1 Samuela 21
21
Aimaleki Deibida ikaivaiseni
1 #
Mak 2:25, 26 Deibida inaqo Nobi taoni waineye tovelomu Aimaleki inakiseni. Tutuyanina Deibida ilekwa, Aimaleki menagololo ielaudididiqa ivo, “Uvale kaisemu kumai dede waineye? Uvale ge tamo aitoi taiauda kwadamai?”
2We Deibida ivo, “Kini Saulo ivonegu tamo nanuanuana kaisegu aivalabubuni, ge tamo aitoi inayagovi. Yau gutolauqaviavo avonedi inalalaugamasegu tamo vikai waineye kaivekedabababana. 3Komu kaivia kanikani waimue? Kudavelegu beledi 5 o kaivia vakai kanikani waimue.”
4We Aimaleki ivo, “Kima ge tamo beledimaimaiqa waimeye, we kaia beledi maqemaqetana kabavelomu Iave waineye ikenokeno. Beledinina kanaloina#21:4 Loina kanabuki waineye ivesipupu dede beledi maqemaqetana kaia tovelomuvo kaditagwana inakani. Malika 2:25-26 waineye, Ieisu ivesipupuyeni dede vesipupunina Deibida paipaina. dede mesaida, kago mutolauqaviavo ge vevine taiauda idakenoluqa base kaiatanidiavo waidie, komu kanasala beledinina kikewai kwaikani.”
5Deibida ibaivila ivo, “Tutuya matatabuna kaisauyema vetalaqa paipaina, gutolauqaviavo taiauda taunima kaigiavemaqetama we ge adatagwanema vevine taiauda kaikenoluqa. Kasiotoqa Kini Saulo ivetunema kasauyema nanuanuana kaivalabubuni beqa mwaqitana kima taunima kaivekisabodebodema dede lituqanina paipaina.”
6No waineye ge tamo kanikani, beqa Aimaleki beledi maqemaqetana Deibida iveleni, no beledinina iyatoi Iave mataneye Na'ukweta Maqemaqetana waineye. Kaiatanina waineye beledi tutuaidi ikewaluguaqetedi we beledi kaivaudi iyatodi.
Currently Selected:
1 Samuela 21: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
