Hechos 18
18
Pablo Corinto pꞌuurude
1Ma tꞌẽepai Pablo wãji Atenas pꞌuurudeepa Corinto pꞌuurudee. 2Mama ununaji judío tꞌɨ̃jarapatapꞌedaa Áquila. Mãgɨ́ Ponto eujãdepema paji. Ewaa pache baji chi wẽra Priscila ome Italia eujãdeepa, César Claudiopa judiorã jõmaweda jërekꞌooda perã Roma pꞌuurudeepa. 3Pablo pꞌasiade wãkꞌãri ma judío badamaa, kꞌawaa ataji ichi jĩakꞌa Aquilapa carpa oopari. Mapa Pablo ãra ome beeji ma mimia oomaa. 4Mama bɨde ɨ̃ipata ewari chaa wãpachi Akꞌõre Ũraa jarateepata temaa jarateede judiorãmaa mãikꞌaapa judio–eerãmaa Cristode ijãadamerã.
5Silas Timoteo ome pachedakꞌãri Macedoniadeepa, Pablopa ewari chaa Tachi Akꞌõrepa jara pëida Cristode jarateemaa bapachi, judiorãpa ijãadamerã Jesuta Cristo, Tachi Akꞌõrepa pëida. 6Mamĩda judiorã, ichi pedee ijãa kꞌiniada–ee pꞌanadapꞌedaarãpa ikꞌachia jaramaa pꞌaneejida. Mapa Pablopa ichi pꞌaru jɨ̃ bada jĩapꞌeji akꞌɨpiitꞌee ãchimaa waa jaratee–e. Maapꞌeda mãgaji:
—Pãchi kꞌĩradoopa atuadaitꞌeeda aji, piudakꞌãri. Idideepa mɨ wãitꞌeeda aji, judio–eerãmaa Tachi Akꞌõrepa jarapi bɨ jarateede.
7Mãga jarapꞌeda, Pablo wãji Ticio Justo apatapꞌedaa temaa jarateede. Mãgɨ́ eperãpa Tachi Akꞌõremaa ɨtꞌaa tꞌɨ̃pachi. Ichi te baji Tachi Akꞌõre Ũraa jarateepata te ikꞌaawa. 8Pablopa mama jarateemaa bɨde, Cristode ijãaji ma Akꞌõre Ũraa jarateepata tedepema poro, tꞌɨ̃jarapatapꞌedaa Crispo. Chi te pidaarã jida aukꞌa ijãajida mãikꞌaapa apemaarã Corinto pidaarã chokꞌara Pablopa jarateeda ũridapꞌedaarã ichiaba ijãajida. Mapa mãɨrã jõma poro choopijida. 9Atꞌãri Corinto pꞌuurude pꞌanɨde ewari aba pꞌãrikꞌua kꞌãimokꞌaraa pɨkꞌa bɨde Tachi Akꞌõrepa mãgaji Pablomaa:
—Waawee–ee jaratéeji na pꞌuurude 10mɨchideerã nama chokꞌara nɨ̃bairã. Mɨ pɨ ome bairã, apidaapa pɨ kꞌachia ooda–e.
11Tachi Akꞌõrepa mãga jarada perã, Pablo mama beeji año aba apꞌeda esa–aukꞌa, Tachi Akꞌõrepa jara pëida Cristode jarateemaa.
12Mamĩda, mama bɨde, Romadepema Galión apatapꞌedaa Acaya eujãdepema poro waibɨa bakꞌãri, judiorã chokꞌara pedeeteejida mãikꞌaapa Pablo jita ateejida iru kꞌĩrapite. 13Mama mãgajida:
—Na eperãpa jaratee bɨ Tachi Akꞌõrede ijãadamerã mãikꞌaapa irumaa ɨtꞌaa tꞌɨ̃pataadamerã. Mamĩda jaratee–eda ajida, Moisepa pꞌãdade jara bɨkꞌa oodamerã.
14Mãpai Pablo pedeeitꞌee arude, Galionpa mãgaji ma judiorãmaa:
—Na eperãpa ne–inaa kꞌachia oo bada paara maa–e pɨrã chĩara pee bada paara, mɨa akꞌɨkꞌajida aji. 15Mamĩda jara pꞌanadairã chĩara tꞌɨ̃ mãikꞌaapa parãpa ũraa pꞌãdade, pãchi pitapai ma nepɨra akꞌɨdapáde aji. Mɨa parã nepɨra akꞌɨ kꞌinia–eda aji.
16Aramata jërekꞌooji ichimãiipa. 17Mãpai arii akꞌɨ pꞌanadapꞌedaarãpa Tachi Akꞌõre Ũraa jarateepata tedepema poro Sóstenes jita atadapꞌeda, wɨjida Galión kꞌĩrapite. Mamĩda iru–itꞌee maarepida pꞌua–e paji.
Pablo waya Antioquía pꞌuurudee wãda
18Aɨ tꞌẽepai Pablo taarã beeji Corinto pꞌuurude. Mãpai ijãapataarãmaa despediipꞌeda, Siria eujãdee wãji Priscila mãikꞌaapa Áquila ome. Cencrea pꞌuurude barcode batau naaweda, Pablopa ichi poro bi–si wẽtꞌaaji. Mãga ooji akꞌɨpiitꞌee ichia Tachi Akꞌõremaa ooitꞌeeda ada ooda. 19Ma wãrutade Éfeso pꞌuurude panadakꞌãri, Pablo tꞌĩunaji Tachi Akꞌõre Ũraa jarateepata tede judiorã ome pedeeitꞌee. 20Ichia jarateeda ũridakꞌãri, chupɨria iidijida ãchi ome taarã beemerã. Mamĩda Pablopa kꞌinia–e paji. 21Mãgaji:
—Ɨ̃rá wãitꞌeeda aji. Mamĩda waya cheitꞌeeda aji, Tachi Akꞌõrepa kꞌinia bɨ pɨrã.
Mãpai Pablo batauji mãikꞌaapa wãji. Jõdee Priscila Áquila ome mama pꞌaneejida. 22Pablo Cesarea pꞌuurude panakꞌãri, mamãikꞌaapa wãji Jerusalendee ijãapataarã akꞌɨde. Maapꞌeda wãji Antioquía pꞌuurudee. Mãgɨ́ pꞌuuru Siria eujãde bɨ.
23Antioquiade bapꞌeda, wãji ijãapataarã para bee chaa ãchi akꞌɨde mãikꞌaapa ũraade. Mãga oo wãji Galacia eujãde mãikꞌaapa Frigia eujãde.
Apolopa Éfeso pꞌuurude jarateeda
24Maapai judío tꞌɨ̃jarapatapꞌedaa Apolo pacheji. Mãgɨ́ Alejandría pꞌuurudepema paji. Mãgɨ́ pꞌuuru Egipto eujãde bɨ. Mãgɨ́ judiopa Tachi Akꞌõre Ũraa pꞌãda pia kꞌawa baji. Ma awara pia jarateepachi. 25Mãgɨpa o–ĩ–ĩa jarateepachi Juan Bautistapa jarateedakꞌa, eperãarãpa ãchia pꞌekꞌau kꞌachia oopata oo amaadamerã mãikꞌaapa poro choopidamerã akꞌɨpidaitꞌee Tachi Akꞌõrede ijãa pꞌanɨ. Ichiaba jarateepachi Jesucristo Tachi Akꞌõrepa pëida. 26Apolo Éfeso pꞌuurude pachekꞌãri, waawee–ee jarateemaa beeji judiorã Akꞌõre Ũraa jarateepata temãi. Mãga ũridakꞌãri, Priscila Áquila ome ãchi temaa ateejida. Mãpai Apolomaa jarateejida jõma ãchia kꞌawadapꞌedaa, Tachi Akꞌõrepa ooda Jesucristo kꞌaurepa. 27Maapꞌeda, Apolo Acaya eujãdee wã kꞌinia bakꞌãri, Efesodepema ijãapataarãpa kꞌartꞌa pꞌãjida jãpemaarãmaa iru auteebaidamerã. Mãgá mama panakꞌãri, irua kꞌaripai Cristode ijãapataarã waapɨara ijãadamerã. Tachi Akꞌõre tꞌãri pia bapari perã, ãchimaa Cristode ijãapiji, Apolo mamaa wãi naaweda. 28Apolo mama bɨde jõmaarã taide Tachi Akꞌõre Ũraa pꞌãda akꞌɨpachi mãikꞌaapa jarateepachi Jesucristo Tachi Akꞌõrepa pëida eperãarã kꞌaripamerã. Mapa judiorãpa maarepida pꞌoyaa pꞌanauda–e paji.
Currently Selected:
Hechos 18: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 18
18
Pablo Corinto pꞌuurude
1Ma tꞌẽepai Pablo wãji Atenas pꞌuurudeepa Corinto pꞌuurudee. 2Mama ununaji judío tꞌɨ̃jarapatapꞌedaa Áquila. Mãgɨ́ Ponto eujãdepema paji. Ewaa pache baji chi wẽra Priscila ome Italia eujãdeepa, César Claudiopa judiorã jõmaweda jërekꞌooda perã Roma pꞌuurudeepa. 3Pablo pꞌasiade wãkꞌãri ma judío badamaa, kꞌawaa ataji ichi jĩakꞌa Aquilapa carpa oopari. Mapa Pablo ãra ome beeji ma mimia oomaa. 4Mama bɨde ɨ̃ipata ewari chaa wãpachi Akꞌõre Ũraa jarateepata temaa jarateede judiorãmaa mãikꞌaapa judio–eerãmaa Cristode ijãadamerã.
5Silas Timoteo ome pachedakꞌãri Macedoniadeepa, Pablopa ewari chaa Tachi Akꞌõrepa jara pëida Cristode jarateemaa bapachi, judiorãpa ijãadamerã Jesuta Cristo, Tachi Akꞌõrepa pëida. 6Mamĩda judiorã, ichi pedee ijãa kꞌiniada–ee pꞌanadapꞌedaarãpa ikꞌachia jaramaa pꞌaneejida. Mapa Pablopa ichi pꞌaru jɨ̃ bada jĩapꞌeji akꞌɨpiitꞌee ãchimaa waa jaratee–e. Maapꞌeda mãgaji:
—Pãchi kꞌĩradoopa atuadaitꞌeeda aji, piudakꞌãri. Idideepa mɨ wãitꞌeeda aji, judio–eerãmaa Tachi Akꞌõrepa jarapi bɨ jarateede.
7Mãga jarapꞌeda, Pablo wãji Ticio Justo apatapꞌedaa temaa jarateede. Mãgɨ́ eperãpa Tachi Akꞌõremaa ɨtꞌaa tꞌɨ̃pachi. Ichi te baji Tachi Akꞌõre Ũraa jarateepata te ikꞌaawa. 8Pablopa mama jarateemaa bɨde, Cristode ijãaji ma Akꞌõre Ũraa jarateepata tedepema poro, tꞌɨ̃jarapatapꞌedaa Crispo. Chi te pidaarã jida aukꞌa ijãajida mãikꞌaapa apemaarã Corinto pidaarã chokꞌara Pablopa jarateeda ũridapꞌedaarã ichiaba ijãajida. Mapa mãɨrã jõma poro choopijida. 9Atꞌãri Corinto pꞌuurude pꞌanɨde ewari aba pꞌãrikꞌua kꞌãimokꞌaraa pɨkꞌa bɨde Tachi Akꞌõrepa mãgaji Pablomaa:
—Waawee–ee jaratéeji na pꞌuurude 10mɨchideerã nama chokꞌara nɨ̃bairã. Mɨ pɨ ome bairã, apidaapa pɨ kꞌachia ooda–e.
11Tachi Akꞌõrepa mãga jarada perã, Pablo mama beeji año aba apꞌeda esa–aukꞌa, Tachi Akꞌõrepa jara pëida Cristode jarateemaa.
12Mamĩda, mama bɨde, Romadepema Galión apatapꞌedaa Acaya eujãdepema poro waibɨa bakꞌãri, judiorã chokꞌara pedeeteejida mãikꞌaapa Pablo jita ateejida iru kꞌĩrapite. 13Mama mãgajida:
—Na eperãpa jaratee bɨ Tachi Akꞌõrede ijãadamerã mãikꞌaapa irumaa ɨtꞌaa tꞌɨ̃pataadamerã. Mamĩda jaratee–eda ajida, Moisepa pꞌãdade jara bɨkꞌa oodamerã.
14Mãpai Pablo pedeeitꞌee arude, Galionpa mãgaji ma judiorãmaa:
—Na eperãpa ne–inaa kꞌachia oo bada paara maa–e pɨrã chĩara pee bada paara, mɨa akꞌɨkꞌajida aji. 15Mamĩda jara pꞌanadairã chĩara tꞌɨ̃ mãikꞌaapa parãpa ũraa pꞌãdade, pãchi pitapai ma nepɨra akꞌɨdapáde aji. Mɨa parã nepɨra akꞌɨ kꞌinia–eda aji.
16Aramata jërekꞌooji ichimãiipa. 17Mãpai arii akꞌɨ pꞌanadapꞌedaarãpa Tachi Akꞌõre Ũraa jarateepata tedepema poro Sóstenes jita atadapꞌeda, wɨjida Galión kꞌĩrapite. Mamĩda iru–itꞌee maarepida pꞌua–e paji.
Pablo waya Antioquía pꞌuurudee wãda
18Aɨ tꞌẽepai Pablo taarã beeji Corinto pꞌuurude. Mãpai ijãapataarãmaa despediipꞌeda, Siria eujãdee wãji Priscila mãikꞌaapa Áquila ome. Cencrea pꞌuurude barcode batau naaweda, Pablopa ichi poro bi–si wẽtꞌaaji. Mãga ooji akꞌɨpiitꞌee ichia Tachi Akꞌõremaa ooitꞌeeda ada ooda. 19Ma wãrutade Éfeso pꞌuurude panadakꞌãri, Pablo tꞌĩunaji Tachi Akꞌõre Ũraa jarateepata tede judiorã ome pedeeitꞌee. 20Ichia jarateeda ũridakꞌãri, chupɨria iidijida ãchi ome taarã beemerã. Mamĩda Pablopa kꞌinia–e paji. 21Mãgaji:
—Ɨ̃rá wãitꞌeeda aji. Mamĩda waya cheitꞌeeda aji, Tachi Akꞌõrepa kꞌinia bɨ pɨrã.
Mãpai Pablo batauji mãikꞌaapa wãji. Jõdee Priscila Áquila ome mama pꞌaneejida. 22Pablo Cesarea pꞌuurude panakꞌãri, mamãikꞌaapa wãji Jerusalendee ijãapataarã akꞌɨde. Maapꞌeda wãji Antioquía pꞌuurudee. Mãgɨ́ pꞌuuru Siria eujãde bɨ.
23Antioquiade bapꞌeda, wãji ijãapataarã para bee chaa ãchi akꞌɨde mãikꞌaapa ũraade. Mãga oo wãji Galacia eujãde mãikꞌaapa Frigia eujãde.
Apolopa Éfeso pꞌuurude jarateeda
24Maapai judío tꞌɨ̃jarapatapꞌedaa Apolo pacheji. Mãgɨ́ Alejandría pꞌuurudepema paji. Mãgɨ́ pꞌuuru Egipto eujãde bɨ. Mãgɨ́ judiopa Tachi Akꞌõre Ũraa pꞌãda pia kꞌawa baji. Ma awara pia jarateepachi. 25Mãgɨpa o–ĩ–ĩa jarateepachi Juan Bautistapa jarateedakꞌa, eperãarãpa ãchia pꞌekꞌau kꞌachia oopata oo amaadamerã mãikꞌaapa poro choopidamerã akꞌɨpidaitꞌee Tachi Akꞌõrede ijãa pꞌanɨ. Ichiaba jarateepachi Jesucristo Tachi Akꞌõrepa pëida. 26Apolo Éfeso pꞌuurude pachekꞌãri, waawee–ee jarateemaa beeji judiorã Akꞌõre Ũraa jarateepata temãi. Mãga ũridakꞌãri, Priscila Áquila ome ãchi temaa ateejida. Mãpai Apolomaa jarateejida jõma ãchia kꞌawadapꞌedaa, Tachi Akꞌõrepa ooda Jesucristo kꞌaurepa. 27Maapꞌeda, Apolo Acaya eujãdee wã kꞌinia bakꞌãri, Efesodepema ijãapataarãpa kꞌartꞌa pꞌãjida jãpemaarãmaa iru auteebaidamerã. Mãgá mama panakꞌãri, irua kꞌaripai Cristode ijãapataarã waapɨara ijãadamerã. Tachi Akꞌõre tꞌãri pia bapari perã, ãchimaa Cristode ijãapiji, Apolo mamaa wãi naaweda. 28Apolo mama bɨde jõmaarã taide Tachi Akꞌõre Ũraa pꞌãda akꞌɨpachi mãikꞌaapa jarateepachi Jesucristo Tachi Akꞌõrepa pëida eperãarã kꞌaripamerã. Mapa judiorãpa maarepida pꞌoyaa pꞌanauda–e paji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.