1 Samuela 31
31
Deibida ivavaigavu vikai puedi waidie, mulineye tomo'otoqa puedi imai waineye gumanina kaditogumeta. Tutuyanina Kini Saulo valea inoqai Aimaleki Deibida ikakavaiseni, tovelomu matatabudi iluvewapadi we Abinadabi kaisena iluvetupwai. Beqa ideqa inaqo Deibida iveianeni. Tutuyanina tupwaidiavo vikai ditolauqaviavo imaimai me Isileli taiauda inaetalaqa, Deibida menatolauqaviavo me Isileli ikakavaisedi kadiqaviavo ielulunapeledi.
We Kini Saulo natolauqaviavo taiauda Deibida ilalaualeni wayaqidi inaluvewapai, we ge idababaneni. Tamo kaiata waineye Deibida kedakeda ibabaneni waineye kanasala Saulo inaluvewapai we ibaila, ge wayaqina inaluvewapai, paina gumanina Iave isilagai ivekini. We Saulo iwewesa Deibida ilalaualeni wayaqina inaluvewapai.
Kini Saulo nawapa
1No tutuyanina waineye me Pilisitia ietalaqa me Isileli taiauda koya Giboa waineye kanaketoava me Isileli puedi ivekaladeqadeqa. We me Pilisitia me Isileli tolauqaviavo puedi iluvewapadi koyanina waineye. 2We me Pilisitia Kini Saulo menatunavo ikwavinedi ikautaqonidi natunavo Ionitani, Abinadabi wete Malakisua iluvewapadi. 3Vetalaqa ikapo-otoqa Saulo naqeneye igamweni, we me Pilisitia tupueqa Saulo imwalaqi iveilaqi bwaigina.
4Saulo natolauqavia gumanina nakibadi ikavakavaladi ivoneni ivo, “Mukepata kukewai beqa kiluvewapagu! Yau ge wayaqigu dede Pilisitia tomoqovo gumanidiavo Iave ge idayagovi inakavikavinigu inasasaidibiegu wete inagogovigu mulineye inaluvewapagu.” We natolauqavianina igololo ge wayaqina Saulo inaluvewapai.
Beqa Saulo taunina nakepata ikewai ivetovoia taunina itutuli iwapa. 5We tutuyanina natolauqavianina Saulo iwapa ikiseni, nakepata isiokei taunina ikavewapai mesaida Saulo ivalabubunedi.
Currently Selected:
1 Samuela 31: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
