Gɔwɔ tɔɔi 36

Esau ə hee Edɔmə

1Esau nu huwu laa ka: Esau laa ta ɓaa a Edɔmə. 2Esau ə Kanaan nɛ̨ąą həɠə a nɛ̨ąni: Dɔlɔɔ ɓaa a Hɛtə mun Elɔn lon Ada. Veelɛnąą ɓaa a Oholivama, Hivi mun Siveɔn lon Ana nwɔɔ lon. 3Da Ismaɛlə lon Basmatə, Nebayotə mąąhala. 4Esau ə Elifazə kaa Ada ɓa, ə Reuɛlə kaa Basmatə ɓa. 5Ə Yeusə, Yaelamə da Kora di kaa Oholivama ɓa. Lonŋąąi Esau ə ɉɔlɔɓo Kanaan lɔi hu, diɛ li.

6Esau ə nɛ̨ąni nonnii da bɔ nuą, həɠə, ə bɛlɛ ɲəi taatɛlɛɛɠaa diɛ, da hɛn kpɔ ə ɉɔlɔɓo Kanaan lɔi hu, gəlee. Ə həɠə nəɠə Ɉakɔbə kwɛlɛ, ə li ə hee lɔi takpɛli hu. 7Mąąhɔlɔɓo, ɉɛn gɔw kɛ di nu hveelɛi di yəi, gɛnɛ̨i kɛ, di hva pɛli kɛ heei di kee kwɛlɛ. Nɔi tii di kɛ ɉu, di wɔ taatɛlɛɛɠaai di hva pɛli kɛ di kɔ̨nɔ̨n ɉɔlɔɓoi laa. 8Esau ə hee Seirə ɲee hu. Esau ɓaa a Edɔmə.

Esau nu huwu

9Esau nu huwu laa ka, yai a Edɔmə nąn di kalaɓɔlɔ, ə pa ə hee Seirə ɲee hu. 10Esau lonnii laa ka: Lon da Ada di gaa, ya ɓaa a Elifazə. Yii da Basmatə di ɉɔlɔɓo ya ɓaa a Reuɛlə.

11Elifazə lonnii laa ka: Teman, Omarə, Sefo, Gaetamə da Kenazə. 12Elifazə yaa kpɛli, nɛ̨ąni di kɛ hveelɛ, da nɛ̨ą veelɛnąą Timna, di lon ɉulɔnu kaa, diɛ kɛ naa ɓaa: Amalɛkə. Esau da nɛ̨ą Ada di lonnii laa ka tii.

13Reuɛlə lonnii laa ka: Nahatə, Zera, Sama da Miza. Yiliɠaai ɓə kɛ a Esau da nɛ̨ą Basmatə di lonnii. 14Siveɔn lon ɉulɔnu Ana lon nɛ̨ɛ̨nu Oholivama yai kɛ a Esau nɛ̨ą, da yaa di Yeusə, Yaelamə da Kora hɔlɔɓo.

15Esau lonnii, bɛlɛ́ nąmįną laa ka: Esau lon ɉulɔnu tɔlɔɔ Elifazə: Teman ə kɛ a pɛlɛ́ nąmu, Omarə ə ɓo a pɛlɛ́ nąmu, Sefo ə ɓo a pɛlɛ́ nąmu, Kenazə yɛ ɓo a pɛlɛ́ nąmu. 16Kora ə kɛ a pɛlɛ́ nąmu, Gaetamə yɛ ɓo a pɛlɛ́ nąmu, ə lɛɛ, Amalɛkə yɛ ɓo a pɛlɛ́ nąmu. Diɛ ɓə kɛ Elifazə yəi bɛlɛ́n a pɛlɛ́ nąmįną Edɔmə lɔi hu. Ada lonnii ka ti.

17Esau da Basmatə di lon ɉulɔnu Reuɛlə nwɔ pɛlɛ́ nąmįną laa ka: Nahatə ə kɛ a pɛlɛ́ nąmu, Zera yɛ ɓo a pɛlɛ́ nąmu, Sama ə kɛ a pɛlɛ́ nąmu, ə lɛɛ, Miza yɛ ɓo a pɛlɛ́ nąmu. Nuąi tii ɓə kɛ a Esau da Basmatə di lonnii, di heɛ yɛ ɓo Edɔmə lɔi hu.

18Esau da nɛ̨ą Oholivama kɛ a Ana lon, di wɔ pɛlɛ́ nąmįną laa ka: Yeusə ə kɛ a pɛlɛ́ nąmu, Yaelamə yɛ ɓo a pɛlɛ́ nąmu, ɛlɛɛ, Kora yɛ ɓo a pɛlɛ́ nąmu. Nuąi tii di kɛ a Esau da nɛ̨ą Oholivama di lonnii. 19Nuąi tii ɓə kɛ a Esau huwu, a pɛlɛ́ nąmįną, diɛ ɓə da kɛ di laa ɓa a: Edɔmə nuą. 20Nuąi tɔlɔɔ kɛ a Edɔmə nuą, diɛ ɓaa a: Seirə Hori mun nonnii, di laa ka: Lotan, Sovalə, Siveɔn, Ana, 21Disɔn, Esɛrə, da Disan. Diɛ ɓə kɛ a pɛlɛ́ nąmįną, Seirə yəi bɛlɛ́n Edɔmə lɔi hu. 22Lotan lonnii laa ka: Hori da Hemamə. Lotan mąąhala ə kɛ laa diɛ kɛ naa ɓa Timna. 23Sovalə lonnii laa ka: Alwan, Manahatə, Evalə, Sefo da Onamə. 24Siveɔn lonnii laa ka: Aya da Ana. Ana ɓə ta lɛɛ nąn Siveɔn nwɔ hoohvaalənŋąąi pulu, ə kulɔ ya ɓa nɔi pun ɉu. 25Ana lonnii laa ka: Disɔn ɓə kɛ a non ɉulɔnu, Oholivama ə ɓo a non nɛ̨ɛ̨nu. 26Disan lonnii laa ka: Hɛmdan, Ɛsban, Yitran da Keran. 27Esɛrə lonnii laa ka: Bilhan, Zaawan da Akan. 28Disan lonnii laa ka: Usə da Aran.

29Nuąi kɛ a pɛlɛ́ nąmįną Hori yəi bɛlɛ́n, di laa ka: Lotan ə kɛ a pɛlɛ́ nąmu, Sovalə yɛ ɓo a pɛlɛ́ nąmu, Siveɔn yɛ ɓo a pɛlɛ́ nąmu, Ana yɛ ɓo a pɛlɛ́ nąmu, 30Disɔn yɛ ɓo a pɛlɛ́ nąmu, Esɛrə yɛ ɓo a pɛlɛ́ nąmu, ɛlɛɛ, Disan ə ɓo a pɛlɛ́ nąmu. Hori nuą nwun nąmįną ka tii Seirə lɔi hu.

31Tɔɔɓɛlaai wɔlɔ kɛi tɛɛ Edɔmə gɛɛ Israɛlə hvo kɛ tɔɔɓɛlaa hɔlɔɓoi, di laa ka: 32Beɔrə lon Bɛla ə tɔɔlaa kɛ Edɔmə lɔi hu, bɔ taai laa ɓaa kɛ: Dinhava. 33Bɛla haa pulu, Zera lon Yovavə ə tɔɔlaa kɛ Edɔmə lɔi hu, bɔ taai laa ɓaa kɛ: Bɔsra 34Yovavə haa pulu Husamə yai kɛ a Tema lɔi hu mun, ə tɔɔlaa kɛ. 35Husamə haa pulu Bedadə lon Hadadə ə tɔɔlaa kɛ, ya ɓə kɔ́ pɛlɛ Madian nuą diɛ, ɲee ə tɛɛ diɛ Moabə lɔi hu, bɔ taai ɓa kɛ a: Awitə. 36Hadadə haa pulu, Samla ə tɔɔlaa kɛ Edɔmə lɔi hu, bɔ taai ɓa kɛ a: Masreka. 37Samla haa pulu, Saulə ə həɠə Rehovotə ɲa kɛnɛ̨ kwɛlɛ, ə tɔɔlaa kɛ Edɔmə lɔi hu. 38Saulə haa pulu, Akbɔrə lon Baalə-Hanan ə tɔɔlaa kɛ Edɔmə lɔi hu. 39Akbɔrə lon Baalə-Hanan haa pulu, Hadarə ə tɔɔlaa kɛ Edɔmə lɔi hu, bɔ taai ɓa kɛ a: Pau, nɛ̨ą laa ɓaa kɛ a: Mehetaveɛlə, yai kɛ a Me-Zahavə lon Matrɛdə lon nɛ̨ɛ̨nu.

40Esau yai naa ɓa a Edɔmə, ɲəi bɛlɛ́n, nuąi kɛ a pɛlɛ́ nąmįną, di laa ka: Bələi di wɔ kɛ pələ ə kɛ la, da ɓɛɠaai di kɛ laa heeni: Timna ə kɛ a pɛlɛ́ nąmu, Alwa yɛ ɓo a pɛlɛ́ nąmu, Yetɛtə yɛ ɓo a pɛlɛ́ nąmu. 41Oholivama yɛ ɓo a pɛlɛ́ nąmu, Ela yɛ ɓo a pɛlɛ́ nąmu, Pinɔn yɛ ɓo a pɛlɛ́ nąmu. 42Kenazə yɛ ɓo a pɛlɛ́ nąmu, Teman yɛ ɓo a pɛlɛ́ nąmu, Mivsarə yɛ ɓo a pɛlɛ́ nąmu. 43Magdiɛlə yɛ ɓo a pɛlɛ́ nąmu, Iramə yɛ ɓo a pɛlɛ́ nąmu. Edɔmə yəi bɛlɛ́n. Nuąi kɛ a pɛlɛ́ nąmįną, di laa ka tii, da di kɛiɠaa, da lɔi di kɛ ɉu heeni. Bələ ɓə Esau ə kɛ la a Edɔmə nuą di kalaɓɔlɔ.

Currently Selected:

Gɔwɔ tɔɔi 36: BKPDCG

Highlight

Copy

Compare