Salmo 24
24
Si Diyos Di Kangatoan Ay Ari
1Okan Diyos nan daga ya am-in ay linaona.
2Insaad na din fondasyona sin dallem di danom,
inbangona sin lanad di baybay ay malosong.
3Sinoy way kalebbengana ay manikid sin dontog Diyos#24:3 Din makwani en dontog Diyos et din dontog ay Zion ed Jerusalem ay naisaadan din Timplo. ay mangdayaw en sisya?
Ya sino ngin di makasgep sin nasantoan ay Timplo na?
4Sisya din ipogaw ay siged di am-amagena,
ya kosto abe di nemnem ya panggep na,
din adi manaydayaw si diyos ay baken tet-ewa,
ya adi man-et-etek mo mantistigo sisya.
5Bindisyonan ya isalakan Diyos sisya
ya ibilang na ay magay basol na.
6Kaman dana ay ipogaw di manglayad ay mandayaw en Diyos Apo
ay dinaydayaw aben Jacob ay ap-apo tako.
7Bokatan yo din kadaanan ay pantew di Timplo
ta senggep san kangatoan ya madaydayaw ay Ari tako!
8Sino ngin san Ari ay kangatoan?
Sisya si Diyos ay kapipigsaan,
magay makaabak en sisya sin gobatan.
9Bokatan yo din kadaanan ay pantew di Timplo
ta senggep san kangatoan ya madaydayaw ay Ari tako!
10Sino ngin san Ari ay nangato?
Si Diyos ay ap-apon di sosoldado,
sisya san manakabalin ay Ari tako.
Currently Selected:
Salmo 24: KD
Highlight
Copy
Compare
Share
Want to have your highlights saved across all your devices? Sign up or sign in
© 2000, 2017 Wycliffe Bible Translators, Inc. All rights reserved.
