Sofonias 3
3
Nan Kantan Di Lagsak
3:14-20
14Ibiyadyo nan day-engyo isnan men-gasinganyo,
dakayo ay Israelita
ya menlagsak kayo ay ostoosto
dakayo ay iJerusalem
15tay insaldeng nan apo ay mangdosa ken dakayo
ya inpakaana et am-in nan mang-aamis ken dakayo.
Nan apo ay alin di Israelita et wada ken dakayo
isonga maid et omegyatanyo.
16Naay omdan et nan timpo
ay awnit wada nan mangwani isnan iJerusalem en,
“Adi kayo omegyat dakayo ay mentetee isnan ili ay Jerusalem
ya adi kayo madanagan
17tay nan apo ay Diosyo et wada ken dakayo.
Nan kabaelana nan gapo ay mangabak kayo.
Awnit igasing nan apo dakayo
et gapo isnan layadna ken dakayo
et awnit agtana dakayo is balo ay biyag.
Awnit menday-eng ya men-gasgasing gapo ken dakayo
18ay kaneg nan gasing di ipogaw ay makilagsak.”
Kanan nan apo en,
“Awnitko kewasen nan pang-eg-egyat di tetey
dakpay kaanen nan kaibabainanyo.
19Om-omdan et nan timpo ay mangdosaak
isnan mangpalpaligat ken dakayo.
Awnitko isalakan nan pilay
dakpay pasaaen nan naipakaan isnan iliyo.
Daket pabalinen ay dayaw nan naibabainanyo
ta dayawen am-in ay ipogaw dakayo.
20Om-omdan et nan timpo ay awnitko isaa
nan naiwakat ay ipogawko
ya menbalinek dakayo ay nadayaw isnan batawa
dakpay kasin panam-ayen dakayo.”
Siya dana nan kinwanin nan apo.
Currently Selected:
Sofonias 3: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
