Zacarias 8
8
Awnit Ikkan Apo Dios Nan Gawis Isnan Jerusalem
8:1, 3-12, 16-17
1Siya dana nan kinwanin nan manakabalin ay apo ken Zecarias, 3“Awnitak somagong id Jerusalem ay napateg ay ilik et isdi nan menteak dat makwani en Ili ay Nalinteg ya nan bilig isdi et makwani en Bilig Apo Dios. 4Dat kasin makiag-agong nan aamam-a ya iinin-a ay mensoksokod isnan pag-ag-agongan id Jerusalem 5ya adoado kasin nan oongong-a ay men-ay-ayam isnan kalsa.
6Waay kanan nan ipogaw ay daan id Jerusalem id wani en adi kabalin na ngem ken sak-en et maid adi kabalin. 7Tet-ewa ay awnitko isalakan nan ipogawko isnan il-ili ay naipay-anda 8tay ayagak daida isnan solsolin nan batawa ta isagongko daida id Jerusalem ay teanda. Awnit daida nan ipogawko et sak-en nan Diosda ya nalinteg ya gawis nan ikkak ay mang-itolay ken daida.
9Papigsaenyo nan nemnemyo tay nan dengdengngenyo id wani et siya met laeng nan inbagbagan din mamadto enggana ay kasin nasaad nan pegnad di Templok. 10Id kasin et maid makalagbo is ipogaw ya animal dadapay omeegyat ay lomokso tay ninbinbinosowek din am-in ay ipogaw. 11Ngem id wani et teken nan ikkak ay makikakadwa isnan naayday nabay-an isnan il-ili 12tay isnan men-eskanda et maid iyeg-egyatda dapay omanay nan odan ta bomgas nan esekda et ado nan maapit isnan dagada. Idyak am-in dana isnan nabay-an ay Israelita.
16Siya dana nan masapol ay ikkanyo. Nan tet-ewa nan ibagayo isnan iib-ayo. Isnan pag-okoman et nan nalinteg ay menpagawis nan ipakatyo. 17Adi kayo mennemnemnem ay mangpasaksakit isnan iib-ayo ya adi kayo mentististigo is baken tet-ewa tay kaiingek nan menkamkampot, nan baken nalinteg ya nan sape.”
Currently Selected:
Zacarias 8: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
