2 Corinthians 11
11
Paul-lu Tilirauŋŋuaqtuallu
1Manimmiurallaquyumaruŋa ilivsiññun uqaġuma isumalluaġiitchuatun iñuktun uqavigaaqłuni. Apiġipiallakkivsi qanuqpallautigitquŋił̣ł̣uŋa. 2Uvaŋa siŋñagikavsi nalaunŋaruakun siŋñagigivsi, qanuq maqutauŋaitchuatun nuliaksrautitun ittusi, unniqsuqłiisigiŋakkaptun atautchimun uiksraunmun, Christ-mun. 3#Gn 3.1-5, 13.Siŋñagigivsi, anayasukłuŋa asiñuurraunasugalusi iḷumun ittuamiñ piviuttaqqunmiñ Christ-mun, Eve-tuttauq nimiġiam sagluqikkaŋatun pisaasuġmiaġunmigun. 4Irrusiqaqtusiuvva akuqtuiyumaiññaqtuatun qanusiḷimaamik iḷisaurrunmik, iñuk-unnii alġaqsruigaluaqpan allauruamik Jesus-mik, taavrumaŋŋa uvagut uqautigikkaptiŋniñ ilivsiññun. Irrusiqaġmiusi itqanaitchuatun akuqtuqsiññaaġivlugu allauruaq ilitqusiq taavrumaŋŋa akuqtuaniŋakkavsiññiñ, naaggaunnii akuqtuġumavlugu allauruaq tusaayugaaġiksuaq taavrumaŋŋa akuqtuqqaakkavsiññiñ. 5Isummatigiruŋa uvamnik qamalliuŋiññasugaluŋa supayaami tamatkunaŋŋa kamanaqtualiuqłutiŋ tilirauniruaniñ. 6Uqaqtualguitkaluaġuma, iḷisimaruŋaaglaan sumik uqaqtilaamnik, taamna iḷisimanaqsiŋagiga ilivsiññun nalunaiqł̣ugu suraġaġnipayaamni.
7Piḷuksivik kamanaiyaqama uvamnik ilivsi kamanaqsiḷaaqtautquvlusi? Kamanaiyaŋaruŋa uvamnik alġaqsruivḷuŋa God-im tusaayugaaġiksuaŋiñik ilivsiññun akiiḷḷiqsuġaluaġnasi. 8Akuqtuŋitchumiñaił̣ł̣ugich allat aŋaiyyuviich maniich aitchuutiŋich akuqtuŋagitka uvamnun pamarrutit, savautisukłusi ilivsi. 9#Phil 4.15-18.Nayullavsi piiḷḷiuliqama, pamatquluŋa apiġiŋaitkiga kiñaliqaa, qanuq pigiraksraġikkatka pigipkaŋagaich aniqatit qairuat Macedonia-miñ. Tavraasii pamaġitquŋaitchuŋa pamaġitchaiḷiñiaqtuŋa suli naŋniġutausuŋiḷḷuŋa ilivsiññun qanupayaaq. 10Uqavigaaġutigiyumiñaġiga taamna iḷumun ittuagulugu iluqaiññi nunaŋiñi Greece, uqalugilugu iḷumun ittuakun sivuġaani Christ. 11Isumaalukpisi summan akuqtuiŋaisilaamnik pamarrutinik maniŋñik ilivsiññiñ? Piviuttaġiŋiḷḷusi piŋitchuŋa. God iḷisimaruq piviuttaġitilaavsiññik uvamnun.
12Pisuŋiñŋagitka ikayuutisi, suli pisuŋisaaġniaġitka, iñuich nalaunŋitchualirauyumaut tamatkua piġuqtiqtuat savaaqaġnivḷutiŋ God-im savaaŋanik, tuvrapiaġataqługu uvagut piḷġusiqput. 13Qanuq tainnatchit iñuich tilirauŋŋuaqtuagurut alġaqsruiñikun, saglunik savaktit, piŋŋuaqtuat tiliraġinivḷutiŋ Christ-mun. 14Aasii aliuġnaitchuq, qanuq Satan unnii isaġulgatun qaummaum iḷiŋŋuaġuuruq. 15Tainnatuttauq allayuaġnaitchuq ilaan kivgaŋi tainnatun alġaqsruirauŋŋuaġmata nalaunŋasipkaqtaullasiñiġmun. Isuksraunmi taimanigu aitchuusiaqaġniaqtut nalautillugu akiḷiusiaksraqtiŋ piŋŋuaġniġmikkun.
Paul Nagliksaaqtitauruq Tilirauniġmiñi
16Apiġivsaaġivsi isummatigitquŋił̣ł̣uŋa uqaqtualiḷuŋa isumalluaġiitchuatun. Isummatigiyumiñaġuvsiŋaaglaan isumalluaġiitchualiḷuŋa tainnaunnii naalaġnisiŋa, uqavigaallakkumauŋali mikiruuramikunnii. 17Uqavigaaġun tainnasiq Atanġum pitqurriutigiŋaitkaa uvamnun. Uqaqsiññaqtuŋauvva nalupqisuŋił̣ł̣uni isumalluaġiitchuaq uqaqtuatun. 18Iñugiaktuat uqavigaaġutiqaġuummata nunami kaŋŋiuġnikun, uvaŋaptauq uqavigaaġumiñaġmiuŋa. 19Uvvailivsi isummatigisuummiusi ilivsiññik isumaturualiuqłusi, naaggauvva quviasuuttaġiraġigiksi naalaġniñiq isumalluaġiitchuanik. 20Iḷatchiqpalliġaġigiksi iñuk kivgaġuqtitchimmanunnii ilivsiññik, naaggaunnii tigusimman manivsiññik ilivsiññiñ, naaggaunnii tigusimman supayauramik pigisukkamiñik ilivsiññiñ, naaggaunnii arguaktitpaił̣ł̣uni qakiġaluaġmasi kiiññavsigun. 21Isumasugnaqtusiḷuunnii suaŋaitchualivḷuŋa tainna uvaŋa aŋalanŋiññavsi. Tainna isumaqaġuvsi, nalaunŋaniġiga taamna tainnainniġaun. Aasiivsauq, supayaamik iñuk uqavigaaġutiksraqaqpan, ilaatuttauq isumalluaġiiqsigiluŋa uqavigaaġutigiyumiñaġmigitka uqavigaaġutigikkaŋi.
22Uqavigaaġutiqaqpat Hebrews-gunivḷutiŋ? Uvaŋaptauq. Uqavigaaġutiqaqpat Israelites-gunivḷutiŋ? Uvaŋaptauq. Uqavigaaġutiqaqpat Abraham-mun kiŋuniġinivḷutiŋ? Uvaŋaptauq. 23#Ac 16.23.Uqavigaaġutigivarruŋ Christ-mun kivgaġinivḷutiŋ? Uqavigaaġumiñaqtuŋa kivgaulluatałhaaġniḷuŋa. Uvva paŋmapak uqavigaaqsaqpaalluaqsiruŋa kinnaġuqtuatun. Siġġaqiłhamaapiaŋaruŋa iliŋiññiñ tigutaaqtaułhamaaqłuŋa akulaitchuami, ipiġaqtuusiaqaġmivḷuŋa kisiññaiqsuanik, suli akulaitchuami tuqutauqqayaqtaqłuŋa. 24#Dt 25.3.Tallimaiqsuaqłuŋa ipiġaqtuqsiqsuŋa Jew-guruaniñ, malġukipiaq ipiġaqsaġniq inuqtapqaqługu atautchimik ipiġaqsaġniġmik, 25#Ac 16.22; Ac 14.19.piŋasuiqsuaqłuŋa anaumiksiŋaruŋa anaumiutinik, atausiaqłuŋa uyaġaŋnik miḷuqtuqtauŋaruŋa. Piŋasuiqsuaqłuŋa umiaqpaiyyauŋaruŋa, unnuaġlu uvluġlu naałługik saġvaqsiŋaruŋa taġiumi, 26#Ac 9.23; Ac 14.5.akulaitchuani iglauniġni, navianniuġnani kuugni, iqsiññiuġniġmiḷu tigligayuktiqpaŋniñ, iqsiññiuġniġmiḷu nanmiñiq iñumniñ, iqsiññiuġniġmiḷu Jew-guŋitchuaniñ, iqsiññiuġniġmiḷu iniqpaŋmi, iqsiññiuġniġmiḷu nunagluktuami, navianniuġniġmiḷu taġiumi, iqsiññiuġniġmiḷu aniqatauŋŋuaqtuaniñ. 27Igḷutuŋammigiga savaalaniq siġġaġniuġniġlu, unnuani iñugiaktuani siñillaiġaġniġlu kaaksiuniġlu imiġuksiuniġlu, akulaitchuami niqiksraiḷḷiuġniġlu qiqisianiġlu siḷamiutauniġlu. 28Aasiisuli, tamatkua piqutigiŋaiġaluaġmiuni, taimmasuli uvlutuaġman naŋniġutauvluni uŋiarriñ aŋaiyyuliqiruapayaanun. 29Piŋigipiaġitka tamatkua suaŋaitchuat ukpiġunmiŋni. Qinnausimagitkaunnii tamatkua piḷuksipkaisuuruat ukpiqtuanik.
30Uqavigaaqtuksrauguma, uqavigaaġutiqaġniaqtuŋa tamatkuniŋa salapqiiruanik suaŋairrutimnik. 31God-auruaq Aapauruaġlu Ataniġmun Jesus-mun, ilaa kamanautiqaqtuaq isuitchuamun, iḷisimaruq sagluŋisilaamnik. 32#Ac 9.23-25.Damascus-mi, kavana nalunaiqsaŋa umialgum Aretas munaqsriḷiŋagaa iniqpaŋa Damascus tigusukkaluaqłuŋa. 33Aasii niŋinŋagaanŋa aguummakun igalaurakun katchisigun, aasii annakłuŋa ilaaniñ.
Currently Selected:
2 Corinthians 11: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
2 Corinthians 11
11
Paul-lu Tilirauŋŋuaqtuallu
1Manimmiurallaquyumaruŋa ilivsiññun uqaġuma isumalluaġiitchuatun iñuktun uqavigaaqłuni. Apiġipiallakkivsi qanuqpallautigitquŋił̣ł̣uŋa. 2Uvaŋa siŋñagikavsi nalaunŋaruakun siŋñagigivsi, qanuq maqutauŋaitchuatun nuliaksrautitun ittusi, unniqsuqłiisigiŋakkaptun atautchimun uiksraunmun, Christ-mun. 3#Gn 3.1-5, 13.Siŋñagigivsi, anayasukłuŋa asiñuurraunasugalusi iḷumun ittuamiñ piviuttaqqunmiñ Christ-mun, Eve-tuttauq nimiġiam sagluqikkaŋatun pisaasuġmiaġunmigun. 4Irrusiqaqtusiuvva akuqtuiyumaiññaqtuatun qanusiḷimaamik iḷisaurrunmik, iñuk-unnii alġaqsruigaluaqpan allauruamik Jesus-mik, taavrumaŋŋa uvagut uqautigikkaptiŋniñ ilivsiññun. Irrusiqaġmiusi itqanaitchuatun akuqtuqsiññaaġivlugu allauruaq ilitqusiq taavrumaŋŋa akuqtuaniŋakkavsiññiñ, naaggaunnii akuqtuġumavlugu allauruaq tusaayugaaġiksuaq taavrumaŋŋa akuqtuqqaakkavsiññiñ. 5Isummatigiruŋa uvamnik qamalliuŋiññasugaluŋa supayaami tamatkunaŋŋa kamanaqtualiuqłutiŋ tilirauniruaniñ. 6Uqaqtualguitkaluaġuma, iḷisimaruŋaaglaan sumik uqaqtilaamnik, taamna iḷisimanaqsiŋagiga ilivsiññun nalunaiqł̣ugu suraġaġnipayaamni.
7Piḷuksivik kamanaiyaqama uvamnik ilivsi kamanaqsiḷaaqtautquvlusi? Kamanaiyaŋaruŋa uvamnik alġaqsruivḷuŋa God-im tusaayugaaġiksuaŋiñik ilivsiññun akiiḷḷiqsuġaluaġnasi. 8Akuqtuŋitchumiñaił̣ł̣ugich allat aŋaiyyuviich maniich aitchuutiŋich akuqtuŋagitka uvamnun pamarrutit, savautisukłusi ilivsi. 9#Phil 4.15-18.Nayullavsi piiḷḷiuliqama, pamatquluŋa apiġiŋaitkiga kiñaliqaa, qanuq pigiraksraġikkatka pigipkaŋagaich aniqatit qairuat Macedonia-miñ. Tavraasii pamaġitquŋaitchuŋa pamaġitchaiḷiñiaqtuŋa suli naŋniġutausuŋiḷḷuŋa ilivsiññun qanupayaaq. 10Uqavigaaġutigiyumiñaġiga taamna iḷumun ittuagulugu iluqaiññi nunaŋiñi Greece, uqalugilugu iḷumun ittuakun sivuġaani Christ. 11Isumaalukpisi summan akuqtuiŋaisilaamnik pamarrutinik maniŋñik ilivsiññiñ? Piviuttaġiŋiḷḷusi piŋitchuŋa. God iḷisimaruq piviuttaġitilaavsiññik uvamnun.
12Pisuŋiñŋagitka ikayuutisi, suli pisuŋisaaġniaġitka, iñuich nalaunŋitchualirauyumaut tamatkua piġuqtiqtuat savaaqaġnivḷutiŋ God-im savaaŋanik, tuvrapiaġataqługu uvagut piḷġusiqput. 13Qanuq tainnatchit iñuich tilirauŋŋuaqtuagurut alġaqsruiñikun, saglunik savaktit, piŋŋuaqtuat tiliraġinivḷutiŋ Christ-mun. 14Aasii aliuġnaitchuq, qanuq Satan unnii isaġulgatun qaummaum iḷiŋŋuaġuuruq. 15Tainnatuttauq allayuaġnaitchuq ilaan kivgaŋi tainnatun alġaqsruirauŋŋuaġmata nalaunŋasipkaqtaullasiñiġmun. Isuksraunmi taimanigu aitchuusiaqaġniaqtut nalautillugu akiḷiusiaksraqtiŋ piŋŋuaġniġmikkun.
Paul Nagliksaaqtitauruq Tilirauniġmiñi
16Apiġivsaaġivsi isummatigitquŋił̣ł̣uŋa uqaqtualiḷuŋa isumalluaġiitchuatun. Isummatigiyumiñaġuvsiŋaaglaan isumalluaġiitchualiḷuŋa tainnaunnii naalaġnisiŋa, uqavigaallakkumauŋali mikiruuramikunnii. 17Uqavigaaġun tainnasiq Atanġum pitqurriutigiŋaitkaa uvamnun. Uqaqsiññaqtuŋauvva nalupqisuŋił̣ł̣uni isumalluaġiitchuaq uqaqtuatun. 18Iñugiaktuat uqavigaaġutiqaġuummata nunami kaŋŋiuġnikun, uvaŋaptauq uqavigaaġumiñaġmiuŋa. 19Uvvailivsi isummatigisuummiusi ilivsiññik isumaturualiuqłusi, naaggauvva quviasuuttaġiraġigiksi naalaġniñiq isumalluaġiitchuanik. 20Iḷatchiqpalliġaġigiksi iñuk kivgaġuqtitchimmanunnii ilivsiññik, naaggaunnii tigusimman manivsiññik ilivsiññiñ, naaggaunnii tigusimman supayauramik pigisukkamiñik ilivsiññiñ, naaggaunnii arguaktitpaił̣ł̣uni qakiġaluaġmasi kiiññavsigun. 21Isumasugnaqtusiḷuunnii suaŋaitchualivḷuŋa tainna uvaŋa aŋalanŋiññavsi. Tainna isumaqaġuvsi, nalaunŋaniġiga taamna tainnainniġaun. Aasiivsauq, supayaamik iñuk uqavigaaġutiksraqaqpan, ilaatuttauq isumalluaġiiqsigiluŋa uqavigaaġutigiyumiñaġmigitka uqavigaaġutigikkaŋi.
22Uqavigaaġutiqaqpat Hebrews-gunivḷutiŋ? Uvaŋaptauq. Uqavigaaġutiqaqpat Israelites-gunivḷutiŋ? Uvaŋaptauq. Uqavigaaġutiqaqpat Abraham-mun kiŋuniġinivḷutiŋ? Uvaŋaptauq. 23#Ac 16.23.Uqavigaaġutigivarruŋ Christ-mun kivgaġinivḷutiŋ? Uqavigaaġumiñaqtuŋa kivgaulluatałhaaġniḷuŋa. Uvva paŋmapak uqavigaaqsaqpaalluaqsiruŋa kinnaġuqtuatun. Siġġaqiłhamaapiaŋaruŋa iliŋiññiñ tigutaaqtaułhamaaqłuŋa akulaitchuami, ipiġaqtuusiaqaġmivḷuŋa kisiññaiqsuanik, suli akulaitchuami tuqutauqqayaqtaqłuŋa. 24#Dt 25.3.Tallimaiqsuaqłuŋa ipiġaqtuqsiqsuŋa Jew-guruaniñ, malġukipiaq ipiġaqsaġniq inuqtapqaqługu atautchimik ipiġaqsaġniġmik, 25#Ac 16.22; Ac 14.19.piŋasuiqsuaqłuŋa anaumiksiŋaruŋa anaumiutinik, atausiaqłuŋa uyaġaŋnik miḷuqtuqtauŋaruŋa. Piŋasuiqsuaqłuŋa umiaqpaiyyauŋaruŋa, unnuaġlu uvluġlu naałługik saġvaqsiŋaruŋa taġiumi, 26#Ac 9.23; Ac 14.5.akulaitchuani iglauniġni, navianniuġnani kuugni, iqsiññiuġniġmiḷu tigligayuktiqpaŋniñ, iqsiññiuġniġmiḷu nanmiñiq iñumniñ, iqsiññiuġniġmiḷu Jew-guŋitchuaniñ, iqsiññiuġniġmiḷu iniqpaŋmi, iqsiññiuġniġmiḷu nunagluktuami, navianniuġniġmiḷu taġiumi, iqsiññiuġniġmiḷu aniqatauŋŋuaqtuaniñ. 27Igḷutuŋammigiga savaalaniq siġġaġniuġniġlu, unnuani iñugiaktuani siñillaiġaġniġlu kaaksiuniġlu imiġuksiuniġlu, akulaitchuami niqiksraiḷḷiuġniġlu qiqisianiġlu siḷamiutauniġlu. 28Aasiisuli, tamatkua piqutigiŋaiġaluaġmiuni, taimmasuli uvlutuaġman naŋniġutauvluni uŋiarriñ aŋaiyyuliqiruapayaanun. 29Piŋigipiaġitka tamatkua suaŋaitchuat ukpiġunmiŋni. Qinnausimagitkaunnii tamatkua piḷuksipkaisuuruat ukpiqtuanik.
30Uqavigaaqtuksrauguma, uqavigaaġutiqaġniaqtuŋa tamatkuniŋa salapqiiruanik suaŋairrutimnik. 31God-auruaq Aapauruaġlu Ataniġmun Jesus-mun, ilaa kamanautiqaqtuaq isuitchuamun, iḷisimaruq sagluŋisilaamnik. 32#Ac 9.23-25.Damascus-mi, kavana nalunaiqsaŋa umialgum Aretas munaqsriḷiŋagaa iniqpaŋa Damascus tigusukkaluaqłuŋa. 33Aasii niŋinŋagaanŋa aguummakun igalaurakun katchisigun, aasii annakłuŋa ilaaniñ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)