Tõoma 15
15
Ba tigse Zerizalɛm sõsɛ bu-zãŋsɩ yelle
1Nẽrba basɛba n ze'ele Zude wa'am Antɩyɔsɩ wa zãsna Azezi karẽnbiisi la yetɩ: «Ya sãn ka wãta ya budimto wʋ Amoyisi lɔɔ la n zãsnɩ se'em na, ya kãn tã'agɛ yẽ fãarɛ.» 2Tɩ Apolɩ la Abarnabasɩ daan ka sakɛ ban yele se'em na, daan tĩi wẽ'era nõke'ene la ba. Tɩ karẽnbiisi la kʋ nõ-yẽnnɛ yetɩ, Apolɩ la Abarnabasɩ, la bãma nẽrba basɛba sẽŋɛ Tõntõnɩba la, la kẽma n boe Zerizalɛm na zẽ'am nõke'ene ẽŋa yelle.
3La Azezi nẽrba la n tõm ba yetɩ ba sẽŋɛ la, ba doose la Fenisi la Samaari tẽnsʋm tɔgɛ pa'alɛ bu-zãŋsɩ n teege yɛm sakɛ Nawẽnnɛ se'em. Bɛla botɩ Fenisi la Samaari tẽnsɩ karẽnbiisi la sũure ẽŋɛ yẽlʋm mɛ zozo'e. 4La ban paagɛ Zerizalɛm na, Azezi Tõntõnɩba la, la Azezi nẽrba, la ba kẽma la wuu to'oge ba mɛ sõŋa sõŋa. Tɩ ba tɔgɛ pa'alɛ Nawẽnnɛ n ẽŋɛ se'em wuu la bãma. 5Tɩ Farisi nẽrba basɛba n bɔ Azezi sɩra la isge yetɩ: «Dẽnɩ tɩ ba wãta bu-zãŋsɩ la, dee zãsʋm ba tɩ ba sakɛ Amoyisi lɔɔ la wuu.»
6Tɩ Tõntõnɩba la, la kẽma la lagsɛ tɩ ba bɩsɛ ba wʋn ẽŋɛ yelle la se'em. 7La ban wẽ'erɩ nõke'ene zɔ'ɔra la, tɩ Apɩyɛɛrɩ isge yele ba yetɩ: «M sɔbiisi, yãma mi mɛ tɩ Nawẽnnɛ looge la mam kʋrʋm kʋrʋm yãma pʋam, tɩ m tɔgɛ a kõ-yẽlga la bɔ bu-zãŋsɩ tɩ ba sakɛ. 8La Nawẽnnɛ n mi nẽrsaala pʋtẽ'era la, bɔ ba a Sɩa mɛ, wʋ ẽŋa n daan bɔ tõma se'em na, pa'alɛ tɩ ẽŋa fãagɛ ba mɛ. 9La a ka welge tõma la bãma. La ban bɔ Azezi sɩra la ĩyã tɩ a yese be'em ba sũure pʋam basɛ. 10Bɛla, bẽm tɩ ya makra Nawẽnnɛ bɔɔra tɩ ya zelge karẽnbiisi la zeero tɩ tõma yaabdõma, la tõma ka yãŋɛ tʋ? 11La ka ãn sõŋa, tõma mi tɩ la de la Zuudãana Azezi yel-sõnnɛ na ĩyã tɩ tõma yẽ fãarɛ, wʋ bãma n mẽ yẽ fãarɛ se'em na.»
12Tɩ nẽr-kʋʋŋɔ la wuu ãna sĩm sɛlsra Abarnabasɩ la Apolɩ n tɔgrɩ pa'ala tõon-yãlma, la yel-kɩrsɩ sɛba tɩ Nawẽnnɛ ẽŋɛ la bãma bu-zãŋsɩ tẽŋasʋka la.
13La ban tɔgɛ kɩ'ɩlɩm na, tɩ Azakɩ yetɩ: «M sɔbiisi, selse-ya. 14Asimõ-pɩyɛɛrɩ tɔgɛ pa'alɛ la Nawẽnnɛ n dẽŋɛ bɩsɛ bu-zãŋsɩ yelle se'em, looge ba nẽrba basɛba tɩ ba dɛna a mẽŋa nẽrba. 15La bõn-bãma masɛ wʋ Nawẽnnɛ nõtɔ'ɔsrɩba n yele se'em na. Ba yʋʋn gʋlsɛ tɩ Nawẽnnɛ yetɩ:
16‹Bɛla poorʋm, mam wʋn leme wa'am,
wa le mẽ naba Adavidi deego la n lui la mɛ.
Mam wʋn le malgɛ ẽ mɛ,
mẽ a daboogo la zuo.
17Bɛla tɩ nẽr-sɛba n weege la wuu,
la bu-zãŋsɩ wuu tɩ mam looge tɩ ba dɛna mam nẽrba la,
wʋn ɛ mam n de ba Zuudãana.›
18Zuudãana Nawẽnnɛ n yele se'em n wãna,
ẽŋa n ẽŋɛ bõn-bãma tɩ ba põn mina halɩ kʋrʋm kʋrʋm.»
19Tɩ Azakɩ ken yetɩ: «Bɛla tɩ mam tẽ'esɛ tɩ tɩ da nãmsɛ sɛba n dagɩ Zifdõma dee teege yɛm dɔla Nawẽnnɛ na. 20Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm. 21Se'ere n soe la, halɩ kʋrʋm kʋrʋm ba karẽŋrɩ Amoyisi gõnnɔ Zifdõma wẽndeto la pʋam ba vo'osgo dabsa wuu mɛ, dee mõola ba tẽnsɩ la wuu pʋam.»
Ba gʋlsɛ gõŋɔ bɔ bu-zãŋsɩ
22Bɛla tɩ Tõntõnɩba la, la kẽma, la Azezi nẽrba la wuu tẽ'esɛ yetɩ, la ãn sõŋa tɩ ba looge nẽrba bãma pʋam tõm ba tɩ ba doose la Apolɩ la Abarnabasɩ sẽŋɛ Antɩyɔsɩ. Tɩ ba looge Azudi sɛka yʋ'ʋrɛ n ken dɛna Abarsabasɩ la, la Asɩlaasɩ. Bãma tɩ ba daan nannɩ. 23La ba daan gʋlsɛ la gõŋɔ bɔ ba yetɩ:
«Tõma n de Azezi Tõntõnɩba, la Azezi nẽrba la kẽma n pʋ'ʋsrɩ yãma bu-zãŋsɩ n de tɩ sɔbiisi n boe Antɩyɔsɩ, la Siiri, la Silisi so'olʋm.
24Tõma wõm tɩ tõma nẽrba basɛba n wa'am wa dãana yãma la yetɔga botɩ yãma yɛm yɔɔra, tõma ka bɔ ba nõorɛ. 25Bɛla ĩyã tɩ tõma lagsɛ taaba kʋ nõorɛ ayɩla, tẽ'esɛ tɩ la ãn sõŋa tɩ tõma looge nẽrba basɛba tõm ba tɩ ba doose la tɩ sɩr-nõŋrɩsɩ Abarnabasɩ la Apolɩ wa'am yãma zẽ'am. 26Bãma n põsɛ ba yõorɛ tõma Zuudãana Azezi-krisi tõoma la ĩyã. 27Bɛla tɩ tõma tõm Azudi la Asɩlaasɩ tɩ ba wa'am wa tɔgɛ bõn-bãma pa'alɛ ya. 28Nawẽnnɛ Sɩa, la tõma tẽ'esɛ mɛ tɩ la ãn sõŋa tɩ tɩ da zelge ya zeero basɛba pa'asɛ, sãn dagna yel-sɛba n de kãŋkãŋɛ wã. 29La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»
30Ba daan keese sɛba tɩ ba tõm na mɛ, tɩ ba sẽŋɛ Antɩyɔsɩ. La ban paagɛ bilam na, ba lagsɛ Azezi nẽr-kʋʋŋɔ la mɛ, dɩkɛ gõŋɔ la bɔ ba. 31La ban daan karẽŋɛ gõŋɔ la, la bɔ ba bʋraanɛ mɛ, botɩ ba sũure ẽŋɛ yẽlʋm zozo'e. 32Tɩ Azudi la Asɩlaasɩ n daan de Nawẽnnɛ nõtɔ'ɔsrɩba la tɔgɛ zozo'e keŋe ba sɔbiisi la sũure, pa'asɛ ba pãŋa. 33La ba daan yuuge mĩ na fẽe, dee tɩ ba sɔbiisi la basɛ ba tɩ ba lebe sɛba n tõm ba la zẽ'am la sũ-mã'asʋm. [ 34Tɩ Asɩlaasɩ daan looge yɛm weege bilam.]
35La Apolɩ la Abarnabasɩ daan weege la Antɩyɔsɩ bilam, tɩ bãma la nẽrba basɛba zozo'e zãsna nẽrba Zuudãana Nawẽnnɛ yetɔga dee mõola a kõ-yẽlga la.
Apolɩ la Abarnabasɩ welge taaba
36La daarɛ ayɩla tɩ Apolɩ yele Abarnabasɩ yetɩ: «Tɩ lebe ka kaagɛ tɩ sɔbiisi la n boe tẽn-sɛba wuu tɩ tɩ daan mõolɛ Zuudãana yetɔga bɔ ba la, bɩsɛ ba ãn se'em.» 37Tɩ Abarnabasɩ daan bɔɔra tɩ Azã sɛka yʋ'ʋrɛ n ken dɛna Amarkɩ la po doose ba sẽŋɛ. 38La Apolɩ daan tẽ'esɛ tɩ la ka ãn sõŋa tɩ a doose bãma, se'ere n soe la, a daan basɛ ba mɛ Pãnfili, ka le doose la ba tõm. 39Tɩ ba daan wẽ nõke'ene welge taaba. Tɩ Abarnabasɩ daan botɩ Amarkɩ doose ẽ, tɩ ba kẽ õorŋɔ sẽŋɛ Sipri. 40La Apolɩ daan looge la Asɩlaasɩ tɩ a doose ẽ. Tɩ Azezi karẽnbiisi la dɩkɛ ba ẽŋɛ Nawẽnnɛ nu'usum tɩ a ẽŋɛ ba yel-sõnnɛ. 41Tɩ ba yãŋa sẽŋɛ Siiri la Silisi tẽnsʋm ka pa'asɛ Azezi nẽr-kʋʋŋɔ la pãŋa.
Currently Selected:
Tõoma 15: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Tõoma 15
15
Ba tigse Zerizalɛm sõsɛ bu-zãŋsɩ yelle
1Nẽrba basɛba n ze'ele Zude wa'am Antɩyɔsɩ wa zãsna Azezi karẽnbiisi la yetɩ: «Ya sãn ka wãta ya budimto wʋ Amoyisi lɔɔ la n zãsnɩ se'em na, ya kãn tã'agɛ yẽ fãarɛ.» 2Tɩ Apolɩ la Abarnabasɩ daan ka sakɛ ban yele se'em na, daan tĩi wẽ'era nõke'ene la ba. Tɩ karẽnbiisi la kʋ nõ-yẽnnɛ yetɩ, Apolɩ la Abarnabasɩ, la bãma nẽrba basɛba sẽŋɛ Tõntõnɩba la, la kẽma n boe Zerizalɛm na zẽ'am nõke'ene ẽŋa yelle.
3La Azezi nẽrba la n tõm ba yetɩ ba sẽŋɛ la, ba doose la Fenisi la Samaari tẽnsʋm tɔgɛ pa'alɛ bu-zãŋsɩ n teege yɛm sakɛ Nawẽnnɛ se'em. Bɛla botɩ Fenisi la Samaari tẽnsɩ karẽnbiisi la sũure ẽŋɛ yẽlʋm mɛ zozo'e. 4La ban paagɛ Zerizalɛm na, Azezi Tõntõnɩba la, la Azezi nẽrba, la ba kẽma la wuu to'oge ba mɛ sõŋa sõŋa. Tɩ ba tɔgɛ pa'alɛ Nawẽnnɛ n ẽŋɛ se'em wuu la bãma. 5Tɩ Farisi nẽrba basɛba n bɔ Azezi sɩra la isge yetɩ: «Dẽnɩ tɩ ba wãta bu-zãŋsɩ la, dee zãsʋm ba tɩ ba sakɛ Amoyisi lɔɔ la wuu.»
6Tɩ Tõntõnɩba la, la kẽma la lagsɛ tɩ ba bɩsɛ ba wʋn ẽŋɛ yelle la se'em. 7La ban wẽ'erɩ nõke'ene zɔ'ɔra la, tɩ Apɩyɛɛrɩ isge yele ba yetɩ: «M sɔbiisi, yãma mi mɛ tɩ Nawẽnnɛ looge la mam kʋrʋm kʋrʋm yãma pʋam, tɩ m tɔgɛ a kõ-yẽlga la bɔ bu-zãŋsɩ tɩ ba sakɛ. 8La Nawẽnnɛ n mi nẽrsaala pʋtẽ'era la, bɔ ba a Sɩa mɛ, wʋ ẽŋa n daan bɔ tõma se'em na, pa'alɛ tɩ ẽŋa fãagɛ ba mɛ. 9La a ka welge tõma la bãma. La ban bɔ Azezi sɩra la ĩyã tɩ a yese be'em ba sũure pʋam basɛ. 10Bɛla, bẽm tɩ ya makra Nawẽnnɛ bɔɔra tɩ ya zelge karẽnbiisi la zeero tɩ tõma yaabdõma, la tõma ka yãŋɛ tʋ? 11La ka ãn sõŋa, tõma mi tɩ la de la Zuudãana Azezi yel-sõnnɛ na ĩyã tɩ tõma yẽ fãarɛ, wʋ bãma n mẽ yẽ fãarɛ se'em na.»
12Tɩ nẽr-kʋʋŋɔ la wuu ãna sĩm sɛlsra Abarnabasɩ la Apolɩ n tɔgrɩ pa'ala tõon-yãlma, la yel-kɩrsɩ sɛba tɩ Nawẽnnɛ ẽŋɛ la bãma bu-zãŋsɩ tẽŋasʋka la.
13La ban tɔgɛ kɩ'ɩlɩm na, tɩ Azakɩ yetɩ: «M sɔbiisi, selse-ya. 14Asimõ-pɩyɛɛrɩ tɔgɛ pa'alɛ la Nawẽnnɛ n dẽŋɛ bɩsɛ bu-zãŋsɩ yelle se'em, looge ba nẽrba basɛba tɩ ba dɛna a mẽŋa nẽrba. 15La bõn-bãma masɛ wʋ Nawẽnnɛ nõtɔ'ɔsrɩba n yele se'em na. Ba yʋʋn gʋlsɛ tɩ Nawẽnnɛ yetɩ:
16‹Bɛla poorʋm, mam wʋn leme wa'am,
wa le mẽ naba Adavidi deego la n lui la mɛ.
Mam wʋn le malgɛ ẽ mɛ,
mẽ a daboogo la zuo.
17Bɛla tɩ nẽr-sɛba n weege la wuu,
la bu-zãŋsɩ wuu tɩ mam looge tɩ ba dɛna mam nẽrba la,
wʋn ɛ mam n de ba Zuudãana.›
18Zuudãana Nawẽnnɛ n yele se'em n wãna,
ẽŋa n ẽŋɛ bõn-bãma tɩ ba põn mina halɩ kʋrʋm kʋrʋm.»
19Tɩ Azakɩ ken yetɩ: «Bɛla tɩ mam tẽ'esɛ tɩ tɩ da nãmsɛ sɛba n dagɩ Zifdõma dee teege yɛm dɔla Nawẽnnɛ na. 20Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm. 21Se'ere n soe la, halɩ kʋrʋm kʋrʋm ba karẽŋrɩ Amoyisi gõnnɔ Zifdõma wẽndeto la pʋam ba vo'osgo dabsa wuu mɛ, dee mõola ba tẽnsɩ la wuu pʋam.»
Ba gʋlsɛ gõŋɔ bɔ bu-zãŋsɩ
22Bɛla tɩ Tõntõnɩba la, la kẽma, la Azezi nẽrba la wuu tẽ'esɛ yetɩ, la ãn sõŋa tɩ ba looge nẽrba bãma pʋam tõm ba tɩ ba doose la Apolɩ la Abarnabasɩ sẽŋɛ Antɩyɔsɩ. Tɩ ba looge Azudi sɛka yʋ'ʋrɛ n ken dɛna Abarsabasɩ la, la Asɩlaasɩ. Bãma tɩ ba daan nannɩ. 23La ba daan gʋlsɛ la gõŋɔ bɔ ba yetɩ:
«Tõma n de Azezi Tõntõnɩba, la Azezi nẽrba la kẽma n pʋ'ʋsrɩ yãma bu-zãŋsɩ n de tɩ sɔbiisi n boe Antɩyɔsɩ, la Siiri, la Silisi so'olʋm.
24Tõma wõm tɩ tõma nẽrba basɛba n wa'am wa dãana yãma la yetɔga botɩ yãma yɛm yɔɔra, tõma ka bɔ ba nõorɛ. 25Bɛla ĩyã tɩ tõma lagsɛ taaba kʋ nõorɛ ayɩla, tẽ'esɛ tɩ la ãn sõŋa tɩ tõma looge nẽrba basɛba tõm ba tɩ ba doose la tɩ sɩr-nõŋrɩsɩ Abarnabasɩ la Apolɩ wa'am yãma zẽ'am. 26Bãma n põsɛ ba yõorɛ tõma Zuudãana Azezi-krisi tõoma la ĩyã. 27Bɛla tɩ tõma tõm Azudi la Asɩlaasɩ tɩ ba wa'am wa tɔgɛ bõn-bãma pa'alɛ ya. 28Nawẽnnɛ Sɩa, la tõma tẽ'esɛ mɛ tɩ la ãn sõŋa tɩ tɩ da zelge ya zeero basɛba pa'asɛ, sãn dagna yel-sɛba n de kãŋkãŋɛ wã. 29La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»
30Ba daan keese sɛba tɩ ba tõm na mɛ, tɩ ba sẽŋɛ Antɩyɔsɩ. La ban paagɛ bilam na, ba lagsɛ Azezi nẽr-kʋʋŋɔ la mɛ, dɩkɛ gõŋɔ la bɔ ba. 31La ban daan karẽŋɛ gõŋɔ la, la bɔ ba bʋraanɛ mɛ, botɩ ba sũure ẽŋɛ yẽlʋm zozo'e. 32Tɩ Azudi la Asɩlaasɩ n daan de Nawẽnnɛ nõtɔ'ɔsrɩba la tɔgɛ zozo'e keŋe ba sɔbiisi la sũure, pa'asɛ ba pãŋa. 33La ba daan yuuge mĩ na fẽe, dee tɩ ba sɔbiisi la basɛ ba tɩ ba lebe sɛba n tõm ba la zẽ'am la sũ-mã'asʋm. [ 34Tɩ Asɩlaasɩ daan looge yɛm weege bilam.]
35La Apolɩ la Abarnabasɩ daan weege la Antɩyɔsɩ bilam, tɩ bãma la nẽrba basɛba zozo'e zãsna nẽrba Zuudãana Nawẽnnɛ yetɔga dee mõola a kõ-yẽlga la.
Apolɩ la Abarnabasɩ welge taaba
36La daarɛ ayɩla tɩ Apolɩ yele Abarnabasɩ yetɩ: «Tɩ lebe ka kaagɛ tɩ sɔbiisi la n boe tẽn-sɛba wuu tɩ tɩ daan mõolɛ Zuudãana yetɔga bɔ ba la, bɩsɛ ba ãn se'em.» 37Tɩ Abarnabasɩ daan bɔɔra tɩ Azã sɛka yʋ'ʋrɛ n ken dɛna Amarkɩ la po doose ba sẽŋɛ. 38La Apolɩ daan tẽ'esɛ tɩ la ka ãn sõŋa tɩ a doose bãma, se'ere n soe la, a daan basɛ ba mɛ Pãnfili, ka le doose la ba tõm. 39Tɩ ba daan wẽ nõke'ene welge taaba. Tɩ Abarnabasɩ daan botɩ Amarkɩ doose ẽ, tɩ ba kẽ õorŋɔ sẽŋɛ Sipri. 40La Apolɩ daan looge la Asɩlaasɩ tɩ a doose ẽ. Tɩ Azezi karẽnbiisi la dɩkɛ ba ẽŋɛ Nawẽnnɛ nu'usum tɩ a ẽŋɛ ba yel-sõnnɛ. 41Tɩ ba yãŋa sẽŋɛ Siiri la Silisi tẽnsʋm ka pa'asɛ Azezi nẽr-kʋʋŋɔ la pãŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.