Hechos 16
16
Timoteopa Pablo Silas ome kꞌõpꞌãyaada
1Mamãikꞌaapa Pablo Silas ome panajida Derbe pꞌuurude mãikꞌaapa Listra pꞌuurude. Mama unujida ijãapari tꞌɨ̃jarapatapꞌedaa Timoteo. Chi nawe judío wẽra Cristode ijãapari paji. Jõdee chi akꞌõre Greciadepema paji. 2Ijãapataarã Listradepemaarã mãikꞌaapa Iconiodepemaarãpa Timoteo pia tꞌo pꞌanadapꞌedaa perã, 3Pablopa ichi ome ateeji mamãikꞌaapa. Mamĩda uchiadai naaweda, iru kꞌapꞌɨade tauchaa bɨji mãpemaarã judiorã kꞌaurepa. Ma eujãdepema jõmaarãpa kꞌawajida Timoteo akꞌõre Greciadepema paji mãikꞌaapa ãrapa tauchaa bɨdakꞌaa paji ãchi warrarã kꞌapꞌɨade. 4Pꞌuuru bee chaa wãyaa wãdakꞌãri, jara bëi wãpachida Cristopa jɨrɨtꞌeradaarãpa mãikꞌaapa ijãapataarã akꞌɨpataarãpa jara pëidapꞌedaa Jerusalendeepa. 5Mãgá ijãapataarãpa pipɨara kꞌawaajida Cristopa oopi kꞌinia bɨ ãchimaa mãikꞌaapa waapɨara ijãajida irude. Ma awara ewari chaa ijãapataarã chokꞌaraara ĩwa wãjida.
Pablo kꞌãimokꞌaraa pɨkꞌa bada Troas pꞌuurude
6Ma wãrutade wãyaajida Frigia eujãde mãikꞌaapa Galacia eujãde, Tachi Akꞌõre Jaurepa jarateepi–e pada perã Ásia eujãde. 7Misia eujãde panadakꞌãri, wãdaitꞌee paji Bitinia eujãdee. Mamĩda Jesús Jaurepa wãpi–e paji. 8Mapa Misia eujãde wãyaajida Troas pꞌuurude parutamaa. 9Panadapꞌedaa ewate pꞌãrikꞌua, Pablo kꞌãimokꞌaraa pɨkꞌa bɨde unuji Macedonia eujãdepema ɨmɨkꞌĩra bainɨ̃ bɨ. Mãgɨpa chupɨria iidiji Pablo wãmerã ichi eujãdee. Mãgaji:
—Chéji Macedoniadee tai kꞌaripade.
10Pablo mãgá kꞌãimokꞌaraa pɨkꞌa bapꞌeda, aramata netꞌaa pꞌe atajida wãdaitꞌee Macedoniadee, kꞌĩsia pꞌanadapꞌedaa perã Tachi Akꞌõrepa jarateepi kꞌinia bɨ Cristopa ooda eperãarã kꞌaripaitꞌee ma eujãde. Ma wãdapꞌedaade mɨ jida aukꞌa wãji.
Pablo Silas ome Filipos pꞌuurude
11Troas pꞌuurudeepa tai barcode bataujida. Mata Samotracia islade panajida. Mamãikꞌaapa aɨ norema Neápolis pꞌuurude panajida. 12Neapolideepa wãjida Filipodee. Mãgɨ́ pꞌuuru waibɨa Macedonia eujãde bɨ. Ma pꞌuurude Romadepemaarã chokꞌara pꞌanapachida. Mama kꞌãima chokꞌara–ee pꞌanajida. 13Ɨ̃ipata ewate tai wãjida pꞌuurudeepa to idee, ma pꞌuurudepema judiorã ɨtꞌaa tꞌɨ̃patamãi unudai jĩakꞌaapa. Unu atadakꞌãri, su–akꞌɨ pꞌaneejida mãikꞌaapa jarateemaa pꞌaneejida wẽraarã cheepurudapꞌedaarãmaa. 14Ma wẽraarã tꞌãide baji aba tꞌɨ̃jarapatapꞌedaa Lidia. Ma wẽra Tiatira pꞌuurudepema paji. Mãgɨpa netopachi pꞌaru pia tꞌɨda pꞌupꞌuchia. Mãgɨ́ wẽrapa Tachi Akꞌõremaa ɨtꞌaa tꞌɨ̃pachi. Maperã Akꞌõrepa irumaa ũripiji Pablopa jaratee bɨ. Pia ũrikꞌãri, Cristode ijãa beeji. 15Iru poro choopipꞌeda ichi te pidaarã ome, taimaa mãgaji:
—Parãpa unu pꞌanɨ pɨrã mɨ wãara ijãa bɨ Jesucristode, mɨ tede pꞌana chétɨ.
Mãga jara bɨpa wãjida ichi temaa.
Filipos pꞌuurude carcelde pꞌanadapꞌedaa
16Ewari aba tai waya ɨtꞌaa tꞌɨ̃de wãdakꞌãri ɨtꞌaa tꞌɨ̃patapꞌedaamaa, unujida awẽra. Mãgɨ́ awẽra esclava paji. Mãgɨpa ne–inaa pꞌasaitꞌee bɨ jarapachi, ichi kꞌapꞌɨade netuara merãtɨa bada perã. Mapa ma awẽra chiparipa pꞌaratꞌara jitapachi ichi kꞌaurepa. 17Mãgɨ́ awẽra tai tꞌẽe bia wãpachi:
—Nãgɨ́ eperãarã Tachi Akꞌõre Waibɨapa pëida jarateedamerã sãga eperãarã ɨtꞌaa wãdai.
18Ewari chokꞌara mãga oopachi tai wãrutamaa. Mata ewari aba Pablopa ũriamaadaikꞌãri, ãpɨtee akꞌɨji mãikꞌaapa mãgaji ma netuara kꞌapꞌɨade merãtɨa badamaa:
—Jesucristo jõmaarã poro waibɨa perã, ichi tꞌɨ̃de mɨa pɨmaa jara bɨ uchiadaimerã jã wẽra kꞌapꞌɨadeepa.
Aramata ma netuara uchiadachi.
19Ma awẽra chipariirãpa mãga unudakꞌãri, kꞌawaajida ãchi pꞌaratꞌa waa pꞌoyaa jitada–e iru kꞌapꞌɨa. Mapa Pablo Silas ome jita atadapꞌeda, ateejida ãchi pꞌuurudepema poroorãmaa, mãgɨɨrã chipꞌedaipatapꞌedaamãi. 20Ma Romadepema poroorãmaa ateedapꞌeda, mãgajida:
—Na judiorãpa tachi pꞌuuru pidaarã kꞌĩraupirutada ajida, 21mãikꞌaapa ne–inaa jarateemaa pꞌanɨ tachi Romadepemaarãpa oopata awara. Taipa mãga ũri kꞌiniada–e pꞌanɨda ajida.
22Mãpai pꞌuuru pidaarã chokꞌara seedachida. Ãchi poroorãpa Pablo Silas ome pꞌaru ẽrapijida mãikꞌaapa wɨpijida pakꞌurupa. 23Pia wɨpitꞌaadapꞌeda, carcelde tꞌɨtꞌaajida mãikꞌaapa carceldepema jɨ̃aparimaa jarajida pia jɨ̃amerã, carceldeepa uchiapiamaapa. 24Chi jɨ̃aparipa mãga ũrikꞌãri, calabozo edupɨara badade tꞌɨ nɨ̃bɨji mãikꞌaapa ãchi bɨɨrɨ tꞌɨkꞌooji cepode.
25Mãgá iru pꞌanajida mĩda, Pablo Silas ome ɨtꞌaa tꞌɨ̃maa mãikꞌaapa kꞌarimaa pꞌanajida Tachi Akꞌõremaa. Jõdee chi apemaarã carcel pidaarãpa ũrii pꞌanajida. 26Esapɨte pakꞌãri, awẽrachai golpe wëre nɨ̃beeji. Ma carcel perá tꞌeedachi. Aramata chi puerta jõmaweda ewakꞌoodachida. Presoorã juade nɨ̃bada cadena mãikꞌaapa cepo ichiaba jõma ẽtꞌakꞌoodachida. 27Ma carceldepema jɨ̃aparipa unukꞌãri chi puerta jõma ewa jẽra bɨ, ichi espada ẽtꞌa ataji ichi juadoopa piudariitꞌee, carcel pidaarã jõma uchiadai pꞌanɨ jĩakꞌaapa. 28Mamĩda Pablopa biaji ichi badamãiipa mãgɨ́ jɨ̃aparimaa:
—¡Jãgá oonáaji! ¡Tai jõma nama pꞌanɨpɨ!
29Mãpai carceldepema jɨ̃aparipa lámpara aneepipꞌeda, tꞌĩudachi Pablo mãikꞌaapa Silas pꞌanadapꞌedaamãi. Ãchi kꞌĩrapite wɨrrɨwɨrrɨa bedabai nɨ̃banaji pꞌera nɨ̃bɨpa. 30Uchia pꞌe atapꞌeda calabozo edupɨara bɨdeepa, mãgaji:
—Jarateepataarã, ¿kꞌãata ooipia bɨma aji, mɨ ɨtꞌaa wãitꞌee?
31Mãpai pꞌanaujida:
—Jesucristode ijã́aji. Mãgara pɨ, pɨchi tedepemaarã ome ɨtꞌaa wãdayada ajida.
32Mãpai Tachi Akꞌõrepa jara pëida Cristode jarateejida ma jɨ̃aparimaa mãikꞌaapa ichi tede pꞌanadapꞌedaarãmaa. 33Aramata ma carceldepema jɨ̃aparipa Pablo Silas ome ateeji sɨɨkꞌooitꞌee ãchi kꞌapꞌɨade tꞌudakꞌa jẽra bada. Maapꞌeda iru ichi tedepemaarã ome poro choopijida. 34Mãpai teedaa pꞌe ateepꞌeda, nekꞌopiji. Ma carcel jɨ̃apari ichi tedepemaarã ome o–ĩa pꞌanajida Tachi Akꞌõrede ijãadapꞌedaa perã.
35Aɨ norema tapꞌeda Romadepema poroorãpa ãchi jɨ̃apataarã pëijida ma carceldepema jɨ̃aparimaa, Pablo Silas ome uchia pëimerã. 36Maperã carceldepema jɨ̃aparipa mãgaji Pablomaa:
—Mɨ poroorãpa jara pëi pꞌanɨda aji, parã uchia pëimerã. Mapa kꞌãiwee wã́tɨ namãikꞌaapa.
37Mamĩda Pablopa mãgaji Romadepema poroorãpa pëidapꞌedaarãmaa:
—Tai aukꞌa Romadepemaarã pꞌanɨta, wɨjidada aji, jõmaarã kꞌĩrapite, charramaa ateeda–ee. Maapꞌeda carcelde tꞌɨpijida. Ɨ̃rá jõdee, ¿merã uchiapi kꞌinia pꞌanɨ–ekꞌã? ¡Mãga–epɨ! Namãikꞌaapa wãda–eda aji, ãchia uchia pëi cheda–emãi ãchi kꞌĩradoopa.
38Pablopa jarada ãchi poroorãmaa jaranadakꞌãri mãikꞌaapa jã eperãarã aukꞌa Romadepemaarãda adakꞌãri, mãɨrã poroorã pꞌeradachida, ãchia wɨpidapꞌedaa perã mãikꞌaapa carcelde tꞌɨ nɨ̃bɨdapꞌedaa perã. 39Mapa chedapꞌeda, chupɨria iidijida Pablomaa Silas ome perdonaadamerã ãchia oodapꞌedaa. Mãpai uchiapijida carceldeepa mãikꞌaapa pꞌuurudeepa. 40Pablo Silas ome ma carceldeepa uchiadapꞌeda, wãjida Lidia temaa. Mama ijãapataarã jõmaarãmaa ũraajida tꞌãri o–ĩa pꞌaneedamerã. Maapꞌeda wãjida ma pꞌuurudeepa.
Currently Selected:
Hechos 16: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 16
16
Timoteopa Pablo Silas ome kꞌõpꞌãyaada
1Mamãikꞌaapa Pablo Silas ome panajida Derbe pꞌuurude mãikꞌaapa Listra pꞌuurude. Mama unujida ijãapari tꞌɨ̃jarapatapꞌedaa Timoteo. Chi nawe judío wẽra Cristode ijãapari paji. Jõdee chi akꞌõre Greciadepema paji. 2Ijãapataarã Listradepemaarã mãikꞌaapa Iconiodepemaarãpa Timoteo pia tꞌo pꞌanadapꞌedaa perã, 3Pablopa ichi ome ateeji mamãikꞌaapa. Mamĩda uchiadai naaweda, iru kꞌapꞌɨade tauchaa bɨji mãpemaarã judiorã kꞌaurepa. Ma eujãdepema jõmaarãpa kꞌawajida Timoteo akꞌõre Greciadepema paji mãikꞌaapa ãrapa tauchaa bɨdakꞌaa paji ãchi warrarã kꞌapꞌɨade. 4Pꞌuuru bee chaa wãyaa wãdakꞌãri, jara bëi wãpachida Cristopa jɨrɨtꞌeradaarãpa mãikꞌaapa ijãapataarã akꞌɨpataarãpa jara pëidapꞌedaa Jerusalendeepa. 5Mãgá ijãapataarãpa pipɨara kꞌawaajida Cristopa oopi kꞌinia bɨ ãchimaa mãikꞌaapa waapɨara ijãajida irude. Ma awara ewari chaa ijãapataarã chokꞌaraara ĩwa wãjida.
Pablo kꞌãimokꞌaraa pɨkꞌa bada Troas pꞌuurude
6Ma wãrutade wãyaajida Frigia eujãde mãikꞌaapa Galacia eujãde, Tachi Akꞌõre Jaurepa jarateepi–e pada perã Ásia eujãde. 7Misia eujãde panadakꞌãri, wãdaitꞌee paji Bitinia eujãdee. Mamĩda Jesús Jaurepa wãpi–e paji. 8Mapa Misia eujãde wãyaajida Troas pꞌuurude parutamaa. 9Panadapꞌedaa ewate pꞌãrikꞌua, Pablo kꞌãimokꞌaraa pɨkꞌa bɨde unuji Macedonia eujãdepema ɨmɨkꞌĩra bainɨ̃ bɨ. Mãgɨpa chupɨria iidiji Pablo wãmerã ichi eujãdee. Mãgaji:
—Chéji Macedoniadee tai kꞌaripade.
10Pablo mãgá kꞌãimokꞌaraa pɨkꞌa bapꞌeda, aramata netꞌaa pꞌe atajida wãdaitꞌee Macedoniadee, kꞌĩsia pꞌanadapꞌedaa perã Tachi Akꞌõrepa jarateepi kꞌinia bɨ Cristopa ooda eperãarã kꞌaripaitꞌee ma eujãde. Ma wãdapꞌedaade mɨ jida aukꞌa wãji.
Pablo Silas ome Filipos pꞌuurude
11Troas pꞌuurudeepa tai barcode bataujida. Mata Samotracia islade panajida. Mamãikꞌaapa aɨ norema Neápolis pꞌuurude panajida. 12Neapolideepa wãjida Filipodee. Mãgɨ́ pꞌuuru waibɨa Macedonia eujãde bɨ. Ma pꞌuurude Romadepemaarã chokꞌara pꞌanapachida. Mama kꞌãima chokꞌara–ee pꞌanajida. 13Ɨ̃ipata ewate tai wãjida pꞌuurudeepa to idee, ma pꞌuurudepema judiorã ɨtꞌaa tꞌɨ̃patamãi unudai jĩakꞌaapa. Unu atadakꞌãri, su–akꞌɨ pꞌaneejida mãikꞌaapa jarateemaa pꞌaneejida wẽraarã cheepurudapꞌedaarãmaa. 14Ma wẽraarã tꞌãide baji aba tꞌɨ̃jarapatapꞌedaa Lidia. Ma wẽra Tiatira pꞌuurudepema paji. Mãgɨpa netopachi pꞌaru pia tꞌɨda pꞌupꞌuchia. Mãgɨ́ wẽrapa Tachi Akꞌõremaa ɨtꞌaa tꞌɨ̃pachi. Maperã Akꞌõrepa irumaa ũripiji Pablopa jaratee bɨ. Pia ũrikꞌãri, Cristode ijãa beeji. 15Iru poro choopipꞌeda ichi te pidaarã ome, taimaa mãgaji:
—Parãpa unu pꞌanɨ pɨrã mɨ wãara ijãa bɨ Jesucristode, mɨ tede pꞌana chétɨ.
Mãga jara bɨpa wãjida ichi temaa.
Filipos pꞌuurude carcelde pꞌanadapꞌedaa
16Ewari aba tai waya ɨtꞌaa tꞌɨ̃de wãdakꞌãri ɨtꞌaa tꞌɨ̃patapꞌedaamaa, unujida awẽra. Mãgɨ́ awẽra esclava paji. Mãgɨpa ne–inaa pꞌasaitꞌee bɨ jarapachi, ichi kꞌapꞌɨade netuara merãtɨa bada perã. Mapa ma awẽra chiparipa pꞌaratꞌara jitapachi ichi kꞌaurepa. 17Mãgɨ́ awẽra tai tꞌẽe bia wãpachi:
—Nãgɨ́ eperãarã Tachi Akꞌõre Waibɨapa pëida jarateedamerã sãga eperãarã ɨtꞌaa wãdai.
18Ewari chokꞌara mãga oopachi tai wãrutamaa. Mata ewari aba Pablopa ũriamaadaikꞌãri, ãpɨtee akꞌɨji mãikꞌaapa mãgaji ma netuara kꞌapꞌɨade merãtɨa badamaa:
—Jesucristo jõmaarã poro waibɨa perã, ichi tꞌɨ̃de mɨa pɨmaa jara bɨ uchiadaimerã jã wẽra kꞌapꞌɨadeepa.
Aramata ma netuara uchiadachi.
19Ma awẽra chipariirãpa mãga unudakꞌãri, kꞌawaajida ãchi pꞌaratꞌa waa pꞌoyaa jitada–e iru kꞌapꞌɨa. Mapa Pablo Silas ome jita atadapꞌeda, ateejida ãchi pꞌuurudepema poroorãmaa, mãgɨɨrã chipꞌedaipatapꞌedaamãi. 20Ma Romadepema poroorãmaa ateedapꞌeda, mãgajida:
—Na judiorãpa tachi pꞌuuru pidaarã kꞌĩraupirutada ajida, 21mãikꞌaapa ne–inaa jarateemaa pꞌanɨ tachi Romadepemaarãpa oopata awara. Taipa mãga ũri kꞌiniada–e pꞌanɨda ajida.
22Mãpai pꞌuuru pidaarã chokꞌara seedachida. Ãchi poroorãpa Pablo Silas ome pꞌaru ẽrapijida mãikꞌaapa wɨpijida pakꞌurupa. 23Pia wɨpitꞌaadapꞌeda, carcelde tꞌɨtꞌaajida mãikꞌaapa carceldepema jɨ̃aparimaa jarajida pia jɨ̃amerã, carceldeepa uchiapiamaapa. 24Chi jɨ̃aparipa mãga ũrikꞌãri, calabozo edupɨara badade tꞌɨ nɨ̃bɨji mãikꞌaapa ãchi bɨɨrɨ tꞌɨkꞌooji cepode.
25Mãgá iru pꞌanajida mĩda, Pablo Silas ome ɨtꞌaa tꞌɨ̃maa mãikꞌaapa kꞌarimaa pꞌanajida Tachi Akꞌõremaa. Jõdee chi apemaarã carcel pidaarãpa ũrii pꞌanajida. 26Esapɨte pakꞌãri, awẽrachai golpe wëre nɨ̃beeji. Ma carcel perá tꞌeedachi. Aramata chi puerta jõmaweda ewakꞌoodachida. Presoorã juade nɨ̃bada cadena mãikꞌaapa cepo ichiaba jõma ẽtꞌakꞌoodachida. 27Ma carceldepema jɨ̃aparipa unukꞌãri chi puerta jõma ewa jẽra bɨ, ichi espada ẽtꞌa ataji ichi juadoopa piudariitꞌee, carcel pidaarã jõma uchiadai pꞌanɨ jĩakꞌaapa. 28Mamĩda Pablopa biaji ichi badamãiipa mãgɨ́ jɨ̃aparimaa:
—¡Jãgá oonáaji! ¡Tai jõma nama pꞌanɨpɨ!
29Mãpai carceldepema jɨ̃aparipa lámpara aneepipꞌeda, tꞌĩudachi Pablo mãikꞌaapa Silas pꞌanadapꞌedaamãi. Ãchi kꞌĩrapite wɨrrɨwɨrrɨa bedabai nɨ̃banaji pꞌera nɨ̃bɨpa. 30Uchia pꞌe atapꞌeda calabozo edupɨara bɨdeepa, mãgaji:
—Jarateepataarã, ¿kꞌãata ooipia bɨma aji, mɨ ɨtꞌaa wãitꞌee?
31Mãpai pꞌanaujida:
—Jesucristode ijã́aji. Mãgara pɨ, pɨchi tedepemaarã ome ɨtꞌaa wãdayada ajida.
32Mãpai Tachi Akꞌõrepa jara pëida Cristode jarateejida ma jɨ̃aparimaa mãikꞌaapa ichi tede pꞌanadapꞌedaarãmaa. 33Aramata ma carceldepema jɨ̃aparipa Pablo Silas ome ateeji sɨɨkꞌooitꞌee ãchi kꞌapꞌɨade tꞌudakꞌa jẽra bada. Maapꞌeda iru ichi tedepemaarã ome poro choopijida. 34Mãpai teedaa pꞌe ateepꞌeda, nekꞌopiji. Ma carcel jɨ̃apari ichi tedepemaarã ome o–ĩa pꞌanajida Tachi Akꞌõrede ijãadapꞌedaa perã.
35Aɨ norema tapꞌeda Romadepema poroorãpa ãchi jɨ̃apataarã pëijida ma carceldepema jɨ̃aparimaa, Pablo Silas ome uchia pëimerã. 36Maperã carceldepema jɨ̃aparipa mãgaji Pablomaa:
—Mɨ poroorãpa jara pëi pꞌanɨda aji, parã uchia pëimerã. Mapa kꞌãiwee wã́tɨ namãikꞌaapa.
37Mamĩda Pablopa mãgaji Romadepema poroorãpa pëidapꞌedaarãmaa:
—Tai aukꞌa Romadepemaarã pꞌanɨta, wɨjidada aji, jõmaarã kꞌĩrapite, charramaa ateeda–ee. Maapꞌeda carcelde tꞌɨpijida. Ɨ̃rá jõdee, ¿merã uchiapi kꞌinia pꞌanɨ–ekꞌã? ¡Mãga–epɨ! Namãikꞌaapa wãda–eda aji, ãchia uchia pëi cheda–emãi ãchi kꞌĩradoopa.
38Pablopa jarada ãchi poroorãmaa jaranadakꞌãri mãikꞌaapa jã eperãarã aukꞌa Romadepemaarãda adakꞌãri, mãɨrã poroorã pꞌeradachida, ãchia wɨpidapꞌedaa perã mãikꞌaapa carcelde tꞌɨ nɨ̃bɨdapꞌedaa perã. 39Mapa chedapꞌeda, chupɨria iidijida Pablomaa Silas ome perdonaadamerã ãchia oodapꞌedaa. Mãpai uchiapijida carceldeepa mãikꞌaapa pꞌuurudeepa. 40Pablo Silas ome ma carceldeepa uchiadapꞌeda, wãjida Lidia temaa. Mama ijãapataarã jõmaarãmaa ũraajida tꞌãri o–ĩa pꞌaneedamerã. Maapꞌeda wãjida ma pꞌuurudeepa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.