Sofonias 1
1
1:1
1Naay nan ipabagan nan apo ay inpagtekna is ken Sofonias isdin si Josias ay anak Amon nan mentotolay id Juda. Si Sofonias et anak din si Cusi ya apon da Gedalias, Amarias ya din si Ali Hezakias.
Nan Agew Ay Menbanagan Nan apo
1:7, 12-18
7Nganngani et nan agew ay men-okoman nan apo isonga adiyo itoltoltoloy ay menlillili isnan kawad-ana.
Mensagsagana nan apo ay mang-ipapatey isnan ipogawna
isonga intolokna nan mang-aamis ken daida
ay mangpatey ya mangdadael id Juda.
12Kanan nan apo en,
“Isnan deey ay timpo et awnitak tanggewan id Jerusalem
ta anapek nan mamapnek ya mangtaltalek et kedeng isnan aw-awakda ta dosaek daida.
Daida ay mangmangwani en,
‘Maid polos ikkan nan Dios is ngawi wenno gawis.’
13Awnit maakew nan kinabaknangda
ya mabakas nan bab-aeyda.
Awnitda adi polos makatee isnan bab-aeyda ay sapsapowenda
ya adida makainom is basi ay magapo isnan molmolada.
14Nganngani et nan napateg ay agew nan apo.
Owen, nganngani et ay omdan.
Aye, awnit kaeegyat nan deey ay agew
et olay nan katoledan ay soldado et awnit men-adawag.
15Isnan deey ay agew et pilmi nan ligat ya danag.
Owen, agew di panagdadael ya kasasadot
dapay menbolinget tay menngitit nan liboo.
16Isnan agew ay deey et nan mamadnge et kedeng
et nan ngalawngaw di tanggoyob di gobat
ya nan bogaw di sosoldado
ay manggobgobat isnan mamakneg ay il-ili
ya ninkangangato ay baey di gowaldiya.”
17Kanan nan apo en,
“Awnitak omipaila is pilmi ay kaeegyat isnan kaipoipogaw
enggana ay kanegda nakowap ay menkapkapokap.
Gapo tay ninbasbasolda ken sak-en
et awnit maipakbo ay kaneg danom nan basada
dapay nan aw-awak di natey et adi maikaob
isonga madondonot ya maiwakat isnan lota.”
18Isnan agew ay mangipailaan nan apo isnan ligetna
et awnit adi maisalakan
nan pilak ya balitokda daida ay managbasol.
Tay awnit madadael nan batawa
isnan mensessese ay ligetna.
Owen, awnit golpi nan mangkewasana isnan
am-in ay mentetee isnan batawa.
Currently Selected:
Sofonias 1: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
