Popular Bible Verses from Psalm 139

Share

Ta hiya nan dayawon da'a te ma"aphod di inatmun nunlumun ha"on. Ya innila' an maphod an namin di atom.

Ot hanat tigom Apu Dios an namin di a'at'u ya an namin di wah nomnom'u. Ta ipa'innilam i ha"on hi'on waday adi maphod hi a'at'u ya intudduwana' hinan nipto' hi ato' ta wan mi'taguwa' hi inggana.

Hidin awada' hi putun ina ya he"ay nunlumuh an namin di agimangnun di adol'u.

Te hidin aggeya' ni' niyayyam ya tinigowa' tuwalin he''a ya intudo'mu tuwali hi'on atnay algo onu tawon di pi'taguwa' hitun luta.

He''ay nanginnilah wah nomnom'u Apu Dios ya innilam an namin di a'at'u.

Ot ta'on on idanay umaya' ya innilam ta adi mabalin hi ipa"ayyan da'a.

Ya ta'on on idanay awada' ya innilam an namin di at'atto' ya nomnomnomo'.

Ya an namin boy hapito' ya innilam an ta'on on agge' ni' hinapit.

Ya innilam hi'ona' muntamuttamu onu mun'ib'ible te innilam nimpe tuwalin namin di at'atto.