Habakuk 3
3
Nan Lowalon Habakuk
3:1-6, 17-19
1Naay nan lowalon nan mamadto ay si Habakuk. 2Kanana en,
“apo, dinngek nan inik-ikkam ay naidaydayawam
et pilmi nan panangpategko ken sik-a.
Ikkam kad kasin id wani
nan kaneg san nakaskasdaaw ay inik-ikkam
ya managseg-angka koma ay olay no makakaligetka.
3Omali kasin si Apo Dios ay nagapo id Edom.
Owen, omali nan Dios ay maid polos kangawina
ay magagapo isnan bilbilig nan Paran.
Maila nan kinangatona isnan daya
ya getken am-in nan wada isnan batawa nan dayawna.
4Isnan omaliyana et masisilangan isnan kaneg silang di agew.
Isnan pat-an di silangna
et siya nan naigagagowan nan kabaelana.
5Wada nan dowa ay kaeegyat ay mamakkey ken siya.
Ipaon-onana nan sakit ay mangipakalo
isnan mang-ap-apos ken siya
danat ipaonod nan tetey.
6No isaldengna et menyegyeg nan batawa.
Menpayegpeg nan kaipoipogaw no ilaena daida.
Nan makneg ay bilbilig et magdayda,
nan bilbilig ay nindad-aanana isdin on-onana et makyosda.
17Olay no maid begas nan kak-aiw ay makwani en higos
ya maid bengan nan obas
ya olay no maid maapit is olibo
ya maid maapit isnan paypayewan
ya olay no matey am-in ay kalnilo
ya maid mentetee isnan kolongan di bakbaka
18et menlagsakak ya men-gasingak kayet
tay nan apo ay Dios nan mangisalsalakan ken sak-en.
19Nan kangatowan ay apo nan mang-iyali is pamigsak.
Agtana sak-en is laing ay mang-itagtag
isnan mang-ap-apos ken sak-en ay kaneg nan ogsa
ya mang-ay-ayowan isnan bilbilig
ta maid om-ommat ken sak-en.”
Currently Selected:
Habakuk 3: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
