Psalm 139
139
Psalm 139
Hi Apu Dios Ya Innilanan Namin Di Nganneh Diye
Kantan David
1He''ay nanginnilah wah nomnom'u Apu Dios ya innilam an namin di a'at'u.
2Ya ta'on on idanay awada' ya innilam an namin di at'atto' ya nomnomnomo'.
3Ya innilam hi'ona' muntamuttamu onu mun'ib'ible te innilam nimpe tuwalin namin di at'atto.
4Ya an namin boy hapito' ya innilam an ta'on on agge' ni' hinapit.
5Ya ipappapto'a' an gapuh nan ongal an abalinam an nipaddung'ah alad an nili'woh i ha"on.
6Ta hay nanginnilaam hi atagu' ya adi' ahan ma'awatan.
7Ot ta'on on idanay umaya' ya innilam ta adi mabalin hi ipa"ayyan da'a.
8Te onha mabalin ta umeya' hi ad abunyan ot wahdi'a ya atbohdi hi'on umeya' hi awadan nadan numpun'ate ot wahdi'a damdama.
9Ya onha mabalin ta tumayapa' ta ipluy'uh nan way tumuluwan di algo onu hidih nan way alimuhana
10ot wahdi'a damdama an mangipadutu' ya bumoddang i ha''on.
11Ya ta'on on eya' mipa''eh nan munhihillong onu dawato' ta mumbalin nan mapatal hi hilong
12ya hiya damdaman numpaddung di panigom hinan mapatal hi munhihillong.
13Hidin awada' hi putun ina ya he"ay nunlumuh an namin di agimangnun di adol'u.
14Ta hiya nan dayawon da'a te ma"aphod di inatmun nunlumun ha"on.
Ya innila' an maphod an namin di atom.
15Ya hidin nuwaniya' ni' hi putun ina ya innilam di a'at di immongngala' hidi.
16Te hidin aggeya' ni' niyayyam ya tinigowa' tuwalin he''a ya intudo'mu tuwali hi'on atnay algo onu tawon di pi'taguwa' hitun luta.
17Hanadan nomnomnomom Apu Dios ya dakkodakkol di adi' ma'awatan.
18Te onha mabalin ta bilango' nadan nomnomnomom ya adiya' pa'abbilang te umatdah nadan panag hinan da'ging di baybay.
Mu ta'on on athidi ya hinan bumangona' hi abigabigat ya innila' an wadawada'a an mumpapto' i ha"on.
19Ot hanat dadagom Apu Dios hanadan adi maphod di pangatda ta umaandahtu nadan pumatepate.
20Te nunhiglay pamihuldan he"a ya dakol di adi maphod an ibagadan he"a.
21Ta hiya nan nunhiglay agge' naminhod hinadan humihiwo ya mungngohen he"a.
22Ta imbilang'u didah binuhul'u.
23Ot hanat tigom Apu Dios an namin di a'at'u ya an namin di wah nomnom'u.
24Ta ipa'innilam i ha"on hi'on waday adi maphod hi a'at'u ya intudduwana' hinan nipto' hi ato' ta wan mi'taguwa' hi inggana.
Currently Selected:
Psalm 139: ifa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
