Hechos 17
17
Tesalónica pꞌuuru pidaarã kꞌĩraukꞌoodaidapꞌedaa Pablo Silas ome
1Mamãikꞌaapa ãchi wãdade Pablo Silas ome wãyaajida Anfípolis pꞌuurude mãikꞌaapa Apolonia pꞌuurude. Maapꞌeda Tesalónica pꞌuurude panajida. Mãgɨ́ pꞌuurude baji Tachi Akꞌõre Ũraa jarateepata te. 2Maperã Pablo ichia oopatakꞌa pꞌuurude panakꞌãri, jãmaa wãji. Mama beeji tomia õpee mãikꞌaapa ɨ̃ipata ewari chaa aupedeeji arii pꞌanadapꞌedaarã ome. 3Akꞌõre Ũraa pꞌãdade akꞌɨpipachi sãga Cristo chupɨria nɨ̃baitꞌee mãikꞌaapa piupꞌeda, pꞌirabaiitꞌee. Jarapachi:
—Nãgɨ́ Jesús parãmaa mɨa jaratee bɨ Cristota, Tachi Akꞌõrepa pëida eperãarã kꞌaripamerã.
4Mãga ũridakꞌãri, judiorã ũkꞌuru Cristode ijãajida mãikꞌaapa araa nipapachida Pablo mãikꞌaapa Silas ome. Ichiaba ijãajida judio–eerã; Tachi Akꞌõrede ijãa pꞌanadapꞌedaarã chokꞌara mãikꞌaapa wẽraarã pꞌaratꞌara beerã. 5Judiorã Cristode ijãada–ee pꞌanadapꞌedaarãpa mãga unudakꞌãri, kꞌĩraudachida. Mapa jɨrɨjida eperãarã mimiadakꞌaa pꞌanadapꞌedaarã, pꞌuuru pidaarã kꞌĩraupitꞌaadamerã Pablo mãikꞌaapa Silas ome, pedee jõnɨpa ãra ãpɨte. Mãgá pꞌuuru pidaarã jõma kꞌĩraupitꞌaadapꞌeda, Jasón tede tꞌĩudachida, Pablo Silas ome uchia atadapꞌeda, pꞌuuru pidaarãmaa teedaitꞌee. 6Mamĩda mãgɨ́ tede ãra unuda–e pakꞌãri, uchia atajida Jasonta mãikꞌaapa awaraa ijãapataarã. Maapꞌeda ãchi pꞌuurudepema poroorãmaa ateejida. Mama panadakꞌãri, biapachida:
—¡Ɨ̃rá eperãarã Roma jua ekꞌari pꞌanɨɨrã kꞌĩsia awarapipataarã nama che pꞌanɨda! ajida. 7Ma awara mãgɨɨrã Jasonpa ichi tede auteebaiji. Mãɨrãpa oodakꞌaa Cesarpa oopi bɨkꞌa. Jĩpꞌa jara pꞌanɨ ichi kꞌãyaara rey aba waibɨara bɨda ajida, tꞌɨ̃jarapata Jesús.
8Mãga ũridakꞌãri, ma pꞌuuru pidaarã mãikꞌaapa ãchi poroorã kꞌĩraupikꞌa para beeji. 9Mamĩda Jasonpa apemaarã ijãapataarã ome pꞌaajida ãchi uchia pëidamerã. Mãpai kꞌena pëijida.
Pablo Silas ome Berea pꞌuurude
10Ma pꞌãrikꞌua weda ijãapataarãpa Pablo Silas ome Berea pꞌuurudee pëijida. Mama panadakꞌãri, tꞌĩujida judiorã Akꞌõre Ũraa jarateepata temãi. 11Mãpema judiorã Tesalonicadepema kꞌãyaara kꞌĩsia kꞌawaara pꞌanajida. Mapa Pablopa jaratee bɨ ũri kꞌinia pꞌanajida. Mãga ũridapꞌeda, ewari chaa Tachi Akꞌõre Ũraa pꞌãda akꞌɨpachida kꞌawaadaitꞌee wãara jara bɨ Pablopa jara bɨkꞌa maa–e pɨrã awara jara bɨ. 12Kꞌawaadakꞌãri wãarata jara bɨ, mãgɨdepemaarã judiorã chokꞌara ijãajida. Ichiaba judio–eerã wẽraarã pꞌaratꞌara beerã chokꞌara ijãajida, ɨmɨkꞌĩraarã jida ichiaba. 13Mamĩda Tesalonicadepema judiorãpa ũridakꞌãri Pablopa Tachi Akꞌõrepa jara pëida jarateemaa bɨ Bereade, wãjida ma pꞌuuru pidaarã kꞌĩraupitꞌaade. 14Aramata mãpema ijãapataarãpa Pablo pëijida kꞌõpꞌãyoorã ũkꞌuru ome pꞌusa idee. Jõdee Silas Timoteo ome Bereade pꞌaneejida. 15Chi Pablo ome wãdapꞌedaarãpa iru ateejida Atenas pꞌuurudee. Waya ãpɨtee uchiadaitꞌee pakꞌãri, Pablopa jara pëiji Silamaa Timoteo ome taarã–ee chedamerã ichimaa.
Pablo Atenas pꞌuurude
16Atenas pꞌuurude Pablopa Silas mãikꞌaapa Timoteo nɨmaa beeji. Mama bɨde unukꞌãri chokꞌara ne–inaa iru pꞌanɨ eperã juapa ooda aɨ kꞌĩrapite ɨtꞌaa tꞌɨ̃pata, tꞌãri ãriidachi. 17Mapa aupedeepachi judiorã ome mãikꞌaapa judio–eerã Tachi Akꞌõre waaweepataarã ome Akꞌõre Ũraa jarateepata temãi. Ichiaba mãga oopachi ewari chaa chi unuru ome ma pꞌuurude netꞌaa netopatamãi. 18Mama ũkꞌuru poro wẽsaa beerã tꞌɨ̃jarapatapꞌedaa Epicúreo eerepemaarã mãikꞌaapa Estoico eerepemaarã aupedee pꞌaneejida Pablo ome. Mãɨrã ũkꞌuruurãpa mãgapachida:
—¿Kꞌãata jara kꞌinia bɨma apachida, na pedee–idaa bɨpa?
Awaraarãpa mãgapachida:
—Awaraa eujãdepemaarã akꞌõre waibɨapa ooda jaratee bɨda apachida.
Mãga jarapachida Pablopa jarateemaa bada perã Tachi Akꞌõrepa ooda Jesús piuda kꞌaurepa mãikꞌaapa jarateepachi perã tachi piuda tꞌẽepai waya chokꞌai pꞌirabaidaitꞌee. 19Mãpai ãchia Pablo ateejida Areopagomaa, ãchi poro wẽsaa beerã cheepurupatamaa ũraa ũride. Mama iidijida:
—¿Taipa pɨa jaratee bɨ kꞌawaadaikꞌã? ajida. 20Taipa waide ũrida–e pꞌanɨda ajida, pedee pɨa jaratee bɨkꞌa. Mapa kꞌawa kꞌinia pꞌanɨda ajida.
21Ma Atenas pidaarã mãikꞌaapa awaraarã arii pꞌanadapꞌedaarã mimiada–e pꞌanadakꞌãri, pꞌanapachida ne–inaa chiwidi pedeemaa mãikꞌaapa ũrimaa.
22Mãpai Pablo bainɨ̃ beeji ãchi kꞌĩrapite Areopagode mãikꞌaapa mãgaji:
—Atenas pꞌuuru pidaarã, mɨa unu bɨ parãpa akꞌõre waibɨa kꞌĩra tꞌãdoo waaweepata. 23Mɨ wãyaakꞌãri parã ɨtꞌaa tꞌɨ̃patamãi, unuji netꞌaa chokꞌara iru pꞌanɨ aɨ kꞌĩrapite ɨtꞌaa tꞌɨ̃pata. Mama bɨde unuji parã altar bide pꞌã bɨ: Tachi Akꞌõre Waibɨa kꞌawada–e pꞌanɨ–itꞌee. Parãpa kꞌawada–eda a pꞌanɨ Akꞌõrepa ooda mɨa jaratee bɨ.
24ʼNãgɨ́ Akꞌõrépata ooji na eujã mãikꞌaapa jõma aɨde nɨ̃bɨ. Nãgɨta, Tachi Akꞌõre, jõmaarã Waibɨa na pꞌekꞌau eujãde mãikꞌaapa pajãde. Nãgɨ́ Akꞌõre eperãarãpa te oodade bakꞌaa, 25ichi–itꞌee pꞌua–e bairã ne–inaa eperãarãpa oopata ichi–itꞌee. Ichiata eperãarã chokꞌai pꞌanapipari, ĩyapaapipari mãikꞌaapa tachimaa ne–inaa jõmaata teepari pia pꞌanapataadamerã.
26ʼEperã abaadeepa eperãarã kꞌĩra tꞌãdoo uchiapiji, na pꞌekꞌau eujã jõmaade pꞌanapataadamerã. Aɨ naaweda kꞌĩsia iru baji sãapai uchiapiitꞌee mãikꞌaapa sãmaata pꞌanapiitꞌee. 27Tachi Akꞌõrepa mãga ooji eperãarãpa iru jɨrɨdamerã. Tachi taupa nãgɨ́ Akꞌõre unuda–e pꞌanɨ mĩda, iru kꞌawadai, wãara tachimãiipa tꞌɨmɨa–ee bairã. 28Iru kꞌaurepa tachi chokꞌai pꞌanɨ; pꞌɨrrɨapata mãikꞌaapa na eujãde pꞌanapata. Pãchi kꞌarikꞌa pꞌãpataarãpa jaradapꞌedaakꞌa mãga bɨ: “Tachi, Tachi Akꞌõre Waibɨapa ooda”. 29Maperã kꞌĩsiadaikꞌaraa bɨ Tachi Akꞌõre santokꞌa bɨ, eperãarãpa kꞌĩsiadapꞌeda oopatakꞌa nẽedee, pꞌaratꞌadee maa–e pɨrã mãudee. 30Naaweda Tachi Akꞌõrepa miapi–e paji mãgee kꞌĩrapite ɨtꞌaa tꞌɨ̃patapꞌedaarã, iru waide kꞌawada–e pꞌanadapꞌedaa perã. Mamĩda ɨ̃rá jõmaarãmaa jara bɨ pꞌekꞌau kꞌachia oo amaadamerã mãikꞌaapa ichide ijãadamerã. 31Ichia mãga jara bɨ na ewari na pꞌekꞌau eujãdepemaarãpa oopata jõmaweda akꞌɨitꞌee perã, kꞌawaaitꞌee pia wa kꞌachia. Mãga ooitꞌee ichia pëida Jesucristopa. Cristopa eperãarãpa oopata mãgá akꞌɨi, ichia kꞌachia ookꞌaa pada perã na eujãde nipakꞌãri. Tachia kꞌawa pꞌanɨda aji, Akꞌõrepa iru jɨrɨtꞌeraji, iru piupꞌeda, chokꞌai pꞌirabaipida perã.
32Arii pꞌanadapꞌedaarãpa ũridakꞌãri eperã piupꞌeda chokꞌai pꞌirabaida, ũkꞌuru ëi para beeji mãikꞌaapa ũkꞌuruurãpa mãgajida:
—Na ewari waya ũridayada ajida, pɨ pedee.
33Mãpai Pablo uchiaji mamãikꞌaapa. 34Mamĩda ũkꞌuruurãpa ijãajida Pablopa jarada mãikꞌaapa Cristode ijãa pꞌaneejida. Ma ijãadapꞌedaarã tꞌãide baji ɨmɨkꞌĩra tꞌɨ̃jarapatapꞌedaa Dionisio. Mãgɨ́ Areópago poro wẽsaa beerã cheepurupatadepema paji. Ichiaba baji wẽra tꞌɨ̃jarapatapꞌedaa Dámaris mãikꞌaapa awaraarã.
Currently Selected:
Hechos 17: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 17
17
Tesalónica pꞌuuru pidaarã kꞌĩraukꞌoodaidapꞌedaa Pablo Silas ome
1Mamãikꞌaapa ãchi wãdade Pablo Silas ome wãyaajida Anfípolis pꞌuurude mãikꞌaapa Apolonia pꞌuurude. Maapꞌeda Tesalónica pꞌuurude panajida. Mãgɨ́ pꞌuurude baji Tachi Akꞌõre Ũraa jarateepata te. 2Maperã Pablo ichia oopatakꞌa pꞌuurude panakꞌãri, jãmaa wãji. Mama beeji tomia õpee mãikꞌaapa ɨ̃ipata ewari chaa aupedeeji arii pꞌanadapꞌedaarã ome. 3Akꞌõre Ũraa pꞌãdade akꞌɨpipachi sãga Cristo chupɨria nɨ̃baitꞌee mãikꞌaapa piupꞌeda, pꞌirabaiitꞌee. Jarapachi:
—Nãgɨ́ Jesús parãmaa mɨa jaratee bɨ Cristota, Tachi Akꞌõrepa pëida eperãarã kꞌaripamerã.
4Mãga ũridakꞌãri, judiorã ũkꞌuru Cristode ijãajida mãikꞌaapa araa nipapachida Pablo mãikꞌaapa Silas ome. Ichiaba ijãajida judio–eerã; Tachi Akꞌõrede ijãa pꞌanadapꞌedaarã chokꞌara mãikꞌaapa wẽraarã pꞌaratꞌara beerã. 5Judiorã Cristode ijãada–ee pꞌanadapꞌedaarãpa mãga unudakꞌãri, kꞌĩraudachida. Mapa jɨrɨjida eperãarã mimiadakꞌaa pꞌanadapꞌedaarã, pꞌuuru pidaarã kꞌĩraupitꞌaadamerã Pablo mãikꞌaapa Silas ome, pedee jõnɨpa ãra ãpɨte. Mãgá pꞌuuru pidaarã jõma kꞌĩraupitꞌaadapꞌeda, Jasón tede tꞌĩudachida, Pablo Silas ome uchia atadapꞌeda, pꞌuuru pidaarãmaa teedaitꞌee. 6Mamĩda mãgɨ́ tede ãra unuda–e pakꞌãri, uchia atajida Jasonta mãikꞌaapa awaraa ijãapataarã. Maapꞌeda ãchi pꞌuurudepema poroorãmaa ateejida. Mama panadakꞌãri, biapachida:
—¡Ɨ̃rá eperãarã Roma jua ekꞌari pꞌanɨɨrã kꞌĩsia awarapipataarã nama che pꞌanɨda! ajida. 7Ma awara mãgɨɨrã Jasonpa ichi tede auteebaiji. Mãɨrãpa oodakꞌaa Cesarpa oopi bɨkꞌa. Jĩpꞌa jara pꞌanɨ ichi kꞌãyaara rey aba waibɨara bɨda ajida, tꞌɨ̃jarapata Jesús.
8Mãga ũridakꞌãri, ma pꞌuuru pidaarã mãikꞌaapa ãchi poroorã kꞌĩraupikꞌa para beeji. 9Mamĩda Jasonpa apemaarã ijãapataarã ome pꞌaajida ãchi uchia pëidamerã. Mãpai kꞌena pëijida.
Pablo Silas ome Berea pꞌuurude
10Ma pꞌãrikꞌua weda ijãapataarãpa Pablo Silas ome Berea pꞌuurudee pëijida. Mama panadakꞌãri, tꞌĩujida judiorã Akꞌõre Ũraa jarateepata temãi. 11Mãpema judiorã Tesalonicadepema kꞌãyaara kꞌĩsia kꞌawaara pꞌanajida. Mapa Pablopa jaratee bɨ ũri kꞌinia pꞌanajida. Mãga ũridapꞌeda, ewari chaa Tachi Akꞌõre Ũraa pꞌãda akꞌɨpachida kꞌawaadaitꞌee wãara jara bɨ Pablopa jara bɨkꞌa maa–e pɨrã awara jara bɨ. 12Kꞌawaadakꞌãri wãarata jara bɨ, mãgɨdepemaarã judiorã chokꞌara ijãajida. Ichiaba judio–eerã wẽraarã pꞌaratꞌara beerã chokꞌara ijãajida, ɨmɨkꞌĩraarã jida ichiaba. 13Mamĩda Tesalonicadepema judiorãpa ũridakꞌãri Pablopa Tachi Akꞌõrepa jara pëida jarateemaa bɨ Bereade, wãjida ma pꞌuuru pidaarã kꞌĩraupitꞌaade. 14Aramata mãpema ijãapataarãpa Pablo pëijida kꞌõpꞌãyoorã ũkꞌuru ome pꞌusa idee. Jõdee Silas Timoteo ome Bereade pꞌaneejida. 15Chi Pablo ome wãdapꞌedaarãpa iru ateejida Atenas pꞌuurudee. Waya ãpɨtee uchiadaitꞌee pakꞌãri, Pablopa jara pëiji Silamaa Timoteo ome taarã–ee chedamerã ichimaa.
Pablo Atenas pꞌuurude
16Atenas pꞌuurude Pablopa Silas mãikꞌaapa Timoteo nɨmaa beeji. Mama bɨde unukꞌãri chokꞌara ne–inaa iru pꞌanɨ eperã juapa ooda aɨ kꞌĩrapite ɨtꞌaa tꞌɨ̃pata, tꞌãri ãriidachi. 17Mapa aupedeepachi judiorã ome mãikꞌaapa judio–eerã Tachi Akꞌõre waaweepataarã ome Akꞌõre Ũraa jarateepata temãi. Ichiaba mãga oopachi ewari chaa chi unuru ome ma pꞌuurude netꞌaa netopatamãi. 18Mama ũkꞌuru poro wẽsaa beerã tꞌɨ̃jarapatapꞌedaa Epicúreo eerepemaarã mãikꞌaapa Estoico eerepemaarã aupedee pꞌaneejida Pablo ome. Mãɨrã ũkꞌuruurãpa mãgapachida:
—¿Kꞌãata jara kꞌinia bɨma apachida, na pedee–idaa bɨpa?
Awaraarãpa mãgapachida:
—Awaraa eujãdepemaarã akꞌõre waibɨapa ooda jaratee bɨda apachida.
Mãga jarapachida Pablopa jarateemaa bada perã Tachi Akꞌõrepa ooda Jesús piuda kꞌaurepa mãikꞌaapa jarateepachi perã tachi piuda tꞌẽepai waya chokꞌai pꞌirabaidaitꞌee. 19Mãpai ãchia Pablo ateejida Areopagomaa, ãchi poro wẽsaa beerã cheepurupatamaa ũraa ũride. Mama iidijida:
—¿Taipa pɨa jaratee bɨ kꞌawaadaikꞌã? ajida. 20Taipa waide ũrida–e pꞌanɨda ajida, pedee pɨa jaratee bɨkꞌa. Mapa kꞌawa kꞌinia pꞌanɨda ajida.
21Ma Atenas pidaarã mãikꞌaapa awaraarã arii pꞌanadapꞌedaarã mimiada–e pꞌanadakꞌãri, pꞌanapachida ne–inaa chiwidi pedeemaa mãikꞌaapa ũrimaa.
22Mãpai Pablo bainɨ̃ beeji ãchi kꞌĩrapite Areopagode mãikꞌaapa mãgaji:
—Atenas pꞌuuru pidaarã, mɨa unu bɨ parãpa akꞌõre waibɨa kꞌĩra tꞌãdoo waaweepata. 23Mɨ wãyaakꞌãri parã ɨtꞌaa tꞌɨ̃patamãi, unuji netꞌaa chokꞌara iru pꞌanɨ aɨ kꞌĩrapite ɨtꞌaa tꞌɨ̃pata. Mama bɨde unuji parã altar bide pꞌã bɨ: Tachi Akꞌõre Waibɨa kꞌawada–e pꞌanɨ–itꞌee. Parãpa kꞌawada–eda a pꞌanɨ Akꞌõrepa ooda mɨa jaratee bɨ.
24ʼNãgɨ́ Akꞌõrépata ooji na eujã mãikꞌaapa jõma aɨde nɨ̃bɨ. Nãgɨta, Tachi Akꞌõre, jõmaarã Waibɨa na pꞌekꞌau eujãde mãikꞌaapa pajãde. Nãgɨ́ Akꞌõre eperãarãpa te oodade bakꞌaa, 25ichi–itꞌee pꞌua–e bairã ne–inaa eperãarãpa oopata ichi–itꞌee. Ichiata eperãarã chokꞌai pꞌanapipari, ĩyapaapipari mãikꞌaapa tachimaa ne–inaa jõmaata teepari pia pꞌanapataadamerã.
26ʼEperã abaadeepa eperãarã kꞌĩra tꞌãdoo uchiapiji, na pꞌekꞌau eujã jõmaade pꞌanapataadamerã. Aɨ naaweda kꞌĩsia iru baji sãapai uchiapiitꞌee mãikꞌaapa sãmaata pꞌanapiitꞌee. 27Tachi Akꞌõrepa mãga ooji eperãarãpa iru jɨrɨdamerã. Tachi taupa nãgɨ́ Akꞌõre unuda–e pꞌanɨ mĩda, iru kꞌawadai, wãara tachimãiipa tꞌɨmɨa–ee bairã. 28Iru kꞌaurepa tachi chokꞌai pꞌanɨ; pꞌɨrrɨapata mãikꞌaapa na eujãde pꞌanapata. Pãchi kꞌarikꞌa pꞌãpataarãpa jaradapꞌedaakꞌa mãga bɨ: “Tachi, Tachi Akꞌõre Waibɨapa ooda”. 29Maperã kꞌĩsiadaikꞌaraa bɨ Tachi Akꞌõre santokꞌa bɨ, eperãarãpa kꞌĩsiadapꞌeda oopatakꞌa nẽedee, pꞌaratꞌadee maa–e pɨrã mãudee. 30Naaweda Tachi Akꞌõrepa miapi–e paji mãgee kꞌĩrapite ɨtꞌaa tꞌɨ̃patapꞌedaarã, iru waide kꞌawada–e pꞌanadapꞌedaa perã. Mamĩda ɨ̃rá jõmaarãmaa jara bɨ pꞌekꞌau kꞌachia oo amaadamerã mãikꞌaapa ichide ijãadamerã. 31Ichia mãga jara bɨ na ewari na pꞌekꞌau eujãdepemaarãpa oopata jõmaweda akꞌɨitꞌee perã, kꞌawaaitꞌee pia wa kꞌachia. Mãga ooitꞌee ichia pëida Jesucristopa. Cristopa eperãarãpa oopata mãgá akꞌɨi, ichia kꞌachia ookꞌaa pada perã na eujãde nipakꞌãri. Tachia kꞌawa pꞌanɨda aji, Akꞌõrepa iru jɨrɨtꞌeraji, iru piupꞌeda, chokꞌai pꞌirabaipida perã.
32Arii pꞌanadapꞌedaarãpa ũridakꞌãri eperã piupꞌeda chokꞌai pꞌirabaida, ũkꞌuru ëi para beeji mãikꞌaapa ũkꞌuruurãpa mãgajida:
—Na ewari waya ũridayada ajida, pɨ pedee.
33Mãpai Pablo uchiaji mamãikꞌaapa. 34Mamĩda ũkꞌuruurãpa ijãajida Pablopa jarada mãikꞌaapa Cristode ijãa pꞌaneejida. Ma ijãadapꞌedaarã tꞌãide baji ɨmɨkꞌĩra tꞌɨ̃jarapatapꞌedaa Dionisio. Mãgɨ́ Areópago poro wẽsaa beerã cheepurupatadepema paji. Ichiaba baji wẽra tꞌɨ̃jarapatapꞌedaa Dámaris mãikꞌaapa awaraarã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.