Tõoma 16
16
Atimõtɩ doose Apolɩ la Asɩlaasɩ, tɩ ba tõm Nawẽnnɛ tõoma
1La Apolɩ dõma sẽŋɛ ka paagɛ la Dɛrbɩ la Listri tẽnsʋm. Tɩ Azezi karẽnbia daan bɔna mĩ tɩ a yʋ'ʋrɛ dɛna Atimõtɩ, a ma de la Zifu n sakɛ bɔ Azezi sɩra. Dee tɩ a sɔ dɛna Grɛkɩ. 2Tɩ Azezi karẽnbiisi n boe Listri la Ikonim tẽnsʋm na daan tɔgra a yelle sõŋa. 3Tɩ Apolɩ bɔɔra tɩ a dɔla la ba lɛ tõnna, daan wã ẽ Zifdõma sɛba n boe tẽn-bãma la ĩyã, se'ere n soe la, ba wuu daan mi tɩ a sɔ de la Grɛkɩ. 4La ba daan dolɩ la tẽnsɩ pʋam bɩsra Azezi nẽr-kʋʋŋɔ la, dee tɔgra pa'ala ba Azezi Tõntõnɩba la, la kẽma la n boe Zerizalɛm na n looge yɛm se'em, dee yɛta ba tɩ ba sakɛ bõn-sɛba tɩ ba looge la. 5Bɛla tɩ Azezi nẽr-kʋʋŋɔ la daan yẽ pãŋa Nawẽnnɛ doosgo la pʋam, tɩ ba kãllɛ pa'asra daarɛ woo.
Apolɩ boe la Trʋasɩ zãasʋm tɩ ba wi ẽ Masedʋanɩ
6Tɩ Apolɩ dõma daan bɔɔra tɩ ba sẽŋɛ Azi tẽnsʋm ka mõolɛ Nawẽnnɛ yetɔga, tɩ Nawẽnnɛ Sɩa gu ba, tɩ ba doose Frizi la Galatɩ so'olʋm. 7La ban sẽŋɛ ka lɛm Mizi so'olʋm na, ba boorɩ tɩ ba sẽŋɛ la Bitini, tɩ Azezi Sɩa la ka bɔ ba sore. 8Tɩ ba doose Mizi tole sẽŋɛ Trʋasɩ. 9La yʋ'ʋŋɔ tɩ Apolɩ bɩsɛ yẽ Masedʋanɩ nẽra wʋ zãasŋɔ la, tɩ bʋraa la zɛ a zẽ'am bɛlna ẽ yetɩ: «Wa'am Masedʋanɩ wa sõŋɛ tɔ.» 10La Apolɩ n daan yẽ bɛla la, tõma mãasʋm mɛ tɔtɔ tɩ tɩ sẽŋɛ Masedʋanɩ, bẽm ĩyã, tõma tẽ'esɛ bãŋɛ mɛ tɩ la de la Nawẽnnɛ n wi tõma yetɩ, tɩ sẽŋɛ ka mõolɛ kõ-yẽlga la bɔ ba.
Alidi bɔ Azezi sɩra Filipi tẽŋam
11Tɩ tõma kẽ õorŋɔ bilam kɔ'ɔn sẽŋɛ Samotrasɩ. Tɩ beere wiige, tɩ tõma paagɛ Neapolisi. 12La tõma yãŋa ze'ele la bilam sẽŋɛ Filipi n de Masedʋanɩ tẽn-kãra la tẽŋa ayɩla. Filipi tẽŋa de la Rom dõma n soe ẽ. Tõma ẽŋɛ bilam na dabsa faa. 13Tɩ vo'osgo daarɛ tɩ tõma yese tẽŋa la pʋam sẽŋɛ kʋlaa nõorʋm, tõma tẽ'esɛ mɛ tɩ zẽ'e-ẽŋa de la Zifdõma pʋ'ʋsgɔ zẽ'a. Tɩ tõma zĩ'ire bilam tɔgra bɔ'ɔra pɔgsɩ n lagsɛ. 14La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ. 15Tɩ tõma daan mise ẽŋa la a yir-dõma ko'om pʋam. Tɩ a sose tõma yetɩ: «Ya sãn sakɛ tɩ mam sɩrɩ bɔ Zuudãana sɩra mɛ, ya wa'am kẽ'era mam yire.» La a pẽrgɛ tõma mɛ, tɩ tõma sakɛ.
Apolɩ dõma boe la yʋ'a deem Filipi tẽŋam
16Tɩ daarɛ ayɩla tɩ tõma wɛ pʋ'ʋsgɔ zẽ'am, tɩ pugla n de yamŋa tɩ kʋlkã'arga dolɩ ẽ daan tʋ'ʋsɛ tõma. Kʋlkã'arga la daan botɩ a yẽta la yel-sɛba n boe nẽŋam sẽnna tɔgra bɔ'ɔra nẽrba, la sɛba n soe ẽ na daan yẽtɩ ligri zozo'e mɛ a zẽ'am. 17Tɩ a dɔla Apolɩ la tõma tĩi tɔgra yetɩ: «Nẽr-bãna wã de la Nawẽnnɛ n gãnnɩ sɛla wuu la tõntõnɩba, ba mõolɩ la fãarɛ sore pa'ala ya.» 18La a ẽŋɛ bɛla la dabsa faa. Tɩ Apolɩ sũure sã'am la ẽ, tɩ a wẽrgɛ yele kʋlkã'arga la yetɩ: «Mam yetɩ fʋ la Azezi-krisi yʋ'ʋrɛ, tɩ fʋ yese dee basɛ pugla wã.» Tɩ kʋlkã'arga la yese bilam zẽ'am dee basɛ ẽ.
19Tɩ sɛba n soe ẽ na n bãŋɛ tɩ bãma kãn le yẽ ligri a zẽ'am na, tɩ ba yõkɛ Apolɩ la Asɩlaasɩ ve'ege ba kẽ da'am ka sãm ba tẽŋa la nẽŋadõma zẽ'am. 20Tɩ ba tarɩ ba paagɛ sɛba n diti sarɩya la zẽ'am ka yetɩ: «Nẽr-bãna wã de la Zifdõma, bãma n dãmnɩ tɩ tẽŋa wã. 21Ba pa'alɩ la bõn-sɛba n sisri, tɩ tõma n de Rom nẽrba kãn sakɛ ẽŋɛ.» 22Tɩ nẽr-kʋʋŋɔ la lagɩm zɛbra Apolɩ la Asɩlaasɩ, tɩ sɛba n diti sarɩya la botɩ ba vɛ ba futo la yɛɛsɛ, dee bɔ nõorɛ yetɩ, ba wẽ ba la ka'asa. 23Tɩ ba wẽ ba zozo'e dee kẽ'esɛ ba yʋ'a deem, dee yele gu'ura la tɩ a gu'ura ba sõŋa. 24Ban yele bɛla la, tɩ a kẽ'esɛ ba yʋ'a de-sɛka n boe pʋam pʋam na, lʋ ba nãma lablɛ la dɔɔgɔ.
25Tɩ sõnsʋa tɩ Apolɩ la Asɩlaasɩ pʋ'ʋsra dee yõona yõoma pẽgra Nawẽnnɛ, tɩ sɛba n po bɔna yʋ'a deem na sɛlsra. 26Tɩ tẽŋa darɛ mĩim zozo'e, tɩ yʋ'a deego la mĩim la a ẽbrɛ waa wuu, tɩ kʋlɩnsɩ la wuu yo'ose, tɩ bãnsɩ la wuu ba'asɛ. 27Tɩ yʋ'a deego gu'ura la nẽegɛ isge yẽ tɩ kʋlɩnsɩ la yo'ose mɛ, tɩ a tẽ'esɛ tɩ ba yese mɛ, tɩ a fooge sʋ'a tɩ a kʋ a mẽŋa. 28Tɩ Apolɩ tɔgɛ ke'enke'em yetɩ: «Da kãn ẽŋɛ fʋ mẽŋa sɛla, tõma wuu boe la kalam.» 29Tɩ yʋ'a deego gu'ura la wi yetɩ, ba tarɩ bugum wa'am. Dee ẽŋɛ tɔtɔ kẽ deego la pʋam ka lui Apolɩ la Asɩlaasɩ nẽŋam gõgra la dabeem, 30isge tarɩ ba yese, soke ba yetɩ: «Bʋraasɩ, mam wʋn ẽŋɛ la wãne yẽ fãarɛ?» 31Tɩ ba lerge ẽ yetɩ: «Bɔ Zuudãana Azezi sɩra, tɩ fõn na fʋ yir-dõma wuu wʋn yẽ fãarɛ.» 32Tɩ ba tɔgɛ Zuudãana yetɔga bɔ ẽŋa la sɛba wuu n boe a yire la. 33La wakat-ẽŋa mẽŋa tɩ a tarɩ ba ka pɛ ba nõtɔ la. La bilam zẽ'am tɩ ba mise ẽŋa la a yir-dõma wuu ko'om pʋam la Azezi yʋ'ʋrɛ. 34Tɩ a tarɩ Apolɩ la Asɩlaasɩ sẽŋɛ a yire ka bɔ ba dia. Tɩ ẽŋa la a yir-dõma la wuu sũure daan ãna yẽlʋm zozo'e, ban bɔ Nawẽnnɛ sɩra la ĩyã.
35La beere n wiige, tɩ sɛba n diti sarɩya la tõm ba tõntõnɩba yetɩ, ba sẽŋɛ ka yele sɛka n gu'uri yʋ'a deego la yetɩ, a basɛ bʋraasɩ la. 36Tɩ yʋ'a deego gu'ura la tɔgɛ bɔ Apolɩ yetɩ: «Sarɩyaditba la bɔ nõorɛ yetɩ, m basɛ tɩ ya yese. Bɛla yese-ya fõrgɛ la sũ-mã'asʋm.» 37Tɩ Apolɩ yele tõntõnɩba la yetɩ: «Tõma n de Rom tẽŋa nu'ugo nẽrba, tɩ ba ka di tõma sarɩya dee wẽ tõma, kẽ'esɛ tõma yʋ'a deem, yãŋa yetɩ ba li'ise basɛ tõma? Ayɛɩ, ba mẽŋa wa'am wa yese to.» 38Tɩ tõntõnɩba la sẽŋɛ ka yele sarɩyaditba la bɛla. Tɩ dabeem kẽ ba, ban wõm tɩ Apolɩ la Asɩlaasɩ de la Rom tẽŋa nu'ugo nẽrba la ĩyã. 39Tɩ ba mẽŋa wa'am wa belem ba, botɩ ba yese, dee sose ba yetɩ, ba fõrgɛ dee basɛ ba tẽŋa. 40La ba yese yʋ'a deem na sẽŋɛ la Alidi yire ka tɔgɛ bɔ Azezi karẽnbiisi la bʋraanɛ dee fõrgɛ.
Currently Selected:
Tõoma 16: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Tõoma 16
16
Atimõtɩ doose Apolɩ la Asɩlaasɩ, tɩ ba tõm Nawẽnnɛ tõoma
1La Apolɩ dõma sẽŋɛ ka paagɛ la Dɛrbɩ la Listri tẽnsʋm. Tɩ Azezi karẽnbia daan bɔna mĩ tɩ a yʋ'ʋrɛ dɛna Atimõtɩ, a ma de la Zifu n sakɛ bɔ Azezi sɩra. Dee tɩ a sɔ dɛna Grɛkɩ. 2Tɩ Azezi karẽnbiisi n boe Listri la Ikonim tẽnsʋm na daan tɔgra a yelle sõŋa. 3Tɩ Apolɩ bɔɔra tɩ a dɔla la ba lɛ tõnna, daan wã ẽ Zifdõma sɛba n boe tẽn-bãma la ĩyã, se'ere n soe la, ba wuu daan mi tɩ a sɔ de la Grɛkɩ. 4La ba daan dolɩ la tẽnsɩ pʋam bɩsra Azezi nẽr-kʋʋŋɔ la, dee tɔgra pa'ala ba Azezi Tõntõnɩba la, la kẽma la n boe Zerizalɛm na n looge yɛm se'em, dee yɛta ba tɩ ba sakɛ bõn-sɛba tɩ ba looge la. 5Bɛla tɩ Azezi nẽr-kʋʋŋɔ la daan yẽ pãŋa Nawẽnnɛ doosgo la pʋam, tɩ ba kãllɛ pa'asra daarɛ woo.
Apolɩ boe la Trʋasɩ zãasʋm tɩ ba wi ẽ Masedʋanɩ
6Tɩ Apolɩ dõma daan bɔɔra tɩ ba sẽŋɛ Azi tẽnsʋm ka mõolɛ Nawẽnnɛ yetɔga, tɩ Nawẽnnɛ Sɩa gu ba, tɩ ba doose Frizi la Galatɩ so'olʋm. 7La ban sẽŋɛ ka lɛm Mizi so'olʋm na, ba boorɩ tɩ ba sẽŋɛ la Bitini, tɩ Azezi Sɩa la ka bɔ ba sore. 8Tɩ ba doose Mizi tole sẽŋɛ Trʋasɩ. 9La yʋ'ʋŋɔ tɩ Apolɩ bɩsɛ yẽ Masedʋanɩ nẽra wʋ zãasŋɔ la, tɩ bʋraa la zɛ a zẽ'am bɛlna ẽ yetɩ: «Wa'am Masedʋanɩ wa sõŋɛ tɔ.» 10La Apolɩ n daan yẽ bɛla la, tõma mãasʋm mɛ tɔtɔ tɩ tɩ sẽŋɛ Masedʋanɩ, bẽm ĩyã, tõma tẽ'esɛ bãŋɛ mɛ tɩ la de la Nawẽnnɛ n wi tõma yetɩ, tɩ sẽŋɛ ka mõolɛ kõ-yẽlga la bɔ ba.
Alidi bɔ Azezi sɩra Filipi tẽŋam
11Tɩ tõma kẽ õorŋɔ bilam kɔ'ɔn sẽŋɛ Samotrasɩ. Tɩ beere wiige, tɩ tõma paagɛ Neapolisi. 12La tõma yãŋa ze'ele la bilam sẽŋɛ Filipi n de Masedʋanɩ tẽn-kãra la tẽŋa ayɩla. Filipi tẽŋa de la Rom dõma n soe ẽ. Tõma ẽŋɛ bilam na dabsa faa. 13Tɩ vo'osgo daarɛ tɩ tõma yese tẽŋa la pʋam sẽŋɛ kʋlaa nõorʋm, tõma tẽ'esɛ mɛ tɩ zẽ'e-ẽŋa de la Zifdõma pʋ'ʋsgɔ zẽ'a. Tɩ tõma zĩ'ire bilam tɔgra bɔ'ɔra pɔgsɩ n lagsɛ. 14La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ. 15Tɩ tõma daan mise ẽŋa la a yir-dõma ko'om pʋam. Tɩ a sose tõma yetɩ: «Ya sãn sakɛ tɩ mam sɩrɩ bɔ Zuudãana sɩra mɛ, ya wa'am kẽ'era mam yire.» La a pẽrgɛ tõma mɛ, tɩ tõma sakɛ.
Apolɩ dõma boe la yʋ'a deem Filipi tẽŋam
16Tɩ daarɛ ayɩla tɩ tõma wɛ pʋ'ʋsgɔ zẽ'am, tɩ pugla n de yamŋa tɩ kʋlkã'arga dolɩ ẽ daan tʋ'ʋsɛ tõma. Kʋlkã'arga la daan botɩ a yẽta la yel-sɛba n boe nẽŋam sẽnna tɔgra bɔ'ɔra nẽrba, la sɛba n soe ẽ na daan yẽtɩ ligri zozo'e mɛ a zẽ'am. 17Tɩ a dɔla Apolɩ la tõma tĩi tɔgra yetɩ: «Nẽr-bãna wã de la Nawẽnnɛ n gãnnɩ sɛla wuu la tõntõnɩba, ba mõolɩ la fãarɛ sore pa'ala ya.» 18La a ẽŋɛ bɛla la dabsa faa. Tɩ Apolɩ sũure sã'am la ẽ, tɩ a wẽrgɛ yele kʋlkã'arga la yetɩ: «Mam yetɩ fʋ la Azezi-krisi yʋ'ʋrɛ, tɩ fʋ yese dee basɛ pugla wã.» Tɩ kʋlkã'arga la yese bilam zẽ'am dee basɛ ẽ.
19Tɩ sɛba n soe ẽ na n bãŋɛ tɩ bãma kãn le yẽ ligri a zẽ'am na, tɩ ba yõkɛ Apolɩ la Asɩlaasɩ ve'ege ba kẽ da'am ka sãm ba tẽŋa la nẽŋadõma zẽ'am. 20Tɩ ba tarɩ ba paagɛ sɛba n diti sarɩya la zẽ'am ka yetɩ: «Nẽr-bãna wã de la Zifdõma, bãma n dãmnɩ tɩ tẽŋa wã. 21Ba pa'alɩ la bõn-sɛba n sisri, tɩ tõma n de Rom nẽrba kãn sakɛ ẽŋɛ.» 22Tɩ nẽr-kʋʋŋɔ la lagɩm zɛbra Apolɩ la Asɩlaasɩ, tɩ sɛba n diti sarɩya la botɩ ba vɛ ba futo la yɛɛsɛ, dee bɔ nõorɛ yetɩ, ba wẽ ba la ka'asa. 23Tɩ ba wẽ ba zozo'e dee kẽ'esɛ ba yʋ'a deem, dee yele gu'ura la tɩ a gu'ura ba sõŋa. 24Ban yele bɛla la, tɩ a kẽ'esɛ ba yʋ'a de-sɛka n boe pʋam pʋam na, lʋ ba nãma lablɛ la dɔɔgɔ.
25Tɩ sõnsʋa tɩ Apolɩ la Asɩlaasɩ pʋ'ʋsra dee yõona yõoma pẽgra Nawẽnnɛ, tɩ sɛba n po bɔna yʋ'a deem na sɛlsra. 26Tɩ tẽŋa darɛ mĩim zozo'e, tɩ yʋ'a deego la mĩim la a ẽbrɛ waa wuu, tɩ kʋlɩnsɩ la wuu yo'ose, tɩ bãnsɩ la wuu ba'asɛ. 27Tɩ yʋ'a deego gu'ura la nẽegɛ isge yẽ tɩ kʋlɩnsɩ la yo'ose mɛ, tɩ a tẽ'esɛ tɩ ba yese mɛ, tɩ a fooge sʋ'a tɩ a kʋ a mẽŋa. 28Tɩ Apolɩ tɔgɛ ke'enke'em yetɩ: «Da kãn ẽŋɛ fʋ mẽŋa sɛla, tõma wuu boe la kalam.» 29Tɩ yʋ'a deego gu'ura la wi yetɩ, ba tarɩ bugum wa'am. Dee ẽŋɛ tɔtɔ kẽ deego la pʋam ka lui Apolɩ la Asɩlaasɩ nẽŋam gõgra la dabeem, 30isge tarɩ ba yese, soke ba yetɩ: «Bʋraasɩ, mam wʋn ẽŋɛ la wãne yẽ fãarɛ?» 31Tɩ ba lerge ẽ yetɩ: «Bɔ Zuudãana Azezi sɩra, tɩ fõn na fʋ yir-dõma wuu wʋn yẽ fãarɛ.» 32Tɩ ba tɔgɛ Zuudãana yetɔga bɔ ẽŋa la sɛba wuu n boe a yire la. 33La wakat-ẽŋa mẽŋa tɩ a tarɩ ba ka pɛ ba nõtɔ la. La bilam zẽ'am tɩ ba mise ẽŋa la a yir-dõma wuu ko'om pʋam la Azezi yʋ'ʋrɛ. 34Tɩ a tarɩ Apolɩ la Asɩlaasɩ sẽŋɛ a yire ka bɔ ba dia. Tɩ ẽŋa la a yir-dõma la wuu sũure daan ãna yẽlʋm zozo'e, ban bɔ Nawẽnnɛ sɩra la ĩyã.
35La beere n wiige, tɩ sɛba n diti sarɩya la tõm ba tõntõnɩba yetɩ, ba sẽŋɛ ka yele sɛka n gu'uri yʋ'a deego la yetɩ, a basɛ bʋraasɩ la. 36Tɩ yʋ'a deego gu'ura la tɔgɛ bɔ Apolɩ yetɩ: «Sarɩyaditba la bɔ nõorɛ yetɩ, m basɛ tɩ ya yese. Bɛla yese-ya fõrgɛ la sũ-mã'asʋm.» 37Tɩ Apolɩ yele tõntõnɩba la yetɩ: «Tõma n de Rom tẽŋa nu'ugo nẽrba, tɩ ba ka di tõma sarɩya dee wẽ tõma, kẽ'esɛ tõma yʋ'a deem, yãŋa yetɩ ba li'ise basɛ tõma? Ayɛɩ, ba mẽŋa wa'am wa yese to.» 38Tɩ tõntõnɩba la sẽŋɛ ka yele sarɩyaditba la bɛla. Tɩ dabeem kẽ ba, ban wõm tɩ Apolɩ la Asɩlaasɩ de la Rom tẽŋa nu'ugo nẽrba la ĩyã. 39Tɩ ba mẽŋa wa'am wa belem ba, botɩ ba yese, dee sose ba yetɩ, ba fõrgɛ dee basɛ ba tẽŋa. 40La ba yese yʋ'a deem na sẽŋɛ la Alidi yire ka tɔgɛ bɔ Azezi karẽnbiisi la bʋraanɛ dee fõrgɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.