3 YOHANES 1
1
1 Gayus bakéh ké' éh kemurung ké'. Akeu' éh majak sidang éh murung ke' mu'un. 2Akeu' sebayang dokoo' kekat néh béé pu'un jian tong ke' ngan dokoo' ko' pu'un jian akam, barei' urip sahéé' ko' pu'un jian. 3Murung mu'un kenin ké' tovoo' kuraa'-kuraa' padéé' lu' éh kua' pengelan avéé' ngan bara' ngan ké' tong pengetigéh ko' tong Allah éh teneng. Adang ka'au' ngelayau murip kivu ha' tebaraa' Allah. 4Bé' pu'un éh pelapah maneu' ku' murung, jin hun ké' menéng rengah kekat anak ké' pu'un kivu ha' tebaraa' Allah.
Yohanes sepah Gayus
5O Gayus, jian kenin ké' jam tong kekat kereja' ko' éh jian ngan tigéh uban ko' nolong irah padéé' lu' dalem Tuhan, pah avéé' irah tejeu' ngan bé' malai ngan ko' péh, pu'un ka'au' nolong réh. 6Pu'un réh bara' tong kemurung ko' ngan irah tong sidang siteu'. Jian ke' nolong irah dalem pengelakau réh pekua' éh omok ngepayoo' kenin Allah. 7Ka'ah tekep maneu' kenat uban lem kereja' réh Perengah Kristus inah lakau ngan bé' pu'un alaa' ineu'-ineu' jin irah éh bé' jam Allah. 8Uban néh kenat tekep uleu' éh ngelan nolong réh, dokoo' lu' omok pekua' kenin ngan réh dalem kereja' réh nebaraa' tong ha' tebaraa' Allah.
Diotrepes ngan Demetrius
9La'ah pu'un ku' maneu' surat éh suti' ngan sidang rai, bang Diotrepes éh keloo' majak sidang bé' iah keloo' kivu ha' ké'. 10Hun ké' tuai da' boh ku' pepoléng kekat ineu'-ineu' éh lepah naneu' néh, inah éh kekat pengesa'at ngan ha' kenyo éh benara' néh tong améé'. Bang kekat inah bé' jak éh sukup tong néh. Bé' iah keloo' alaa' irah padéé' lu' dalem Tuhan hun mah réh pu'un tuai. Pah avéé' néh bé' buhaa' kelunan alaa' réh ngan iah pitah jalan dokoo' musat réh musit jin sidang.
11Bakéh éh kemurung ké' mai ke' nyavuu' barék éh sa'at, tekep ke' nyavuu' barék éh jian. Séé'-séé' éh maneu' jian, iah éh anak Allah ngan séé'-séé' éh maneu' sa'at, bé' jak iah jam Allah.
12Siget kelunan sepah Demetrius, Allah péh pu'un sepah iah améé' péh sepah iah, ngan ka'ah jam tong ineu' éh benara' mé' inah pu'un kenat mu'un.
Tabi' tong ga' Surat
13Pinaa' keto éh juk benara' ké' ngan ko', bang pulang jian éh bé' jin Surat. 14Akeu' ngelan ku' omok laho petemeu' ngan ko' boh toh omok pepané kepéh.
15Jian Tuhan mena' pengejian ngan ko'.
Kekat bakéh ko' éh siteu' bara' tabi'. Ko' pesavéé' ha' ké' bara' tabi' ngan kekat bakéh éh pu'un Sinah pesiget usah réh.
Currently Selected:
3 YOHANES 1: PNT
Highlight
Share
Copy
Want to have your highlights saved across all your devices? Sign up or sign in
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia