Luke Sɛʋɛi lɔɔzeizuʋɛ ma woo mɔungiti
Sɛʋɛi lɔɔzeizuʋɛ ma woo mɔungiti
Luke ná-Woo Niinɛ Ʋagɔi ɠa ga Minazeɠe Niinɛi zu zɛʋɛ naanigɔiti gila, niiti ti Yesu Kilista ná-eteai zu vaiti suɠulazu. Ti ɠilagilagiti pɛ ti-laasei ka ga «Woo Niinɛ Ʋagɔi». Ti zɛʋɛʋɛ Yesu ná-saai ʋoluma, ti-zɛʋɛ nuiti ta ga: Matiyo, Maleke, Luke ta Zan. Luke sɛʋɛi ɠɛɛʋɛ, é lo Yesu ná-eteai ʋa, kɛlɛ é la ɠwɛni naa ʋa, é sɛʋɛi ɠɛɛʋɛ ɓalaa, é lo faiti ba, niiti Yesu ná-kaladopoiti ti kɛɛni ná-saai ta ná-buzeɠei ʋoluma, é ɠula saai ya, sɛʋɛi naa laaseigi ɠa ga Keelaiti Kɛɛwotiiti. Nu nɔpɛ ge la kwɛɛ yeeɠɛɠalai nii Luke ná-Woo Niinɛ Ʋagɔi zɛʋɛai ma, nu la ɓalaa kwɛɛ ʋɛ sɛʋɛai ná, kɛlɛ faaɠwɛ nu wolai bɔɔlɔzu zoloogɛ ma ga, tanisu sɛʋɛʋɛ kona ʋuulɔfela (70) ɠɛɠala leʋegai ma, Kilista zɔlɔɔga ʋoluma.
Kɛɛ nui ɠa ga Luke, nii é ɠɛni ga ɗɔɠɔtɔlɔi. Ná-sɛʋɛ ɠɛ ʋelei ta zii wooi wo pelei, naa ɠa dɛɛzu ga é ɠɛni ga zunui nii kalagai. Luke ɠɛni pɔ ga é Yesu ná-eteai ma vai zɛʋɛ ga pagɔ, é faiti sɛʋɛ ʋelei ti leʋegai la, naa ɠa a kɛ nu ɠiligaa ti kulanuma zɔlɔɔ ná-sɛʋɛi ɠalagai ʋa (1:1-3). É la ɠɛni Zuifu (Kol 4:10-14), ta é sɛʋɛi ɠɛɛʋɛ ga kɛʋelei ta, nii a kɛ zɔiti ti la ga Zuifua, naati ti zoo gaaɠaazu. Naa ɠulaʋɛ kɛlɛma kɛʋelei zu, é Zuifuiti kɛɛ vaiti suɠulazu la (1:8).
Luke ná-Woo Niinɛ Ʋagɔi zu vaiti kulaʋɛ ga Matiyoni ta Maleke tɔnɔiti, tɔɔzei faa ɠilagiti nɔ ɠa ti ti zɛʋɛai, ti zɛʋɛ ʋeleiti kulaai ga ʋe. Ma Woo Niinɛ Ʋagɔ saʋagɔiti saama Luke ɠa Zan Ɓatisete zɔlɔɔ fai wola zuviegai. Luke laaɓakpagɛ ɓalaa suvaayɛgi ma vai ma (3:3; 11:4; 17:3-4; 23:34; 24:47), é laaɓakpa mɔnɔ GALA falii ma (3:21; 5:16; 6:12; 11:1-12; 22:32).
Unsosuʋɛ
1. Luke ná-Woo Niinɛ Ʋagɔi ma woo lɔɔzeigiti bogɛ, nii ɓalaa togai ma, é sɛʋɛi ɠɛ, é naa zuɠula (1:1-4).
2. Naa ʋoluma, é Yesu zɔlɔɔ fai zuɠula ta ʋelei naa ɠɛʋele ɓɛtɛni la botii ɠɛɛ vai ma (1:5—4:13).
3. Ná-Woo Niinɛ Ʋagɔ wɔɔlɔzuʋɛ kpein (4:14—21:38), botii kpein Yesu kɛɛni, ta ná-laavɔɔ vaiti é ti ɠɛɛni, naa ʋɛɛ kalagiti ba é ti woni, miná ɠa Luke naati pɛ suɠulaai ná.
4. Gaaɠwɛsu ɠaaɓela saʋagɔiti su (22:1—24:53) miná, Yesu zaa ʋelei, ta maaɠulu ʋelei, ta buzeɠe ʋelei, é ɠula saai ya, miná ɠa Luke wooɠaaɓelagai ná ga naati suɠula vai.
Currently Selected:
Luke Sɛʋɛi lɔɔzeizuʋɛ ma woo mɔungiti: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.