2 Corinthians 10
10
Paul Patchisaiññiaġniŋa Alġaqsruiñiġmiñi
1Uvaŋa Paul, araktuaġivsi taluġnaiqł̣uŋa suammatiŋaiqł̣usiḷu, Christ piḷġusiatun, uvaŋa uqautikkusiaqaġuuruaŋaa taluqsraliġuunivḷuŋa sivuġaŋiutikama ilivsiññun, aasii taluqsraiqł̣uŋa tuyuutimni ilivsiññun. 2Apiġigivsi iñuuniaġusiqaquŋił̣ł̣usi uvaŋa suammatilusi uqaluksraqaġumiñaqsisaġluŋa nayuqsiutiguma ilivsiññun. Sivuniqaqtuŋa suammatiyumaalliqł̣ugich iḷasi iḷimasuktuat uvamnik aullasiqaġnivḷuŋa iñugruiññaŋisun nunam. 3Qanuq iñugruiññaugaluaŋŋaġma, atuŋitchuŋa iñugruiññauruam sivunniuġutiŋiñik piḷġusiŋiññiglu akimasaqama aŋuyaŋnimni. 4Atuġiga God-im sapiġñaġniqsrauruaq suaŋŋataa akiiḷisaqługich iluqaisa tamatkua suaŋavlutiŋ akiḷḷiḷiqsuutiruat tusaayugaaġiksuamun, atuŋitchuŋa iñugruiññaum suaŋŋataanik. 5Sivuniġigiga una, uvaŋa qapiqtilaitchuŋa uqaġlaqutipayaani, iḷumun inŋitchuanullu isummatinun iñuich akiḷḷiḷiqsuutigisaasuukkaŋiññun iḷumun ittuanun God-ikun. Iñuich suksraaġipkallagitka iḷumun inŋitchuanik isummatiŋiññik, aasii kamagirraqsivḷugu Christ. 6Nalupqisuŋaiġuma iñugiagniqsrasi kamaksrirraqsisilaaŋannik, taqiŋaniaŋitchuŋa tatavsaġuglugich tamatkua kamasuutaitchuat.
7Qiñiqsigik tamatkua nalupqisuŋipiaġataqtuat Christ-mun tiliraġinivḷutiŋ. Inmiŋik isummatigipiaġumiŋ Christ-mun tiliraġiniḷutiŋ inmiŋnun itqautilich, uvagut iḷumupiaġataq Christ-mun tiliraġiŋatilaaptiŋnik. 8Uqavigaaġutigivaił̣aurallakkaluaġupkuunnii ataniġnaqutiga, aŋiuqsiyumiñaitchuŋa uqalumni. Atanġum aitchuŋagaaŋa taavrumiŋa ataniġnaqunmik sivunmuktuqtitquvlusi ukpiġutivsiññi, qapiŋasipkaġniaŋaiġḷusi. 9Taamna uqallausiġigiga isumatquŋił̣ł̣usi iqsisaaqsiññaġasugalusi uvaŋa tuyuutipkun. 10Qanuq iñuich uqaqtut, tuyuutiŋiavruma isumayuġaaġnaqtut suamarullu, aasii iñukpalliqami, irrusiqaaqsivḷuni sayaitchuatun alġaqsruiñiŋalu masaqsriñaipiaqtuq. 11Tainnatchit iñuich kaŋiqsiḷich tamatkua uqaluutigikkavut tuyuutitigun piiñŋapta, pisuummigivut nayuqsiutikapta.
12Iḷaliqsuutiyumaŋitchuŋa tamatkunuŋa iñuŋnun uqautiqaqtuanun qanutun nakuutilaamiŋnik. Tainnatchich iñuich iḷaksiatigiyumiñaitkitkaunnii naipiqtuutigisuglugich uvamnun. Qanuq uuktuutigiaqsikamiŋ avanmun, naipiqtuutigiaqsikamiglu, kaŋiqsisaitchut. 13Aglaan uqavigaaġniaŋitchuŋa taŋiġiḷamik, aglaan uqavigaaġutiginiaġiga ataniġnaqun God-im aitchuutaa uvamnun, ilivsi taputivlusi ataniġnaqunma. 14Taamna uqallausiġikapku qaaŋiulaaŋitchuŋa uqallakkama iḷaginivḷusi ataniġnaqutimni. Tikiutiqqaaŋagiga tusaayugaaġiksuaq Christ-kun ilivsiññun. 15Uqautigivsi iḷumun ittuamik uvaŋa savaapkun, pimaaqtuŋitkitka allat iñuich savaaŋich uvaŋa savaaġiniḷugich. Aglaan piyummatigigiga ukpiġutivsi nausaiññaġniŋatun tainnatulli savaaqput akunnavsiññi siamitquvlugu, 16uvagut alġaqsruivsaaġumiñaqsiḷuta tusaayugaaġiksuamik nunani taavanitchiavsiññiittuanun. Aasii uqavigaaġutiqaŋiḷḷuŋa pimaaqtuiḷuŋa allat iñuich savaaŋiññik uvamnun iññiqsuġlugich. 17#Jr 9.24.Bible-ni uqaluuruatun, “Iñuk uqavigaaġniaġumi uqavigaaġutiqaġli Atanġum iñiqtaŋiñik.” 18God-im akuqtulaitkaa nalliummatirualiḷugu iñuk uqaġiruaq inmiñik ilaan savaani nakuunivḷugich, aglaan iñuum savaaŋi nakuummata sivuġaani Atanġum.
Currently Selected:
2 Corinthians 10: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
2 Corinthians 10
10
Paul Patchisaiññiaġniŋa Alġaqsruiñiġmiñi
1Uvaŋa Paul, araktuaġivsi taluġnaiqł̣uŋa suammatiŋaiqł̣usiḷu, Christ piḷġusiatun, uvaŋa uqautikkusiaqaġuuruaŋaa taluqsraliġuunivḷuŋa sivuġaŋiutikama ilivsiññun, aasii taluqsraiqł̣uŋa tuyuutimni ilivsiññun. 2Apiġigivsi iñuuniaġusiqaquŋił̣ł̣usi uvaŋa suammatilusi uqaluksraqaġumiñaqsisaġluŋa nayuqsiutiguma ilivsiññun. Sivuniqaqtuŋa suammatiyumaalliqł̣ugich iḷasi iḷimasuktuat uvamnik aullasiqaġnivḷuŋa iñugruiññaŋisun nunam. 3Qanuq iñugruiññaugaluaŋŋaġma, atuŋitchuŋa iñugruiññauruam sivunniuġutiŋiñik piḷġusiŋiññiglu akimasaqama aŋuyaŋnimni. 4Atuġiga God-im sapiġñaġniqsrauruaq suaŋŋataa akiiḷisaqługich iluqaisa tamatkua suaŋavlutiŋ akiḷḷiḷiqsuutiruat tusaayugaaġiksuamun, atuŋitchuŋa iñugruiññaum suaŋŋataanik. 5Sivuniġigiga una, uvaŋa qapiqtilaitchuŋa uqaġlaqutipayaani, iḷumun inŋitchuanullu isummatinun iñuich akiḷḷiḷiqsuutigisaasuukkaŋiññun iḷumun ittuanun God-ikun. Iñuich suksraaġipkallagitka iḷumun inŋitchuanik isummatiŋiññik, aasii kamagirraqsivḷugu Christ. 6Nalupqisuŋaiġuma iñugiagniqsrasi kamaksrirraqsisilaaŋannik, taqiŋaniaŋitchuŋa tatavsaġuglugich tamatkua kamasuutaitchuat.
7Qiñiqsigik tamatkua nalupqisuŋipiaġataqtuat Christ-mun tiliraġinivḷutiŋ. Inmiŋik isummatigipiaġumiŋ Christ-mun tiliraġiniḷutiŋ inmiŋnun itqautilich, uvagut iḷumupiaġataq Christ-mun tiliraġiŋatilaaptiŋnik. 8Uqavigaaġutigivaił̣aurallakkaluaġupkuunnii ataniġnaqutiga, aŋiuqsiyumiñaitchuŋa uqalumni. Atanġum aitchuŋagaaŋa taavrumiŋa ataniġnaqunmik sivunmuktuqtitquvlusi ukpiġutivsiññi, qapiŋasipkaġniaŋaiġḷusi. 9Taamna uqallausiġigiga isumatquŋił̣ł̣usi iqsisaaqsiññaġasugalusi uvaŋa tuyuutipkun. 10Qanuq iñuich uqaqtut, tuyuutiŋiavruma isumayuġaaġnaqtut suamarullu, aasii iñukpalliqami, irrusiqaaqsivḷuni sayaitchuatun alġaqsruiñiŋalu masaqsriñaipiaqtuq. 11Tainnatchit iñuich kaŋiqsiḷich tamatkua uqaluutigikkavut tuyuutitigun piiñŋapta, pisuummigivut nayuqsiutikapta.
12Iḷaliqsuutiyumaŋitchuŋa tamatkunuŋa iñuŋnun uqautiqaqtuanun qanutun nakuutilaamiŋnik. Tainnatchich iñuich iḷaksiatigiyumiñaitkitkaunnii naipiqtuutigisuglugich uvamnun. Qanuq uuktuutigiaqsikamiŋ avanmun, naipiqtuutigiaqsikamiglu, kaŋiqsisaitchut. 13Aglaan uqavigaaġniaŋitchuŋa taŋiġiḷamik, aglaan uqavigaaġutiginiaġiga ataniġnaqun God-im aitchuutaa uvamnun, ilivsi taputivlusi ataniġnaqunma. 14Taamna uqallausiġikapku qaaŋiulaaŋitchuŋa uqallakkama iḷaginivḷusi ataniġnaqutimni. Tikiutiqqaaŋagiga tusaayugaaġiksuaq Christ-kun ilivsiññun. 15Uqautigivsi iḷumun ittuamik uvaŋa savaapkun, pimaaqtuŋitkitka allat iñuich savaaŋich uvaŋa savaaġiniḷugich. Aglaan piyummatigigiga ukpiġutivsi nausaiññaġniŋatun tainnatulli savaaqput akunnavsiññi siamitquvlugu, 16uvagut alġaqsruivsaaġumiñaqsiḷuta tusaayugaaġiksuamik nunani taavanitchiavsiññiittuanun. Aasii uqavigaaġutiqaŋiḷḷuŋa pimaaqtuiḷuŋa allat iñuich savaaŋiññik uvamnun iññiqsuġlugich. 17#Jr 9.24.Bible-ni uqaluuruatun, “Iñuk uqavigaaġniaġumi uqavigaaġutiqaġli Atanġum iñiqtaŋiñik.” 18God-im akuqtulaitkaa nalliummatirualiḷugu iñuk uqaġiruaq inmiñik ilaan savaani nakuunivḷugich, aglaan iñuum savaaŋi nakuummata sivuġaani Atanġum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)