiñiptigun taapkuniŋa aitchuutisalaŋnik maniŋñik, kimulliqaa iḷimagiyumiñaiġḷuta. 21#Pr 3.4.Piyumagikput sunapayaaq Ataniġmun pasiyumiñaiġḷuta iñuŋnullu.
22Aasii piqasiqsaqługik suli taapkuak iññuk, tilisivsaaġmiugut allamik aniqanmik uuktuġaluamiiġuukkaptiŋnik aasii iḷitchuġivlugu ukpiġnaqtuaguvlugu. Qaŋapaŋmiñ unnii paŋmapak kipiġniulivsaaŋaruq ukpiġiliqpaił̣ł̣usi ilaata. 23Titus-liasii, ilaa piqatigigiga ikayuqtiga uvaŋa ikayuqavsi. Aasii taapkuak aniqatiivut piqatigikkaka, aŋaiyyuliqiruat kivgaŋich, tuvraaksriiḷḷuataqtuk Christ iñuŋiñik. 24Tavra iḷisimanaqsisiuŋ piviuttaqqurri aŋaiyyuliqiruanun aitchuiḷusi, aasii nalautipiaġlugu nanġaiñiqput ilivsiññik taapkunuŋa iñuŋnun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)